Hvað kostar hjólastóll fyrir barn?

Er að spyrja fyrir foreldra barns sem er búið að sprauta núna gegn veiru sem er nánast útilokað að muni valda því meira en svolitlum óþægindum á meðan sprautan er mögulega að fara lama það og líkurnar á því meiri en engar.

Mætingin sú besta hingað til

Veiruár 3

Er að stefna í þriðja veiruárið? 

Og finnst þér það allt í lagi?

Hvers vegna?

Vegna veiru? Eða enn einnar stökkbreytingar hennar?

Af því marktækt fleiri eru að deyja vegna veiru en væru annars dauðir af öðrum ástæðum?

Af því að því meira sem við lærum á veiru, þeim mun meiri hætta er af henni?

Af því að sprauturnar virka ekki, og þess vegna þarftu að þiggja þær? Þú þarft a.m.k. að þiggja þær til að njóta sama frelsis til athafna og áður. Þá skiptir kannski ekki máli að þær virka ekki.

Enn eitt veiruárið þýðir:

• Skólar og félagsstarf barna að opnast og lokast í sífellu
• Engin Þjóðhátíð
• Engin fjölskyldubrúðkaup og aðrir fjölskyldufagnaðir
• Þrotlausar skimanir
• Fleiri sprautur í sífellt yngri
• Blæðandi atvinnulíf
• Vaxandi ríkisvald
• Tálmandi verkferlar á spítalanum
• Kvíði og taugaveiklun í samfélaginu (þar sem gríman er tákn um hlýðni og undirgefni)
• Erfitt að ferðast
• Tortryggni í garð náungans
• Einhliða og einsleit þjóðfélagsumræða
• Ofurtrú á visku og þekkingu opinberra embættismanna
• Niðurrif hins borgaralega samfélags
• Vaxandi kröfur til þess eins að geta notið borgaralegra réttinda, jafnvel aðskilnaður samfélagsins eftir vali á lyfjagjöf

Á upphafsmánuðum veirunnar voru flestir til í flest af því sem í dag kallast sóttvarnaraðgerðir. Þær voru seldar sem tímabundnar. Síðan leið tíminn. Á öðru veiruári var byrjað að molna undan samstöðunni en ekki nægilega mikið. Á þriðja veiruári er ennþá verið að loka ungt og hraust fólk inni hjá sér, að óþörfu. Ennþá verið að banna margsprautuðum stórfjölskyldum að hittast. Ennþá verið að skima fólk fyrir veiru sem það finnur greinilega ekki nógu mikið fyrir til að átta sig á því að það er fársjúkt af stráfellandi dauðaveiru. 

Sem betur fer eru stjórnmálamenn í sumum ríkjum búnir að vakna og fleiri og fleiri eftir því sem tíminn líður. Þú getur farið grímulaus og óskimaður á stóra tónleika í sumum vestrænum ríkjum og samt stráfellur fólk ekki inni í sprungnum sjúkrahúsum. Í öðrum máttu varla fara út í búð einn nema með grímu og vottorð í vasanum að þú hafir látið sprautað þig með gagnslausri sprautu.

En veiruár þrjú er runnið upp, og það er þér að kenna fyrir að klappa með kúgara þínum.

Eigum við ekki að sprauta gegn hundaæði í leiðinni?

Nú þegar mörg hundruð íslensk börn á aldrinum 5-11 ára eru á leið í sprautu gegn einhverju sem veikir þau mjög sjaldan er þá ekki við hæfi að sprauta þau gegn öllu mögulegu öðru sem þau eru mjög ólíkleg til að veikjast af?

Til dæmis hundaæði.

Nú er hundaæði fátítt á Íslandi en algengt víða um heim. Óðir hundar með hundaæði reika lausir um göturnar og verja sig ef þeim finnst sér ógnað. Ef þeir bíta fólk þá getur það veikst af hundaæði. En sem betur fer er hægt að bólusetja gegn hundaæði. Er þá ekki öruggast að gera það? Sprauta 5-11 ára börn með bóluefni gegn hundaæði?

Eða eru líkurnar á að barn veikist alvarlega af hundaæði svo litlar að sérstök lyfjagjöf - sprauta í æð eða vöðva - er algjör óþarfi?

Já, auðvitað.

Nú fyrir utan að þetta svokallaða delta-afbrigði sem sprauturnar veita svolitla en skammvinna vörn gegn er að deyja út. Hið svokallaða ómíkrón-afbrigði kemst auðveldlega undan sprautunum. Það er því ekki nóg með að verið sé að sprauta börn gegn einhverju sem börn þola vel heldur eru sprauturnar einfaldlega úreltar. Tvöföld ástæða til að spara frídaginn sinn og nota í eitthvað skemmtilegt frekar en að eyða honum í að hugga hræddan krakka sem kvíðin hjúkka er að sprauta að óþörfu.

Danir eru núna að reyna sprauta börn til að verja gamla, eða með orðum yfirvalda:

Children rarely become severely ill with COVID-19, but they risk infecting their parents and grandparents, who may become ill. Although protection of the children is not the primary objective,vaccination of 5-11-year-olds can provide greater safety and security for the individual child and family because it reduces the risk of infecting vulnerable family members. 

Á Íslandi þykjast menn vera að verja börn með því að sprauta börn. Sóttvarnalæknir heldur sennilega enn, ranglega, að sprautan komi í veg fyrir smit frekar en auki líkurnar á því að smitast. Eftir stendur ekki steinn yfir steini í sprautuboðskapnum annað en ofurtrú á ónauðsynlegri lyfjagjöf. Vonandi sjá sem flestir foreldrar í gegnum þokuna og áróðurinn.

Bæði spennt og kvíðin fyrir deginum

Umræða!

Ragnar Freyr Ingvarsson, sérfræðingur í lyf- og gigtarlækningum og fyrrverandi yfirmaður Covid-göngudeildar Landspítalands, veltir upp þeirri spurningu hvort það sé nauðsynlegt að halda áfram að framkvæma jafn mörg PCR-próf og hefur verið gert.

Hann er vissulega ekki einn um slíkar vangaveltur. Í Ástralíu, Ísrael og Suður-Afríku eru menn hættir þessum eltingaleik við heilbrigða einstaklinga sem af einhverjum ástæðum eiga að sæta stofufangelsi og þurfa að fara í próf til að sanna að þeir séu ekki fársjúkir af stráfellandi heimsfaraldri.

Fleiri sérfræðingar, vísindamenn og læknar mættu bjóða sig fram í umræðuna um framtíð veiruástandsins. Þessir hópar hafa verið frekar einsleit rödd hingað til sem hefur helst boðið upp á fleiri sprautur sem úrræði gegn öllu, fyrir alla, og það þótt nú blasi við að sprauturnar koma ekki í veg fyrir smit (nema síður sé) og ekki einu sinni alltaf alvarleg veikindi.

Fleiri sjónarhorn, aðrar nálganir og breiðari umræða - vonandi.

Veltir upp hvort hætta eigi almennri sýnatöku

Hjarðónæmi handan við hornið

Heilbrigðisráðherra hefur breytt reglum um sóttkví fyrir fólk sem er þríbólusett eða hefur verið bólusett tvisvar og smitast af kórónuveirunni. Þetta fólk fær nú að flakka um samfélagið og dreifa veiru og stuðla að hjarðónæmi. Gott mál.

Áður en mánuðurinn er liðinn verður nýjasta afbrigði veirunnar búið að ýta út því fyrra. Þetta hefur reynst vel fyrir mörg samfélög. Ungt fólk slakar á og hittist hvort sem það má eða ekki og foreldrarnir segja ekkert. Þeir sem eru dæmdir í stofufangelsi svindla aðeins oftar á því. Það sem allir mega passa er að smita ekki gamalt fólk en eftir því sem ónæmið breiðist út, þeim mun auðveldara verður það. Og þótt fyrr hefði verið. 

Ég fagna ákvörðun heilbrigðisráðherra að þessu leyti.

Mismunun borgara er annað og verra mál. Eftir mörg ár af tali um umburðarlyndi gagnvart ólíku vali (t.d. trú), kynhneigð, húðlit og holdafari er allt í einu komin þessi þrýstingur á að mismuna sumum. Hverju missti ég af? Eru fordómar allt í einu í lagi? Mismunun á grundvelli ótta? Fordæmingar á grundvelli heilsufarstengdra ákvarðana? Athyglisvert.

Hvetjum nú þá sem fengu frípassann sinn til að koma í heimsókn með nýjasta afbrigðið. Þá verður kannski hægt að vinda ofan af öllu þessu rugli.

Ráðherra breytir reglum um sóttkví

Hermenn og neyðarástand

Maður veit að ástand er orðið alvarlegt þegar herinn er kominn í málið. Yfirfullir spítalar í Bretlandi og hermenn mættir núna til að takast á við ómíkron-afbrigðið - ekki veitir af eins og sjá má á eftirfarandi línuritum:

Eða hvað? Hvað er í gangi? Virðist vera nokkuð rólegt! 

En hvað með London sérstaklega? Svipað uppi á teningnum.

Manni sýnist helst að vandamál breskra spítala séu þau sömu og íslenskra: Skortur á starfsfólki. Kannski Bretar séu líka duglegir að senda starfsfólk heim til sín ef það drakk kaffi á sömu kaffistofu og einhver sem síðar fær jákvætt próf en tók að öðru leyti ekki eftir lífshættulegum veikindum sínum.

Og þá er nú gott að geta gripið í herinn, ekki satt? Kannski hermenn séu duglegri að taka vítamínin sín. 

„Stríðsástand“ á spítölum í London

Næsta umferð nýyrða

Hinn bandaríski Þórólfur, Dr. Fauci, sagði um daginn að hann vildi ekki lengur nota hugtök eins og fullbólusettur eða örvaður. Nei, hann vill að talað sé um að fylgja bólusetningaráætluninni, eða halda bólusetningu sinni uppfærðri ("keeping your vaccinations up to date") sem þýðir á sérhverjum tíma sá sprautufjöldi sem yfirvöld vilja hafa í þegnum sínum.

Þetta er snjallt. Þá þarf Þórólfur ekki lengur að tala um að bólusettir séu "móttækilegir fyrir smiti og alvarlegum veikindum" (eins og þeir sem slepptu glundrinu) nema þeir láti sprauta sig aftur og aftur. Nei, þess í stað getur hann einfaldlega sagt að þeir sem halda bólusetningu sinni uppfærðri séu varðir, aðrir ekki. Þegar komið verður upp í sprautu 4 eða sprautu 5 þá þarf hann ekki að breyta því orðalagi. Hann þarf ekki að tala um þriðju örvunina eða álíka orðskrípi. Nei, fylgdu bara bólusetningaráætluninni (og mættu á 6 mánaða fresti í sprautu, eins og þeir í Ísrael).

Þegar veiran skýtur upp kollinum verður það svo þeim að kenna sem eru ekki að fylgja bólusetningaráætlun yfirvalda - ekki tilbúnir að láta sprauta sig í enn eitt skiptið með efnum sem eru sumum viðtakendum þess beinlínis lífshættuleg. Sem dæmi má nefna að fyrir karlmenn undir fertugu þá margfaldast líkurnar á hjartavöðvabólgu eftir hverja einustu sprautu af Pfizer- og Moderna-glundrinu skv. nýlegri rannsókn. Líkurnar tvöfaldast eftir eina sprautu af Pfizer-glundrinu og tvöfaldast aftur eftir seinni sprautu. Moderna-efnið kemur enn verr út. Viðbjóður.

En maður á nú ekki að vera svona viðkvæmur, er það nokkuð? Bara leyfa þessu að ganga yfir og treysta því að ekki verði komið á aðskilnaðarsamfélagi sem umbunar þeim þægu sem fylgja bólusetningaráætlun yfirvalda (sprauta nr. X annars færðu ekki aðgang að samfélaginu) og treysta því að lítið rannsökuð efni valdi ekki herskara ungs fólks varanlegum skaða á lífsleiðinni. Láta efnin njóta vafans. Treysta lyfjafyrirtækjunum. Styðja við ritskoðun samfélagsmiðla. Uppnefna þá sem færa á borðið önnur sjónarmið en þau sem yfirvöld halda fram.

Nei, glætan.

Hvorn leikinn velur þú?

Þér hefur verið boðið að velja á milli tveggja afbrigða leiks sem barnið þitt má taka þátt í. Í báðum tilvikum er um að ræða hinn fræga leika, rússneska rúllettu, en fjöldi skothylkja er mismunandi.

Öðrum leik er lýst svona:

Líkurnar á að skjóta sig í hausinn eru á bilinu einn á móti hálfri milljón til einn á móti milljón. 

Eða á læknamáli: "...alvarlegar aukaverkanir bóluefna sem notuð eru hjá börnum í almennum bólusetningum eru mjög fátíðar, eða um ein aukaverkun á hverjar 500.000-1.000.000 bólusetningar."

Hinum leiknum er lýst svona:

Líkurnar á að skjóta sig í hausinn eru um einn á móti tíu þúsund.

Eða á læknamáli: "...en um 9/100.000 bólusettum börnum fær alvarlega aukaverkun, þ.e. aukaverkun sem krefst læknisskoðunar."

Sumir segja að þetta sé sami leikurinn. Þeir sem vilja þann fyrri hljóti líka að vilja þann seinni. Ég er ósammála og vel fyrir hönd barna minna að taka ekki þátt í seinni leiknum. En hvað finnst þér?

Haldið nú þessi blessuðu þorrablót

Bónda­dag­ur er 21. janú­ar næst­kom­andi og í eðli­legu ár­ferði væru stór þorra­blót á vegum íþróttafélaganna haldin víða um landið í þessum mánuði. Miðað við stöðu kórónuveirufaraldursins hér á landi er þó útlit fyrir að einhverjum þeirra verði frestað.

Eða, ef maður þekkir hrædda Íslendinga rétt: Hætt við allt.

En það eru ýmis úrræði í boði. Til dæmis er hægt að kalla þorrablót eitthvað annað, t.d. listviðburð eða Bubba-tónleika, og sækja um undanþágu eða fylgja fyrirmælum um eitthvað allt annað en risastórt partý.

Það er líka hægt að leigja veiðihús í Kjósinni og forðast klögur nágranna.

Svo er hægt að láta reyna á borgaraleg réttindi sín. Jafnvel bara setja til hliðar svolítinn hluta af ágóðanum í sektina, ef lögreglan mætir á svæðið.

En eftir því sem fleiri halda sínu striki þeim mun erfiðara verður fyrir lögregluna að senda margsprautað fullorðið heim til sín vegna hættunnar á sprauturnar reynist gagnslausar.

Sjáum hvað setur.

Þorrablót íþróttafélaganna í lausu lofti

Tilraunarotturnar sem eiga að verja hrædda fólkið

Nú er ekki rætt um það hvort börnin eigi að gerast tilraunarottur heldur hvar. Í Svíþjóð og í Noregi ætla menn ekki að gera börnin að tilraunarottum og sprauta bara þau börn sem eru talin í mikilli hættu af alvarlegum veikindum ef þau fá í sig veiruna frægu. Í Danmörku er búið að gera börnin að tilraunarottum og búið að sprauta um helming 6-11 ára krakka. Á Íslandi stendur til að gera börnin að tilraunarottum og þökk sé linnulausum hræðsluáróðri er viðbúið að foreldrar hrúgi börnum sínum í sprautusalina.

En til hvers?

Núna er nýtt afbrigði á ferðinni sem sóttvarnalæknir kallar allt aðra veiru en hið fyrra afbrigði. Sprauturnar voru prófaðar á hinu fyrra afbrigði og því óprófaðar á hinu nýja. Sóttvarnalæknir telur að sprautan geti komið í veg fyrir smit. Hrædda, miðaldra fólkið trúir þessu líka. Á meðan kemur sífellt betur í ljós að sprauturnar eru í besta falli vörn gegn alvarlegum veikindum - nokkuð sem börn lenda mjög sjaldan í.

Foreldrar ættu að mótmæla og geta gert það með því að mæta ekki með hrædda krakka í sprautur sem þeir þurfa ekki á að halda. Hið nýja afbrigði er algjör blessun. Það smitar mikið en veikir og drepur minna. Sem dæmi má nefna danskar tölur, en hið nýja afbrigði er um 90% nýrra smita í Danmörku í dag og verður vonandi 100% eftir því sem líður á janúar.

Með öðrum orðum: Smittölurnar segja ekki til um dauðsföllin né innlagnir á spítala - þetta tvennt er í auknum mæli aftengt. Enda ætla Bretar nú að nýta tækifærið og hleypa börnum í skóla og mörg ríki halda að sér höndum með hertar aðgerðir þótt SMITTÖLURNAR hræðilegu séu víða á blússandi uppleið (sérstaklega á meðal fullbólusettra).

Hrædda, fullorðna fólk: Þið eruð búið að fá ykkar sprautur sem þið trúið væntanlega á því annars hefðuð þið ekki þegið þær. Þið eruð kannski orðin háð sprautunum um ókomna framtíð og fáið nýja sprautu á 6 mánaða fresti, alla ykkar ævi, jafnvel löngu eftir að veiran fræga er orðin landlæg ásamt öðrum flensu- og kórónaveirum í umferð. 

Svo hvað með að láta aðra í friði?

Skiptar skoðanir seinka ekki bólusetningu barna