Lesefni um bóluefnin og afbrigðin

Þessi færsla er aðallega skrifuð fyrir sjálfan mig til að halda utan um tengla í rannsóknir og umfjallanir um öryggi og aukaverkanir bóluefnanna svokölluðu sem nú er þrýst á okkur þótt The Guardian hafi gefið í skyn að þau virki ekki á nýjasta afbrigðið sem er að taka við keflinu frá deltunni. Ég deili þessum tenglalista í von um að hann geti nýst fleirum.

Exclusive Summary: Covid-19 Vaccine Concerns

Some Vaccine Side Effects May Mean Previous Infection

Previous SARS-CoV-2 infection associated with more adverse events following mRNA vaccination

Úreltu bóluefni á tilraunastigi sprautað í íslensk börn á ábyrgð heilbrigðisráðherra! Stenst það lög?

Hvaða vandamál leysa bóluefnapassar?

SARS-CoV-2 Omicron VOC Transmission in Danish Households

(Færsla verður sennilega uppfærð.)

Börnin orðin fallbyssufóður þeirra hræddu

Umræðan var varla hafin þegar henni var lokið: Búið er að ákveða.

Búið að ákveða að sprauta börn gegn veiru sem skaðar þau nánast ekkert og þá eingöngu í mjög sjaldgæfum tilfellum. Sprautan er þeim hins vegar mun áhættusamari.

Og til hvers?

Til að hægja á smitum og verja gamla fólkið, segja Danir.

Til að verja börnin gegn veirunni, segja Íslendingar.

Norðmenn og Svíar vilja bara sprauta börn með lélegt ónæmiskerfi. Mat þeirra gengur út á að það sé eini hópur barna sem þarf að taka áhættuna af sprautunni.

Enn og aftur er hvert ríki að finna upp eigin vísindi. Í sumum tilvikum er það gott fyrir börnin - þau sleppa - en í öðrum ekki - þau eru notuð eins og fallbyssufóður til að verja hrædda fullorðna fólkið.

Til að kóróna allt á að sprauta krakkana í skólunum. Það er jú skilvirkast. Þannig má sprauta sem flesta sem hraðast og læra sem minnst á áhrif efnanna í sprautunum. Meira að segja fullorðna fólkið fékk smávegis gálgafresti með forgangsröðun opinberra embættismanna. Börnin fá ekkert slíkt. Þeim skal hrúgað í réttirnar, eins og sauðfé, allt í einu, og síðan leidd hrædd á áfangastaðinn.

Ég vona fyrir hönd barnanna að mæting verði sem verst í þessar hræðilegu sprautur - þessa rússnesku rúllettu. 

Margt óljóst með framkvæmd bólusetningar barna

Sprautan og börnin

Mjög mikill þrýstingur er nú á foreldra að teyma hrædd og óupplýst börn sín í sprautur gegn veiru sem þau hrista frekar auðveldlega af sér. Nýjasta veiruafbrigðið, sem fæddist um það leyti sem grænt ljós var gefið á að sprauta lítil börn, sé jú svo hræðilegt að sprautan sé eina ráðið.

Okkur er sagt að spítalar séu að fyllast af krökkum vegna Covid-19 og ástæðan sé skortur á sprautum í handleggi þeirra. Óttist! Sprautið ykkur!

En kannski eru komnir brestir í samstöðu þeirra sem boða sprautur í alla og sem oftast (lágmarkið er þrjár sprautur í bili en hækkar í sífellu). Kannski. Yfirprestur bandarískra sóttvarnaryfirvalda, Dr. Fauci, segir okkur að mikilvægt sé að gera greinarmun á innlögn einstaklings vegna Covid-19 og með Covid-19. Handleggsbrotinn krakki, að öðru leyti hraustur, er prófaður við innlögn og greinist með veiruna. Covid-sjúklingur segir tölfræðin. Læknirinn segir: Handleggsbrotinn. Reuters-fréttastofan, sem mætti kannski kalla blaðamannafulltrúa hræðsluáróðurins, vísar í rannsókn sem segir að nýjasta afbrigðið sé mun hættuminna en hið fyrra sem það er að leysa af. New York Times, sem er erfitt að aðskilja frá málpípum óttans, varar við því að rugla saman alvarleika veiru og fjölda barna sem líta við á spítala (telur að vísu að lækningin sé að sprauta meira en það er fyrirsjáanlegt).  

Á meðan halda foreldrar áfram að skiptast á sögum um upplifun sína af sóttkví og einangrun barna sinna: Krakkinn er í banastuði, saknar vina sinna og orðinn dauðþreyttur á spjaldtölvunni. 

Gleymdu þeir að lesa New York Times og hlusta á fréttir RÚV? Skilja þeir ekki að banvænt kvef herjar nú á krakkana?

Eða eru hræddir, miðaldra, fréttalepjandi, barnalausir einstaklingar að troða sínum tota þar sem hann á hvergi heima - inn í barnafjölskyldur sem þurfa á hverjum degi að líða fyrir sóttvarnaraðgerðir sem fyrst og fremst hafa þann tilgang að slá á ótta þeirra hræddu?

Svarið er augljóst.