Sóttkvíarþrjótur

Langar að deila eftirfarandi skeyti í fórum mínum (með leyfi höfundar):

Ég fór til Íslands nýlega og átti að vera í 5 daga sóttkví. Ég stóð við það fyrir utan að fara í nokkur skipti í búðina, heimsækja vin og heilsa fólki á ganginum. Ég þurfti að passa mig vel á því hverja ég hitti til að vera ekki klagaður til lögreglunnar. Annars var þetta bara fínt. Ég hafði nóg að gera og nóg að borða og drekka (af því ég fór að versla þegar mig vantaði eitthvað).

Já, það er vissara að passa sig þegar annar hver maður er orðinn útsendari ókjörinna embættismanna.

Ætli Birgitta Líf snúi aftur til Íslands með grímu?

Athafnakonan Birgitta Líf Björnsdóttir og tískubloggarinn Pattra Sriyanonge njóta nú haustblíðunnar í kóngsins Kaupmannahöfn. Gott hjá þeim. Í Danmörku geta þær notið lífsins eins og það var í byrjun árs 2020. Engar grímur, skimanir, lokanir, takmarkanir, hindranir, girðingar, grímur og seinast en ekki síst: Ekki þessi þykka þoka af ótta og hræðslu.

En hvað ætli gerist í hausnum á þeim þegar þær snúa aftur til Íslands með grímu fyrir vitunum og prófunarpinna í nefinu? Verða þær fljótar að gleyma svigrúminu í Danmörku og flýta sér aftur í básana sína í íslenska fjósinu, rækilega aðgreindar og aðskildar, raktar með appi, skimaðar ef þær vilja út á gras og hræddar um að heilbrigðiskerfið fari á hliðina ef þær mæta á tónleika?

Ég veit það ekki. Íslendingar eru svo hræddir og ég fann það sjálfur í sumar enda alltaf verið að tala um smit og rakningu, heilbrigðiskerfið með endalaus neyðarköll sama hvað er lítið eða mikið að gera, stjórnmála- og embættismenn í endalausum viðtölum í öllum fjölmiðlum að tala um minnisblöð sem verða að reglugerðum, fólk þorir ekki að faðmast eða takast í hendur og veiran endalaust á vörum allra. Auðvitað smitar óttinn frá sér, og jafnvel meira en veira, óháð tölfræði um lífslíkur, líkur á alvarlegum veikindum og öðrum staðreyndum. Þetta er sálrænt fyrst og fremst. 

Fyrir mig að snúa aftur frá Íslandi til Danmerkur, í afslappaðra umhverfi þar sem læknar tala um að þeir hafi ágæt tök á aðstæðum þótt allt hafi verið að opna meira og meira, var léttir. Hvernig er að fara í hina áttina? Ég veit það ekki. Kannski Birgitta Líf og Pattra ræði það eitthvað við heimkomu.

Birgitta og Pattra njóta í Köben

Börn eru að lamast, fá hjartabilanir og deyja í kjölfar sprauta

Í frétt segir:

Þó svo að börn séu tal­in í minni hættu á al­var­leg­um veik­ind­um í kjöl­far Covid-19 smita, eru áhyggj­ur af því að Delta af­brigðið gæti leitt til al­var­legri til­fella. Einnig er litið á það að bólu­setn­ing­ar barna séu lyk­il­atriði til að halda skól­um opn­um og hjálpa til við að binda enda á heims­far­ald­ur­inn.

Hér stendur varla steinn yfir steini nema fyrstu orðin: Börn eru talin í minni hættu á alvarlegum veikindum í kjölfar smits á SARS-CoV-2 sem leiðir til COVID-19 sjúkdómsins.

Allt annað er hrein og klár þvæla.

Delta-afbrigðið er búið að hringsóla í milljónaríkjum í nokkra mánuði undir mikilli vöktun og gögn um áhrif þess á börn, innlagnir og alvarleg veikindi liggja fyrir. Engin spálíkön nauðsynleg eða vangaveltur og getgátur. Gögnin eru til og hvað segja þau?

Jú, að deltan smiti vissulega fleiri en er engu hættulegri en fyrri afbrigði fyrir börn. Þetta er einföld stærðfræði: Ef líkur á einhverju alvarlegu eru 1 á móti milljón og þú ert með afbrigði sem smitar tvær milljónir á meðan hið fyrra smitaði eina þá færðu 2 alvarleg tilvik. Sömu líkur en fleiri tilvik. Deltan er ekki ástæða til að sprauta börn með efnum sem eru þeim hættulegri en veiran.

En þarf ekki að sprauta börn til að halda skólum opnum? Aftur nei! Fjölmörg dæmi eru um opna skóla í gegnum allan faraldurstímann og aftur eru gögnin til. Engin spálíkön nauðsynleg eða vangaveltur og getgátur. Börn geta stundað skóla án þess að baka afgangi samfélagsins vandræði. Þetta gilti vorið 2020 (íslenskir barnaskólar voru þá opnir án grímu og sprautu) og líka haustið 2021, eða hafa menn gleymt því sem menn vissu þó fyrir einu og hálfu ári síðan?

Ef kennarar og ræstitæknar skólanna telja sig þurfa sprautu til að mæta í vinnuna þá þeir um það. Þá erum við að tala um fullorðið fólk sem má reykja, drekka, taka lán og þiggja sprautu.

Hvatar lyfjafyrirtækja til að framleiða örugg og vel prófuð lyf hafa hingað til verið bundnir við orðspor þeirra og traust lækna á þeim, og svo hafa auðvitað verið gerðar miklar kröfur til prófana og öryggis. Ekkert slíkt aðhald er lengur til staðar. Nú skal beljan mjólkuð á meðan hún er með nóg af fé skattgreiðenda til að maula. 

Börnin eru í stórhættu vegna sprautuefnanna og blaðamenn ættu hreinlega að skammast sín þegar þeir bera á borð rannsóknir tóbaksfyrirtækjanna á ágæti reykinga og rannsóknir lyfjafyrirtækja á ágæti eigin lyfja.

Hættum að fórna heilsu, menntun og félagslífi barna! 

Pfizer segir bóluefnið öruggt fyrir ung börn

Fjögurra skammta lágmark

Forráðamenn heimsmeistaramótsins í knattspyrnu sem fram fer í Katar á næsta ári íhuga að gera bólusetningu fyrir kórónuveirunni að sérstakri kröfu fyrir leikmenn sem taka þátt á mótinu. Í flestum tilvikum þýðir það í dag tvær sprautur af frekar lítið rannsökuðum efnum sem virka frekar illa og talað um að sprauta aftur á 5-8 mánaða fresti til ótilgreindrar framtíðar. Í Ísrael telstu ekki fullsprautaður nema hafa fengið þriðju sprautuna, og sú fjórða er handan við hornið.

Fari svo að tal um ítrekaðar sprautur um ókomna framtíð verði krafan til að mega gera hitt og þetta þá munu á þeim 14 mánuðum sem eru í heimsmeistaramótið í fótbolta þurfa að fara um tvær sprautur í viðbót í leikmenn sem hafa fengið tvær. Fjórar sprautur, kannski fimm ef einhverjir leikmenn eru þegar með útrunnar sprautur og á leið í þriðju. 

Hverri einustu sprautu fylgja líkur á alvarlegum aukaverkunum sem taka leikmenn einfaldlega úr umferð. Þessu hafa íslenskir knattspyrnumenn lent í: Sprauta fyrst og detta svo úr leik. Þessar líkur aukast með hverri sprautu. 

Textar eins og þessi frá ísraelskum yfirvöldum fara að birtast víðar:

Effective 1.10.2021, the validity of the Green Pass for those vaccinated with the third dose shall be updated and extended for up to six months from the date of receiving the third dose of the vaccine. The validity of the Pass for those vaccinated with two doses or who have recovered from COVID-19 shall be extended for up to six months from the date of receiving the second dose or recovery, respectively.

Í stuttu máli: Sprauta á 6 mánaða fresti ef þú vilt halda í frelsispappírana þína.

Taldir þig vera búinn að gera þitt með því að þiggja nálina tvisvar? Svo er ekki. Þetta er rétt að byrja nema almenningur segi þessu að stoppa.

Verður bólusetning skilyrði á HM?

Munu Norðurlöndin streitast á móti?

Ég hef séð margar frásagnir þess efnis að samfélög séu að undirbúa eða hafa komið á aðskilnaðarstefnu. Hún snýst ekki um húðlit, trúarbrögð eða kynþátt eins og sagan er full af. Nei, í dag stefnir víða í aðskilnað vegna sprautu á loftborinni veiru með svimandi háar lífslíkur, raunar yfir 99,8% fyrir alla undir fimmtugu og 98,6% fyrir alla undir 65 árum skv. einni rannsókn, og bæði hlutföll á pari við flensuna.

Þessi aðskilnaðarstefna hefur margar birtingarmyndir. Til dæmis er hægt að meina þeim án sprautunnar um heilbrigðisþjónustu eða loka dyrum veitingahúsa og skemmtistaða fyrir þeim. Ferðafrelsi þeirra er víða takmarkað eða jafnvel ekki til staðar. Vinnustaðir eru að henda slíkum einstaklingum út. Dæmin eru endalaus en þemað er það sama: Aðskilnaðarstefna vegna sprautu gegn veiru sem fyrir flesta er engu skæðari en flensan.

Hingað til hef ég ekki séð neitt tal um aðskilnaðarstefnu í fjölmiðlum á Norðurlöndum þótt vissulega þurfi ósprautaðir að hoppa í gegnum ýmsar gjarðir umfram þá sprautuðu. Að vísu eru sumir íslenskir vinnustaðir byrjaðir að reka starfsfólk sem vill ekki sprautu en yfirvöld hafa ekki beint beðið um slíkt. Óttinn er hér drifkrafturinn og hann er vissulega í boði yfirvalda. Í Danmörku, þar sem er til stétt blaðamanna sem veitir yfirvöldum málefnalegt aðhald, hef ég ekki séð nein ummerki aðskilnaðarstefnu fyrir utan einhverjar skimunarkröfur sem hafa nú verið aflagðar. 

Spurningin er hvort Norðurlöndin ætli að sleppa við að innleiða aðskilnaðarstefnu í samfélaginu. Ég vona það svo sannarlega en sagan hræðir. Kannski maður verði dag einn á flótta frá Danmörku í bát um miðja nótt að reyna komast yfir til Svíþjóðar á meðan gráklæddir menn elta aðra ósprautaða uppi. Nei, ég segi svona.

Danmörk vs. Ísland

Danmörk er án innlendra sóttvarnaraðgerða og landamærin töluvert opnari en á Íslandi. Íslendingur með eða án sprautu þarf að vísu, sem íbúi í "gulu" ríki á danska litaspjaldinu, að fara í veirupróf við komuna til Danmerkur, sem má gera á flugvellinum án endurgjalds, en þarf ekki að loka sig inni eða forðast fólk í sekúndubrot. 

Ísland er fast á árinu 2020. Samkomutakmarkanir, grímur og hvaðeina. 

Hvernig stendur á þessum mun?

Er það smittíðnin? Í Danmörku eru um 500-1000 smit á dag að greinast, og undanfarið töluvert nær 500 en 1000. 1000 smit svara til rúmlega 80 smita á Íslandi miðað við höfðatölu.

https://www.ssi.dk/covid19data

Á Íslandi er smittíðnin búin að vera á bilinu 40-80 síðan í lok ágúst og stefnir niður á við.

https://www.covid.is/tolulegar-upplysingar

Smittíðnin útskýrir ekki muninn.

Hvað með sprautuhlutfallið? Það er hið sama, og Ísland kannski hænufeti sprautaðra:

https://vaccinetracker.ecdc.europa.eu/public/extensions/COVID-19/vaccine-tracker.html#uptake-tab

Sprautur útskýra ekki muninn.

En eru Danir þá duglegri að setja á sig grímur á meðan Íslendingar kunna það illa? Í Danmörku þarf ekki að nota grímu:

I Danmark er der ikke længere krav om brug af mundbind eller visir - heller ikke i den kollektive trafik.
https://coronasmitte.dk/raad-og-regler/emner/mundbind-og-visir

Grímur útskýra ekki muninn.

Hvað með veðurfarið? Í Danmörku er loftslagið mjög heppilegt fyrir loftbornar veirur að því marki að barnadeildir eru að fyllast af krökkum með RS-vírus (en höfðu verið að mestu tómar vegna heimsfaraldursins svokallaða). Aðrar loftbornar veirur ættu því að blómstra líka, ekki satt? Krakkar eru sérstaklega viðkvæmir og þarf að sprauta sem fyrst, ekki satt? 

Loftslagið útskýrir ekki muninn.

Hvað útskýrir þá muninn?

Stjórnmál? Löggjöf skrifuð af þríeykjum? Ótti? Vantraust á læknum?

Ég spyr og vona að einhverjir vagnar dragi mig að svarinu. 

Fimmeykið

Innlendar takmarkanir vegna veiru eru nú afnumdar í Danmörku. Fólk hittist í stórum hópum, faðmast, tekur í hendur, treðst í röðum og á skemmtistöðum, situr þétt á skrifstofum og almenningsfarartækjum og lifir eðlilegu lífi.

Á sama tíma fellur smittíðnin eftir að hafa verið í kringum 1000 á dag meira og minna síðan í vor (rúmlega 80 á dag miðað við íslenska höfðatölu). 

Sjúkrahúsin eru farin að kvarta yfir öðrum veirum og hor og hósti vegna kvefs og hálsbólgu aftur samþykkt sem eðlilegt ástand á tímabili breytilegs og kólnandi veðurs. Haustpestir leiða ekki til lokunar á fyrirtækjum og eyðileggingu á menntun og félagslífi barna sem betur fer.

En hvað gera Danir þá? Jú stofna fimmeyki! Ónei! Og hvað segir þetta fimmeyki? Jú, að það þurfi að sprauta meira og eins unga krakka og hægt er að fá leyfi fyrir, fylgjast með hinum stórhættulegu afbrigðum og taka tillit til þess að sprauturnar verða gagnslausar og þurfi að endurnýja. 

Fimmeyki og þríeyki allskyns önnur eyki ókjörinna embættismanna og prófessora þurfa auðvitað að verja orðstír sinn og geta sagt, ef hlutir stefna í ranga átt: Við vöruðum við þessu! Við sögðum ykkur að sprauta meira! Sjáið nú hvað er búið að gerast, kærulausu stjórnmálamenn!

En sjáum hvað setur. Vonandi nenna blaðamenn ekki að reka hljóðnemann upp í þetta fimmeyki og vonandi les enginn minnisblöðin þeirra eins og lagafrumvörp sem ber að innleiða án umræðu og að án þess að taka tillit til óbeinna afleiðinga sóttvarnaraðgerða.

Jakkinn á stólbakið

Nú þegar kosningar til Alþingis eru handan við hornið virðist hafa þornað rækilega upp í streymi auglýsinga á algjörlega gagnslausum störfum hjá ríkinu. 

Sem betur fer hefur Reykjavík nú tekið við keflinu sem afþreying að þessu leyti, og þá sérstaklega meðal hins svokallaða Þjónustu- og nýsköpunarsviðs. Tökum dæmi (Samskiptaséní):

Sérfræðingur kemur auga á tækifæri til hverskonar samskipta og vinnur að útfærslu, samræmingu og framkvæmd fjölbreyttra markaðsaðgerða. Hann hefur umsjón með framleiðslu hverskonar markaðsefnis og á í samskiptum við auglýsingastofur, hönnuði, framleiðendur og aðra hagaðila vegna þessa. Hann tryggir að allt markaðs- og kynningarefni á vegum sviðsins lýsi stafrænni vegferð borginarinnar, þeirri jákvæðu þróun sem hún felur í sér og áhrifum á deglegt líf íbúa og starfsemi fyrirtækja, á mannlegan og skemmtilegan hátt.

Þess má geta að vegferð sem er ekki hafin hefur ekki haft í för með sér jákvæða þróun. Vegferðin þarf að hefjast til þess. En smámunir. Menn eru bjartsýnir.

En menn eru ekki hættir þar. Sérstakur atferlisfræðingur eða framtíðarfræðingur (báðir titlar í boði) fær nóg að gera:

... hann styðst við gagnagreiningar og framsæknar rannsóknaraðferðir og freist­ar þess að brjóta til mergjar hvað það er sem hefur áhrif á og mót­ar hegðun fólks til framtíðar, samþættir innsýn í atferli einstaklinga við vöruþróun og hönnun á viðmóti í stafrænni vegferð og hefur forgöngu um tilraunir með nýstárlegar lausnir til að leysa áskoranir í þjónustuveitingu.

Það er ekkert annað! En kann hann að laga holur í malbiki og líta á eftir börnum vinnandi foreldra? Kemur í ljós.

Munum að öll þessi stafræna vegferð borgarinnar er afrit af stafrænni vegferð ríkisvaldsins: Stafrænt Ísland. Þar á bæ bjuggu menn til markmið, tímalínur og skilgreindu fjármagn og sendu svo alla handavinnuna út til verktaka sem hófust handa. Í Reykjavík búa menn til deildir, ráða framtíðarsérfræðinga og vona það besta, og kannski það helst að Sorpu- og braggamál endurtaki sig ekki. Í stafrænum heimi fá menn ekki myglusveppi eða vaða í skólpi. Kannski það veiti ákveðið skálkaskjól.

Á sama tíma lítur ekkert út fyrir að Reykvíkingar ætli að hrista af sér núverandi meirihluta. Hvað þarf til veit enginn. 

Rotnandi innviðir

Þjónustu- og nýsköpunarsvið Reykjavíkurborgar hefur ráðið rúmlega 40 sérfræðinga í ár vegna innleiðingar á stafrænni þjónustu. Alls er áformað að ráða rúmlega 60 manns í þessar stöður í ár. Er um að ræða eftirsótta sérfræðinga sem víða er skortur á. 

Ég sem hélt að borgin væri gjaldþrota? 

Hvað um það. Verkefninu er meðal annars lýst sem svo:

Heimsfaraldurinn sýndi skýrt fram á verðmætin sem felast í góðum tækniinnviðum og sjálfvirkum ferlum og í lok árs var ÞON [Þjónustu- og nýsköpunarsvið borgarinnar] falið að leiða stafræna þjónustuumbreytingu og sjálfvirknivæðingu til næstu þriggja ára. Vegferðin er hluti af Græna plani borgarinnar sem er viðspyrnuáætlun ætluð til að takast á nýstárlegan hátt á við þær samfélagslegu áskoranir og efnahagslegu áhrif sem heimsfaraldurinn olli.

Ég hélt að góðir tækniinnviðir og sjálfvirkir ferlar hefðu sýnt fram á ágæti sitt löngu áður en einhver veira fór á stjá.

Hvað um það. Í ársskýrslu ÞON fyrir árið 2020 kemur meðal annars fram:

Stefna um nýtingu upplýsingatækni hjá Reykjavíkurborg nær til allra sviða borgarinnar og borgarstjórnar en stefnunni er ætlað að draga fram áherslur borgarinnar í upplýsingatæknimálum. Kjarni hennar er að upplýsingatækni verði nýtt á skynsaman og upplýstan hátt, þannig að tæknin stuðli að því að borgin nái markmiðum sínum á öllum sviðum. Til að það náist þarf að fylgjast grannt með tækniþróun en gæta þess jafnframt að nýjungar séu innleiddar að vandlega ígrunduðu máli með tilliti til þeirra innviða og lausna sem til staðar eru.

Munum að hér er um opinbert apparat að ræða og mér sýnist hreinlega opinber stefna þess sé að flækja alla ákvarðanatöku í endalausa fundi og kynningar. Eða eru einhver dæmi um að hið opinbera innleiði nýjustu tækni á skilvirkan hátt? 

Óhætt er að segja að skattgreiðendur séu að fá mikið fyrir sinn snúð. Grípum aftur í ársskýrsluna:

Í samstarfi við Menningar- og ferðamálasvið voru smíðaðir tveir nýir vefir; visitreykjavik.is, upplýsingavefur fyrir ferðamenn og borginokkar.is fyrir íbúa landsins sem stefna á borgarferð til Reykjavíkur. Aðstoðað var við uppsetningu á vefverslum fyrir Listasafn Reykjavíkur með enskri þýðingu, tengingu við póstinn og sjálft vefsvæði safnsins.

Ætli margar götur borgarinnar hafi misst af malbikslaginu sínu á meðan stafrænu innviðirnir voru ræktaðir?

Fundir eru mikilvægur hluti af daglegu lífi opinberra starfsmanna og ef ekki er nóg af borgarbúum til að tala við má alltaf búa eitthvað til:

Gróðurhúsið er vinnustofa í þjónustuhönnun fyrir starfsfólk Reykjavíkurborgar og er ætlað að vera miðstöð frjórra hugmynda og skapandi verklags. Markmiðið er að bæta þjónustu við borgarbúa með því að leggja rækt við notendamiðaða hugsun og leysa vandamál með því að nota aðferðafræði þjónustuhönnunar. Í Gróðurhúsinu er kennd aðferðafræði notendarannsókna og stutt er við skapandi teymisvinnu og lausn vandamála. Mikil áhersla er lögð á teymisvinnu og þverfaglegt samstarf og unnið er markvisst að því að brjóta niður múra innan borgarkerfisins.

Ekki er að sjá að nokkur almennur borgarbúi komi að hinni skapandi starfsemi borgarinnar enda óþarfi: Stór hluti borgarbúa vinnur jú hjá borginni og óþarfi að leita lengra.

Allt þetta á meðan útsvarið er í botni, fasteignagjöld í himinhæðum og fjármálin í rúst. En hey, það er jú heimsfaraldur sem sýnir fram á að allt þetta bruðl sé nauðsynlegt, ekki satt?

Borgin setur tíu milljarða í þróun stafrænna innviða

Veiruhræðsluáróður dagsins

Í frétt DV segir að allt sé nú á leið til fjandans í Bretlandi vegna veiru og yfirvöld þrjóskast við að boða til enn einnar umferðar tímabundinna en endalausra aðgerða.

Ekki hafa verið fleiri á spítala síðan 11. mars!

Skoðum gögnin (nokkuð sem blaðamanni datt ekki í hug að gera):

Allt í klessu, ekki satt?

Í Danmörku er veiran á sífelldu undanhaldi þótt allt sé galopið og veirufræðingur hreinlega skilur ekki hvernig á þessu stendur. Hörmungar hljóta hreinlega að vera handan við hornið!

Það sem ég á kannski erfitt með að trúa á er að ástandið geti haldið áfram að vera svona gott. Enda höfum við opnað mikið og fólk hegðar sér öðruvísi en áður, sem er skiljanlegt 

... segir Allan Randrup Thomsen, prófessor í veirufræði við Kaupmannahafnarháskóla. Það eina sem hann vantar að segja er: Veirur koma og fara og við getum kannski ekki stjórnað því með fjarstýringu. Annars eru danskir spítalar núna að drukkna undan RS-veirunni og kórónaveiran kannski bara að tapa í slagnum við hana.

Annars er það nú þetta með hinar nýju tegundir sóttvarnaraðgerða að þær minna svolítið á regndansinn. Þú dansar hann þar til byrjar að rigna og segir svo að regndansinn hafi leitt til rigningar. Ef smitum fækkar vegna aðgerða er það vegna aðgerðanna. Ef smitum fjölgar í umhverfi aðgerða þá er það almenningi að kenna og vanþekkingu hans á grímunotkun og fjarlægðartakmörkunum.