Stytting vinnuvikunnar hjá hinu opinbera

Svo virðist sem æðisgengilegustu svartsýnisspár séu að rætast: Stytting vinnuvikunnar hjá hinu opinbera leiðir til lengingu biðlista!

Alveg hreint ótrúlegt, ekki satt?

Ég hef lesið ýmislegt um styttingu vinnuvikunnar, t.d. hjá verksmiðjum, hugbúnaðarhúsum og víðar. Reynslan er almennt góð. Fólk einbeitir sér betur þegar það þarf ekki að einbeita sér eins lengi. Skilvirkni eykst. Tímasóun minnkar.

En gæti nú ekki verið að á sumum vinnustöðum leiði stytting vinnuvikunnar einfaldlega til lengri biðraða? Víða þar sem nú þegar eru flöskuhálsar, svo sem í afgreiðslu Sýslumannsins í Reykjavík eða skurðstofum heilbrigðisstofnana, verða einfaldlega til enn stærri flöskuhálsar þegar starfsfólkið vinnur styttri vinnudaga.

Allt þetta tal um styttingu vinnuvikunnar virðist svo vera drifið af hagsmunasamtökum opinberra starfsmanna sem í sjálfu sér er grunsamlegt. Sömu laun fyrir minni vinnu? Já, vissulega, en því bætt við að skilvirkni aukist og vinnugleði! En hvað með skjólstæðingana? Skítt með þá, þeir hafa ekkert val. Og kannski það sé kjarni málsins.

Hvað á að leyfa umræðu um næst?

Facebook hefur snúið við stefnu sinni að banna færslur sem benda til þess að heimsfaraldurinn sem stafar af Covid-19 hafi verið af mannavöldum í ljósi vaxandi ágreinings um uppruna veirunnar.

Frábært, en hvað ætli verði leyft næst?

Að hafa sínar efasemdir um virkni, öryggi og ágæti hinna glænýju efnakokkteila sem á núna að sprauta í börn sem eru í engri hættu af veiru og hafa nú þegar kostað bæði heilsu og líf einstaklinga sem voru ekki í neinni sérstakri hættu af veiru?

Að hafa sínar efasemdir um heilindi samtaka eins og WHO?

Að ræða niðurfellingu neyðarleyfa (skilyrtra markaðsleyfa) lyfjafyrirtækjanna nú þegar er búið að sprauta alla aldraða og viðkvæma því meðferðir finnast í raun og veru? Fyrir þá sem ekki vita eru skilyrt markaðsleyfi lyfjafyrirtækjanna gefin út á þeirri forsendu að enginn valkostur finnist við bóluefnin svokölluðu.

Að skola upp á yfirborðið öllum þeim aukaverkunum og dauðsföllum sem hafa hlotist af notkun efnakokkteilanna á neyðarleyfunum? Að velta því fyrir sér hvort lækningin sé ekki verri en sjúkdómurinn?

Hvað má ræða næst án þess að tæknirisarnir klístri einhverjum fyrirvörum á færslur og innlegg eða hreinlega banni, loki og hendi fólki út? Því hér blasir jú við að "samsæriskenningin" líkist sannleikanum mun meira en stefna Facebook og að það gæti alveg eins átt við um fleiri hluti.

Ég bíð spenntur.

Leyfa færslur um að Covid-19 hafi verið manngerð

Rými fyrir 23% skattalækkun

Nú geta ein­stak­ling­ar séð í hvað skatt­ur­inn, sem er lagður á tekj­ur þeirra, fer. Þess­ar upp­lýs­ing­ar eru sett­ar fram á mynd­ræn­an hátt á nýj­um og breytt­um álagn­ing­ar­seðlum ein­stak­linga sem eru aðgengi­leg­ir á vef skatts­ins. Eftirfarandi sýnidæmi er svo gefið:

Samkvæmt sýnidæminu fer skatturinn í eftirfarandi:

• Allkyns málaflokkar sem er sennilega ágæt samstaða um að hið opinbera komi að með einum eða öðrum hætti þótt menn deili um útfærslur, upphæðir og fyrirkomulag: 77,1%
• Önnur málefnasvið: 22,9%

Það væri því kannski hægt að draga þá ályktun að skatta megi lækka um 22,9% enda finnst mér lítið sem ekkert vanta upp á upptalninguna á því sem hirðir 77,1% skattsins. Eða hvað er undir öðrum málefnasviðum? Af hverju er næstum því fjórðungur skattheimtunnar ekki sundurliðaður betur en þetta?

Nokkur handahófskennd atriði úr fjárlögum ársins 2021 geta kannski varpað ljósi á það:

Kannski það sé bara hið besta mál upp á geðheilsuna að hrúga allmörgum málaflokkum saman undir ósundurliðaðan málefnaflokk sem hefur að geyma ýmis gæluverkefni sem enginn vill sjá á álagningarseðli sínum.

Getur nú séð í hvað skatturinn fer

Valkostir við tæknirisana

Evrópusambandið þrýstir mjög á tæknirisana, svo sem Facebook, YouTube og TikTok, að gera meira í baráttunni við upplýsingaóreiðu.

Á mannamáli heitir þetta: Evrópusambandið vill bæta í ritskoðun á samfélagsmiðlum.

Það er því gott að valkostir við tæknirisana finnist. Margir þeirra eru nefndir hér, t.d. Telegram, Signal, Vero og MeWe. Einnig má nefna Odysee sem valkostur við Youtube og Protonmail sem valkostur við Gmail.

Ég er með reikning á öllum þessum miðlum og þjónustum og þótt ókosturinn sé sá að þurfa opna mörg forrit þá er kosturinn sá að það er hægt að finna skjól fyrir ritskoðunarbylgjunni. Fleiri og fleiri eru að átta sig á þessu. Til að mynda notar Mikhaila Peterson aðallega Telegram, Tom Woods notar aðallega MeWe, á Vero er ég í hópi sem ræðir stjórnmál loftslagsvísinda og á Signal hef ég samskipti við marga sem vilja ekki deila öllu með WhatsApp/Facebook. 

Eina upplýsingaóreiðan er sú óreiða sem felst í að reyna halda aftur af upplýsingum.

Vilja aukinn kraft í baráttuna við upplýsingaóreiðu

Gul stéttarfélög

Í frétt segir að mikið hafi verið fjallað um kjara­mál starfs­manna Play síðustu daga. ASÍ hef­ur verið fyr­ir­ferðamikið í þeirri umræðu en ÍFF, Íslenska flug­stétta­fé­lagið, einnig. Stjórn ÍFF hef­ur verið harðlega gagn­rýnd fyr­ir samn­inga sína og Drífa Snæ­dal, for­seti ASÍ, sakað fé­lagið um að vera „gult stétt­ar­fé­lag“. Birg­ir og stjórn ÍFF hafa neitað því.

En hvað eru gul stéttarfélög, svokölluð?

Hérna er ein nálgun á það hugtak, frá rauðasta vinstrinu. 

En auðvitað eru á þessu fleiri hliðar. Hin gulu stéttarfélög eru ekki mjög áberandi á Íslandi, en í Danmörku eru þau mjög útbreidd. Fólk velur þau umfram hin hefðbundnu „rauðu“ stéttarfélög af mörgum ástæðum, t.d.:

• Þau fjármagna ekki kosningabaráttu stjórnmálaflokka, beint eða óbeint
• Þau halda sig við kjarnastarfsemi: Að veita ráðgjöf og lögfræðiaðstoð og rýna í ráðningarsamninga, meðal annars
• Þau kosta miklu, miklu minna en hefðbundin stéttarfélög, meðal annars með því að vasast ekki í rekstri sumarbústaða og niðurgreiða gleraugu og hvaðeina
• Þau leiðbeina í kjaramálum frekar en að ráðskast með þau

Sjálfur er ég í gulu stéttarfélagi. Ekki það að hið hefðbundna fyrir verkfræðinga í Danmörku sé sérstaklega rautt (frekar en hið íslenska), en það var orðið alltof upptekið af rándýrum áhugamálum sem höfðuðu ekkert til mín. Ég sé um mín kjaramál sjálfur og hef aðgang að lögfræðingum ef þess gerist þörf. Enda fullorðinn maður sem sé ekki fram á að þurfa ígildi Einarsstaða í Fljótshlíð eða niðurgreiddra tjaldstæða til að krafsa upp í svimandi félagsgjöldin.

En þá segir einhver, eins og einn trúnaðarmaðurinn sagði við mig á fyrri vinnustað mínum: Verkalýðsfélögin hafa náð fram öllum þessum frábæru réttindum sem fólk tekur nú sem sjálfsögðum hlut! Þú þarf að styðja við slíkt!

Rangt, af mörgum ástæðum. En efni í aðra hugleiðingu.

Um 50 manns að hefja störf hjá Play

Þegar samsæriskenning verður sannleikurinn

Stundum eru svokallaðar samsæriskenningar trúverðugri en hið yfirlýsta meginstef sem allir eiga að trúa. Ein svokölluð samsæriskenning gengur út á að SARS-CoV-2 veiran hafi verið búin til á rannsóknarstofu. Þetta blésu margir á og gera enn. En svo eru aðrir á þeirri skoðun að það sé mjög líklegt, meðal annars Dr. Fauci. Hefur verið á það bent að Dr. Fauci hafi hér snúist eins og vindhani í afstöðu sinni eftir að hafa eytt töluverðu púðri í að þagga niður í þeim sem töldu líklegt að veiran kæmi upprunalega úr tilraunastofu.

Er það þá samsæriskenning að halda því fram að WHO, kínversk stjórnvöld, lyfjafyrirtækin og ýmis stórfyrirtæki séu að reyna að hagnast eða eflast á ástandinu? Lyfjafyrirtækin afneita eigin lyfjum um leið og þau detta úr einkaleyfi og halda á lofti bóluefnum sínum í staðinn. Milljarðamæringar sem eiga hlutabréf í sömu lyfjafyrirtækjum fjármagna alþjóðastofnanir sem yfirvöld víða um heim hlusta á og treysta og almenningur telur vera trúðverðugar. Yfirvöld eru svo búin að þenja út völd sín í öllu ástandinu og víða mjög hikandi að draga úr þeim aftur. 

Samsæriskenningarnar eru farnar að hljóma mun trúverðugri en sú barnalega trú að svolítil veira hafi farið á stjá en ekki hafa áhyggjur! Með því að rústa hagkerfinu, fleygja krökkum úr skóla og drepa félagslíf þeirra, fresta krabbameinsskimunum, einangra gamalt fólk svo mánuðum skiptir, safna svimandi skuldum og forðast með öllum ráðum hin hræðilegu smit þá verður allt gott á ný! Engin hagsmunagæsla hér!

Kom kórónuveiran af rannsóknarstofu?

Eru landlæknir og sóttvarnarlæknir sammála?

Ég velti því fyrir mér hvort landlæknir og sóttvarnarlæknir séu sammála því að það eigi að bólusetja unga krakka sem eru ekki í neinni hættu vegna veiru (raunar í meiri hættu vegna flensunnar en kórónuveirunnar).

Af heimasíðu landlæknis (einnig í viðhengi ef mönnum dettur allt í einu í hug að skipta um skoðun):

Börn smitast síður en aðrir íbúar. Ekki er mælt með bólusetningu fyrir börn og unglinga yngri en 18 ára.

Landlæknir er a.m.k. fyrir löngu hættur að standa vörð um lýðheilsu og alveg beygt sig í duftið fyrir sóttvörnum. Og nú er gengið gegn leiðbeiningum landlæknis þegar kemur að bólusetningum á krökkum.

Byrjað að bólusetja ungmenni

Skrár tengdar þessari bloggfærslu:

• Bólusetningar COVID-19 sótt 25. maí 2021

Ekkert smit en VERTU Á VERÐI!

Ekkert kórónuveirusmit greindist í gær, hvorki innanlands né við landamærin. En vertu á verði! Og labbaðu nú helst um með hjálm og legghlífar, í bæði belti og axlaböndum. Annars er næsta umferð fálkaorðu fyrir þríeyki í hættu.

Fyrir aðdáendur tilviljana þá er svo rétt að benda á að fyrir um ári síðan var fyrsta bylgjan að mestu gengin yfir og opnun landamæra boðuð. Það var fyrir tíma andlitsgrímunnar og sóttkvíarfangabúða. Sama veira, sama árstíð en gjörólíkar aðgerðir og sama niðurstaða. 

Ekkert bólar svo á því að "gamla normið" fái sinn sess á tilkynningasíðu yfirvalda. Hérna verður samfélagið að treysta á aðstandendur Gleðigöngunnar enda eru þeir vanir því að berjast fyrir mannréttindum og gegn yfirgangi hins opinbera. Kannski aðstandendur Þjóðhátíðar í Eyjum ættu að hafa samband við skipuleggjendur Gleðigöngunnar og taka höndum saman að endurvekja "gamla normið"? Annars er hætt við að þríeyki blási allt af, aftur.

Ekkert smit fjórða daginn í röð

Úlfur, úlfur!

Í marga áratugi hefur því verið spáð að loftslag Jarðar sé á einhvers konar vendipunkti nema gripið verði til róttækra aðgerða nú þegar.

Á meðan hefur mannkynið bara haldið áfram að auka losun sína á koltvísýringi og hættir því sennilega ekki fyrr en olían verður of dýr eða einhver Þjóðverjinn eða Frakkinn fullkomnar beislun og nýtingu samrunaorku. Nema mannkynið taki á ný kjarnorkuverin upp á arma sína.

Og á meðan heldur loftslagið áfram að breytast á annan hátt en líkönin segja til um. 

Sennilega er jörðin að kólna, ekki hlýna. Og ástæðan er ekki breytingar á öðrum aukastaf í samsetningu andrúmsloftsins heldur sólin.

Þreföld hlýnun á norðurslóðum

Já við Play

Alþýðusamband Íslands heldur áfram að hvetja fólk til að sniðganga flugfélagið Play og fordæma vinnubrögð þeirra. Það dugir víst ekki sambandinu að fólk sé sjálfviljugt að sækja um störf hjá Play, almenningur æstur í samkeppni og mikið í húfi fyrir íslenska ferðaþjónustu að framboð af flugi sé nægjanlegt þegar fólk fer aftur að geta ferðast.

Alþýðusamband Íslands er hér sennilega að stunda það sem mætti kalla neikvæða auglýsingu á sjálfu sér. Það er að rýra eigin mannorð. ASÍ er upptekið af allskyns hlutum sem koma kjaramálum hins vinnandi manns lítið við, svo sem að lengja biðraðirnar hjá hinu opinbera til hagsbóta fyrir opinbera starfsmenn og velta vöngum yfir kostnaði við dekkjaskipti.

Raunverulegar kjarabætur eins og lækkun skatta og tryggingagjalds, minna og liðlegra regluverk og skilvirkara og ódýrara opinbert eftirlit komast aldrei til tals hjá sambandinu. 

„Nei við Play!“