Varaði enginn manninn við?

„Ég er í mjög miklu áfalli og á sama tíma mjög ringlaður,“ segir Alan Talib, teppasölumaður. Auglýsingar hans á teppum eru að mati Neytendastofu villandi og var honum bannað að auglýsa áfram með sama hætti.

Greinilega varaði enginn Alan Talib við Neytendastofu og hann kannski talið að margir neytendur væru góð tíðindi. Einhver ætti að upplýsa hann um valdheimildir Neytendastofu til að skerða málfrelsið. Fyrirtæki siga Neytendastofu óhikað á samkeppnisaðila sína, t.d. þegar þeir nota lýsingarorð í efstastigi. Á Íslandi er enginn ódýrastur, bestur, með mesta úrvalið eða býður bestu þjónustuna. Nei, allir eru bara nokkurn veginn svipaðir og samkeppnisaðilarnir. 

Þetta verndar auðvitað íslenska neytendur á Íslandi fyrir sjálfum sér en því miður getur Neytendastofa ekki varið þá þegar þeir koma til Danmerkur og sjá þar fullt af auglýsingum þar sem boðað er lægsta verðið. Eitt fyrirtæki heitir meira að segja „við erum ódýrastir“ (vi-er-billigst). Hjálp, Neytendastofa!

Eins og skerðing málfrelsins sé ekki nógu slæm þá fer báknið hér fram með offorsi, eða með orðum teppasölumannsins:

„Viðbrögðin hafa verið rosaleg, harkaleg, eins og ég sé búinn að vera að ljúga. Hvernig hef ég verið að ljúga? Setjist allavega niður með mér og leyfið mér að útskýra mál mitt. Ég get sýnt ykkur myndbönd, ég get sýnt ykkur hluti. Þau vildu ekki funda með mér,“ segir Alan.

Einnig:

„Upprunalegt verð er löggilt vátryggingargildi vörunnar. Hverju teppi fylgir verðmatsvottorð sem gefið er út af löglegum teppamatsmanni.“ og „COVID-19 og alþjóðlegar refsiaðgerðir gegn Íran hafa haft slæm áhrif á framboð okkar, heildsölu, viðskiptavini og sjóðsstreymi.“

Alan segir að hann hefði auðveldlega getað sannað fullyrðingarnar ef Neytendastofa hefði gefið honum færi á því og að annað útskýri sig sjálft.

Þetta er alls ekki í fyrsta skipti sem báknið á Íslandi sýnir klær sínar um leið og það svarar ekki í símann. Ég þekki mann sem þurfti hreinlega að loka búð meðal annars eftir að hafa lent á milli tveggja stofnana sem gátu ekki orðið sammála. Hér er annað dæmi um fyrirtæki sem báknið er að blóðmjólka til dauða og á sennilega við um töluvert fleiri (áhersla mín):

Framkvæmdastjórinn bætir við að það sé ýmislegt annað sem hamli. Margt í kerfinu sé afar íþyngjandi fyrir lítil og meðalstór fyrirtæki og geti reynst hálfgerður myllusteinn um háls þeirra. Dæmi um slíkt er kostnaðurinn sem fylgi því að fá sérfræðing til að taka félagið út í tengslum við jafnlaunavottun.

„Annað dæmi er að bráðum verðum við skylduð til að láta upplýsingar um næringargildi fylgja öllum okkar vörum. Það stefnir allt í að við þurfum að finna næringarfræðing til að reikna það út fyrir okkur. Manni finnst stundum eins og verið sé að reyna skapa störf fyrir aðra," segir Hafliði.

Báknið fer sínu fram. Veirutímar hafa svo sannarlega kennt okkur þetta en þeir eru bara toppurinn á ísjakanum. Að ætla sér að tæma lager af teppum á Íslandi með stórkostlegum afslætti frá listaverði og verðmatsvottorði er enginn hægðarleikur. Báknið ræður.

Í áfalli yfir sektinni

Hjarðónæmið bak við tjöldin

Þegar ég var unglingur fór mikil orka í að reyna gera allskonar sem mátti alls ekki eða var óvinsælt meðal fullorðinna: Kaupa áfengi eða útvega það á annan hátt, brjótast inn, komast inn, vaka lengur, sofa lengur, halda eða mæta í partý, prófa ýmis efni, hnupla, krækja sér í mat og svona mætti lengi telja.

Samt var ég ósköp venjulegur unglingur í úthverfi og hafði þannig séð allt til alls, sem og allir mínir vinir (sem allir eru löghlýðnir borgarar með börn og skyldur sem þeir rækta).

Þetta með mörkin var samt bara nokkuð sem þurfi að prófa. 

Eru unglingar á Íslandi í dag ekki að gera neitt svipað? Ég heyri það frá einum íslenskum unglingi sem tengist mér að félagslífið sé ekki upp á marga fiska í hans úthverfi Reykjavíkur. Ekki mikil stemming fyrir því að hittast og skemmta sér. Þá rifjaðist upp fyrir mér frétt úr dönskum fjölmiðlum, frá ágúst 2020 þegar allir voru ennþá alveg að missa sig yfir veiru og heimurinn við það að farast. Fyrirsögnin segir alla söguna:

Hundredvis af festglade unge mødes til hemmelige fester

Hundruð ungmenna sem vilja skemmta sér hittast í leynilegum samkomum!

Þetta get ég staðfest að hluta þar sem ég hjólaði oft framhjá látum, hlátrum og tónlist frá svæði þar sem ungmenni voru að hittast í myrkrinu og skemmta sér þvert á allar reglur.

Kannski Danir eigi að veita þessum ungmennum orðu fyrir að Danmörk geti nú verið galopin án þess að svokölluð smit séu að leggja allt á hliðina. Á meðan þeir eldri hírðust heima hjá sér á árinu 2020, með lokaða glugga af ótta við veiru, þá var unga fólkið að byggja upp hjarðónæmi. Á meðan við erum nú að láta sprauta okkur með gagnslausu glundri er unga fólkið með grjóthart náttúrulegt ónæmi að kýla niður veirur sem verða á vegi þess.

Kannski íslensk ungmenni séu að sama skapi blórabögglar því um leið og fólk fær að lifa sæmilega eðlilegu lífi þá fá yfirvöld fullt af smitum í hendurnar sem eru notuð sem rök til að loka öllu á ný.

Kannski íslensk ungmenni ættu að hugsa sinn gang og byrja í auknum mæli að hittast í návígi og kasta veiru sín á milli, öðrum til varnar.

Eða er íslenski unglingurinn orðinn að rolu?

Ekki lengur pissuhorn í sundlauginni

Fjögur norræn flugfélög hafa afnumið grímuskyldu í meirihluta flugferða sinna. Þar með er búið að loka pissuhorninu í sundlauginni - hornið þar sem mátti pissa og þannig forða öðrum sundlaugargestum frá því að synda í hlandi.

Auðvitað er grímunotkun innandyra tilgangslaus leið til að hindra veirusmit rétt eins og pissuhorn í sundlaug er tilgangslaust til að stöðva útbreiðslu hlands. Veirur sveima um framhjá grímum, ferðast í gegnum þær eins og hornsíli í gegnum togaratroll og virða ekki tveggja metra regluna. 

Það besta við grímur í ruslatunnum frekar en á andlitum er að lítil börn sjá andlit annarra en foreldra sinna, fólk getur á ný átt samskipti með notkun allskyns svipbrigða og merkjasendingar yfirvalda um að allir eigi að vera hræddir dofna. 

Við lifum ekki á tímum upplýsinga og vísinda. Rétt eins og Sovétríkin reyndu á sínum tíma að finna upp sín eigin vísindi sem mótsvar við "vestrænum" vísindum eru nú embættis- og stjórnmálamenn ýmissa ríkja að finna upp sín eigin vísindi. Hver þjóð hefur sína pólitíkusa sem taka ákvarðanirnar eða framselja völd sín til ókjörinna embættismanna. Alþjóðastofnanir sem boða færri sprautur til ríkra og fleiri til fátækra eru hunsaðar. Ríki og svæði sem galopna án þess að lenda í vandræðum detta út úr fyrirsögnum. Dauðsföll vegna óbeinna afleiðinga sóttvarnaraðgerða eða vegna sprautu í nafni veiruvarna eru afskrifuð sem ellidauði á meðan fólk sem lætur lífið í umferðarslysum, en vildi svo til að var með veiru í sér, er skrifað sem veirudauði.

Þeir sem vilja áfram að sundlaugar hafi pissuhorn hafa fengið að ráða nánast öllu í eitt og hálft ár. Það er kominn tími til að senda þá sem eru í spreng á klósettið og hætta þessari vitleysu.

Norræn flugfélög afnema grímuskyldu

Kenning (án samsæris)

Hvernig stendur á því að frekar strangar takmarkanir gildi um íslenskt samfélag vegna veiru nú þegar læknar ættu að hafa kortlagt hana, þróað meðferðir og haft mikið aðgengi að eyrum yfirvalda um nauðsynlegar úrbætur og hvaðeina?

Hvernig stendur á því að sífellt megi bæta í lista afsakana fyrir því að hinar og þessar aðgerðir séu framlengdar?

Svo ekki sé minnst á að þorri landsmanna hefur fengið sprautur sem áttu að vera lykillinn að öllu en eru víst bara orðnar ávísun á enn fleiri sprautur um ókomna framtíð.

Hvernig stendur á því að jafnvel prúðustu einstaklingar, sem hafa sungið í kór með óttanum í eitt og hálft ár, eru allt í einu byrjaðir að kvarta aðeins?

Er kannski svarið alls ekki að finna í veiru?

Er kannski svarið að um leið og einhver stjórnmála- eða embættismaður er búinn að fá spotta til að nota til að toga samfélagið til þá vill viðkomandi ekki sleppa, sama hvað?

Það væri þá engin nýlunda heldur þvert á móti dæmigert.

Hver er þá lausnin? Hún hefur ekki verið fundin ennþá, en svolítil hugleiðing sem var skrifuð um ríkisvaldið almennt á hér kannski við:

In this century, the human race faces, once again, the virulent reign of the State—of the State now armed with the fruits of mans creative powers, confiscated and perverted to its own aims. The last few centuries were times when men tried to place constitutional and other limits on the State, only to find that such limits, as with all other attempts, have failed. Of all the numerous forms that governments have taken over the centuries, of all the concepts and institutions that have been tried, none has succeeded in keeping the State in check. The problem of the State is evidently as far from solution as ever. Perhaps new paths of inquiry must be explored, if the successful, final solution of the State question is ever to be attained.

Kannski það sé misráðið að veita ríkisvaldinu heimildir til að ráðskast með samfélagið, meðal annars í nafni sóttvarna, og hvað þá að veita því neyðarheimildir í nafni sóttvarna. Kannski það sé ávísun á endalausar sóttvarnarráðstafanir því einhver hefur fengið spotta sem viðkomandi vill ekki sleppa, og skjólstæðinga sem þora ekki öðru en að spottinn sé á sama stað.

Það er hollt af efast og sérstaklega þegar einhver reynir að segja að sannleikurinn sé fundinn - að vísindin (hin raunverulegu) hafi sagt lokaorð sitt, í fyrsta skipti nokkurn tímann.

Sóttvarnalæknir Íslands, með puttann á púlsinum?

Úr Kastljós-viðtali við sóttvarnalækni Íslands:

"Hjá Finnum er til dæmis er, er faraldurinn að fara upp aftur og dauðsföllum að fjölga."

Það sem hann vísar í, væntanlega:

Hann taldi um leið að það hefði gengið vel í Danmörku þrátt fyrir algjörar afléttingar fyrir um mánuði síðan:

Í Finnlandi búa 5,5 milljónir á 338 þús. ferkílómetrum og í Danmörku búa 5,8 milljónir á 43 þús. ferkílómetrum.

Veðurfar er ólíkt en innviðir svipaðir. Danskt veðurfar sennilega mun líkara því íslenska en hið finnska. 

Dagleg (skráð) dauðsföll vegna COVID-19 svipuð í Danmörku og Finnlandi og hafa verið lengi.

Búið að sprauta svipuð hlutföll íbúa, ef einhver telur það skipta máli.

Finnland notað sem rök fyrir því að takmarka á Íslandi frekar en að nota Danmörk og Noreg? Getur einhver útskýrt fyrir mér hvernig sóttvarnalæknir túlkar gögn?

Vinsældir veiru dvína

Rök hafa verið færð fyrir því að Landspítalinn nýti fjármagn sitt þrefalt til fjórfalt verr en opinber spítali í Stokkhólmi, Svíþjóð, sem vill svo til að er með íslenskan forstjóra sem tók við slæmu búi en situr nú á góðu búi. 

Meira en 18 mánuðir eru liðnir síðan lýst var yfir svokölluðum heimsfaraldri. Óendanlegu fjármagni í formi peningaprentunar og skuldsetningar hefur verið veitt í að bjarga fyrirtækjum sem voru lokuð með valdboði, borga fólki sem missti lifibrauð sitt vegna opinberra aðgerða, kaupa sprautur og mannafl til að sprauta, borga opinberum embættismönnum álagsgreiðslur og listinn er endalaus.

En eftir stendur að haustpestirnar í ár fá nokkuð frjálsar hendur. Þessar gömlu góðu veirur sem voru svo viðráðanlegar geta nú fundið lítið þjálfuð ónæmiskerfi, ráðist á þau og veikt og heilbrigðiskerfið fullkomlega vanbúið að takast á við slíkt.

Þess vegna þarf að viðhalda öllu því sem hefur mergsogið hagkerfið, ríkissjóð og marga atvinnuvegi lífsblóði sínu. Þess vegna!

Klappstýrur sóttvarnaaðgerða hingað til skrifa nú opin bréf auk margra annarra. Margir stjórnmálamenn hafa allt í einu þor til að mynda sér skoðun. Spilaborgin er að hrynja. Vonandi.

Engin furða að pirraður sóttvarnalæknir hlaupist nú undan ábyrgð sinni, eins og fætur toga, og bætir jafnvel í með rangtúlkunum á orðum erlendra stofnana sem hann vísar í til að réttlæta sjálfan sig. Lagaleg ábyrgð hans er vissulega engin (hann er undirsáti landlæknis sem er kominn í felur fyrir löngu síðan) en hann hefur lengi vitað að krafsið hans á minnisblöðin er innleitt í regluverkið sama hvað.

Er heimsfaraldurinn að líða undir lok á Íslandi? Kannski, en það kemur veiru ekkert við. Það er undir fólki komið að henda honum í ruslatunnuna með því að koma í burtu yfirvaldi sem viðheldur honum.

Finnst þeir ekki geta tryggt öryggi sjúklinga

Hræðilegu drápsveirur

Samkvæmt gögnum á pandata.org þá hafa, síðan 1. janúar 2020, látist 374 Íslendingar úr öndunarfærasjúkdómum öðrum en COVID-19.

Sem sagt, meira en tíu sinnum fleiri en skráð dauðsföll vegna COVID-19. Ætli sóttvarnalæknir sé með þetta í huga þegar hann boðar takmarkanir vegna allskyns annarra vágesta og jafnvel jarðhræringa?

Ég spyr því ég veit það ekki. Er í alvöru verið að leggja til takmarkanir vegna allra annarra öndunarfærasjúkdóma í ljósi þess að þeir, samanlagt, taka tíu sinnum fleiri líf en COVID-19? Og er almenningur bara til í það? Lokanir öll haust? Fram á vetur? Fram yfir jól? Árlega?

Ég veit ekki hvaða rannsóknir (ef einhverjar) og upplýsingar eru hafðar til hliðsjónar þegar blásið er til fjölmiðlafundar til að hita upp fyrir næsta minnisblað. 

Leiðrétting:

Hér að ofan hef ég víst notað tölur frá 2017 til að fjalla um dánartíðni vegna öndunarsjúkdóma frá 1. janúar 2020. Það voru mistök. En það sem er rétt er að á árunum 2015-2019 (skv. tölum frá Landlækni sóttar hér í gegnum vef Hagstofunnar) deyja frá 220 til 350 manns á ári úr (ekki-langvinnum) öndunarfærasjúkdómum. Það er "gamla normið". 

Er þá hægt að koma í veg fyrir dauðsföll með því að aðskilja fólk, fresta krabbameinsskimunum, drepa fólk sem veigrar sér við að leita á spítala heima hjá sér, svipta börn menntun og félagslífi og loka samfélaginu og stórum hluta hagkerfisins niður? Nei, dauðinn finnur sér bara annan farveg og neikvæðar afleiðingar koma einfaldlega fram í öðru (t.d. óvinnandi skuldafjalli hins opinbera sem mun draga úr getu þess til að rækta hlutverk sitt). En meira um þetta síðar. 

Uppskeruhátíð í október

Október er greinilega mikill uppskerumánuður. 

Þann 4. október sl. var ár liðið frá útgáfu Great Barrington yfirlýsingarinnar. Hún var skrifuð af þremur vísindamönnum (og undirrituð af fjölda annarra) sem höfðu nýtt tímann vel síðan faraldur skall á og kynnt sér áhættuhópa og dánartíðni og komist að þeirri niðurstöðu að markviss vernd áhættuhópa væri mikilvæg en að aðrir ættu að fá að lifa eins eðlilegu lífi og hægt er. Nú rúmlega ári síðar er þessi boðskapur loksins að síast inn í fleiri og fleiri og sífellt örar. Meira að segja prúðir borgarfulltrúar og forstjórar fyrirtækja sem hafa hagnast vel á öllu fárinu grípa nú til harðra orða og er þá mikið sagt.

Þann 8. október 2018 kom fram í fréttum að lektor nokkur við Háskólann í Reykjavík hefði verið rekinn vegna ummæla í lokuðum hópi á fjésbókinni (sem er nýlega búið að klaga til fjésbókar-yfirvalda og fá lokað). Það tókst að svipta mann atvinnu sinni og margir hrósuðu sigri. 

Í október 2008 hafði íslenska ríkið eignast þrjá viðskiptabanka og má segja að þar með hafi rússíbanareið fjármálakrísunnar hafist fyrir alvöru. Nú þegar verðbólga er víðast hvar á uppleið eftir peningaframleiðslu seinustu mánaða (vegna veirutakmarkana), orkuverð í himinhæðum, risafyrirtæki á barmi gjaldþrots og allir ríkissjóðir á bólakafi í skuldafeni þá gæti október 2021 kannski orðið annar slíkur uppskerumánuður.

Í Þýskalandi halda menn októberhátíð með mikilli bjórdrykkju og eftir viku er ég á leið á bjórhátíð í Kaupmannahöfn. Hverju fæ ég að skála fyrir? 

Einhver þarf að slá á putta sóttvarnalæknis

Mér sýnist Íslendingar hafa tvo valkosti: Búa sig undir varanlegar svokallaðar aðgerðir sem valda ómældum skaða eða sparka sóttvarnalækni úr stól sínum. 

Tökum sem dæmi nýlega frétt og svolítið viðtal við æðstaprestinn:

Aðspurður segir Þórólfur að nágrannalöndin okkar hafi gert hlutina aðeins öðruvísi. Það gætu verið margþætta skýringar hvers vegna það gangi betur hjá hinum Norðurlöndunum að takast á við Covid-19 faraldurinn.

„Ein skýringin er sú að fleiri hafi fengið náttúrulega sýkingu í hinum Norðurlöndunum sem veitir betri vörn. Hin Norðurlöndin notuðu ekki Janssen bóluefnið en einn skammtur veitir ekki nægilega góða vernd, við sáum það og buðum við þeim sem fengu það bóluefni annan skammt með Pfizer bóluefni. Önnur lönd létu lengri tíma líða milli skammta og það getur vel verið að það hafi veitt betri vörn. Svo getur verið að nágrannar okkar passi sig bara betur. Við slepptum fram af okkur beislinu í sumar og allt fór á hliðina.“

Hér er úr nægu bulli að velja.

Áður en lengra er haldið vil ég samt nefna að það er gott að maðurinn viðurkenni að sýking leiði til ónæmis sem veitir betri vörn er sprauturnar. Ég hef ekkert út á það að setja enda stutt rækilega af vísindum. 

En að bullinu.

Í fyrsta lagi er ekki hægt að skella skuldinni á notkun Íslendinga á Janssen-sprautunum. Þær voru frekar fáar hlutfallslega og Íslendingar hlutfallslega miklu sprautaðri en flest ríki, þar á meðal Danir. Nú fyrir utan að það er búið að sprauta töluvert marga af þeim sem fengu Janssen með einhverju af hinu glundrinu í umferð. 

Í öðru lagi er þessi tími á milli skammta varla afgerandi. Þetta eru efni á tilraunastigi og enginn veit hver hinn rétti tími á milli skammta á að vera, hvort þessi tími skipti máli, hvort sprauturnar virki yfirleitt eða hvort hin meinta vörn af sprautum endist í vikur eða mánuði. Það er einfaldlega ekki búið að rannsaka efnin nægilega vel og þeir sem hreinlega örkumlast eða drepast eftir að hafa fengið þau raðast inn í gagnagrunna núna sem verða notaðir til að innleiða efnin varanlega. Það sem má samt lesa út úr orðum hins mikla vísindamanns er að hann er að viðurkenna að hann hafi lesið fylgiseðilinn eitthvað vitlaust og að aðrir hafi lesið rétt.

Í þriðja lagi get ég fullyrt að þetta með að passa sig betur eigi ekki við. Í þessi tvö skipti sem ég hef verið á Íslandi síðan kínverskar leiðbeiningar um stjórnun á samfélagi voru innleiddar um víða veröld sé ég hvergi hlýðnari hjörð en Íslendinga. Danir hafa verið töluvert kærulausari. Á hápunkti óttans, vorið 2020, hjólaði ég oft framhjá háværum unglingapartýum haldin á almenningsbekkjum á illa upplýstum svæðum, svo dæmi sé tekið. Íslendingar setja á sig grímur þótt enginn sé að biðja um það á meðan Danir taka af sér grímur um leið og þeir telja sig komast upp með það. Íslendingar eru einfaldlega svo hlýðnir og hýddir að það þarf ekki að innleiða takmarkanir. Íslendingar takmarka sjálfa sig, drifnir áfram af ótta.

Það er svo vert að afrita það og koma því sem víðast áleiðis að nú á að nota allar veirur sem afsökun til að kæfa hátíðarhöld og mannfagnaði, og alltaf skal því haldið fram að spítalakerfið á Íslandi stendur ekki undir nafni:

Varðandi afléttingar segist Þórólfur miða við getu spítalans að taka við sjúklingum.

„Það var mjög þröngt á spítalanum í sumar eftir fjölgunina og nú erum við að fara inn í veturinn þar sem við getum búist við RS-veirufaraldri, sem hefur verið mikið vandamál meðal barna í Danmörku og Svíþjóð, sem gæti aukið álag á spítalanum. Svo vitum við ekki hvernig inflúensan verður í vetur. Hún kom ekki í fyrravetur og gæti komið af miklu afli núna. Það er ýmislegt sem getur spilað inn í þetta og við verðum að halda Covid vel niðri svo við lendum ekki í vandræðum á spítalanum. Þetta eru óvissuþættir.“

En fyrir tíma heimsfaraldurs Covid fengum við að sjálfsögðu inflúensu en þurftum ekki að upplifa takmarkanir þá.

„Nei en á móti kemur að það var engin inflúensa í fyrravetur og ef hún kemur núna verður það af meira afli en venjulega. Það að hún komi reglulega eykur ónæmi í samfélaginu en fyrst hún kom ekki í fyrra.“

Meira að segja - meira að segja! - Kári Stefánsson er hættur að skilja í sóttvarnalækninum mikla og lýsir allt að því yfir vantrausti á honum í fyrsta skipti.

Hvað sem því líður þá skal því haldið til haga að Danir eru minna sprautaðir en Íslendingar og að smitast svipað mikið og jafnvel ívið meira. En landið er að mestu laust við takmarkanir og það gildir bráðum um landamærin líka. Velkomin hingað, í gamla normið!

Iss, bara samsæriskenning!

Svokallaðar samsæriskenningar skiptast í tvær tegundir: Fjarstæðukenndur skáldskapur og kenningar sem yfirvöldum finnst óþægilegar. Með því að kalla báðar tegundir sama nafni - samsæriskenningar - má rýra trúverðugleika kenninga sem yfirvöldum finnst óþægilegar. 

Sem dæmi má nefna uppruna SARS-CoV-2 veirunnar. Trump kallaði veiruna frá upphafi "China virus". Ákveðin rök voru færð fyrir því að veiran hefði verið búin til á rannsóknarstofu og lekið út eða verið sleppt. Þetta mátti ekki ræða án lokana og takmarkana á samfélagsmiðlum þar til í vor. Þá var allt í einu leyfilegt að velta því fyrir sér hvort veiran hafi verið manngerð.

Á DV er núna lítil frétt (ef frétt skyldi kalla) um svokallaðar samsæriskenningar. Grípum niður í hana:

Eftir aðeins níu ár verður heimsmyndin allt önnur en hún er í dag. Þú munt ekki eiga neitt, þú munt lifa í lögregluríki og það verður fylgst með þér öllum stundum í gegnum örflögur sem eru í bóluefnum sem þú færð. Á toppnum mun hópur mjög valdamikilla aðila sitja og stjórna þessu öllu.

Hljómar ekki spennandi, eða hvað? En svona hljóðar sú samsæriskenning sem er á einna mesta fluginu þessa dagana. Kenningin nefnist „The Great Reset“ og er sótt í framtíðarsýn sem var lögð fram á World Economic Forum í Davos í Sviss.

Skoðum svo aðeins hvað World Economic Forum skrifar á eigin vefsíðu:

The third and final priority of a Great Reset agenda is to harness the innovations of the Fourth Industrial Revolution to support the public good, especially by addressing health and social challenges. During the COVID-19 crisis, companies, universities, and others have joined forces to develop diagnostics, therapeutics, and possible vaccines; establish testing centers; create mechanisms for tracing infections; and deliver telemedicine. Imagine what could be possible if similar concerted efforts were made in every sector.

Erfitt er að lesa þetta öðruvísi en svo að samhæfingar sé þörf á heimsvísu til að rekja smit og stinga sprautunálum í sem flesta. 

Í myndbandi sem World Economic Forum gaf út en eyddi síðan (þó ekki áður en einhver hafði tekið afrit) er okkur sagt að mjög fá ríki muni svo til stjórna öllum heiminum, að þú sem einstaklingur munir ekki eiga neitt (og líka vel við það) og auðvitað ekki borða rautt kjöt.

In our city we don't pay any rent, because someone else is using our free space whenever we do not need it. My living room is used for business meetings when I am not there.

Já, þetta er boðskapurinn.

Once in a while I get annoyed about the fact that I have no real privacy. Nowhere I can go and not be registered. I know that, somewhere, everything I do, think and dream of is recorded. I just hope that nobody will use it against me.

Spennandi, ekki satt?

Ekki hefur stofnandi og forstjóri World Economic Forum mikið álit á yfirvöldum ríkja. Þau ríghalda jú í "outmoded model of sovereignty … [which has] prevented nation states truly engaging with globalisation" eins og maðurinn komst svo skemmtilega að orði. Lausnin á þessu vandamáli sem ósamhæfð stjórnvöld eru?

To achieve a better outcome, the world must act jointly and swiftly to revamp all aspects of our societies and economies, from education to social contracts and working conditions.

Auðvitað! "All aspects" - það dugir ekkert minna.

Ef eitthvað þá hljómar samsæriskenningin eins og DV orðar hana jafnvel betur en opinberar yfirlýsingar World Economic Forum og talsmanna þeirra samtaka.