Ekki lengur pissuhorn í sundlauginni

Fjögur norræn flugfélög hafa afnumið grímuskyldu í meirihluta flugferða sinna. Þar með er búið að loka pissuhorninu í sundlauginni - hornið þar sem mátti pissa og þannig forða öðrum sundlaugargestum frá því að synda í hlandi.

Auðvitað er grímunotkun innandyra tilgangslaus leið til að hindra veirusmit rétt eins og pissuhorn í sundlaug er tilgangslaust til að stöðva útbreiðslu hlands. Veirur sveima um framhjá grímum, ferðast í gegnum þær eins og hornsíli í gegnum togaratroll og virða ekki tveggja metra regluna. 

Það besta við grímur í ruslatunnum frekar en á andlitum er að lítil börn sjá andlit annarra en foreldra sinna, fólk getur á ný átt samskipti með notkun allskyns svipbrigða og merkjasendingar yfirvalda um að allir eigi að vera hræddir dofna. 

Við lifum ekki á tímum upplýsinga og vísinda. Rétt eins og Sovétríkin reyndu á sínum tíma að finna upp sín eigin vísindi sem mótsvar við "vestrænum" vísindum eru nú embættis- og stjórnmálamenn ýmissa ríkja að finna upp sín eigin vísindi. Hver þjóð hefur sína pólitíkusa sem taka ákvarðanirnar eða framselja völd sín til ókjörinna embættismanna. Alþjóðastofnanir sem boða færri sprautur til ríkra og fleiri til fátækra eru hunsaðar. Ríki og svæði sem galopna án þess að lenda í vandræðum detta út úr fyrirsögnum. Dauðsföll vegna óbeinna afleiðinga sóttvarnaraðgerða eða vegna sprautu í nafni veiruvarna eru afskrifuð sem ellidauði á meðan fólk sem lætur lífið í umferðarslysum, en vildi svo til að var með veiru í sér, er skrifað sem veirudauði.

Þeir sem vilja áfram að sundlaugar hafi pissuhorn hafa fengið að ráða nánast öllu í eitt og hálft ár. Það er kominn tími til að senda þá sem eru í spreng á klósettið og hætta þessari vitleysu.

Norræn flugfélög afnema grímuskyldu

Athugasemdir

[Sigurður Kristján Hjaltested, 18.10.2021 kl. 10:01]

Og þó fyrr hefði verið.

[Þorsteinn Sch Thorsteinsson (IP-tala skráð) 18.10.2021 kl. 15:23]

Sæll Geir,

"Fjögur norræn flugfélög hafa afnumið grímuskyldu í meirihluta flugferða sinna."

já, og þó fyrr hefði verið, svo og þar sem að þessar grímur virka ekki neitt í þessu sambandi. Þetta er svona rétt eins og nota þorskveiðinet til þess eins að veiða síli. En þetta hefur hins vegar gengið út á það, að halda hræðsluáróðrinum áfram, nú og þrátt fyrir að fyrirfram sé vitað til þess að í 99,997% til 94,6% tilfella þá lifir fólk af þessi svokölluðu covid19 veikindi.  
KV.

[Þorsteinn Sch Thorsteinsson (IP-tala skráð) 18.10.2021 kl. 17:42]

Hvernig er það áttum menn von á því að lífslíkur yrðu meiri en 99,98% til 94,6 eftir þessar svokölluðu bólusetningar, eða að lífslíkurnar yrðu +0,1%  og/eða kannski allt af því +0,2% í viðbót (eftir þessar svokölluðu bólusetningar)???