Fyrirmyndarríki

Ríki eins og Sádí-Arabía og Kína eru fyrirmyndarríki ekki satt? Kínverjar fundu upp á þeirri nýbreytni að loka heilbrigt fólk inni til að forða því frá allskyns veirum. Þeir ritskoða samfélagsmiðla sína. Sádarnir gera það sama. Þessi ríki fylgjast vel með þegnum sínum og rekja ferðir þeirra. Kínverjar eru allra þjóða duglegastir að gefa almenningi stig fyrir hlýðni og undirlægjuhátt. Listinn er endalaus og við tökum hann upp í sífellt meiri mæli.

Liðnir eru dagar málfrelsis. Stjórnarskrárvarin mótmæli á Vesturlöndum eru jafnvel orðin að óþægindum sem þarf að stöðva, nema auðvitað ef réttu aðilarnir mótmæla. Bændur, vörubílstjórar og annað hyski á ekki að fá að mótmæla. En sláir þú á rétta strengi í kór hins pólitíska rétttrúnaðar þá færðu að brenna byggingar og ræna verslanir og jafnvel gera aðför að lögreglustöðvum.

Það læðist að mér kaldhæðnislegt bros þegar ég sé Vesturlandabúa hneykslast á mannréttindabrotum annarra ríkja og heimshluta. Við erum jú svo miklu betri, ekki satt? Við þvingum enga í lyfjagjöf og útilokum enga fyrir að hafa ranga skoðun! Við skerðum ekki málfrelsið! Kosningar skipta máli og tryggja að rödd almennings heyrist! Allir hafa jöfn tækifæri á Vesturlöndum! Auðkýfingar með mikilmennskubrjálæði hafa engin áhrif á okkar stjórnskipulag!

Brandari.

Vesturlönd eru vissulega mun skárri en flest önnur þegar kemur að verndun eignarréttar og þvíumlíkt (og Norðurlöndin mögulega allrabest, enda meðal þeirra fyrstu til að kasta veiruvitleysunni í ruslatunnuna). Fólk er ekki beinlínis sent í grjótið fyrir að tjá sig af forvitni, einlægni eða bæði. Hendur eru ekki höggnar af þjófum og fólk er ekki látið hverfa í umboði yfirvalda (að jafnaði). En við erum ekki á réttri leið. Við erum á rangri leið. Við erum að taka þátt í vegferð Kínverja og Sádi-Araba, ekki John Stuart Mill og Jóns Sigurðssonar.

Það er ennþá von, svo því sé haldið til haga. Þeir vita það sem hafa sloppið heilir á geði í gegnum seinustu misseri, og jafnvel án þess að láta sprauta sig mjög mikið. Og þú getur orðið hluti af andspyrnunni, sem er hvort í senn friðsæl og upplýst. Og hún semur bestu brandarana. 

45 ár í fangelsi vegna notkunar á samfélagsmiðlum

Nýja tilraunadýrið: Manneskjur

Viltu sterkt ónæmiskerfi eða svimandi hagnað í vasa örfárra lyfjaframleiðenda með mjög gott aðgengi að efnamestu yfirvöldum heims?

Þú hefur mögulega aldrei stillt þessu tvennu svona upp en núna er góður tími til þess.

Okkur var sagt, og er ennþá sagt, að lítið prófað lyfjaglundur væri nauðsynlegt til að verja þig gegn veiru. Þetta glundur hefur valdið mjög mörgum alveg óbærilegum skaða. Um þetta er lítið sem ekkert fjallað á sjónvarpsskjánum. Yfirvöld veigra sér við að rannsaka sprengingu í tilkynningum um alvarlegar aukaverkanir vegna lyfja. Þögnin er ærandi, og hvað er til ráða?

"Nobody can help her, but everyone is saying, please go get this vaccine", segir hágrátandi móðir unglingsstelpu með stanslausan skjálfta í alveg svakalega átakanlegri heimildamynd sem deilir efni frá fólki sem er alvarlega skaðað vegna sprautunnar (deilt af fórnarlömbum og aðstandendum). 

Lof mér að orða þetta mjög varlega: Það er verið að gera tilraunir á fólki með hræðilegum afleiðingum. 

Ekki litlar tilraunir undir eftirliti lækna og sérfræðinga. Nei, miklu frekar einskonar sprengjuárásir á heilu samfélögin. Efnavopnaárásir. Af hverju? Margar kenningar! En mér finnst að þú eigir að hætta taka þátt. Hætta að bretta upp ermar. Hætta að trúa áróðrinum. Kynna þér málin. Lesa blogg Kristínar Þormar, Frettin.is, Substack Alex Berenson og Dr. Robert Mallone, allt sem þú finnur eftir Dr. Peter McCullough, og fleira. 

Lyfjatilraunin endar ef tilraunadýrin hætta að mæta.

Hættu að mæta. 

Raunveruleikatenging

Hvernig væri að henda í svolitla raunveruleikatengingu, eða jarðtengingu, til að spyrna aðeins við allri vitleysunni sem dynur á okkur? Já, gerum það.

Við, sem mannkyn, hvergi nærri því að hætta gríðarlegri notkun á jarðeldaeldsneyti. Jafnvel fjær því en nokkru sinni. Öll heimsins vind- og sólarorkuverkefni ná rétt svo að klóra í þá viðbót af orku sem mannkynið þarf á að halda árlega, og verðmiðinn á slíku er gríðarlegur. 

Rússar eru ekki að leggja jarðsprengjur á akra sem þeir vilja ráða yfir og setja sprengjur í leikföng þar sem þeir fara um. Þeir eru að gera ýmislegt slæmt en það er óþarfi að búa til einhverja teiknimyndaskúrka úr þeim.

Það er líka rangt, sem ég heyrði fleygt, að Rússar séu einangraðir á heimssviðinu, hvort sem mönnum líkar betur eða verr. Þeir eiga vini í Íran, Kína, Miðausturlöndum, Pakistan, Afríku, Sýrlandi, Indlandi og Japan, svo fátt eitt sé nefnt. Viðskiptaþvinganir gegn Rússum eru ekki annað en aðför að rússneskum og evrópskum almenningi og einangra Vesturlönd í kulda, verðbólgu og orkuskorti. 

Rafmagnsbílar eru ekki góðir fyrir umhverfið. Þeir eru flottar græjur ríka fólksins sem hefur efni á að eignast bíl sem endist bara í brotabrot af líftíma bensín- og olíuknúinna bíla. Og gott hjá því!

Hinar svokölluðu sóttvarnaraðgerðir seinustu missera voru lækning verri en sjúkdómurinn. Hvernig vitum við það? Jú, meðal annars því það „virðist talað fyrir daufum eyrum“ þegar yfirvöld eru beðin um að framkvæma einhvers konar uppgjör og samantekt á ákvörðunum og afleiðingum svokallaðra sóttvarnaraðgerða. Einhver hefur ekki áhuga á að opna á beinagrindurnar í skápnum, að því er virðist.

Við þurfum alla þá orku sem við getum aflað (með hagkvæmum hætti) og kjarnorka er sem betur fer komin aftur á dagskrá, auk opnunar á nýjum gaslindum í Evrópu, meðal annarra þátta. 

Læt þetta gott heita í bili. Velkomin til jarðar!

Dauðasprauturnar

Nú þegar heimsfaraldur er að baki er fólk skyndilega byrjað að deyja í mun meiri mæli en venjulega, einnig ungt fólk. Hérna er auðvitað ekki hægt að styðjast við skýringar yfirvalda sem verja sjálf sig. Nei, hérna þarf að kafa dýpra.

En hvar er fjallað um þessa fjölgun andláta? 

Eini íslenski fjölmiðillinn sem hefur sýnt þessu raunverulegan áhuga er Frettin.is, sem andstæðingar ríkisstyrkja á fjölmiðlum geta rólegir notið (og styrkja kannski í leiðinni). Hérna fjallar hann um mikla fjölgun andvana fæðinga, hérna um fjölgun heilabilanna hjá ungum börnum, hér um fjölgun krabbameinstilfella og hér um líffæra- og æðaskemmdir og allt þetta mjög líklega í boði sprautugleði undanfarinna missera. 

Blaðamaðurinn Alex Berenson fylgist einnig vel með. Hann bendir til dæmis á mikil umframdauðsföll meðal ungs fólks samkvæmt gögnum EuroMOMO, en það er stofnun sem fylgist með og heldur utan um gögn um andlát í ýmsum Evrópuríkjum og kemur áleiðis á læsilegu formi. Alveg sérstaklega óhugnanlegt er að sjá hvað börn og ungmenni undir 15 ára aldri eru að deyja í miklu meiri mæli en venjulega.

Ætla menn hér að fara kenna orkudrykkjum og ofþjálfun um? 

Það er eitthvað furðulegt í gangi og yfirvöld eru að reyna gera allt sem í þeirra valdi stendur til að ræða það ekki. Mögulega erum við að þegja yfir dauða- og hjartaveikibylgju meðal ungs fólks sem er búið að sprauta til dauða eða fötlunar. 

Íslensk yfirvöld virðast ekki ætla að vakna úr dáinu og halda áfram að bjóða upp á sprautur. Gagnslausar og hættulegar sprautur. Og já, eftirfarandi setningu er ennþá að finna á heimasíðu landlæknis (síðan 22. júní):

Allir sem eru óbólusettir eða vanbólusettir (hafa fengið einn skammt) eru sérstaklega hvattir til að mæta og ljúka bólusetningunni.

Þetta lið er ekki heilt á geði en því miður er ennþá verið að sprauta 200-300 skömmtum á dag í fólk. Í tilfelli fullorðins fólks get ég bara sagt: Gott og vel, sprautið ykkur með hverju sem þið viljið! Hvað næst? Heróín?

En sé ennþá verið að sprauta krakka þá vil ég biðla til allra um að höfða til foreldra þeirra og afstýra stórslysi.

Nú er haustið að bresta á og vissara að vera vakandi. Sprautuframleiðendur eru búnir að endurmerkja glundrið og tilbúnir að selja snákaolíuna í nýjum umbúðum. Þeir sem fengu alla heimsins athygli í miðjum hræðslufaraldrinum eru farnir að sakna sviðsljóssins. Þeir sem sáu stórkostleg tækifæri fólgin í því að læsa fólk heima hjá sér hafa ekki gefið upp draumsýnir sínar.

Og þú ert fallbyssufóðrið.

Óvenju mörg dauðsföll á þessu ári

Virkir í athugasemdum

Ég hlustaði nýlega á viðtal við mjög fróðan mann, Íslendingur með marga áratugi af víðtækri reynslu á bakinu. Fróðleiksbrunnur sem fylgist vel með fréttum og getur sagt vitræna hluti um nánast allt sem fer fram í dag og hefur farið fram seinustu ótal ár. 

En svo hljóp hann á sig í umræðum um Rússa og þá sérstaklega samskipti Rússa og Kínverja í dag. Hann sagði að Kínverjar væru að kaupa gas frá Rússlandi, sem er rétt, en sagði það koma frá Yamal-skaga í Rússlandi, sem er rangt. Kínverjar kaupa ekki rússneskt gas frá sömu lindum og Evrópa. Það er að fara breytast en er ekki rétt í dag. 

En hvaða máli skiptir það? Í raun engu fyrir sakir umræðunnar um málefni dagsins (mögulega meira ef menn ætla að líta til framtíðar), en sýnir bara hvað fróður maður þarf þó að fara varlega þegar hann þylur upp nokkuð sem eiga að heita staðreyndir en eru ekki. Smáatriði mögulega, en dæmi um að meira að segja fróðir menn segja nokkuð sem ætti að andmæla en gerist ekki því spyrill er engu fróðari.

Förum nú á hinn pólinn: Fólk sem veit lítið um fátt og ekkert um flest. Samansafn þessa fólks mætist iðulega í athugasemdakerfum fjölmiðla og samfélagsmiðla. Ég freistast stundum til að lesa skrif þessa fólks og sé alltaf eftir því. Freistast enn sjaldnar til að svara einhverjum af þessum athugasemdum en þá yfirleitt án iðrunar. Þetta er ormagryfja af fólki sem fullyrðir nánast alltaf ranglega um það sem er til umfjöllunar, ólíkt hinum fróða manni sem skeikaði aðeins á svolítilli staðreynd eða tveimur.

Lærdómurinn er mögulega sá að forðast virka í athugasemdum og hlusta frekar á fróða menn (og hér þarf sennilega að árétta að konur eru líka menn, þ.e. af dýrategundinni homo sapiens - "man"). En maður hlustar náttúrlega ekki á sjálfan sig og heldur áfram að vera óvirkur meðal virkra í athugasemdum, nema stundum.

Hvenær hefst umræðan um auðlindagjald af landeldi?

Á Íslandi nýta menn náttúruna til margra hluta. Sumir veiða fisk í sjó, aðrir lax úr á. Sumir týna krækiber í móa, aðrir tína tómata í gróðurhúsi. Íslendingar sækja hita í jörðina og orku úr fallvötnunum. Bændur senda sauðfé upp á fjöllin til að éta þar gras og lyng, grasalæknar sitja í sömu móum og týna hráefni í grasaseyðin sín.

Allt er þetta vitaskuld nýting á náttúrunni með einum eða öðrum hætti. Sameign Íslendinga, ekki satt? Fjöll og firnindi, vötn og sjór. Allt þetta innan umráðasvæðis íslenska ríkisins. Sumt gengur vel og skilar hagnaði, annað ekki og er niðurgreitt eða stundað af áhugamennsku. En það er hagnaðurinn sem stjórnmálamenn fylgjast með.

Hvað gerist ef einhver nýting fer að skila miklum hagnaði? Fer kannski úr því að vera niðurgreitt af skattgreiðendum eða fjárfestum og nær svo flugi og verður að arðgreiðslugreiðandi afhöfn.

Þá finna menn upp svolítið hugtak: Auðlindagjald. Gjald fyrir að hafa tekjur af nýtingu íslenskrar náttúru. En bara ef vel gengur eftir stundum mörg ár af harðæri.

Landeldi á laxi í stórum stíl er nú víða í undirbúningi. Landeldi, Geo Galmo og Samherji eru meðal aðila þar. Þeir hafa ekki skilað krónu í hagnað ennþá en stefna á markaði sem þeir veðja á að verði stórir og gjöfulir.

Og kannski verða þeir það. Kannski landeldislax frá Íslandi, ræktaður við sjálfbær skilyrði á lífrænu fóðri, verði að eftirsóttasta varningi í heimi. Peningar streyma inn. Hagnaður rýkur upp. Arðgreiðslur byrja að greiðast út í stórum stíl.

Þá fara stjórnmálamenn á stjá. Jarðsjórinn? Takmörkuð auðlind! Landsvæðið undir kerjunum? Sameign þjóðarinnar! Greiðið auðlindagjald! 

Nema menn geri eins og menn gerðu þegar undirbúningur að olíuleit á Dreka-svæðinu svokallaða átti að fara af stað: Hönnuðu svo stífa skattheimtu að enginn lagði í verkefnið. Það var dauðadæmt frá upphafi.

Það er líka hægt.

25 milljarða samningur um eldi í Ölfusi

Evrópa betlar af Noregi (án árangurs)

Evrópa hefur vanrækt í fjölda ára að leita að og sækja olíu og gas á eigin landsvæðum.  Þjóðverjar vilja ekki stunda svokallað "fracking" sem er leið til að ná gasi úr bergi (gætu mögulega skipt um skoðun þar í ljósi aðstæðna) og Danir ætla að loka öllum olíu- og gaslindum fyrir 2050, sem drepur svolítið langtímaávinning af því að leggja í nýjar lindir. Hollendingar eru á svipaðri línu og hafa smátt og smátt dregið úr gasframleiðslu úr stærstu gaslind Evrópusambandsins (gætu mögulega skipt um skoðun þar í ljósi aðstæðna). 

Eftir stendur innflutningur á gasi frá Austur-Evrópu og vesturhluta Asíu og sérstaklega Rússlandi, og auðvitað frá Noregi. Og Norðmenn slappa núna af á meðan peningarnir streyma í kassann þeirra.

Hvað gera Evrópumenn þá? Þessir sömu og komu sér í klípu? Jú, fara með betlistaf til Noregs og reyna semja um afslátt. Sama og þegið, segja Norðmenn. Og bráðum opnar Baltic Pipe sem stækkar markaðssvæði norska gassins töluvert og þar með möguleika þeirra til að selja á enn hærra verði. Og hátt er það nú þegar:

Ifølge Nordea Markets' friske beregninger står den norske stat nemlig til at tjene 1.500 milliarder norske kroner på olie- og gassalget i år og 1.900 milliarder norske kroner i 2023. Til sammenligning kom der i 2021 830 milliarder norske kroner i statskassen – og det var rekord.

Þeir mega eiga það Norðmenn að þeir eru góðir að búa til peninga. Danir segja með svolítilli biturð í röddinni að þegar vindar blása þá fá Norðmenn ódýrt rafmagn frá Danmörku en þegar er logn þá kaupa Danir dýrt rafmagn frá norskum vatnsaflavirkjunum. Norðmenn hafa aldrei hægt á fjárfestingum í olíu og gasi og hafa meira að segja verið að gefa í undanfarin misseri. Og núna mæta aðrir með betlistafinn en uppskera ekkert nema markaðsverð.

Það borgar sig að hlusta ekki alltof mikið á raunveruleikafirrta græningja sem vilja eyðileggja samfélagið okkar í nafni umhverfisverndar en anda sósíalista.

Borgar sig mjög vel.

Laugarvatnsleyndardómurinn

Þegar ég les og sé fréttir um brottrekstur hjólhýsa úr Bláskógabyggð þá er ég engu nær um hvað er að gerast í raun. Skortur á brunavörnum segir sveitarstjórinin. Hvað bull er það? Er nokkuð mál að henda í einn brunahana og nokkur slökkvitæki? 

Hvað hafa mörg hjólhýsi fuðrað upp í Bláskógabyggð undanfarna áratugi? Og hvað hafa margir eldsvoðar í hjólhýsum leitt til eldsvoða í nærliggjandi mannvirkjum? Er hjólahýsabyggðin í Bláskógabyggð einhver púðurtunna umfram önnur tjald- og hjólhýsasvæði? Eða hreinlega venjuleg hverfi?

Við setjum svo margar reglur til að búa til öryggi og fyrirsjáanleika að það er ekkert pláss fyrir fólk lengur. Mig grunar að stjórnmálamenn séu ánægðir með það því þeir geta þá atast í borgurunum í nafni regluverndar að nafninu til en í raun í anda stjórnlyndis.

Kannski sveitarstjórnin í Hrunamannahreppi fylgist spennt með framvindu mála. Verða mótmæli? Fær sveitarstjórnin á baukinn? Kemst hún upp með að selja hjólhýsabyggð undir einhverja peningauppsprettu? Gangi allt að óskum í Bláskógabyggð verður hjólhýsabyggðin á Flúðum mögulega vöruð við ónægum brunavörnum og látin fjúka.

En sjáum hvað setur.

Kveðja Laugarvatn þvert á vilja

Er of seint að stöðva umhverfisverndarhreyfinguna?

Við heyrum fátt annað frá morgni til kvölds: Losun manna á koltvísýringi er að leiða til tortímandi breytinga á loftslagi Jarðar. Öllum er um að kenna. Allir eru samsekir. Allir þurfa að taka á sig högg í formi himinhárra skatta, hækkandi matvæla- og orkuverðs, rýrnandi lífsgæða, takmarkana í aðgengi að góðum vörum úr plasti og breytts mataræðis. 

Og sífellt er bætt í af því andspyrnan gegn frekari lífskjaraskerðingum er svo til engin. Þegar íslenskum verslunum var bannað að bjóða upp á plastpoka og þess í stað gert að bjóða upp á burðarpoka úr matvælum þá heyrðist varla tíst í andmælum, svo dæmi sé tekið.

Ég velti því stundum fyrir mér hvort þetta ofstæki - þetta tangarhald umhverfisverndarhreyfingarinnar svokallaðrar á umræðunni og stjórnmálunum - verði mögulega ekki stoppað úr þessu.

Núna er orkukreppa í Evrópu. Hún hefur kælt ofstækið í álfunni aðeins. Kolaorkuver eru ræst á ný, gaslindir á að opna og fleiri uppsprettur orku eru skoðaðar. En þetta er bara tímabundið ástand. Meira að segja á tímum þar sem venjulegt fólk hefur ekki lengur efni á að kæla eða hita hús sín eru öfgahreyfingarnar að hamast í stjórnmálamönnum um að gera líf almennings enn óbærilegra með enn dýrari orku, nú eða bara með því að taka orkuna alveg af honum.

Kannski rót vandans liggi í orðabrenglun. Ég tala hér um umhverfisverndarhreyfinguna, en auðvitað er loftslagsáráttan ekki umhverfisverndarhreyfing. Við erum ekki að tala um að halda eiturefnum frá lækjum og ám og rusli frá náttúrunni heldur að herða að getu mannkyns til að framleiða orku. Án orku erum við einfaldlega dýr sem labba á tveimur fótum, berskjölduð fyrir náttúruöflunum. Við hættum að geta framleitt, ferðast og fóðrað okkur. Fólk sem hatar samfélagið er hérna með gullið tækifæri til að láta það þjást, og tækifærið er nýtt til hins ýtrasta.

Stíflan er mögulega brostin og okkar heimshluti að fara sökkva aftur til miðalda. Á meðan byggja Kínverjar og Indverjar hundruð kolaorkuvera og fylla í hóp stækkandi miðstéttar með kaupmátt og metnað. Við skiptum á vestrænni menningu og einhverri allt annarri sem mér hugnast mun síður. 

Nema auðvitað við snúum af leið okkar til fátæktar og vosbúðar. 

Því fyrr því betra. 

Þegar grín var grín

Árið 1988 kom út mynd sem ég man mjög vel eftir úr æsku: The Naked Gun: From the Files of Police Squad (og í kjölfarið komu tvær framhaldsmyndir). Í henni var gert grín að nánast öllu sem var í gangi í samfélaginu: Hasarmyndum þess tíma, stjórnmálamönnum, hryðjuverkamönnum, fíkniefnasölum og lögreglunni. Þetta sést ágætlega í upphafsatriði myndarinnar þar sem helstu heimsleiðtogar utan hins vestræna heims ræða sín á milli um hvaða hryðjuverk gegn Bandaríkjunum eigi að fremja næst og inn brýst svo aðalsöguhetja myndarinnar og lemur þá í klessu. 

Að hugsa sér að svona lagað hafi leyfst! 

Núna stígum við auðvitað aðeins varlegar til jarðar. Hryðjuverkamenn gerðir út af einstaka ríkisstjórnum má ekki ræða. Nei, þetta eru allt bara einhverjir einfarar með sand af seðlum sem féllu af himnum ofan, ekki drifnir áfram af neinni eitraðri hugmyndafræði sem litar heilu heimsálfurnar! Þjóðarleiðtogar njóta óverðskuldaðrar virðingar (nema þeir séu hvítir karlmenn komnir yfir miðjan aldur). Grínistar fá það óþvegið fyrir að stíga inn fyrir ósýnilegar línur á landakorti hins pólitíska rétttrúnaðar (en fá stundum óvæntan stuðning við málfrelsið, sem betur fer, væntanlega til að forðast flótta viðskiptavina). Allt er orðið svo viðkvæmt og auðsæranlegt.

Þá er gott að geta leitað í eldra efni eins og Naked Gun þar sem engu er hlíft. Og er aðgengilegt á streymisþjónustum. 

Bless nýja drasl. Halló gamla gull.