Hvað eiga foreldrar að gera ef sprautan truflar hjarta barnsins?

Ertu foreldri og ætlar að láta sprauta börnin þín svo þau veikist ekki af veiru sem veikir þau hvort eð er ekki? Gott og vel, þú vilt láta hýða þig af Víði og fylgja ráðleggingum opinberra starfsmanna sem kynna sig sem sérfræðinga. En hvað er til ráða ef barn þitt fær alvarlegar aukaverkanir í kjölfar sprautu? Til dæmis vandræði í tengslum við hjartað?

Í Kanada hafa yfirvöld búið til svolítinn bækling með leiðbeiningum til foreldra. Ég hengi hann við þessa færslu enda svolítið erfitt að finna hann. Foreldrar geta notað bæklinginn til stuðnings þegar þeir eru sendir á milli lækna sem afneita öllum venslum sprautu og hjartavandræða í heilbrigðum börnum og framkvæma skoðanir og skimanir sem benda ekki til neinna varanlegra skemmda á hjartanu eða umliggjandi líffærum og fullyrða slíkt þótt rannsóknir vanti.

En þetta er svo ólíklegt, er það ekki? Einn á móti milljón! Miklu ólíklegra en að sjálf veiran valdi alvarlegum veikindum og skemmdum á líkama barnsins, ekki satt?

Það má vel vera að slík tölfræði finnist. Eitthvað fór samt lítið fyrir umræðu um slíkt áður en sprauturnar voru samþykktar fyrir börn. Nú þegar má sprauta börn þarf allt í einu að sprauta börn og bannað að segja annað. Ég þekki fullt af fólki sem hefur þurft að dúsa heima hjá sér með einkennalaus og eiturhress börn svo dögum skiptir, svona rétt eins og þau séu bara alls ekki veik. Í miðjum heimsfaraldri! Nú á að raða sömu börnum í raðir og láta sprauta þau gegn óværunni stórhættulegu og hætta á að þurfa lesa kanadíska bæklinga um meðferðir á alvarlegum aukaverkunum.

Ekki mín börn, takk. Og vonandi ekki þín heldur.

Skrár tengdar þessari bloggfærslu:

• Leiðbeiningar til foreldra

Trúir þessu einhver?

Eins og staðan er núna eru 5.534 í einangrun með Covid-19 og 7.710 í sóttkví en alls eru því 13.244 annaðhvort í einangrun eða sóttkví á Íslandi. 

Til hvers? Jú, til að stöðva útbreiðslu veiru.

Til hvers? Jú, til að hlífa heilbrigðiskerfinu þar sem er búið að senda stóran hluta starfsmanna heim til sín til að stöðva útbreiðslu veiru.

Til hvers? Jú, til að það sé tryggt að allir sem þurfa á heilbrigðisþjónustu að halda geti fengið hana. Nema auðvitað þeir sem eru á biðlistum. Þeir fá ekkert.

Til hvers? Jú, því aðgangur að heilbrigðisþjónustu er svo mikilvægur að það á helst enginn að þurfa á henni að halda til að allir geti fengið hana þegar þeir þurfa.

Til hvers? Jú, því annars er hætta á því að lasið fólk komist ekki undir læknishendur.

Samfélagið er nú aðlagað að spítala sem vill helst ekki fá neina sjúklinga því hann er búinn að senda svo mikið af starfsfólkinu heim. Meira að segja fullmannaður er hann alltaf að springa og í eilífu neyðarástandi og vill helst ekki að fólk þurfi á honum að halda.

Ég velti því fyrir mér hvort ekki sé að myndast stórt og öflugt hliðarsamfélag þar sem fólk í sóttkví og einangrun hittist á bak við lokuð gluggatjöld og baktalar hrædda nágranna sína sem keyra aleinir með grímu í bílnum og spritta sig til sprunginnar húðar. Ég eiginlega vona það en sennilega skjátlast mér.

Hvað um það, það stendur til að brjóta dönsk sóttvarnarlög núna og best að koma sér að verki.

Aldrei fleiri í einangrun og sóttkví

Hvernig neyðarástand er búið til

Hvernig býrðu til neyðarástand í rekstri sem er í ósköp venjulegum farvegi? Jú, sendir starfsfólkið þitt heim.

Nú þykjast menn á Íslandi vera að skoða gögn sem Bandaríkjamenn hafa notað sem réttlætingu á styttingu stofufangelsis fyrir hrausta einstaklinga sem hafa slegið út í einhverju prófi og eru þar með skilgreindir sem dauðvona fórnarlömb heimsfaraldurs. Slík gögn hafi reynst vel áður. Hafa þó þann fyrirvara á að Landspítalinn er búinn að senda stóran hlusta starfsfólks síns heim. Betra þá að halda stofufangelsinu óbreyttu. Jafnvel sleppa því að skoða gögn. 

Allt minnir þetta mig á brandara:

Hvað gerir Hafnfirðingurinn til að forðast innbrot? Hann fjarlægir hurðina svo enginn geti brotist inn.

Niðurstaða liggur væntanlega fyrir á morgun

Sprautuheimsóknir

Þótt ákveðinn opinber embættismaður, sem virðist eiga erfitt með að lesa enskan texta, segi að tvær sprautur séu gagnslausar þá er óþol margra gagnvart þeim með núll sprautur víða að magnast upp. Þeir sem hafa fengið 0-2 sprautur eru litnir hornauga. Fullgildur borgari er með þrjár sprautur og bráðum fjórar. Þeir með færri sprautur eru kallaðir smitberar og kennt um allar takmarkanir yfirvalda á samfélaginu. Hérna fá litlu börnin alveg sérstaklega að kenna á því með skólalokunum og hræddum foreldrum sem stoppa félagslíf þeirra.

Í Bretlandi er nú rætt um að setja á stofna sérstakar sveitir sem banka upp á hjá ósprautuðum og bjóða upp á sprautu. Huggulegt, ekki satt? 

Smit eru jú á uppleið. Þarf ekki að gera eitthvað?

En bíddu nú við, af hverju er dauðakúrvan svona flöt? Er þetta eitthvað breskt fyrirbæri? Nei. Dönsku kúrvurnar eru svipaðar, og þær suður-afrísku, svo dæmi séu tekin. 

Þeir sem hafa fengið allar sprauturnar þakka sér auðvitað fyrir og kannski það sé með réttu (þeir með veikustu ónæmiskerfin búnir að sprauta aðeins í þau og bjarga sér) en þegar óþolið fyrir ósprautuðum er nú komið á börnin, sem voru aldrei að deyja vegna veirunnar, þá er eitthvað annað að baki en sóttvarnir. Nú fyrir utan að ósprautaðir eru mikill minnihluti allra aldurshópa niður að framhaldsskólaaldri og ef þeir fengju sprautur myndi það ekki breyta heildarmyndinni neitt.

Raunverulegi blóraböggullinn er traustið á sprautunum sem hvorki koma í veg fyrir að einstaklingar smitist né smiti frá sér en á sama tíma mega þeir flakka um heiminn, oft án skimana, og blása veirum á aðra. Og kannski sem betur fer því þá er von um að ná hjarðónæmi.

En gott og vel, ef þú vilt lifa í ótta og treysta á gallaðar sprautur og styðja við fordóma gagnvart litlum börnum og treysta í blindni á yfirvöld þá hlýtur þú að mega gera það. Horfðu endilega sem mest á fréttir og gerðu þig vitstola af hræðslu. Ég afþakka.

Ekkert er ólöglegt í neyðarástandi

Aðalmeðferðir í fimm málum gegn sóttvarnalækni fara fram á morgun fyrir Héraðsdómi Reykjavíkur. Málin snúast um lögmæti fyrirmæla sóttvarnalæknis um að skipa einkennalausum einstaklingum í einangrun á grundvelli jákvæðs PCR-prófs.

Sem sagt: Hvort skikka megi heilbrigt fólk í stofufangelsi.

Þeir sem tala fyrir slíku munu tala um neyðarástand. Það er jú HEIMSFARALDUR. Hann er að vísu eitthvað að framlengjast, að því er virðist út í hið óendanlega, en neyðarástand skal það kallast. Og þá er ekkert ólöglegt.

Dómarar hins opinbera þora ekki alltaf að bíta í höndina sem fóðrar þá. 

Sjáum hvað setur.

Sem betur fer heyri ég um fleiri og fleiri sem smeygja sér í kringum órökréttar og óskiljanlegar reglur og hitta fjölskyldu og vini, sérstaklega nú á tímum hátíðarhalda og hefða. Vonandi tekst að aðlaga lagatúlkanir að þeim raunveruleika.

Láta reyna á lögmæti einangrunar fyrir dómi

Hugmyndafræði 'hinna'

Ég eyði að jafnaði miklu púðri í að reyna skilja hugsunarhátt málefnalegra andstæðinga minna hvort sem þeir eru að tala fyrir hærri sköttum, fleiri embættismönnum, fjölgun reglugerða, meiri peningaprentun, boðum og bönnum, skilyrðum og leyfum.

Stundum er það gagnlegt, stundum ekki. Stundum tekst mér að fá innsýn, stundum ekki. 

Mér tekst til dæmis ekki að skilja þann ágæta mann sem skrifaði eftirfarandi sem athugasemd við frétt hjá DV sem fjallaði um sóttvarnaraðgerðir (og galla þeirra):

Ég skil vissulega að heilbrigðiskerfið eigi að geta aðstoðað þá sem þurfa á því að halda rétt eins og matvöruverslanir þurfa að vera nægilega margar og stórar til að allir geti keypt í matinn. Ég skil að heilbrigðiskerfið á við mörg vandamál að stríða. Ég veit að sjúkrarúmum hefur fækkað undanfarin ár á meðan fjárútlátin hafa aukist. Ég veit af tregðu ríkisins til að bjóða út til verktaka ýmsar aðgerðir og meðferðir ef undan eru skilin útboð til að reisa stofufangelsi og troða pinnum í fólk.

Það sem ég skil ekki er af hverju einstaklingur er ennþá að bera við vanda heilbrigðisins sem röksemd fyrir hamlandi aðgerðum á samfélag manna nú þegar nálega tvö ár eru liðin síðan Veiran nam land (með stórum upphafsstaf, því aðrar leiða ekki til skerðingar á borgaralegum réttindum).

Jú, kannski í maí 2020.

Kannski um hausið 2020 enda tekur tíma að koma á breytingum.

En síðan þá: Óskiljanleg röksemd sem ég sé ekki betur en sé knúin áfram af ánægju viðkomandi með allar aðgerðirnar. Kannski ágætt að geta falið sig á bak við grímu. Kannski fínt að vera laus við óþolandi jólaboð og jarðarfarir. Kannski gott mál að geta falið sig heima hjá sér og kallað það sóttkví, einangrun, smitgátt eða annað samheiti við stofufangelsi. 

Það stóð hvort eð er aldrei til að ferðast neitt. 

Að fara í bíó er óþarfi. Það er jú allt á Netflix!

Út að borða? Aktu taktu alla leið.

Mannamót? Of mikill hávaði. Of mikið af fólki.

Að hanga heima hjá sér og hitta engan, kannski spila svolítið af tölvuleikjum eða gleypa í sig seinustu þáttaröð Game of Thrones - fullkomin helgi!

Ég kemst ekki nær því að skilja athugasemdina að ofan nema sjá fyrir mér einstakling sem þrífst bara ljómandi vel í einverunni í hangsi heima hjá sér og vel mataðan af seinustu smittölum. Hann myndi ekki blikka auga ef heilbrigðiskerfið myndi fækka sjúkrarúmum um helming og tvöfalda allar sóttvarnaraðgerðir til að verja kerfið fyrir álagi.

Eina skýringin sem mér dettur í hug sem valkost er óttinn. Ég þekki svoleiðis fólk en veit líka ástæður þess á bak við óttann (og yfirleitt er hann einfaldlega hræðsluáróður yfirvalda og fjölmiðla). Sá sem skrifaði athugasemdina hér að ofan er tæplega yfir sjötugt en kannski í yfirvigt, á ónæmisbælandi lyfjum eða sykursýki. Kannski.

En gefið að einstaklingur með þessi viðhorf er ekki í þekktum áhættuhópi: Hvar skjátlast mér? 

Er kannski samhengi á milli þess að vera í yfirvigt og þar með áhættuhópi og þess að vilja helst bara hanga heima?

Eða á milli þess að þjást af félagsfælni og almennum ótta við mannamót og vilja bara hafa allt lokað sem mest og lengst?

Ég spyr af því ég veit það ekki.

Ég vil óska öllum sprautulausra jóla

Á þessari hátíð barnanna vil ég nota tækifærið og óska öllum, og sérstaklega börnum, sprautulausra jóla og gæfuríks, sprautulauss nýs árs. 

Nema auðvitað fyrir þá sem vega áhættuna af sprautunni minni en áhættuna af veirunni af ýmsum ástæðum en að það sé gert á grundvelli upplýsinga og rannsókna en ekki orða sóttvarnalæknis sem er sennilega illa að sér í enskum texta og les í besta falli fyrirsagnir þess lesefnis sem einhver ber á borð hans.

Börn þurfa ekki sprautur. Punktur. Sprauturnar geta hins vegar skaðað þau.

Flestir þola veiruna ágætlega og ættu að leggja sitt af mörkum og byggja upp náttúrulegt ónæmi sem endist betur en sprauta sem rennur út á nokkrum vikum. Fleiri vel tengdir listamenn ættu að þrýsta á um undanþágur frá reglum og halda fjölmenna viðburði. Fleiri veitingamenn eiga að þrýsta á um undanþágur til að hafa sem mest opið svo fólk dreifist sem mest. Færri ættu að þjappa sér í prófunarraðirnar sem eru kannski kjörlendi veirunnar þar sem öllum ægir saman, þeir hóstandi og hinir sem vilja bara fá leyfi til að ferðast.

En ætli næsta ár verði minna sprautað en það sem senn er á enda? Þrátt fyrir allar rannsóknirnar á virkni sprautunnar og getu hennar til að hemja smit, á virkni takmarkana í samfélögum þar sem veiran er á þvælingi óháð minnisblöðum, á meðferðum, á áhættuhópum, á afbrigðum, þá eru heilbrigðisstofnanir að hefja mismunun á fólki á grundvelli sprautufjölda. Magnað. Og grímurnar eru ennþá lofaðar. Magnað. Marsmánuður 2020, þar sem enginn vissi neitt og allt var óvíst, neitar að sleppa tökunum þótt flest sé nú vitað.

Mundu að þótt þú sért orðinn sprautufíkill þá er aldrei of seint að hætta.

Mitt ár 2022 verður sprautulaust. Vonandi verður þitt það líka.

Veiran sem ætlar að lifa af

Er ekki vissara fyrir íbúa ríku ríkja heims að sprauta sig endurtekið og ítrekað á meðan íbúar annarra ríkja ýmist vilja ekki eða geta gert eitthvað slíkt? Með því að margsprauta þá ríku er jú hægt að stöðva heimsfaraldur, ekki satt?

Nei, auðvitað ekki. Ef sprauturnar virka þá eiga þær að rata í handleggi viðkvæmra um allan heim en ekki í handleggi hraustra krakka hræddra foreldra Vesturlanda.

Óháð sprautum þá virðist veiran sem er svo mikið í sviðljósinu hafi ætlað sér að lifa af. Og hverju gera veirur það? Jú, með því að smitast ört en drepa síður.

Kannski veira sé búin að átta sig á því núna.

Er smitfjöldinn ekki byrjaður að aftengjast dánartíðninni svolítið á heimsvísu? Það mætti halda.

Er það vegna sprautuherferða í litla krakka í ríkustu ríkjunum? Varla.

Látum það samt ekki stoppa okkur. Eða með frásögn af orðum sóttvarnalæknis Bandaríkjanna:

Top U.S. infectious disease expert Anthony Fauci said attending large gatherings of more than 40 people is considered not safe for vaccinated people, even those who got a booster dose.

Sprautan með öðrum orðum gagnslaus ef tilgangurinn með þátttöku í þeirri rússnesku rúllettu er að geta lifað eðlilegu lífi.

Þú færð kannski einhverja vörn gegn alvarlegum veikindum (gefið að sprautan valdi þér ekki alvarlegum aukaverkunum), eins og þeir sem taka lýsi á hverjum degi, en líf þitt er engu meira lifandi fyrir vikið.

Ótti er í mörgum tilvikum val. Í tilviki veiru er óttinn tvímælalaust val. Veldu óttann eða hafnaðu honum.

Skylda alla eldri en fimm ára í bólusetningu

Kórónujól

Stórt tækifæri blasir nú við: Að almenningur fái tækifæri til að eiga góð og afslappandi kórónujól og byggja upp hjarðónæmi í samfélaginu í leiðinni. Fjölskyldur geta hist og smitað hverjar aðrar og allir fara svo heim í náttfötin og lesa góða bók í jólafríinu. Bara muna að eiga D-vítamín, sink og annað gott í lyfjaskúffunni. 

Ég á tvo vini sem sitja nú greindir og einkennalausir heima hjá sér og telja sig ekki komast lönd né strönd. Þeir ættu þess í stað að vera á ferð og flugi, borða á veitingastöðum og sækja tónleika. 

Hið nýja afbrigði er svo vægt að fjölmiðlar telja sig þurfa að útskýra að hin lífshættulega veira getur birst á sama hátt og svolítið kvef. Munurinn er bara sá að þeir sem fá kvef missa ekki borgaraleg réttindi sín og fá ekki sekt fyrir að kaupa í matinn. Að láta prófa sig og greinast svo óvænt með hina bráðdrepandi pest hefur lagalegar afleiðingar í för með sér. En þú finnur ekki endilega neinn mun.

Kannski ég ljúki af öllum jólaundirbúningi í dag og skelli mér svo í heimsókn til annars vinanna og gefi honum gott faðmlag. Þá fæ ég kannski kórónajól í skóinn. 

Fjölmargir veitingastaðir óska eftir undanþágu

Blessólfur

Er Þórólfur á leiðinni út?

Hann missti einn stuðningsmann í vikunni. Að minnsta kosti.

Nýr heilbrigðisráðherra gerði það nánast að sínu fyrsta verkefni að leggja til að færa skipun sóttvarnalæknis beint undir sjálfan sig (hann er í dag skipaður af landlækni sem er skipaður af ráðherra). Kannski bilið á milli þess að vera kjörinn fulltrúi sem þarf að huga að samfélaginu í heild sinni (og svokallaðri lýðheilsu í þessu tilviki) og ókjörinn embættismaður (með mjög þröngt sjónsvið sem í dag er ein veira) minnki aðeins við það.

Ekki það að bein afskipti kjörinna þingmanna að tæknilegum úrlausnarefnum sé endilega besta fyrirkomulagið, en þegar kerfið býr til veiru sem fær að smita allt samfélagið með takmörkunum og gjaldþrotum er sennilega illskást að hafa kjörna fulltrúa nálægt sprautunni sem stöðvar hana, enda sæta slíkir fulltrúar a.m.k. einhvers aðhalds (þó ekki frá fjölmiðlum).

Sóttvarnalæknir verður sennilega byrjaður að pakka niður minnisblöðunum sínum fyrir vorið.

Vel á minnst: Ekkert 5-11 ára barn hefur lagst á spítala vegna COVID-19 á Íslandi.