Sprautuheimsóknir

Þótt ákveðinn opinber embættismaður, sem virðist eiga erfitt með að lesa enskan texta, segi að tvær sprautur séu gagnslausar þá er óþol margra gagnvart þeim með núll sprautur víða að magnast upp. Þeir sem hafa fengið 0-2 sprautur eru litnir hornauga. Fullgildur borgari er með þrjár sprautur og bráðum fjórar. Þeir með færri sprautur eru kallaðir smitberar og kennt um allar takmarkanir yfirvalda á samfélaginu. Hérna fá litlu börnin alveg sérstaklega að kenna á því með skólalokunum og hræddum foreldrum sem stoppa félagslíf þeirra.

Í Bretlandi er nú rætt um að setja á stofna sérstakar sveitir sem banka upp á hjá ósprautuðum og bjóða upp á sprautu. Huggulegt, ekki satt? 

Smit eru jú á uppleið. Þarf ekki að gera eitthvað?

Smit og dauðsföll í Stóra-Bretlandi

En bíddu nú við, af hverju er dauðakúrvan svona flöt? Er þetta eitthvað breskt fyrirbæri? Nei. Dönsku kúrvurnar eru svipaðar, og þær suður-afrísku, svo dæmi séu tekin. 

Þeir sem hafa fengið allar sprauturnar þakka sér auðvitað fyrir og kannski það sé með réttu (þeir með veikustu ónæmiskerfin búnir að sprauta aðeins í þau og bjarga sér) en þegar óþolið fyrir ósprautuðum er nú komið á börnin, sem voru aldrei að deyja vegna veirunnar, þá er eitthvað annað að baki en sóttvarnir. Nú fyrir utan að ósprautaðir eru mikill minnihluti allra aldurshópa niður að framhaldsskólaaldri og ef þeir fengju sprautur myndi það ekki breyta heildarmyndinni neitt.

Raunverulegi blóraböggullinn er traustið á sprautunum sem hvorki koma í veg fyrir að einstaklingar smitist né smiti frá sér en á sama tíma mega þeir flakka um heiminn, oft án skimana, og blása veirum á aðra. Og kannski sem betur fer því þá er von um að ná hjarðónæmi.

En gott og vel, ef þú vilt lifa í ótta og treysta á gallaðar sprautur og styðja við fordóma gagnvart litlum börnum og treysta í blindni á yfirvöld þá hlýtur þú að mega gera það. Horfðu endilega sem mest á fréttir og gerðu þig vitstola af hræðslu. Ég afþakka.


« Síðasta færsla | Næsta færsla »

Athugasemdir

1 identicon

Einhvern tíma hefðu mistök, eins og þau sem þessi ákveðni embættismaður gerði, að byggja opinbert minnisblað til ráðherra á kolröngum upplýsingum, verið tilefni brottreksturs. En í landi ábyrgðarleysisins er alveg sama hversu vanhæfur maður er, það eru aldrei neinar afleiðingar. Það ætti að rúlla öllu þessu liði upp úr tjöru og fiðri.

Matthías (IP-tala skráð) 27.12.2021 kl. 14:33

2 identicon

Það er ekki mælikvarði á enskukunnáttu að taka ekki mark á bulli falsfréttamiðla bóluefnaandstæðinga og hægri jaðarhópa. En það gæti verið mælikvarði á gáfnafar.

Vagn (IP-tala skráð) 27.12.2021 kl. 14:49

3 identicon

Jæja, er ekki komin tími á að hvíla Trölla í þessum kommentum hjá þér Geir. Hann er löngu hættur að koma með eitthvað málefnalegt heldur er í því að drulla yfir þig.

Þröstur (IP-tala skráð) 27.12.2021 kl. 17:48

4 identicon

Þröstur telur augljóst að það sé Geir sem taki mark á bulli falsfréttamiðla bóluefnaandstæðinga og hægri jaðarhópa. Spurningarnar eru því hvers vegna það er svona augljóst Þresti og hvor okkar er að drulla yfir Geir.

Vagn (IP-tala skráð) 27.12.2021 kl. 18:47

5 Smámynd: Geir Ágústsson

Þröstur,

Það má alveg kalla mig öllum illum nöfnum og fá útrás á minn kostnað. Ég hef bara lokað á einn einstakling á þessari síðu en það er af því hann sagði ljóta hluti um aðra manneskju.

Geir Ágústsson, 27.12.2021 kl. 19:31

6 identicon

Vagn, að venju telur þú þig vera handhafa sannleikans og "réttu upplýsinganna" Allar fréttir, og upplýsingar sem fara á skjön við þína heimsmynd og vissu eru "falsfréttir".  Sjálfsagt ertu vel skólaður  hjá hinum "sjálfstæðu sannprófunaraðilum staðreynda" eins fb hefur íslenskað ritskoðunarapparat sitt.Það er vissulega til falsfréttir en þær eru því miður oft og tíðum hjá hinum styrktu meginstraumsveitum sem hafa ákveðinn boðskap að selja.  Að setja alla þá sérfræðinga og vísindamenn sem tala öðru vísi en þessi meginstraumur undir hatt "bóluefnaandstæðinga og hægri jaðarhópa" er veruleg rangfærsla.  

Auður (IP-tala skráð) 28.12.2021 kl. 23:48

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband