Kenning: Innflytjendur eru að flýja Evrópubúa til Evrópu

Ítalir fengu nýjan forsætisráðherra um daginn, að nafni Giorgia Meloni. Samkvæmt skoðanabloggi vinstrimanna (sem sumir kalla alfræðiorðabók), Wikipedia, er hún stórhættulegur öfga-hægrimaður - fasisti. Allt sem hún segir hlýtur því að vera rasismi, andúð á lýðræði og hættulegur áróður.

Gott og vel. Köllum hana öllum illum nöfnum og fordæmum ítalska kjósendur fyrir að kjósa rangt, sem er sífellt algengari hneigð í þessu hvimleiða vestræna lýðræði sem furðuskyrturnar vilja þynna út. 

En meira að segja biluð klukka er rétt í augnablik með reglulegum takti, og hérna er mögulega eitt af þeim augnablikum:

Er vandamál Afríku ...Evrópa? Afskipti þeirra af álfunni, kaup þeirra á hráefnum úr höndum þræla og barna, bann við lánveitingum til arðbærra og nothæfra verkefna, afskipti Evrópu af afrískum stjórnmálum og takmarkanir sem lagðar eru á Afríku af ýmsum tæknilegum ástæðum?

Fröken Meloni er að segja það upphátt sem margir í Afríku hafa hugsað lengi: Ef nú bara Afríka fengi raunverulegt sjálfstæði þá gæti hún leyst vandamál sín. En Evrópa, í sínum dýru jakkafötum og með sitt útþanda álit á eigin kostum, er mögulega engu betri í dag en þegar hún var einn stór nýlenduherra.

Hugsunin á að minnsta kosti skilið svolitla athygli.

En eitt er víst: Ítalskir kjósendur eru að fara valda furðuskyrtunum svolitlum höfuðverk í svolítinn tíma. Það er gott.

Er streymisveita að reynast nothæf?

Við lifum á tímum þar sem svokallað línulegt sjónvarp er að fuðra upp og í staðinn að koma frumskógur af streymisveitum. Meira að segja beinar útsendingar frá íþróttaviðburðum eru orðnar aðgengilegri í gegnum streymisveitur og má þar sem dæmi nefna NFL RedZone, sem er alveg einstök leið til að fylgjast með því sem þarf að fylgjast með í íþrótt. 

En eru þessar streymisveitur ekki bara hagkvæm leið til að losa sig við alltof mikinn frítíma? Komast yfir þynnku? Fyrir suma að koma börnum í skjá eða forðast hinn harða raunveruleika sjónvarpsfréttanna og hinna hlutlausu blaðamanna þar?

Á tímabili hélt ég það, en Netflix er að koma mér á óvart.

Netflix er svolítið sérstakt tilvik í heimi streymisveita. Þeir eru stærstir og frægastir. Þeir voru að vaxa umfram væntingar svo misserum skipti, en þetta hefur breyst núna vegna aukinnar samkeppni og hækkandi verðlags á framleiðslu. 

Hvað gerði Netflix þá? Jú, gaf út að umdeilt efni - efni sem félli ekki að ströngustu trúarstöfum hins pólitíska rétttrúnaðar - fengi nú meira svigrúm til að komast að. Starfsmenn Netflix sem væru ósáttir við það gætu hætt. 

Og svei mér þá ef streymisveitan hefur ekki staðið við það.

Hún hefur legið undir þungri gagnrýni fyrir að veita aðgang að uppistandi David Chapelle, sem er einn frægasti uppistandari heims, þótt að hann sé óhræddur við að ögra prestum hins pólitíska rétttrúnaðar (eða kannski vegna þess). 

Ég er að horfa á heimildamyndaþætti núna sem heita Ancient Apocalypse, og þar er heldur betur spyrnt fótum við viðteknum skoðunum sagn- og fornleifafræðinga, en á fræðandi hátt og jafnvel sannfærandi. Þar segir þáttagerðarmaður til dæmis, í umræðu um hvað mætti mögulega kallast fyrsta siðmenning mannkynsins:

But that view of history now cries out to be rewritten.

Í sagnfræði er svona viðhorf stundum kallað revisionism, a.m.k. í ákveðnu samhengi, eða bara endurskoðun sögunnar sem er auðvitað nokkuð sem sífellt fer fram eftir því sem menn hugsa málin upp á nýtt eða rekast á ný gögn eða setja eldri gögn saman á annan hátt. Það eru bara veiru- og loftslagsspekingar sem tilkynna að vísindagrein sé hreinlega búin að komast að sannleikanum og lokuð fyrir öðrum túlkunum.

Ancient Apocalypse er kannski ekki að fjalla um heitustu málin eða þau umdeildustu þótt margir fái þar vænar sneiðar. En þetta er ekki efni sem hefði ratað í línulega dagskrá og mögulega hefði Netflix fyrir tveimur eða þremur árum ekki séð ástæðu til að bjóða upp á það. Kannski það sé aðeins að losna um undirstöður fílabeinsturnsins, þar sem sjálfkrýndir talsmenn hinna einu sönnu vísinda og fyrirmæla hafa hingað til geta hreiðrað vel um sig og uppskorið vel fyrir.

Kannski lifum við á tímum í kjölfar veirutíma þegar tilraunir til að móta skoðanir okkar í eitt form gengu of langt og að niðurstaðan sé sú að hugmyndaflóran springi út á ný, eins og fjölbreytt blómabeð í einsleitum grenitrjáaskógi.

Sjáum hvað setur. En Netflix er að koma mér á óvart. Það verð ég að segja.

Maldíveyjar hringdu: Þær vantar fleiri flugvelli

Loftslagsráðstefnu Sameinuðu þjóðanna, COP27, sem átti að ljúka í dag, verður haldið áfram til morguns þar sem vonast er til að verði að hægt ná einhverjum árangri í umræðunni um að koma á fót bótasjóði fyrir þau ríki sem verða hvað verst úti vegna loftslagsbreytinga.

Meðal ríkja sem hafa hrópað hátt um að þurfa og vilja bætur eru Maldíveyjar í Kyrrahafi. Þær eru sérstakar að mörgu leyti. Hæsti punktur yfir sjávarmáli er 2,4 metrar en að meðaltali liggja eyjurnar bara 1,5 metra yfir sjávarmáli. Það þarf því ekki háar öldur eða mikla hækkun sjávarmáls til að sökkva þeim, og það hafa yfirvöld eyjanna svo sannarlega nýtt til að kalla á eftir bótafé. Árið 2009 héldu yfirvöld þar svolítið leikrit þegar ráðherrafundur var látinn fara fram neðansjávar. Þetta var neyðarkall til heimsins um að eyjarnar væru að sökkva.

Eyjarnar standa enn. Og raunar hafa yfirvöld eyjaklasans byggt eða stækkað fjölda flugvalla síðan neðansjávarleikritið fór fram. Kannski hefði verið nær að byggja varnargarða ef einhver hætta væri á ferðum, eða hvað? Nei, frekar að betla meira, byggja fleiri flugvelli, laða að fleiri fljúgjandi og kolefnislosandi ferðamenn og kenna heiminum um að eyjarnar eru að sökkva, sem þær eru ekki að gera.

COP27 framlengd um einn dag

Yndislegu umhverfisvænu rafmagnsbílarnir

Við sjáum og lesum það úti um allt: Rafmagnsbílar eru umhverfisvænir og nauðsynlegt að auka útbreiðslu þeirra með öllum tiltækum ráðum. Jafnvel þótt það þýði að færa skattbyrðina frá efnuðu fólki til venjulegs launafólks.

En hvað sjáum við ekki úti um allt? Jú, svolítinn mótbyr við slíkum fullyrðingum.

Ég held að það geri því ekkert til að auðvelda aðeins aðgengi að slíkum mótbyr og menn geta svo verið sammála eða ósammála. 

Tvö myndbönd, samtals tæpar 12 mínútur (sem má taka af áhorfi á sjónvarpsfréttatíma dagsins, þar sem þú lærir ekkert):

Verði ykkur að góðu!

Launamaðurinn getur fokkað sér

Íslenska ríkinu er mjög umhugað um nýsköpun og viðurkennir í raun að svimandi skattheimta dregur úr fjárfestingu í henni með því að veita skattafrádrátt til útvalinna fyrirtækja. Íslenska ríkið hefur líka stundum viðurkennt að svimandi skattheimta dragi úr atvinnustigi almennt og sérstaklega meðal iðnaðarmanna með svokölluðum „Allir vinna“ átaksverkefnum þar sem tímabundið er dregið úr blóðugustu skattheimtunni.

Það er vitaskuld ekkert svigrúm fyrir almennar skattalækkanir á vinnandi fólk sem kaupir mat, föt, lyf og þjónustu. Nei, hún er frátekin fyrir bláfátæk fyrirtæki eins og Össur og CCP sem myndu annars vanrækja hina mikilvægu nýsköpun og skaða samfélagið til lengri tíma.

Þess vegna tekurinn smiðurinn sér frí í vinnunni til að eiga við pípulagnir á baðherbergi sínu í stað þess að kaupa vinnu pípara sem er sjálfur í fríi til að mála stofuna sína. 

Þess vegna getur launamaðurinn í raun fokkað sér. Nema auðvitað hann stundi nýsköpun eða kaupi rafbíl eða sé á leið á loftslagsráðstefnu eða að halda fyrirlestra á háskólastigi um mikilvægi þess að aðskilja börn og feður.

Veruleikafirringin í fílabeinsturninum nær nýjum hæðum daglega. Með svolítilli heppni nær turninn bráðum upp til skýja og þá þarf a.m.k. ekki að horfa á liðið sem veifar þar frá svölunum eins og kóngar og drottningar fyrri tíma.

CCP og Controlant með mesta skattafrádráttinn

Auðmannadekur

Fjár­mála- og efna­hags­ráðherra hef­ur lagt fram frum­varp um breyt­ingu á ýms­um lög­um um skatta og gjöld, þar á meðal skattaí­viln­an­ir á raf­magns- og vetn­is­bif­reiðar. Er lagt til, til að tryggja auk­inn fyr­ir­sjá­an­leika, að fjölda­tak­mörk­in verði felld niður þannig að virðis­auka­skatt­sí­viln­un sam­kvæmt ákvæðinu gildi út árið 2023 óháð fjölda bif­reiða sem henn­ar njóta.

Frábært! 

Frábært fyrir fólk sem á mikinn pening.

Ég er ekki á móti skattalækkunum auðvitað. Þær mættu gjarnan vera fleiri og stærri. Til dæmis mætti lækka skatta á matvæli og föt, laun og vinnu. Það kæmi vinnandi fólki mjög vel. 

En slíkar skattalækkanir finnast ekki. Þær finnast þess í stað á leikföngum ríka fólksins. 

Ekki minnkar slit á vegum við að bílar fari úr bensíni og yfir á rafmagn, en ríka fólkið þarf ekki að spá í því.

Ekki minnkar umferðarþunginn við að skipta bensínbílum út fyrir rafmagnsbíla.

Ríkissjóður er alltaf tómur og ekkert svigrúm til neins nema þegar kemur að hugðarefnum þeirra rétttrúuðu:

• Veiruvarnir
• Rafmagnsbílar
• Baráttan gegn karlmennsku
• Kjaftafög á háskólastigi
• Loftslagsráðstefnur einkaþotuliðsins
• Landamæraátök 
• Ólöglegir innflytjendur

Hvað nú ef - og hérna leyfi ég mér að fara langt út fyrir mörk hinna viðteknu skoðana - en hvað nú ef skattar væru hóflegir á venjulegt vinnandi fólk og takmarkað skattfé í auknum mæli nýtt til að styðja við fólk í raunverulegum vandræðum?

Nei, ég segi svona! 

Fella niður fjöldamörk rafbíla

Fyrst sprengja þeir eigin rör, núna skjóta þeir út í loftið

Þeir hljóta að vera alveg yfirgengilega heimskir, þessi Rússar, ekki satt?

Fyrst réðust þeir algjörlega án tilefnis inn í nágrannaríki sitt.

Síðan fóru þeir að pynta og drepa fólkið sem þeir vilja ráða yfir, svona til að tryggja hæfilega mikla andspyrnu við yfirráð sín um alla framtíð.

Þá sprengdu þeir eigin innviði: Afkastamikil og verðmæt rör í Eystrasalti sem mokuðu inn seðlum fyrir þá.

Og núna senda þeir sprengjur eitthvað út í buskann, djúpt inn í Evrópu, sem sprengdu ekki nokkurn skapaðan hlut af hernaðarlegu mikilvægi í loft upp.

Er eitthvað eftir, annað en að kasta sér út í sjálfsmorðið? Þeir eru jú svo heimskir, þessir Rússar!

Rússneskar flaugar drápu tvo í Póllandi

Óritskoðanlegir miðlar

Stóru samfélagsmiðlarnir eru ekki samfélagsmiðlar heldur miðlar með ritstjórnarstefnu. Þetta er orðið alveg ljóst. Þeir eyða, loka, fela og banna eins og þeim sýnist með tilvísun í óljósa skilmála en eru í raun bara að velja og hafna skoðunum, rétt eins og eitthvað flokksblað. 

Gott og vel, þannig er það. 

Hvað gera þeir þá sem eru á annarri skoðun en ritstjórar hinna lokuðu samfélagsmiðla svokölluðu? Jú, leita annað.

Mastodon er valkostur við stóru miðlana og mér sýnist hann vera þannig hannaður að það sé ekki hægt að ritskoða notendur þar. Frábært ef satt er!

Flestir þekkja núorðið Telegram en þar á bæ hafa menn virkilega lagt mikið á sig til að geta haldið miðlinum opnum og frjálsum:

Most of the developers behind Telegram originally come from St. Petersburg, the city famous for its unprecedented number of highly skilled engineers. The Telegram team had to leave Russia due to local IT regulations and has tried a number of locations as its base, including Berlin, London and Singapore. We’re currently happy with Dubai, although are ready to relocate again if local regulations change.

Teymið að baki forritinu hefur með öðrum orðum flakkað á milli ríkja til að flýja þrúgandi skerðingar. Og við hin njótum fyrir vikið aðgengi að dulkóðuðum miðli sem virðir einkalíf okkar.

Annar miðill sem leggur mikla áherslu á friðhelgi einkalífsins er MeWe, en þar er meðal annarra hlaðvarpsstjórnandinn, rithöfundurinn og sagnfræðingurinn Tom Woods með sinn umræðuhóp.

Ég sakna alveg þess tíma þar sem bókstaflega allt og allir voru á fjésbókinni. Það bauð upp á mikil þægindi þegar kom að því að hafa yfirsýn, komast í samband við fólk og ræða fjölbreytta hluti. Þeir dagar eru liðnir og í staðinn sprottinn upp frumskógur af miðlum, hver og einn með sína styrkleika og veikleika. 

Ef kötturinn þinn týnist er sennilega best að auglýsa eftir honum á fjésbókinni. Ef þú vilt ræða eitthvað af alvöru þá þarftu að fara annað.

Óumflýjanleg afleiðing ritskoðunar, vitaskuld. Eða héldu menn eitthvað annað?

Hvað er Mastodon?

Alþjóðastofnanir nýta tækifærið

Aldrei skal láta gott neyðarástand fara til spillis. Þetta þekkjum við vel. Komi eitthvað upp á þá flæða yfir okkur nýjar reglur, nýjar viðbragðsáætlanir, skerðingar og skimanir. Við megum enn þann dag ekki taka með okkur rakspíra eða gosflösku í gegnum öryggisleitarhlið flugvalla því einhver bjáninn fyrir 20 árum var með einhver áform. Bankahrunið bólstraði svo hressilega eftirlitsstofnanir ríkisins að nú má kalla það kraftaverk ef einhverjum tekst að stofna til nýs bankareksturs í samkeppni við hina rótgrónu banka (og hinir rótgrónu bankar auðvitað alveg alsælir með það). 

Hryðjuverk, bankahrun, loftslagsvá, Rússland, Kína og núna veiruvarnir: Allt eru þetta afsakanir til að herða tökin enn frekar.

Núna getum við lesið um nýjan alþjóðlegan sjóð þar sem svimandi fjárhæðir eru prentaðar í peningaprentvélum seðlabankanna og eiga að koma að góðum notum þegar næsta veira fer á stjá.

„Faraldurssjóðurinn getur gert heiminn öruggari,“ hvorki meira né minna.

Kannski sjóðurinn geti hjálpað yfirvöldum um allan heim að rekja ferðir okkar, fjármagna auglýsingaherferðir fyrir lyfjafyrirtækin og kaupa girðingar til að hólfa okkur niður.

Eitt er víst: Þessar ósamstilltu veiruvarnir seinustu missera, þar sem hvert ríki fann upp sín eigin vísindi er kemur að grímum, sóttkví, einangrun, forvörnum, læknismeðferðum, lyfjagjöf og ferðalögum, fara í taugarnar á ýmsum aðilum. Samstilltar aðgerðir þvert á landamæri, byggðar á bindandi skuldbindingum við alþjóðastofnanir, er markmiðið. Veirupassar, rakningarforrit, eftirlitsmyndavélar og möguleikar til að klaga nágranna okkar ef hann heldur kaffiboð eru verkfæri í vopnabúrinu sem verður auðveldara að rúlla út þegar næsta tilraunastofa brýtur lyfjaglas og hleypir nýrri veiru af stað.

Það besta í stöðunni núna er sennilega að nýta tímann fram að næsta neyðarástandi og mennta sig. Mikið af efni er að koma upp á yfirborðið sem sýnir í raun og veru hvaða sóttvarnir virkuðu og hverjar ekki, hvað frelsið var í raun hættulegt heilsunni og hvaða óbeinu afleiðingar og aukaverkanir hlutust af kínversku vísindunum sem skyndilega sópuðu þeim vestrænu undir teppið.

En það er við ofurefli að etja og því gott að sækja í félagsskap eða samtöl við fólk sem þorir að ræða á opinskáan hátt án útilokunar og ritskoðunar. Meira um það síðar.

Hver veit! Ungt fólk er að deyja þessa dagana!

Þú trúir kannski ennþá að kóvít-sprauturnar geri meira gagn en ógagn. Að lækningin sé betri en sjúkdómurinn. Að sprenging í dauðsföllum ungs fólks sé tengd orkudrykkjum og stífum æfingum. Að myndbönd af fólki að detta niður dautt séu uppspuni eða tekin fyrir löngu síðan. Að óútskýrð dauðsföll í bílförmum megi alveg vera það - óútskýrð. 

Gott og vel. Þá skaltu láta eftirfarandi myndskeið framhjá þér fara:

https://twitter.com/Texas_Kate/status/1588263900897693698

(Hlekkir á heimildir í tímaröð hér.)

En hver er tilgangurinn með svona myndskeiði? Að hræða fólk? Koma í veg fyrir að smitsjúkdómur sé taminn? Drepa gamalt fólk? Sundra samfélaginu?

Nei, einfaldlega að benda á hluti sem fjölmiðlar þegja um, og er sá listi orðinn nokkuð langur satt að segja. Á undur þremur mínútum benda á að sprauturnar eru mörgum banvænar. Að það sé eitthvað hér sem þarf að ræða - opinskátt - en er ekki gert. Að afhjúpa beinagrindur í skápnum. Að forða fleirum frá sömu hræðilegu örlögunum. Að skvetta vatni á funheitan heilaþvottinn. Að koma að öllum hliðum máls. Að afvopna þá sem þykjast stjórna hugsunum okkar.

Dyrnar eru alltaf opnar fyrir þá sem vilja umræðu, upplýsingar, hæfilega tortryggni og upplýstar ákvarðanir. Líka þá með þriðju eða fjórðu sprautuna í handleggnum. Það er aldrei of seint að hætta reykja og aldrei of seint að hlusta á eitthvað annað en endalausar vagnlestir af áróðri.