Ein fyrir femínistana: Mandy Moore

 Árið 2000 kom ung stúlka og söngkona að nafni Mandy Moore fram á sjónarsviðið og hoppaði upp alla vinsældarlista með laginu "Candy". Lagið fékk mikla spilun, og naut mikilla vinsælda.

 Í myndbandinu við lagið hoppaði sumarklædd og 15 ára stúlkan um allt með heila hjörð stráka á eftir sér, og söng eftirfarandi línur ásamt bakröddum sínum:

Candy Lyrics
Give it to me(oooh aww, yeah yeah yeah)
I'm so addicted to the loving that you're feeding to me (ohhh)
Can't do without it, this feeling's got me weak in the knees (ohh baby)
Body's in withdrawal every time you take it away (ohhh)
Can't you hear me callin'?
begging you to come out and play? (awww yeah)

CHORUS:
So baby come to me
Baby, Show me who you are (yeah yeah yeah)
Sweet to me
Like sugar to my heart (oooh baby)
I'm craving for you(I'm cravin), I'm missing you like
candy (missin you like candy)

Sweet sweet loving got me going to the extreme,
You gotta know
Won't go without it this vibe has gotta hold on me
Satisfying baby let me show what i'm made of
No doubt about it, got me feeling crazy can't get enough.
(baby baby baby baby wont you)

CHORUS X2

SPOKEN:
(Now give it to me)
You know who you are,
Your love is as sweet as Candy
I'll be forever yours
Love always, Mandy

Boy Im cravin'
Missing you like Candy

CHORUS X2

Ekki þarf mikið (og varla neitt) ímyndunarafl til að lesa allskyns furðuleg skilaboð út úr þessum texta. Þegar myndin hér að ofan er sett í samhengi við aldur stúlkunnar á þessum tíma og innihald textans er jafnvel hægt að ganga svo langt að segja að um argasta barnaklám sé að ræða (miðað við 18 ára aldur og það allt). Þeir sem einbeita sér að því að sjá heiminn í slíku ljósi skortir ekki hráefnin hérna.

Það sem bjargaði myndbandinu við lag Mandy Moore, textanum og laginu í heild sinni frá tortímingu (a.m.k. fordæmingu) íslenskra femínista var ártal útgáfunnar. Árið var 2000 og pólitísk rétthugsun ekki alveg eins útbreidd og hún er í dag og fjarri því svo skæð. Á dögum þegar varla má mæla eitt aukatekið orð án þess að fá Steinríks-stóran pott af drullu yfir sig er gott að minnast þess að einu sinni voru aðrir tímar, spila í leiðinni lag Mandy Moore um sælgæti og þarfir, og þakka fyrir það sem þó má gera. 

Þessi færsla er innblásin af femínistum sem hafa tekið að sér það hlutverk að kyngreina allt og alla og troða inn í eigin þröngu ramma um hvað er rétt og hvað er rangt (dæmi, dæmi).

Framsókn dembir sér á vinstrikantinn

Svo sem ekki við öðru að búast en að Framsókn stingi sér djúpt í vinstri enda sundlaugarinnar og keppi við vinstriflokkana í ríkisútgjöldum. Er þetta farsæl stefna? Er hún að virka? Ég held ekki. Vinstri-grænir hafa ekki verið að skora í skoðanakönnunum vegna útgjaldaloforða, heldur loforða um að ríkið eigi nú að draga saman í framkvæmdagleði. Sjálfstæðismenn mælast ekki háir af því þeir eru að lofa því að eyða meira af fé skattgreiðenda áður en skattgreiðendur fá útborgað heldur af því stór hluti þjóðarinnar vill enn frekari skattalækkanir og einkavæðingar, og veit að Sjallarnir einir munu berjast fyrir slíku.

Framsóknarmenn átta sig ekki á þessu. Þeir halda að lágt fylgi sitt sé til marks um að loforðunum eigi að fjölga ennþá meira - loforðum um að ríkið eigi að eyða enn meira af fé landsmanna en nú er raunin. "Ókeypis" þetta og "uppbygging" hitt - dæmigerð vinstriloforð sem eiga ekki eftir að hjálpa Framsókn. Björgun Framsóknar verður sú sama og margar undanfarnar kosningar, sem er sú að þegar í kjörklefann er komið þá hugsa margir, sem áður höfðu mælst sem kjósendur vinstrimannanna: "Æjh, ég treysti þessum vinstrimönnum ekki þrátt fyrir allt, og Sjallana þoli ég illa, svo ég læt mig hafa það að kjósa Framsókn enn eina ferðina."

Framsóknarmenn boða áframhaldandi uppbyggingu atvinnulífsins

Steingrímur J. krufinn til mergar

Helgarsprok Vefþjóðviljans í gær er gott dæmi um skrif sem verða algjörlega látin í friði af íslenskum vinstrimönnum. Ekkert vinstrisinnað blogg né vefrit mun reyna að svara fyrir það sem þar er skrifað. Enginn úr röðum íslenskra vinstrimanna mun nefna skrifin við nokkurn mann og vonast þess í stað til að þau hverfi úr minningum manna hið fyrsta. 

Ástæðan er sú að í Vefþjóðvilja gærdagsins er Steingrímur J. og nýgræni sósíalisminn hans tekinn í gegn. Hver fullyrðing Steingríms á fætur annarri er spörkuð niður og rýrð öllum trúverðugleika. Svo sannarlega falleg lesning fyrir þann sem kallar sig hægrimann og pólitískan andstæðing hins íslenska vinstris. Sársaukafull og leiðinleg lesning fyrir hinn nýgræna rauðliða.

Af þessum ástæðum mun ekki verða minnst einu orði á Vefþjóðvilja gærdagsins á neinni vinstrigrænni síðu. Ef samfylkingarfólk ætlar sér að gera gott úr rassskellingu Vefþjóðviljans á Steingrími J. verður þeim bent á álíka niðurlægingu á drottningu þeirra, Ingibjörgu Sólrúnu.

Vinstrimenn geta enn komið mér á óvart

Vinstrimenn geta ennþá komið mér á óvart. Steingrímur J. útilokar ekki einkaframkvæmd á einhverju, sem út af fyrir sig er stórmerkilegt. Má núna græða á sölu vegaaðgengis? Er það ekki frekar ósanngjarnt gagnvart félitlum ferðalöngum? Nei, svo virðist ekki vera að þessu sinni. Góð tíðindi það fyrir íslenska ökumenn!

Annað sem kom mér á óvart á hinum íslenska vinstrikanti er að Katrín Anna, yfirfemínisti Íslands, sýnir skilning á því að til að koma einhverju í framkvæmd er líklega best að gera það sjálfur í stað þess að biðla og betla til annarra í sífellu (verst að þessi skilningur nær ekki til hefðbundinni feminískra hugmynda hennar). Katrín þessi dagdreymir a.m.k. um að framleiða páskaegg úr dýru súkkulaði og semja sjálf málshættina í þau, en þó ekki fyrr en hún er orðin rík. Vonandi þá rík á viðskiptalegum forsendum en ekki á kostnað skattgreiðenda.

Óvæntasta útspil vinstrimanns að þessu sinni hlýtur samt að vera þessi grein um loftslagsbreytingar og -vísindi. Yfirvegun og hófsemi einkennir skrifin, og endað á orðum sem oft tapast í allri þvælunni sem einkennir umræðuna: "Allur er varinn góður - en heimsendaspár gefast seint vel." Vel mælt!

Handtekinn?

Ekki er leyfilegt að rækta hvaða plöntur sem er á Íslandi. Hvað gerist þá þegar um er að ræða vinsælar plöntur sem mikil eftirspurn er eftir? Ræktun þeirra flýr í heimahús og kjallara (auk sveitabæja um allt land). Ég vissi samt ekki að menn væru að rækta þetta í íbúðum sínum í fjölbýlishúsum. Útsjónarsemin á sér greinilega fá mörk!

Kviknaði í út frá flúrlampa sem notaður var við kannabisræktun

Moggablogg

Þá er að henda sér út í nýjasta æðið í íslenskum bloggheimi og sjá hvað gerist!