Málpípur ríkisvaldsins?

Fjölmiðill á ríkisstyrkjum er ekki óháður. Ef hann byggir afkomu sína á opinberum fjárstuðningi byggir hann líka efnistök sín á því að hið opinbera samþykki þau.

Með því að styrkja fjölmiðla með fé skattgreiðenda er verið að gera þá að málpípum hinna viðteknu skoðana - hins pólitíska rétttrúnaðar.

Vonandi hafa fjölmiðlar bein í nefinu og mótmæla ríkisstyrkjum. Þeir ættu frekar að biðja um skattalækkanir á rekstur sinn þannig að bæði nýir og gamlir fjölmiðlar sitja við sama borð og þurfi um leið að vinna fyrir peningunum. 

Íslenskir fjölmiðlar fá minni stuðning

Athugasemdir

[Þorsteinn Briem, 6.7.2018 kl. 12:35]

Davíð Oddsson, þáverandi forsætisráðherra, í umræðum á Alþingi í nóvember 2003:

"Meira að segja harðir einkavæðingarmenn eins og ég geta ekki hugsað sér að einkavæða Ríkisútvarpið.

Það segir allt sem segja þarf um þennan markað þannig að samkeppnin leysir ekki þetta mál, því miður."

[Þorsteinn Briem, 6.7.2018 kl. 12:36]

1.2.2013:

"Meirihluti Íslendinga er andvígur því að ríkið selji eignarhluti sína í Landsvirkjun, Landsbankanum og Ríkisútvarpinu, samkvæmt niðurstöðu könnunar MMR.

Af þeim sem tóku afstöðu sögðust 40,6% fylgjandi því að ríkið selji eignarhlut sinn í Landsbankanum, 22,8% sögðust fylgjandi því að ríkið selji eignarhlut sinn í Ríkisútvarpinu og þá voru 14,7% fylgjandi því að ríkið selji eignarhlut sinn í Landsvirkjun.

Stuðningur við eignasöluna er minni nú í öllum tilvikum en þegar sambærileg könnun var gerð fyrir ári síðan."

Meirihluti Íslendinga er andvígur sölu á Ríkisútvarpinu, Landsvirkjun og Landsbankanum og andstaðan hefur aukist

[Geir Ágústsson, 6.7.2018 kl. 14:02]

Meirihlutinn vill þetta og meirihlutinn vill hitt. Hvað hefur svona tungutak verið notað til að réttlæta í gegnum tíðina?

Ætti ríkið enn sementsverksmiðju ef skoðanakannanir hefðu mótað stefnu yfirvalda?

En gott og vel, höldum RÚV-beljunni á floti, höldum Landsbanka-akkerinu föstu við ríkissjóð (það verður eitthvað sagt í næsta bankahruni þegar það akkeri stímar á hafsbotn) og höldum ríkisvaldinu í framleiðslu á rafmagni því hvað gæti farið úrskeiðis?

En að ríkið á sama tíma kaffærir fjölmiðlum í sköttum, niðurgreiðir þeirra stærsta samkeppnisaðila í bæði dagskrárgerð og auglýsingasölu og ætlar nú að niðurgreiða þá með skattfé? Er hringavitleysan ekki orðin algjör?

[Grímur (IP-tala skráð) 6.7.2018 kl. 20:06]

Ljósmæður þiggja líka laun af ríkinu og eru því ríkisreknar

Annars er undarlegt að öllum er sama um börnin þegar þau eru komin í heiminn og leikskólakennarar hafa aldrei fengið þennan stuðning - ef til vill ættu þær að ráða auglýsingastofu Ljósmæðra næst

[Starbuck, 6.7.2018 kl. 22:36]

Einkareknir fjölmiðlar eru málpípur eigenda sinna.  Mogginn er málpípa útgerðarfyrirtækja.

Varðandi Landsbankann þá verður ríkið alltaf látið bjarga stórum bönkum, hvort sem þeir eru í eigu ríkisins eða einkaaðila.

[Geir Ágústsson, 7.7.2018 kl. 20:00]

Starbuck,

Nákvæmlega! Það eiga allir að geta stofnað sína málpípu með eigin fjármagni og keppa á markaði hugmynda og skoðana án þess að vera traðkaðir niður af ríkisvaldinu, beint eða óbeint.

Annars held ég nú að ritstjórnir flestra fjölmiðla fái "nokkuð" frjálsar hendur. Menn hafa vonandi lært eitthvað af tuddaskap Jóns Ásgeirs við ritstjórnir sínar þegar hann var fjölmiðlamógúll Íslands.