Maður að verja eignir fyrir sköttum og verðbólgu - hvað með það?

Vilhjálmur Þorsteinsson, fjárfestir, hefur frá aldamótum byggt upp kerfi félaga til að verja auð sinn gegn sköttum og verðbólgu og sennilega fleiri ástæðum. Hvað með það?

Vissulega talar hann um að vilja borga skatta og leggja ríflega af mörkum til ríkisrekstursins án þess að sýna það svo mjög í verki (borgar bara það sem lögin kveða á um en ekki meira en það). Látum það samt liggja á milli hluta.

Það er engin ástæða til að atast í Vilhjálmi fyrir að vilja varðveita og ávaxta fé sitt. Engin! Meira að segja þótt hann tali í kross þá er engin ástæða til þess. Ég er viss um að í viðskiptum þá segi Vilhjálmur satt og rétt frá ásetningi sínum og áætlunum og varðveitir þannig gott orðspor sem maður sem hægt er að stunda viðskipti við. Þótt svolítið annað sé uppi á teningnum í pólitík er ekkert aðalatriði fyrir mér.

Látið þennan mann í friði. Hann hefur gert meira gagn en flestir stjórnmálamenn með fjárfestingum með sínu eigin fé sem hann passar vel upp á. 

 

Á þremur aflandseyjum

Athugasemdir

[Kalli (IP-tala skráð) 1.4.2016 kl. 07:29]

Svo lengi sem hann hafi ekki verið að fela eignir þá er ekkert að þessu.

[Magnús Sigurðsson, 1.4.2016 kl. 07:36]

Blessaður álfurinn kenndi krónunni um fyrir tveimur dögum síðan og er nú orðinn af aurum api.

[Daníel Sigurður Eðvaldsson, 1.4.2016 kl. 07:37]

Alveg merkilegt hvað hans mál eru samt samþykkt i þjóðfélaginu en mal t.d sigmundar og annara ekki. Jú þeir eru kjörnir fulltrúar en tilefnið er i raun það sama. 

[Geir Ágústsson, 1.4.2016 kl. 07:52]

Það er e.t.v. fréttnæmara að ekki séu fleiri íslenskt nöfn ráðamanna og fólks í stjórnmálum á þessum blessuðu listum miðað við allt það flökt sem krónan og skattkerfið hefur gengið í gegnum undanfarin ár.

Það er freistandi að álykta að úr því Íslendingar kunna ekki að forða fé sínu frá skattheimtu og verðbólgubáli þá sé það til merkis um að Íslendingar kunni ekki að fara með fé.

Vilhjálmur kann það samt. Kannski á hann líka peningakistu í kjallara sínum, fulla af gullmyntum og sjaldgæfum málverkum og úrum. 

[thin (IP-tala skráð) 1.4.2016 kl. 07:56]

Daníel Sigurður Eðvaldsson er ekki eðlilegt að gera kröfu um meira siðferði til stjórnmálamanna en annara?

[Sigfús Ómar (IP-tala skráð) 1.4.2016 kl. 08:51]

Öðruvísi mér áður brá, átti ekki von á þessu hér en vel,skrifað.

það,er rétt, látum manninn vera, hann er búinn að gera sitt, búin að segja af sér, þó svo að,hann hafi verið gjaldkeri, ekki kjörinn fulltrúi til opinberra starfa líkt margir halda, sem skrifa hér.

[Geir Ágústsson, 1.4.2016 kl. 09:32]

Sigfús,

Það er nú að koma betur í ljós af hverju hann sagði af sér þrátt fyrir að vera með allt sitt "á hreinu": Félög að spretta upp hér og þar og hvaðeina, fyrir utan að nú eru leynisjóðir Samfylkingarinnar komnir í sviðsljósið og ógleymd er sú staðreynd að Samfylkingin er sökkvandi skip.

En það er nákvæmlega ekkert að því að menn varðveiti fé sitt erlendis og ávaxti það þar með öðrum hætti en hefðbundnum innistæðubruna vegna skattheimtu og verðbólgu á íslenskri bankabók. 

[Geir Ágústsson, 1.4.2016 kl. 09:35]

thin,

Það er undir kjósendum komið að taka afstöðu til siðferðis stjórnmálamanna. Sumir gera aðrar kröfur en aðrir. Sjálfur vil ég t.d. þingmann sem kýs nei við öllum útgjaldahugmyndum og leggur fram frumvarp eftir frumvarp af lögum sem leggja niður ríkisstofnanir eða einkavæða þær og frumvarp eftir frumvarp til lækkunar skatta. Og um leið er mér sama hvernig þeir ávaxta fé sitt eða varðveita á meðan þeir eru ekki beinlínis að brjóta landslög. Það er svo alltaf kostur að vita meira en minna um kjörna fulltrúa sína og óheppilegt að frambjóðendur komi sér í þá stöðu að athyglin er öll á þeirra einkamálum en ekki pólitík þeirra.

[Ásthildur Cesil Þórðardóttir, 1.4.2016 kl. 09:50]

Svona spurning finnst fólki í lagi að þeir sem geyma peningana sína á aflandseyjum og taka þar með ekki þátt í samfélaginu eigi að njóta almennrar þjónustu hér á landi?  Eiga þeir ekki að sækja þá þjónustu til þeirra landa sem þeir borga skattana sína til?

[Geir Ágústsson, 1.4.2016 kl. 10:30]

Eitthvað hljóta þeir sem búa á Íslandi að borga í skatt engu að síður, t.d. virðisaukaskatta af öllu. Það er svo ólíklegra að þetta fólk sé á opinberri framfærslu. Síðan hljóta þeir að greiða sér einhver laun þótt þeir hleypi ekki ríkinu í aleigu sína. En vangaveltan er engu að síður réttmæt. 

[Elín Sigurðardóttir (IP-tala skráð) 1.4.2016 kl. 11:02]

Er maður sem mótar orkustefnu stjórnvalda á opinberri framfærslu?

https://www.althingi.is/altext/140/s/pdf/0286.pdf

[Davíð12 (IP-tala skráð) 1.4.2016 kl. 15:14]

Stundum ætlumst við bara til þess að menn séu samkvæmir sjálfum sér og svíki ekki lit. Margir voru fúlir þegar Bubbi Morthens seldi tryggingafélagi höfundarrétt að lögum sínum, hóf hlutabréfabrask og auglýsti fyrir stórverslun. Baráttumaður alþýðunnar var eftir allt saman bara öfundsjúkur og vonsvikinn wannabe kapítalisti.

[Guðmundur Ásgeirsson, 1.4.2016 kl. 16:54]

Það er sennilega skynsamlegt hjá Vilhjálmi að treysta ekki íslenskum bönkum fyrir peningunum sínum.

[Elín Sigurðardóttir (IP-tala skráð) 1.4.2016 kl. 18:47]

Hann treystir hins vegar íslenskum framsóknarmönnum.  Þetta eru sannkallaðir heiðursmenn.

[Jóhann Kristinsson, 2.4.2016 kl. 02:02]

Mér finnst að Villi Þorsteins ætti ekki að greiða skatta á Íslandi það sem eftir er af hans lifi fyrir að vera svo heiðarlegur að viðurkenna að hann hafi verið að leita skattaskjóla erlendis fyrir fyrirtæki sín. 

Kveðja frá Houston

[Elín Sigurðardóttir (IP-tala skráð) 2.4.2016 kl. 07:25]

Á facebook síðu Vilhjálms er faðir hans svo heiðarlegur að viðurkenna að sonurinn hafi fengið hlut í Kögun á sínum tíma.   "Hann efnaðist kornungur vegna dugnaðar í forritun, stofnaði fyrirtæki 17 ára ásamt félaga sínum.   Hann ráðstafaði tekjunum skynsamlega og þannig fór boltinn að velta.  Öll hugbúnaðarfyrirtæki landsins fengu á sínum tíma hlut í Kögun, mér skilst að það hafi verið á könnu Jóns Baldvins sem utanríkisráðherra."  Sumir fá hlut í Kögun, sumir fá hlut í Spron, sumir fá hlut í Símanum.  Þetta eru sannkallaðir jafnaðarmenn.