66. gr.

Stjórnarskrá lýðveldisins Íslands segir, í 66. grein:

Íslenskum ríkisborgara verður ekki meinað að koma til landsins né verður honum vísað úr landi.

Mér finnst bara rétt að halda þessu til haga.

100.000 í sekt fyrir að sýna ekki vottorð

Um veiru og útreikninga

Fyrir áhugafólk um veirur og útreikninga er hér áhugaverð frétt frá Danmörku:

Professor kritiserer SSI: Udregninger er for pessimistiske (bt.dk)

Prófessor gagnrýnir hér svartsýnar spár yfirvalda um útbreiðslu veiru en upplýsir um leið um nokkra áhugaverða þætti sem eiga það til að týnast.

Hann gagnrýnir útreikninga yfirvalda á þremur forsendum:

• Lítil útbreiðsla mótefnis/ónæmis: Sé hún vanmetin þá segja spálíkön að fleiri muni smitast
• Einsleitni í smitum: Sem sagt, að allir smiti jafnmikið og smitist jafnauðveldlega. Þetta er auðvitað ekki rétt og hegðun og atferli flækir myndina enn meira. Eldra fólk er varara um sig og þótt það smitist kannski auðveldar þá kemur það í veg fyrir smit með varfærni sinni. Börn fara kannski ekki jafnvarlega en eru síður móttækileg
• Veðrið ekki tekið með í reikninginn: Nú þegar dagarnir eru að lengjast og veðrið að skána (a.m.k. í Danmörku) þá er fólk meira úti og smit eiga sér síður stað undandyra (ónefnd eru svo áhrif UV-geislunar sólar á bæði sjálfa veiruna og svo okkur mannfólkið og D-vítamínforða líkama okkar)

Yfirvöld í Danmörku spáðu því að þegar yngstu bekkir grunnskóla opnuðu fyrir um 2 vikum síðan þá færu smitin upp. Það hefur ekki gerst. Smitin eru þau sömu. Ef marka má prófessorinn þá er það skiljanlegt. Kannski að spálíkönin séu jafngóð og samankrullaður pappír í ruslatunnu.

Ætli íslensku spálíkönin séu jafngölluð og þau dönsku?

Áfengið til bjargar?

Ef ríkisvaldið hættir að standa í vegi fyrir áfengissölu í venjulegum matvöruverslunum gæti það hleypt nýju lífi í "kaupmanninn á horninu". Núna þurfa allir að keyra að bílastæðum stórmarkaðanna með aðliggjandi ÁTVR-verslun til að ná sér í áfengi. Þá er ekkert eftir að sækja í litlu hverfisverslunina, eða litlu dreifbýlisbúðina, nema tannkrem og klósettpappír í neyðartilvikum.

Þeir sem hafa rölt um götur og hverfi Kaupmannahafnar sjá sjoppu á hverju horni, meira að segja í úthverfunum. Uppistaðan af sölunni þar er áfengi. Nú þegar er bannað að selja áfengi eftir kl. 22 á kvöldin í Danmörku eru verslanir að loka á þessum tíma. Þetta gildir bæði um stórmarkaði sem voru opnir lengur (jafnvel allan sólarhringinn) og 7-11, a.m.k. í mínu nærumhverfi. Samhengið er alveg kristalskýrt.

Viltu litla hverfisbúð með persónulegri þjónustu? Viltu að dreifbýlisverslunin þín eigi sér viðreisnar von gegn bílastæðum stóru verslunarkjarnanna? Þá viltu áfengi í matvöruverslanir.

Bera sig varla án stuðnings

Er bóluefnið lausnin?

Það má teljast augljóst að hættan vegna COVID-19 er mjög sterklega tengd við aldur.

Upplýsingarnar hér að neðan eru frá Svíþjóð, Danmörku, Noregi og Íslandi:

Öll þessi ríki hafa nú gefið út bólusetningardagatöl.

Spurningin er: Þegar er búið að bólusetja gegn veiru þá sem raunverulega deyja vegna veiru er þetta þá ekki búið?

Eða á að draga aðrar kanínur upp úr hattinum og framlengja kæfingu samfélagsins?

Já en ...

Fyrir nokkrum mánuðum var því slegið upp sem reginhneyksli að bandarískir spítalar fengju aukalega greitt fyrir sjúklinga ef þeir væru skráðir sem "COVID-sjúklingar". Þetta spillta bandaríska heilbrigðiskerfi, sko! Ekkert að marka tölurnar þeirra!

Einhverjir blaðamenn tóku þetta skrefinu lengra og fóru að skoða tölur yfirvalda yfir látna og komust að því að 94% látinna með COVID-19 voru með aðra undirliggjandi sjúkdóma:

"Since the start of the pandemic, older individuals and those with underlying conditions were considered the most vulnerable to this deadly virus and likely to have the most severe outcomes. This recently released CDC data reinforces that information."

En gott og vel. Menn trúa því kannski ekki að það séu hvatar til að skrá dauðsföll sem COVID-dauðsföll. Bandaríska heilbrigðiskerfið er hér strangheiðarlegt. Tölurnar eru sannar. 600 þúsund dauðsföll!

Og auðvitað skrá íslensk yfirvöld allt satt og rétt. 89 ára einstaklingur á líknadeild spítala sem fær veiru - einhverja veiru - er auðvitað COVID-dauðsfall.

Ekkert að sjá hér. Haldið áfram för ykkar!

Hálf milljón dáin úr Covid-19 í Bandaríkjunum

Frosnar vindmyllur

Kuldakast reið yfir Texas-ríki Bandaríkjanna. Vindmyllurnar frusu. Þær frusu fastar! Skiljanlega kom lítið rafmagn frá frosnum vindmyllum.

Endurnýjanlegu orkugjafarnir eru flestir háðir veðri: Sól og vindur, úrkoma, straumar og öldur. Þeir krefjast mikils landflæmis.

Menn hafa auðvitað áttað sig á þessu. Þess vegna hugsa menn núna í auknum mæli um svokallaða "power-to-X" tækni þar sem endurnýjanlega orkan er notuð til að framleiða orku sem má geyma (vatnsfallsorkan er hérna í sérflokki auðvitað). Þetta getur verið vetni (með rafgreiningu vatns) eða metangas (með því að binda vetnið við koltvísýring), ammoníak, metanól eða eitthvað annað. 

En þetta er dýr æfing og því eru allskyns aðilar núna með hendurnar í vösum skattgreiðenda til að niðurgreiða þróunarkostnað.

En frosin vindmylla er gagnslaus, sama hvað.

Áfellisdómur yfir skipulagi, ekki vindorku

Endalaus barátta

Úr frétt Fréttablaðsins og viðtali við Margeir Sveinsson, yfirlögregluþjón hjá miðlægri rannsóknardeild lögreglunnar á höfuðborgarsvæðinu:

Nú hefur verið talað um að um sé að ræða uppgjör í undirheimum og að einn taki við af öðrum. En er ekki alltaf einhver sem tekur við?

„Jú, það hefur verið þannig. Þetta er það sem gengur og gerist í þessu. Það þarf alltaf einhver að vera efstur. Þetta er endalaus barátta,“ segir Margeir að lokum.

Endalaus barátta, já. Þetta var hressandi einlægni. Nóg hefur verið af yfirlýsingum um fíkniefnalaust land, eða veirufrítt land undir það seinasta. Endalaus barátta.

En hvað er svarið? Að gefast upp? Leyfa fíkniefnum og veirum að dreifa sér mótspyrnulaust yfir allt og alla? Nei, en þegar fljótið verður ekki stöðvað er kannski hægt að beina farvegi þess í uppbyggilegri áttir. Í Portúgal hættu menn að reyna stífla fljótið og uppskáru vel, svo dæmi sé tekið. Endalaus barátta skilar engu nema átökum og gremju. 

Takk, kæri yfirlögregluþjónn, fyrir hreinskilnina. Vonandi smitar hún út frá sér!

Eru sígarettur kannski bara bestar?

Ég man vel eftir því þegar sígarettureykingar voru Stóra Vandamálið. Margir reyktu, sérstaklega á djamminu, og reyktu hvar sem er: Á heimilum, skemmtistöðum, veitingastöðum. Þetta þótti ekki nógu gott. Valkostirnir voru hræðilegir: Plástrar og bragðvont tyggjó. Þeir voru líka rándýrir.

Svo fór að draga úr þessu af ýmsum ástæðum og menn fögnuðu í augnablik, en nei bíddu nú við - nú er unga fólkið bara að troða í vörina í staðinn! Eins og Svíarnir! Og rafsígarettur senda röng skilaboð! 

Þá komu nikótínpúðarnir fram. Enn dró úr reykingum. Þessir púðar eru æði: Bragðgóðir, litlir og nettir. Ég nota þá reglulega - kannski 3-4 poka á dag, og rafsígarettuna þess á milli. Ég þekki þónokkra kvenmenn sem reyktu áður en nota púða núna, og auðvitað enn fleiri karlmenn. Ég sakna þess alls ekki að reykja sígarettur af mörgum ástæðum: Fjárhagslegum, heilsufarslegum og svo er auðvitað gott að vera laus við lyktina af fötunum og á puttunum.

Auðvitað er ég háður nikótíni en hvað með það? Er það verra en að sækjast í beikon og smjör, eða kók og sælgæti? Kannski miklu betra, t.d. fyrir gigtarsjúklinga. Ef nikótín væri ekki ávanabindandi væri búið að framleiða fjölda lyfja úr efninu því það hefur víst mörg heilsubætandi áhrif, ef einhverjum finnst það vera huggun í harmi.

Blaðamaður er á öðru máli. Honum tókst á einhvern undraverðan hátt að finna fullorðinn karlmann sem kvartar eins og ungabarn yfir gríðarlegri notkun sinni á nikótínpúðum. Sennilega á það að vekja upp einhver hughrif. Púðarnir verða samt að vera aðgengilegir á hógværi verði. Annars leitar fólk bara í aðrar leiðir til að fá sitt nikótín, t.d. sígarettur. Er það betra? Eða eru menn búnir að gleyma sigurvímunni þegar þeir sem reyktu daglega urðu færri en 20% þjóðarinnar? Var það ekki sigurinn - tjörueitrun á lungum fólks? Á að tapa honum niður?

Eða er ætlunin að færa glæpamönnum þennan markað?

Látið rafretturnar og púðana í friði, kæru stjórnmálamenn.

Rosaleg fráhvörf

Einfaldað dagatal

Skýring:

Nú er mjög virkt veirutímabil á norðurhveli Jarðar. Venjulega væri talað um flensutímabil en ekki lengur. Af ýmsum eða einhverjum ástæðum eru loftbornar veirur í kjöraðstæðum og breiðast hratt út. Fólk stendur í röðum og bíður eftir bóluefni.

Vorið kemur og útfjólublá geislun sólar færir með sér tvær gjafir: Veikir loftbornar veirur og hjálpar húð mannfólks að framleiða D-vítamín sem styrkir ónæmiskerfið og hrindir af sér alvarlegustu afleiðingum veirusmita. Öllum er skítsama um bóluefni.

Í haust hefur veira gengið laus í um 1,5 ár og búin að missa máttinn. Öllum verður skítsama þá.

Til að koma öllu bóluefninu út er því mikilvægt að nýta vertíðina fram að vori til að koma bóluefninu í fólk. Annars nennir það ekki að þiggja það. Af hverju að bólusetja sig gegn löngu liðinni árstíð?

Fréttamenn: Þið hafið verk að vinna áður en vorsólin brýst fram!

Bólusetningardagatal stjórnvalda birt

Biluð klukka er rétt tvisvar á sólarhring

Meira að segja biluð klukka er rétt tvisvar á sólarhring (sé hún stafræn og sýnir tímann á bilinu 00:00-23:59 þó bara einu sinni á sólarhring).

Blaðamenn, sem allajafna eru lengra til vinstri en almenningur, elska að fjalla um háværa einstaklinga sem deila ekki stjórnmálaskoðunum með vinstrihreyfingunni. Þá er allt leyft. Menn eins og Rush Limbaugh, sem var alls enginn skoðanabróðir minn í 90% málaflokka, fá enga miskunn þegar blaðamaður skrifar níðgrein fyrir útför hans. Trump er líka skotskífa sem má skjóta hverju sem er á. Og svona á þetta kannski að vera: Vinstrisinnaðir blaðamenn hrækja á lík pólitískra andstæðinga sinna og hægrisinnaðir blaðamenn - að því marki að þeir finnist - draga úr mannkostum sinna andstæðinga.

En úr því Rush Limbaugh er nefndur þá segir blaðamaður nokkur eftirfarandi:

"Limbaugh var ávallt um­deild­ur en í um­fjöll­un BBC kem­ur fram að hann hafi verið ras­isti, homma­hat­ari og af­neitað lofts­lags­breyt­ing­um."

Takið eftir stílbragðinu þarna: Hann var rasisti, "hommahatari" (alveg einstaklega léleg þýðing á orðinu "homophobic", sem BBC notaði) og - "wait for it" - afneitaði loftslagsbreytingum!

BBC orðaði þetta nú aðeins betur:

"... denying the existence of man-made climate change ..."

Og þá vil ég spyrja: Hvað bendir til að mannkynið sé að breyta loftslaginu?

Já, ég veit: "The science is settled", segja þeir, og eru loftslagsvísindin þar með eina vísindagreinin í sögu vestræns samfélags sem hefur hlotið slíka nafnbót, og það þrátt fyrir að vera meðal nýrri vísindagreina.

En ég spyr samt.

Því núna er frostavetur á Íslandi, í Texas-ríki Bandaríkjanna og Grikklandi, og kuldamet að víða falla (umræða um mögulegar ástæður þess hér). 

Svo hvar eru allar þessar loftslagsbreytingar af mannavöldum?

Var Rush Limbaugh bilaða klukkan sem hafði þó rétt fyrir sér hér?

Rush Limbaugh látinn