Þeir hlógu þá, Þjóðverjarnir

Árið 2018 hélt þáverandi forseti Bandaríkjanna ræðu fyrir stóran hóp alþjóðlegra sendinefnda og varaði Þjóðverja við því að gerast of háðir rússneskri orku.

Viðbrögð þýsku sendinefndarinnar voru brosleg. Bókstaflega. Þar brostu allir.

Ætli þetta sé ekki bara mjög táknrænt fyrir landslag stjórnmála í dag. Það skiptir ekki máli hvað er sagt heldur hver segir það. Sé ákveðinn aðili að segja eitthvað þá er það satt og rétt. Segi einhver annar eitthvað er það um leið falsfrétt.

Jæja þá, þýska sendinefnd. Brosir þú í dag?

Aðskilnaður yfirvalda og almennings

Þú getur náð þeim stað í samfélagi þínu þar sem fólkið í forsvari, og kjölturakkar þeirra í fjölmiðlum, verður svo fullkomlega aftengt áhyggjum raunverulegs fólks, orðið svo algjörlega áhugalaust um líf borgaranna, að samfélagið verður mjög óstöðugt, og við erum fljótt að nálgast þann tíma.

----

You can reach a place in your society where the people in charge, and their lapdogs in the media, become so completely disconnected from the concerns of actual people, become so totally uninterested in the lives of citizens, that society becomes very volatile, and we are fast approaching that point.

Svona kemst bandaríski fjölmiðlamaðurinn Tucker Carlson að orði. Hann er að fjalla um evrópsku orkukreppuna og Úkraínu en gæti alveg eins verið að tala um veirutíma, skuldastöðu Reykjavíkur, aðförina að fjölskyldubílnum, eftirlitsbáknið, Evrópusambandið í breiðu samhengi, innnflytjendur og pólitískan rétttrúnað eins og hann leggur sig. Hvert sem litið er má sjá fólkið í forsvari að tala um vandamál sem koma hinum venjulega manni ekkert við og eru í raun ekki til staðar, og búa til vandamál sem skaða mjög illa líf hins venjulega manns. Þetta er rof og það er raunverulegt og fer stækkandi.

Mér finnst þetta vera mjög viðeigandi viðvörun og henni er hér með deilt til ykkar.

Lyfjatilraunirnar halda áfram

Heilsugæslan á höfuðborgarsvæðinu hyggst boða 60 ára og eldri í fjórðu Covid-bólusetninguna og bólusetningu gegn inflúensu um leið. Núna má víst sprauta fyrir hvoru tveggja á sama tíma sem er talið mikið hagræði. Áður mátti það ekki. Núna má það. Svona fleygir læknavísindunum fram! Og fólk mætir og brettir upp ermar og vonar það besta. Vonast til að lamast ekki, blindast ekki, fá ekki hjartaáföll, þróa ekki með sér krabbamein á undrahraða og ýmislegt annað sem hefur komið upp á yfirborðið en enginn ætlar að rannsaka.

En hver veit! Kannski fólk sé hvort í senn orðið þreytt á þessum sprautum og hætt að treysta sprautuliðunum sem sópa öllu undir teppið og einblína á að koma fólki inn og út á korteri með sprautu á milli. Kannski það feli í sér álagsgreiðslur og heiðursverðlaun sem skiptir miklu meira máli en tilraunadýrin. 

Kannski nógu margir þekki núna einstaklinga sem geta ekki unnið fyrir sér eða séð um sig sjálfir í kjölfar sprautu. Hafi kannski lesið eða séð viðtöl við fórnarlömb sprautunnar. Finnist furðulegt að fólk sé að deyja í unnvörpum án þess að hægt sé að koma auga á dánarorsök. Furði sig á því að í kjölfar sprautuherferða séu skyndilega veikindi milljóna manna skrifuð á "long covid" en ekki sjálfar sprauturnar sem áttu beinlínis að koma í veg fyrir alvarleg veikindi. Taki eftir því að fullyrðingar heilbrigðisyfirvalda víða um sprautur og annað séu í laumi að taka breytingum og ýmis ríki að ráða mjög frá eða takmarka mjög aðgengi ýmissa hópa að sprautum, svo sem ungmenna og óléttra kvenna. Ekki af því sprauturnar séu hættulegar eða af skornum skammti. Nei, af því bara. Einmitt!

Kannski allt þetta og meira til sé að renna upp fyrir fleirum og fleirum og lyfjatilrauninni miklu þar með sjálfhætt.

En þá skaltu vita eitt: Stór og öflug fyrirtæki eru búin að gera ráð fyrir svimandi hagnaði af sprautum um langa framtíð. Árleg sprauta í alla og þar fram eftir götunum. Heldur þú að þau sleppi bara litlu tilraunarottunum sínum úr búrunum án þess að spyrna við fótum? Að þau leggist bara flöt á bakið og sjái á eftir milljörðum ofan á milljarða? Þá þjáist þú af óhóflegri bjartsýni. Think again, eins og sagt er. Og vonandi hættir þú í kjölfarið að bretta upp ermar.

Sextíu ára og eldri senn boðaðir í fjórðu sprautu

Dekkjaskipti á fjárlög

Það virðist vera of flókið fyrir hið íslenska ríki að reka heilbrigðiskerfi. Bara of erfitt verkefni. Hið opinbera ætti því einfaldlega að hætta þessu og leyfa öðrum að spreyta sig.

Sennilega er töluvert mikil pólitísk sátt um að heilbrigðisþjónusta eigi að vera niðurgreidd þannig að allir hafi aðgang að henni án tilliti til persónulegs efnahags en það er einfaldlega allt önnur saga. Það má alveg niðurgreiða eitthvað sem viðkomandi kemur hvergi nærri því að reka. Niðurgreiðslur án beinnar aðkomu að rekstri finnast á Íslandi. 

Heilbrigðisþjónusta er einfaldlega of mikilvæg til að láta ríkinu hana eftir.

Ímyndum okkur af ríkið ræki öll dekkjaverkstæði á Íslandi og dekkjaskipti tvisvar á ári væru ókeypis eða niðurgreidd. Það vita allir hvað það myndi þýða: Langar biðraðir, léleg þjónusta og gríðarleg yfirbygging. Skrifstofufólkið yrði fljótlega orðið fjölmennara en vélvirkjarnir. Verkstæðum væri fækkað og opnunartíminn skertur. En samt væri sennilega minna tjón fólgið í að láta ríkinu eftir dekkjaskipti og markaðslögmálunum eftir heilbrigðiskerfið. Ég legg því til að þetta tvennt skipti um hendur og að dekkjaskipti fari á fjárlög. 

Hver veit, kannski myndi slíkt sjálfkrafa fækka bílum á Íslandi? Er það ekki blautur draumur þeirra sem líta niður á vinnandi fólk sem rígheldur í sinn bíl?

„Dropinn sem fyllti mælinn“

Dönsk yfirvöld búa sig undir að sprauta meira

Dönsk heilbrigðisyfirvöld ætla að tilkynna Dönum á morgun að það eigi að bjóða upp á fleiri sprautur af mRNA-glundrinu í haust. Nýja glundrið á víst að vera betra en það gamla og ná líka til nýjustu afbrigða þótt gamla glundrið virki líka vel og veiti góða vörn, eða svo er okkur sagt. Tæplega helmingur Dana getur búist við því að fá boðskort í nýja aðför að líkama sínum og margir munu eflaust þiggja boðið.

En varla verður látið duga að senda út boðskort í sprautu, eða hvað? Ég hef lengi beðið eftir næsta stóra útspili yfirvalda sem á að fá okkur til að nota grímur og þiggja fleiri sprautur. Evrópubúar og sérstaklega Norðurlandabúar virðast samt ætla að sleppa. Þessu er öðruvísi farið í Bandaríkjunum. Þar er nú verið að hvetja ungt fólk í háskóla sem er ekki búið að fá flensusprautuna um að setja á sig grímu! Þar er samt miklu meiri hugmyndafræði í veiruóttanum. Vinstraliðið óttast, notar grímur og lætur sprauta sig, en vinnandi fólk er rólegra og síður lyfjaþyrst.

Sennilega tekst dönskum yfirvöldum að sprauta flesta sem þau boða í sprautu. Í Danmörku er engin umræða um aukaverkanir, ónæmiskerfi, aukaverkanir sóttvarnaaðgerða, handahófskennd fyrirmæli hins opinbera og broddprótein. Fólk les sín bréf frá hinu opinbera og gerir það sem það er beðið um. Því miður. En sem betur fer hafa Danir tekið börnin af skotskífunni. Fullorðið fólk getur sprautað sig með heróíni og frostlegi fyrir mér, sé það einlægur vilji þess. En börnin eiga ekki að láta dæla aðskotahlutum í blóðrásina á sér. 

Haustið er byrjað og hræðslan er komin. Velkomin!

Auðvelt að græða á Evrópubúum

Rússar og Úkraína deila nú um yfirráð og örlög landsvæða og fólks og því miður hafa Rússar gripið til vopna eftir mörg ár af samningaviðræðum, eða með orðum CNN frá því í febrúar í ár:

To this day, the OSCE patrols the frontlines and reports ceasefire violations along the border. However, there is much less fighting and fewer casualties than in 2014-15. From that perspective, the agreement was, at least, partly fulfilled.
Still, there are 1.5 million internally displaced people in Ukraine, and nearly 14,000 people have died in the conflict.

(Þetta er skrifað áður en Pútín nefndi þessa tölu um fjölda fallinna og gerði töluna skyndilega að falsfrétt.)

Þessi sjálfsstjórnarhéröð virðast alltaf fara í taugarnar á yfirvöldum, hvort sem þau yfirvöld eru úkraínsk, kínversk eða tyrknesk. En hvað um það.

Við á Vesturlöndum eru auðvitað á móti stríðsbrölti hvers konar sem er ekki leitt af NATO, Bandaríkjunum eða Frökkum og höfum því ákveðið að kaupa ekki rússneskt gas nema af algjörri nauðsyn.

Í þessu sjá margir viðskiptatækifæri, og skal hér tekið lítið dæmi:

China has been quietly reselling Russian LNG to the one place that desperately needs it more than anything. Europe... and of course, it is charging a kidneys worth of markups in the process.

Já, þú last rétt: Rússar hafa selt Kínverjum gas á fljótandi formi, svokallað LNG. Kínverjar loka samfélaginu til að verjast veiru og sitja uppi með of mikið af gasi sem þeir selja til Evrópu á uppsprengdu verði.

Þannig að í stað þess að gas streymi um rússnesk rör og beint inn á evrópska markaði þá er það kælt niður, sett í tanka, dælt á skip sem sigla hálfa leið í kringum hnöttinn þar sem gasinu er dælt á tanka á landi og hitað og sett í rör eða geymslur. 

Og þetta köllum við viðskiptaþvinganir. Gegn Rússlandi! 

Nú segi ég ekki að Rússar eigi bara að fá að vaða inn í hvaða ríki sem er afleiðingalaust (þótt NATO, Bandaríkin og Frakkland megi það). Nei, ég er einfaldlega að segja að viðskiptaþvinganir gegn Rússlandi eru að skaða þá sem þeim beita miklu meira en þeim sem þvingunum er beitt gegn.

Kannski menn ættu að fara varlega í að dæla vopnum inn í átök (og svarta markaðinn) sem leysast eingöngu við samningaborðið gegn einhverjum tryggingum um að staðið verði við samninga. En slíkt er sennilega ómögulegt þegar í hlut eiga einhver spilltustu ríki heims þar sem mörkin milli raunveruleika og leikrits eru ekki alltaf skýr.