Spraututrommurnar virkjaðar

Haustið á að nýta til að sprauta þig og hræða þig. Þetta þykist ég nú sjá í dönskum fjölmiðlum. Veirufyrirsagnirnar eru að verða algengari og meira áberandi á forsíðum auk umfjallana um langtímaafleiðingar af veirusmiti og fleira slíkt.

Eitt ætla Danir samt ekki að gera: Bjóða fólki undir fimmtugu fleiri sprautur nema í undantekningatilvikum (ólíkt íslenskum yfirvöldu sem vilja sprauta niður í 5 ára aldur). Það er nú alltaf eitthvað. Ætli Pfizer og Moderna séu ánægð með slíkt fordæmi sem skaðar hlutabréfaverð?

Allt gæti nú samt breyst ef það kemur - og giskaðu nú:

Nýtt afbrigði!

Já, auðvitað. Menn eiga alltaf það tromp uppi í erminni. 

Mín leið til að koma í veg fyrir neikvæðar afleiðingar komandi sóttvarnaaðgerða er að ná fólki í dag og fá það til að hugsa áður en allt ruglið fer af stað aftur. Fólk er núna afslappað og lítið að spá í veirum og mjög móttækilegt fyrir því að maður geri grín að veirutímum hinum fyrri, hlægi að grímum og baktali sprautur. Mögulega munu einhverjir staldra við næst og jafnvel halda sínu striki í einskonar borgaralegri óhlýðni (almennt frekar en í litlum hópum).

Annars er ekkert víst að veira verði yfirleitt til umræðu nú þegar heimatilbúin verðbólga og heimatilbúin orkukreppa ríður yfir og veturinn handan við hornið. Fyrirtæki eru að loka og slökkva ljósin og einstaklingar sjá ekki fram á að geta kynt hús sín og keypt í matinn. Eins og við vitum þá smitast fólk ekki í fjöldamótmælum sem eru smátt og smátt að hefjast í Evrópu. Vissara að finna hlýju fötin og undirbúa sig.

Um sprautur og loftslag

Tvær góðar aðsendar greinar birtast í Morgunblaði dagsins sem mér finnst ástæða til að deila svo sem flestir geti lesið.

Sú fyrri er eftir Danann Bjørn Lomborg, en hann berst gegn því að einblína á loftslagsbreytingar sem eina vandamál mannkyns og vill þess í stað hjálpa fátæku fólki að spjara sig betur, enda sé hægt að gera það mun betur með því að sturta ekki milljörðum á eftir aðgerðum gegn losun koltvísýrings.

Sú síðari er eftir íslenska lækninn Guðmund Karl Snæbjörnsson, betur þekktur sem Kalli Snæ, sem berst gegn því að börn séu sprautuð með stórhættulegum, gagnslausum efnum sem skaða þau margfalt á við veiruna sem sprauturnar eiga að veita vörn gegn.

Báðir þessir menn eru það sem sumir kalla efasemdarmenn og aðrir kalla afneitunarsinna (sem trúa ekki á hið eina sanna guðsspjall hins pólitíska rétttrúnaðar). Þeir benda á hluti sem fá ekki hljómgrunn hjá áróðursvélum yfirvalda eða holræsismiðlunum (e. main stream media). Þeir tilheyra litlum minnihluta. En veistu hvað, það gerðu líka ýmsir á fyrri tíð sem í dag eru hylltir sem brautryðjendur.

Og kannski hverri umræðu sé hollt að sem flestar hliðar heyrist og að menn fái að skiptast á skoðunum og gögnum út í hið óendanlega. Eða er það úrelt hugsun á tímum þar sem við afritum í sífellt meiri mæli stjórnarhætti kínverskra kommúnista?

Hetjur veirutímanna

Þegar veirutímar áranna 2020-2021 gengu yfir voru margar hetjur sóttvarna kallaðar til leiks. Ekki mikið af ungu fólki að rotna fyrir framan fjarkennsluskjáinn eða eldra fólki að deyja úr einveru, en margir þarna mitt á milli. Til dæmis leikarar í fullu starfi sem elskuðu, og elska mögulega ennþá, pinnana: 

Það væri heiður að vera sýnatökukóngur Íslands, segir leikarinn Jóhannes Haukur sem fór í sína eitt hundruðustu skimun á föstudag. Hann segist vanur sýnatökupinnanum og gæti haldið þessu áfram fram í rauðan dauðann.

Einmitt það já. Og fjarvinnan? Frábær!

Starfsmenn fundu einnig fyrir breytingum á sínu lífi með fjarvinnunni.

„Það má segja að hún hafi haft frekar jákvæð áhrif. Að vinna meira í kringum fjölskylduna og svo höfum við verið meira úti á landi í kringum stórfjölskylduna. Maður var miklu meira heima og fór miklu meira á netið og verslaði á netinu og fór svona færri ferðir en kannski stærri í innkaupum,“ segir Guðmundur Steinar Zebits.

Fólk með góða lyklaborðsvinnu kvartaði ekki. Kannski ekki ónáðað af leik- og grunnskólabörnum í kringum sig. Eða af þörfinni til að afla tekna og geta þá hangið á leikvöllum, eða við Playstation-tölvu, allan daginn.

Allt var þetta auðvitað áróður ætlaður þér til að sætta þig við svokallað nýtt norm. 

Margir bundu miklar vonir við þessa tíma. Þetta átti að vera upphafið að mikilli endurreisn, eða eins og segir á heimasíðu samtaka sem dreymir um slíkt, og er hér vitnað í mann sem nýlega fékk sína fyrstu vinnu á áttræðisaldri eftir að hafa eytt seinustu árum í að halda einkaþotu sinni virkri til að flakka á milli heimshluta til að segja almúganum að slökkva ljósin:

The current pandemic has brought unimaginable devastation to peoples lives and livelihoods and national economies. At the same time, the green recovery offers an unprecedented opportunity to rethink and reset the ways in which we live and do business.

Gott mál, ekki satt?

Nema draumur þinn sé 100 skipti af pinna í nefið þá skaltu hafa aðeins varann á þegar fjölmiðlar segja þér frá hetjum sóttvarna. Þær eru ekki þú. Fá mögulega eitthvað út úr því að vera leiddar niður þrönga ganga í sláturhúsi, með sprautu á endanum.

En mögulega ertu þar líka. Gott og vel þá.

14 stökkbreytingar!!!

Þá er búið að hækka aðeins í pottinum í Danmörku. Pottinum sem geymir froskinn sem á að sjóða lifandi. Þeim sama og sauð hinn íslenska frosk á sínum tíma. 

Í stórri fyrirsögn á einum af stóru miðlunum segir:

Það er „nýr drengur í bekknum“, og sá hefur ljótar stökkbreytingar, segja sérfræðingar um nýtt afbrigði kórónuveiru

-----

Der er "en ny dreng i klassen", og den har grimme mutationer, siger eksperter om ny coronavariant

Ónei! Ný stökkbreyting! Fram kemur að þær eru 14 talsins! Muni mögulega gera veiru kleift að smeygja sér framhjá ónæmi frá fyrra smiti eða sprautu! Nú eða ekki. Kannski eitthvað annað. Hver veit! Enginn, ennþá.

Nú stökkbreytist þessi veira oft og ítrekað og allar heimsins raðgreiningar munu ekki ná að halda utan um það. Þetta er lifandi veira með tiltölulega sveigjanlegan tilgang til lífsins, bókstaflega. Hún þarf ekki árhundruð til að þróa með sér sérhæfingu til að takast á við nýtt umhverfi og komast framhjá sóttvörnum og ónæmisefnum.

Svona svolítið eins og árlega kvefið, sem er jú bara nýtt afbrigði af einhverri kórónaveiru. Bara ekki þessari nýjustu þar til nýlega.

Það er með öðrum orðum ekkert fréttnæmt við að nýtt afbrigði komi upp af SARS-CoV-19 sem veldur COVID-19. Ef RÚV segði frá þeim öllum er jafnvel hætt við að hörðustu RÚV-fréttafíklar hættu að hlusta!

Það sem mér finnst fréttnæmt er að það þyki nú aftur fréttnæmt - efst á forsíðu holræsisfréttamiðils (e. main stream media) - að nýtt afbrigði sé komið upp sem enginn getur í raun sagt neitt um frekar en flest önnur. Kannski algjör tilviljun að það falli alveg ágætlega saman við að nú er að hefjast ný sprautuherferð í Danmörku? Þessi með uppfærða glundrinu, sjáið til.

(Látum liggja á milli hluta að sprautan er uppfærð í til að takast á við gamalt afbrigði veirunnar, ekki afbrigði framtíðarinnar, og uppfært því gamla glundrið var ekki talið virka á ný afbrigði, en öllum hefur verið sama um slíkt hingað til og verður áfram.)

Eða er einfaldlega verið að hækka í pottinum samkvæmt áætlun? Menn vilja jú ekki að sprauturnar fari til spillis og hafi neikvæð áhrif á hlutabréfaverð, eignasafn milljarðamæringa og annað slíkt. Að yfirvöld hætti á að almenningur gleymi öllum nýju stjórntækjunum sem voru afrituð af kínverskum pappír vorið 2020. Að hrædda fólkið fái ekki nýja ástæðu til að loka sig inni? 

Prófið aftur, yfirvöld og þeir sem toga í ykkar strengi! Kannski froskurinn hoppi aðeins fyrr upp úr í þetta skipti, heill og líkama og geði!

Ekki lesa ákveðnar síður, það er gagnlegt fyrir Rússa

Þessa dagana segja allir fjölmiðlar frá stórsókn Úkraínu í gegnum svæði sem Rússar hafa hernumið. Verið er að endurheimta borgir undir úkraínsk yfirráð og allt í molum hjá Rússum.

Gott og vel, hugsar maður. Það getur nú bara vel verið. En hvað segja miðlar hliðhollir rússneskum yfirvöldum? Hvaða nálgun gæti mögulega (eða mögulega ekki) vantað? Eru allir miðlar að segja sömu sögu en í mismunandi útgáfum? Kalla sama hlutinn mismunandi nöfnum?

Svo ég slæ inn, eins og svo oft áður:

www.rt.com

Síða lokuð! Að minnsta kosti hérna í Danmörku. Hvers vegna? Jú, vegna einhverrar tilskipunar Evrópusambandsins þar sem er margt skondið að sjá, meðal annars heiti hennar:

... concerning restrictive measures in view of Russia's actions destabilising the situation in Ukraine

Það er einmitt það já. Ég má ekki lesa ákveðinn fréttamiðil með alla sína kosti og galla, eignarhald og ritstjórnarstefnu, því því það hjálpar Rússum að raska stöðugleika Úkraínu!

Menn geta svo gripið niður af handahófi í þessa tilskipun og fundið þar mismunandi leiðir til að útskýra og réttlæta ritskoðun:

Those propaganda actions have been channelled through a number of media outlets under the permanent direct or indirect control of the leadership of the Russian Federation. Such actions constitute a significant and direct threat to the Union’s public order and security.concerning restrictive measures in view of Russia's actions destabilising the situation in Ukraine

Einmitt það já. Er eitthvað skárra að loka heimasíðum en bera á borð áróður? Er ritskoðun ekki óbeinn áróður? Takmörkun á upplýsingum? 

Jú, auðvitað.

En ég komst á RT, þökk sé krókaleiðum (sem lágu að þessu sinni um Japan). Þar segir að Rússar séu í raun að framkvæma skipulagðan flutning á hermönnum til að styrkja aðgerðir á öðrum svæðum, og til að lágmarka mannfall sé sprengjuregn látið falla yfir úkraínska herinn sem sækir fram. Hljómar ekki mjög sannfærandi en þá veit ég það.

Ef veirutímar hafa kennt mér eitthvað þá er það að um leið og ég sé tilraunir til að þagga niður í einhverjum röddum þá grunar mig að einhver sé að reyna fela eitthvað. Ekki alltaf, en nógu oft til að ég fyllist tortryggni í hvert einasta skipti.

Undraskjót leiftursókn

Sturlunin er alls ekki á enda. Hún er í dvala

Við á Norðurlöndunum sögðum að mestu bless við veiruhræðslu, grímur og glundur í upphafi þessa árs, yfirleitt í kringum febrúar og mars. Fólk hætti að mæta í sprautur, yfirvöld gáfust upp á hræðsluáróðrinum og veira fékk að gera það sem allar kórónuveirur gera: Smita og stökkbreytast í kvefpest.

En brjálæðið stendur enn víða yfir. Kína er þar fremst í flokki að grýta eigin höfn. Víða í Bandaríkjunum er fólki ennþá sagt að það sé hægt að sprauta sig til mannréttinda. Í Kanada leggja spekingar til að sprauta fólk á 90 daga fresti, og er geðveikin þó næg þar nú þegar. 

Aðspurðir segja spekingar á Norðurlöndum - meira að segja þeir sem trommuðu hvað fastast í trommur hræðsluáróðurs - að þeir sjái nú ekki endilega fyrir sér takmarkanir í vetur. Það er jú búið að sprauta svo marga með glundrinu sem virkar ekki! Og nýja glundrið er á leiðinni, þetta sem mýsnar átta eiga að staðfesta að virki betur en ekkert gegn nýjustu afbrigðum. 

Heldur þú að lyfjaframleiðendur leggist flatir á bakið og sjái á eftir mörgum tugum milljarða þegjandi og hljóðalaust? Það væri nýbreytni! Heldur þú að athyglissjúkir embættismenn, sem flestir vissu ekki að væru til fyrir tveimur árum, láti slökkva á sviðsljósinu án viðspyrnu? Heldur þú að græningjarnir, sem dreymir um orkuskort og mannfall, sleppi tækifærinu sem gagnslausar sóttvarnir veittu þeim og þeirra markmiðum? Heldur þú að stjórnmálamenn í leit að meiri völdum gefist bara upp og vilji allt í einu byrja að þjóna frekar en stjórna? Heldur þú að hrædda fólkið sem gleypir fréttir RÚV og systkinafjölmiðla sé búið að vakna og orðið ónæmt fyrir ótta?

Undanfarnar vikur er búið að lauma að okkur litlum fréttatilkynningum um uppfært glundur og álit spekinga um að það sé nú alls ekki víst að samfélagið verði sett í spennitreyju aftur. Smátt og smátt verður hitinn hækkaður undir þessum potti. Það tekur tíma að sjóða frosk, en það er búið að kveikja undir.

28 mánaða grímuskylda á enda

Raunveruleikinn bankar upp á

Orkukreppa er nú í Evrópu og fer versnandi. Þetta hefur komið mörg á óvart. Yfirklórið heitir að menn hafi auðvitað ekki átt að eyða miklu púðri í að undirbúa hið óvænta - slíkt sé óskynsamlegt og dýrt. Kaup á rússnesku gasi samhliða vanrækslu á eigin orkuöflun og orkuframleiðslu hafi verið sjálfsagt mál. Rússar hafi hreinlega gert hið óvænta og óumflýjanlegar viðskiptaþvinganir í kjölfarið verið nauðsynlegar en um leið erfiðar. Orkukreppan sé því í raun ekki þeim að kenna sem vanræktu orkuöflun og lögðu öll eggin í eina körfu. Nú fyrir utan að innflutt rússnesk orka skiptir ekki máli í stóra samhenginu.

Yfirklór af þessu tagi er auðvitað mjög ósannfærandi og nú hefur raunveruleikinn bankað upp á. Bretar ætla að henda sínum grænu yfirlýsingum í ruslatunnuna nú þegar nýr forsætisráðherra tekur við. Hollendingar, Þjóðverjar og Frakkar eru að gera eitthvað svipað. Nú skal gamla góða jarðefnaeldsneytið dregið upp á yfirborðið, bókstaflega. Stjórnmálamenn sem eru ekki beinlínis búnir að koma sér fyrir í hljóðeinangruðum herbergjum heyra neyðarkall almennings og atvinnulífs og bregðast við. Of seint auðvitað, en samt. 

Hvaða þvæla ætli endi næst á öskuhaugunum? Endurvinnslubrjálæðið þar sem rusl er sent yfir langar vegalengdir? Sú hugmynd að velferðakerfi geti lifað af óhamið innstreymi innflytjenda? Sú áætlun að flæma allan iðnað og alla framleiðslu til kolaorkuverslandanna til að bjarga loftslaginu? Sú trú að risavaxnar rafhlöður geti leyst af sprengjuhreyfla án þess að heilu landflæmin breytist í eitruð stöðuvötn? 

Tíminn mun leiða það í ljós. Eitt er víst: Raunveruleikinn hverfur aldrei þótt honum sé afneitað, og bankar alltaf upp á að lokum.

Truss frystir orkureikninga

Markmið: Að tryggja að þú búir við fátækt

Þessi skemmtilega tilvitnun í Tom Woods er tilefni til að hugleiða aðeins:

Í gamla daga sögðust vinstrimenn vilja bæta lífskjör þeirra fátækustu. Nú er það ansi augljóst: þú verður fátækari og ef þú mótmælir ertu óvinur ríkisins.

----

In the old days, progressives claimed to want to improve the standard of living of the poorest. Now it is pretty blunt: you will be poorer, and if you object you are an enemy of the state.

Og af hverju er gott að þú búir við sívaxandi fátækt?

Jú, því þá er hægt að stoppa veiru.

Og refsa Rússum sem eiga í staðbundnum átökum við yfirvöld í Úkraínu og hafa átt undanfarin ár.

Þú kemur í veg fyrir að mannkynið setji loftslag Jarðar á hættulega braut.

Og bjargar auðvitað umhverfinu að öðru leyti.

Nú fyrir utan að einfalda líf þeirra sem stjórna okkur. Það er auðveldara að eiga við almenning sem leigir frekar en á, sem sér bara réttar skoðanir á öllum miðlum, sem lætur skrá sig í gagnagrunna af ýmsu tagi sem halda utan um lyfjanotkun okkar og sennilega fleiri hluti, og listinn þar með ekki allur.

Mögulega erum við komin á tímapunkt þar sem yfirvöld eru orðin óvinur okkar en ekki þjónn. Tímapunkt þar sem þarf að kryfja og tortryggja allt sem kemur úr munni þeirra sem efnast og eflast þegar þú rýrnar og verður fátækari.

En það er bara mín skoðun. Vonandi ertu með þína eigin og þá ekki bara skoðun sem þú fékkst matreidda í sjónvarpsfréttunum.

Bíddu nú við, upprunaleg veira?

Í svolitlu plaggi frá embætti landlæknis, Leiðbeiningar um bólusetningu gegn COVID-19: Haust 2022 – 1. útgáfa, kemur ýmislegt fram um þessi svokölluðu bóluefni sem er búið að sprauta í fólk seinustu misseri í mörgum skömmtum, meðal annars þessi texti:

Í þessum stutta texta kemur orðið „upprunalegur“ í ýmsum myndum fram alls fimm sinnum. Ekkert nýtt í þessu, þannig séð. Þegar sprautunum var rúllað út var hið „upprunalega“ afbrigði SARS-CoV-2 löngu horfið, sprauturnar virkuðu ekki og því kannski við hæfi að leggja mjög mikla áherslu á að sprauturnar voru hannaðar gegn veiru sem var ekki lengur á ferli. 

Um leið er hér ákveðin söluræða á ferðinni. Nú er búið að „uppfæra“ sprauturnar og prófa á alls 8 músum til að sannreyna virkni þeirra. Eða á tungutaki lyfjaframleiðanda:

N = 8 mice

Sú tilraun hefur hlotið verðskuldaða gagnrýni. Hér er dæmi um eina. En fólk skal boðað í þetta nýja glundur sem virkar ekki. Hið gamla var jú hannað gegn „upprunalegu“ veirunni. Núna er önnur á ferðinni.

Upp með ermarnar, menn og mýs!

Skrár tengdar þessari bloggfærslu:

• Frá heimasíðu landlæknis
• Frá heimasíðu FDA

Hamfarahlýnun á hverjum degi

Veðurstofur víða virðast hafa tekið upp þann ósið nýlega að lita öll hitakort eldrauð sama hvernig viðrar. Þetta er gert með því að finna hæsta spágildi hita hvers tíma og lita í rauðum lit, jafnvel eldrauðum. Þannig verða 5 gráður á einum degi jafnrauðar og 35 gráður á öðrum. Sem dæmi, hitaspá dagsins hjá Veðurstofu Íslands:

Og sú fyrir laugardaginn:

Hitaspáin fyrir miðnætti á sunnudag (sýnilega engin ástæða til að nota yfirhöfn, og það mætti halda að úthafið sé mjög heppilegt fyrir hlýtt og notalegt sjósund):

Kannski hugsunin sé sú að maður fái það alltaf á tilfinninguna að það sé brjáluð hitabylgja knúin áfram af losun manna á koltvísýringi í andrúmsloftið og selji bílinn og kaupi reiðhjól.

Nema ástæðan sé leti: Látum hitakvarðann bara ráðast af lægsta og hæsta hita hverrar hitaspár og pælum ekki meira í því.

Mönnum er hér engu að síður svolítill vandi á höndum. Hvað ef hitastigið er mjög hátt á einum stað og mjög lágt á öðrum? Annað eins getur gerst á Íslandi.

Ég er með lausn: Að hreinlega teikna eld og brennistein inn á kortið.

Nú hljóta reiðhjól að seljast upp fyrir veturinn og bílasölur að fyllast af notuðum bensínbílum. Verði ykkur að góðu!