Sjálfkrýndi samfélagssérfræðingurinn

Laugardagur, 3. september 2022

Lyfjatilraunirnar halda áfram

Heilsugæslan á höfuðborgarsvæðinu hyggst boða 60 ára og eldri í fjórðu Covid-bólusetninguna og bólusetningu gegn inflúensu um leið. Núna má víst sprauta fyrir hvoru tveggja á sama tíma sem er talið mikið hagræði. Áður mátti það ekki. Núna má það. Svona fleygir læknavísindunum fram! Og fólk mætir og brettir upp ermar og vonar það besta. Vonast til að lamast ekki, blindast ekki, fá ekki hjartaáföll, þróa ekki með sér krabbamein á undrahraða og ýmislegt annað sem hefur komið upp á yfirborðið en enginn ætlar að rannsaka.

En hver veit! Kannski fólk sé hvort í senn orðið þreytt á þessum sprautum og hætt að treysta sprautuliðunum sem sópa öllu undir teppið og einblína á að koma fólki inn og út á korteri með sprautu á milli. Kannski það feli í sér álagsgreiðslur og heiðursverðlaun sem skiptir miklu meira máli en tilraunadýrin.

Kannski nógu margir þekki núna einstaklinga sem geta ekki unnið fyrir sér eða séð um sig sjálfir í kjölfar sprautu. Hafi kannski lesið eða séð viðtöl við fórnarlömb sprautunnar. Finnist furðulegt að fólk sé að deyja í unnvörpum án þess að hægt sé að koma auga á dánarorsök. Furði sig á því að í kjölfar sprautuherferða séu skyndilega veikindi milljóna manna skrifuð á "long covid" en ekki sjálfar sprauturnar sem áttu beinlínis að koma í veg fyrir alvarleg veikindi. Taki eftir því að fullyrðingar heilbrigðisyfirvalda víða um sprautur og annað séu í laumi að taka breytingum og ýmis ríki að ráða mjög frá eða takmarka mjög aðgengi ýmissa hópa að sprautum, svo sem ungmenna og óléttra kvenna. Ekki af því sprauturnar séu hættulegar eða af skornum skammti. Nei, af því bara. Einmitt!

Kannski allt þetta og meira til sé að renna upp fyrir fleirum og fleirum og lyfjatilrauninni miklu þar með sjálfhætt.

En þá skaltu vita eitt: Stór og öflug fyrirtæki eru búin að gera ráð fyrir svimandi hagnaði af sprautum um langa framtíð. Árleg sprauta í alla og þar fram eftir götunum. Heldur þú að þau sleppi bara litlu tilraunarottunum sínum úr búrunum án þess að spyrna við fótum? Að þau leggist bara flöt á bakið og sjái á eftir milljörðum ofan á milljarða? Þá þjáist þú af óhóflegri bjartsýni. Think again, eins og sagt er. Og vonandi hættir þú í kjölfarið að bretta upp ermar.

	Sextíu ára og eldri senn boðaðir í fjórðu sprautu
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Það hlýtur að vera pirrandi að þú þurfir að styðjast við órökstuddar fullyrðingar vina þinna og sögusagnir af netinu, í þessu eins og svo mörgu öðru í þínu lífi. Að tölur og gögn skuli ekki finnast neinstaðar í heiminum sem styðja þessar hræðilegu afleiðingar af sprautunum. Og það þó vel sé skrásett hverjir eru sprautaðir og hverjir verða fyrir einhverjum heilsufarslegum áföllum. Það er nærri því eins og hóparnir eigi ekkert sameiginlegt þegar þeir eru bornir saman og fjölganir áfalla innan vikmarka sé miðað við önnur slæm ár.

Já, það þarf nauðsynlega að setja nokkrar milljónir dollara eða evra í að rannsaka hvers vegna heilsufarsleg áföll og dauði virðist ekki vera neitt sjaldgæfari hjá ósprautuðum en sprautuðum. Og þá ekki síður þennan mikla mun á tölum/gögnunum og öllu slúðrinu sem sumir trúa.

Vagn (IP-tala skráð) 3.9.2022 kl. 17:28

Fleiri sprautur auka líkurnar á endursmiti.

Study: COVID vax INCREASES risk of infection

Rate of SARS-CoV-2 Reinfection During an Omicron Wave in Iceland | Infectious Diseases | JAMA Network Open | JAMA Network

Guðmundur Ásgeirsson, 3.9.2022 kl. 19:09

Vagn,

Svona handaveifingar duga ekki lengur, og nú er Þórólfur þinn farinn á eftirlaun og arftaki hans búinn að lýsa því yfir að sækjast ekki eftir því að vera í sviðsljósinu.

Sönnunarbyrðin er alltaf á þeim sem framleiða og selja lyf og kalla "örugg" og skilvirk, ekki þeirra sem sjá fólk lamast og detta niður dautt á besta aldri.

Geir Ágústsson, 3.9.2022 kl. 19:43

...

https://stevekirsch.substack.com/p/this-one-graph-tells-you-everything

Við vissum þetta svosem. Hagstofan var búin að sýna okkur þetta.

Ásgrímur Hartmannsson, 3.9.2022 kl. 22:01

Geir, ertu búinn að komast að því hver Vagn er? Einhver hagsmunatengd gunga sem þorir ekki að koma fram undir nafni!

Guðmundur Ásgeirsson, búinn að sjá þetta varðandi rannsóknina?

https://frettin.is/?s=%C3%ADslenskir+læknar

Þórdís Björk Sigurþórsdóttir, 3.9.2022 kl. 23:04

p.s. Geir, tvær fyrir eina bólusetningu og ætli þetta sé nýja bóluefnið sem FDA var að samþykkja og var prófað á átta músum eða bara þetta gamla úrelta sem nóg er til af enn en hlýtur að fara renna út.

Og ef tilkynna á aukaverkanir eftir tveir fyrir eina, hvernig veit maður hvor sprautan veldur?

Þórdís Björk Sigurþórsdóttir, 3.9.2022 kl. 23:06

Treystið þið einhverjum á alþingi til að tala ykkar máli þar?

Ef já þá hverjum?

Jón Þórhallsson, 4.9.2022 kl. 09:38

Jón Þórhallsson, enginn á alþingi vill eða þorir að ræða þessi mál, það er búið að senda öllu þessu fólki ótal gögn og sannanir fyrir skaðsemi þessara eitursprauta, en viðbrögðin eru engin!

Vita "Vagnar" þessa heims um krabbameinin sem fólk er að fá eftir sprauturnar (fyrir utan allar hinar aukaverkanirnar og skyndidauðana), sem verða stundum 4. stigs mein á örskömmum tíma?