Hægrisinnaður fjölmiðlamaður? Fáheyrt?

Það kom þá loksins að því að fjölmiðlamaður úr sjónvarpi seinni tíma, sem er ekki vinstrisinnaður, kæmi út úr skápnum og hoppaði í hinn pólitíska slag. Listinn af vinstrisinnuðu fjölmiðlafólki í pólitík er annars orðinn ansi langur, svo ekki sé meira sagt.

• Róbert Marshall, fyrrv. fréttamaður hjá Stöð 2, nú þingmaður Samfylkingar.
• Sigmundur Ernir Rúnarsson, fyrrv. fréttamaður hjá Stöð 2, nú þingmaður Samfylkingar.
• Ómar Ragnarsson, fyrrv. og vitaskuld hlutlaus fréttamaður, nú Samfylkingarmaður.
• Ólína Þorvarðardóttir, fyrr. fréttamaður hjá RÚV, nú þingmaður Samfylkingar. 

Er ég að gleyma einhverjum? Hér tel ég að vísu bara upp þá þingmenn sem sitja núna og hafa sést á skjánum sem "hlutlausir" fréttamenn á seinustu 10 árum. Gamalt Þjóðvilja-lið ekki með í upptalningunni hér.

Svanhildur, velkomin í slaginn!

Svanhildur til Sjálfstæðisflokks

Athugasemdir

[Guðmundur St Ragnarsson, 7.9.2009 kl. 20:46]

Af hverju eru ekki allir fréttamenn skyldugir til að vera í stjórnmálaflokki? Þeir enda þar hvort eða er einhvern tímann.

[Heidi Strand, 7.9.2009 kl. 21:27]

Það er allt sama tóbakið. Það munar litlu á Sjöllunum og samspillinguna

[Lalli (IP-tala skráð) 7.9.2009 kl. 21:59]

Vantar ekki Björgu Evu Erlendsdóttur? Fyrrum Rúvari sem stýrir núna Smugunni (VG).

Svo eru það hin vistaskiptin. Stjórnmálamenn sem fara yfir í fjölmiðla. Þar má nefna Helga Seljan, gamall kommi að austan og Heimir Már Pétursson, fréttamaður, samfylkingarmaður og svo aftur fréttamaður. Þessi viðbót undirstrikar bara það sem þú bendir á þ.e. hvað fjölmiðlarnir eru vinstri sinnaðir.

[SBB (IP-tala skráð) 7.9.2009 kl. 23:14]

Eruð þið ekki að gleyma allri súpunni af Heimdellingum á fréttastofu RÚV leidd áfram af Elínu Hirst og Boga? Ég er ekki að kvarta eða væla, bara að benda á hina hliðina. Getur ekki verið að áhugi á fjölmiðlun tengist oft áhuga á stjórnmálum?

[Lalli (IP-tala skráð) 7.9.2009 kl. 23:21]

SBB, hvaða fréttamenn hjá RÚV voru í pólitík? Annars er að mínu mati mun meiri vinstri slagsíða á fréttastofu RÚV.

[Geir Ágústsson, 8.9.2009 kl. 08:05]

RÚV er sennilega rauðasti fjölmiðillinn í dag ásamt Morgunblaðinu. Að minnsta kosti vingjarnlegastur þegar kemur að því sem Samfylkingin boðar (þjóðnýta Icesave-skuldbindingingar; ganga í ESB).

Elín Hirst er alltaf sögð vera svo mikill Sjálfstæðismaður. Það kæmi mér ekkert á óvart að sjá hana hoppa út úr Samfylkingarskápnum dag einn!