Wikipedia: Góð tilraun sem mistókst

Wikipedia var góð tilraun. Ætlunin var að búa til risastóra alfræðiorðabók, lifandi, ókeypis, aðgengilega og jafnvel áreiðanlega. En hvað fengum við í staðinn? Jú, vissulega góðan stað til að lesa um sögulega viðburði, menn og konur fortíðar og hvaða stýrikerfisuppfærsla á við hverja útgáfu iPhone-síma. 

En þegar kemur að mönnum og málefnum líðandi stundar er Wikipedia ígildi svæsins áróðursmiðils. Og það sem verra er: Undir yfirskyni hlutleysis alfræðiorðabókarinnar.

Tökum lítið dæmi: Fjölmiðilinn The Epoch Times.

Fjölmiðillinn er svo sannarlega með ritstjórnarstefnu eins og aðrir fjölmiðlar. Þar á bæ hafa menn gagnrýnt ofstækið í kringum eina tiltekna veiru og ákafann að sprauta alla gegn henni með nýstárlegu glundri. Þetta eru ekki algeng efnistök. Mun algengari efnistök fjölmiðla eru að lepja allt hrátt upp eftir blaðamannafulltrúa lyfjafyrirtækja og milljarðamæringa. En það eru einfaldlega önnur efnistök. 

En hvað hefur Wikipedia að segja um The Epoch Times?

https://en.wikipedia.org/wiki/The_Epoch_Times

Svolítil orðatalning í stuttri færslu leiðir eftirfarandi í ljós:

• misinformation: 18
• disinformation: 17
• false claims: 3
• fact check: 3
• falsly: 4

En auðvitað gerir þetta ekkert til. Wikipedia er á línu áróðursaflanna og beitir sér í slíkum tilgangi (sjá t.d. fjarstæðukenndan texta Wikipedia um aukaverkanir mRNA-bóluefna). Wikipedia er ekki hlutlaus alfræðiorðabók enda fá allir nemendur sem vísa í Wikipedia stórt rautt pennastrik í ritgerðirnar sínar. Wikipedia er ágætur miðill til að kynna sér söguþræði Seinfeld-þátta. Mikið lengra nær það ekki. Því miður.

Athugasemdir

[Sigurður Kristján Hjaltested, 12.12.2022 kl. 20:09]

Ekkert við þetta að bæta..

[Birgir Loftsson, 12.12.2022 kl. 21:41]

En hvað með Encyclopædia Britannica?

 

[Birgir Loftsson, 12.12.2022 kl. 21:42]

P.S. Ég er alveg sammála þér um Wikipedia.

[Guðmundur Örn Ragnarsson (IP-tala skráð) 12.12.2022 kl. 22:16]

DJÖFULLINN ER Á BAKVIÐ ALLAN LYGAÁRÓÐUR SEGIR BIBLÍAN

Jesús um andstæðinga Sannleikans: En nú leitist þér við að lífláta mig, mann sem hefur sagt yður sannleikann, sem ég heyrði hjá Guði. Slíkt gjörði Abraham aldrei. Þér vinnið verk föður yðar.

Þeir sögðu við hann: Vér erum ekki hórgetnir. Einn föður eigum vér, Guð.

Jesús svaraði: Ef Guð væri faðir yðar, munduð þér elska mig, því frá Guði er ég út genginn og kominn. Ekki er ég sendur af sjálfum mér. Það er hann, sem sendi mig. Hví skiljið þér ekki mál mitt? Af því að þér getið ekki hlustað á orð mitt. Þér eigið djöfulinn að föður og viljið gjöra það, sem faðir yðar girnist. Hann var manndrápari frá upphafi og aldrei í sannleikanum, því í honum finnst enginn sannleikur. Þegar hann lýgur fer hann að eðli sínu, því hann er lygari og lyginnar faðir. En af því að ég segi sannleikann, trúið þér mér ekki.

Textinn er úr Jóhannesarguðspjalli kafla átta, versunum 40 – 45.

[Guðjón E. Hreinberg, 13.12.2022 kl. 22:24]

Ég hætti fyrir mörgum árum að fara á Wikipedia, nema fyrir atriði sem mig vantar hratt og er ekki hægt að ljúga um. Þegar Covid helförin hófst yfirgaf ég Smartsíma, Google, YouTube, Apple og Microsoft, því ég neita að nota vörur frá þjóðarmorðingjum.