Ekki borða grafinn lax en fáðu þér sprautu

Það er flókið að vera barnshafandi kona í dag. Leiðbeiningar til þeirra eru margar og jafnvel misvísandi.

Ég lærði það á sínum tíma að barnshafandi konur ættu að forða ýmislegt. Ég man ekki sérstaklega eftir neinum sérstökum meðmælum öðrum en að borða hollt (með bannlistann í huga) og halda líkamanum í gangi. En bannlistinn var langur og tekinn alvarlega. 

Á vef Heilsuveru má til dæmis finna þessar leiðbeiningar:

Fiskur er frábær næring á meðgöngu en ekki ætti að borða hann hráan. Dæmi um hráan fisk:

• Grafinn fiskur
• Kaldreyktur fiskur
• Sushi með fiski
• Súrsaður hvalur
• Hákarl

Barnshafandi konur ættu ekki heldur að borða:

• Þorskalifur
• Sverðfisk
• Stórlúðu

Aðrar fæðutegundir sem ber að forðast á meðgöngu:

• Hráar baunaspírur
• Ógerilsneydd mjólk og ostar/afurðir úr ógerilsneyddri mjólk
• Hrátt kjöt
• Hrá egg
• Fýll og fýlsegg

Eftirfarandi fæðutegundir ætti að borða í hófi ekki oftar en einu sinni í viku:

• Túnfisksteik
• Búra
• Niðursoðinn túnfisk
• Svartfuglsegg
• Hrefnukjöt

Og hvers vegna ætli svo sé? Jú, af því að ýmislegt í matnum getur haft slæm áhrif á fóstur þótt móðir finni ekki fyrir neinu.

En nú er öldin önnur. Í frétt RÚV (hvar annars staðar!) segir læknir barnshafandi konum að fá sér sprautu og skýrir mál sitt svona:

„Því er svo mikilvægt að konur á meðgöngu fylgi ráðleggingum um endurbólusetningar, í dag er ráðlagt að endurbólusetja við 28. viku meðgöngu. Það tryggir það að nægjanlegt magn bóluefna, eða sem sagt mótefna, í blóði myndist til þess að verja barn fram að fyrstu bólusetningu við þriggja mánaða aldur. Það er einmitt þessi aldur frá fæðingu að þremur mánuðum þar sem að ungbörn eru viðkvæmust og það er þeim sem er hættast við alvarlegum fylgikvillum og jafnvel lífshættulegum fylgikvillum kíghósta.“

Þarna rek ég augun í orðin ...

... tryggja það að nægjanlegt magn bóluefna, eða sem sagt mótefna, í blóði myndist ...

Bíddu nú við. Ég hélt að bóluefni ætti í raun að sýkja líkamann en bara mjög lítið og nægjanlega til að kenna líkamanum að mynda mótefni sem síðar kæmi að góðum notum þegar fullfrísk veira mætir.

En ekki að bóluefnið eitt og sér virki eins og mótefni.

Er læknir ekki að ruglast? Eða að rugla okkur? Eða er ruglaður? Það er eitthvað af þessu því það er ekkert sem sagt samhengi á milli bóluefna og mótefnis. Bóluefnið sýkir móður, og kannski fóstur, og menn geta bara krosslagt fingur að móðir myndi nógu mikið mótefni til að verja fóstur sitt í tæka tíð.

Rússnesk rúlletta með líf fósturs. Hvað veldur?

Athugasemdir

[Ásgrímur Hartmannsson, 2.5.2024 kl. 21:09]

"nægjanlegt magn bóluefna, eða sem sagt mótefna" - hér er ljóslega á ferðinni einhver sem hefur verið að hlýða Víði.

Mesta della sem ég hef lesið lengi.

Ég veit hvað er málið með fiskinn - það eru í honum efni sem geta vakið ofnæmi.  Histamín.  Það er fyrirbæri sem er best að geyma að borða ar til seinna.

Ég er ekkert viss um að það sé gáfulegasti hlutur í heimi að dæla bóluefnum af gamla skólanum í barnshafandi.  Það eru alveg í þeim efni, ofan á það að þau eru beinlínis gerð til að herja á ónæmiskerfið.

Af heilsuveru: "Kíghósti (e. pertussis) er öndunarfærasýking sem orsakast af bakteríunni bordetella pertussis."

Baktería.  Það væri kannski meira athugandi að taka bara pensilín við því.

Á mjög erfitt með að treysta bólusetningum undanfarið.

Útfararstjórinn hérna tók eftir stökku úr 30 útförum á ári í 50 á síðustu 2-3 árum.  Höfðar ekki til mín.

[Ragnhildur Kolka, 3.5.2024 kl. 09:29]

Tiltrú almennings á læknastéttinni varð fyrir varanlegum skaða í covid. Ekki bætti um þegar þeir svo tóku að akitera fyrir lyfjarisana. Sumir eru jafnvel enn að. 

[Geir Ágústsson, 3.5.2024 kl. 13:42]

Það má að sumu leyti þakka yfirvöldum fyrir þetta yfirlit yfir bólusetningar barna frá 1950 og sést hvernig listinn bara lengist og lengist og nær núna yfir hlaupabóluna sem ég fékk, og HPV veirunni.

Sj__kd__mar_sem_b__lusett_er_fyrir____almennum_b__lusetningum______slandi_2023.pdf (ctfassets.net)

Samhliða þessu eykst tíðni einhverfu, ofvirkni og annarra kvilla.

Ég finn hvergi opinberar leiðbeiningar um bólusetningar á barnshafandi konum en leitaði ekki mjög lengi. Eitthvað nýtt greinilega.

[Kristín Inga Þormar, 3.5.2024 kl. 17:16]

Ég er sammála Ragnhildi um að tiltrú fólks á læknastéttinni hafi orðið fyrir varanlegum skaða í covid.

Með covid sprautunum brutu þau öll lög og reglur sem hægt var varðandi svona lyfjatilraunir, og síðast, en ekki síst læknaeiðinn sinn, Fyrst, ekki skaða.