Þegar það dugir ekki að ráða skoðunum 90% fólks

Í baráttunni gegn útbreiðslu COVID-19 er búið að finna upp fjöldan allan af bóluefnum. Öll voru þau búin til á methraða og hleypt í gegn á undanþágum. Flestir hafa síðan staðið spenntir í sinni röð, tilbúnir að bretta upp ermina og fá sprautu.

Maður hefði haldið að stuðningsmenn bólusetninga væru himinlifandi með þetta. Svo er ekki. Allt kapp er lagt á það að þagga niður í mjóróma röddum sem gagnrýna bóluefnin eða bólusetningar á ýmsa vegu. Fjölmiðlar tala um samsæriskenningar, óupplýsta umræðu, þvaður ólærðra og rangfærslur af ýmsu tagi. Samfélagsmiðlarnir eru vel með á nótunum líka og loka á síður, umræður, athugasemdir og deilingar. 

Talsmenn umsvifamikilla bólusetninga tala um mikilvægi þess að bólusetja. Fyrst var talað um aldraða og áhættuhópa en núna nánast alla (niður í 16 ára unglinga, sem er í staðinn lofað grímulausu hausti, og já þetta er á Íslandi). Og fólk stendur í röðum. Engin gagnrýni, engar spurningar. Talsmenn bólusetninga ættu að vera að fagna stórsigri.

En nei, þess í stað er rosalega miklu púðri eytt í að mæta allri gagnrýni á bóluefni og bólusetningar af fullum þunga með öllum ráðum. 

Auðvitað mun það ekki virka, eða jafnvel virka öfugt. Það mun koma sumum á óvart hvað er mikil áhersla lögð á að allir séu sammála, líka í tilviki fordæmalausra aðstæðna þar sem hver dagur færir okkur nýja lærdóma (og er meðal annars að leiða til endalausra breytinga í ráðgjöf um hvaða bóluefni henta hverjum best).

Það er ekki nóg að 90% almennings keppist um að fá sprautuna sína, jafnvel þótt slíkt ætti alveg að duga til að ná fram svokölluðu hjarðónæmi. 

Nei, allir skulu vera sammála. Frávik eru ekki leyfð.

Minnir óneitanlega á einhver önnur form stjórnskipunar en lýðræði.

Athugasemdir

[Þorsteinn Siglaugsson, 15.5.2021 kl. 13:04]

Forstjóri WHO hefur hvað eftir annað varað við þeirri stefnu að láta áhættuhópa í fátækum löndum afskipta, en hamast þess í stað við að reyna að bólusetja fólk sem enga þörf hefur fyrir bólusetningu, jafnvel niður í ungbörn. 

Hann bendir á að veiran verði ekki skaðlaus nema bólusett sé gegn henni á heimsvísu, annars verði hún aðeins illvígari. En sérhyggja almennings og stjórnvalda í ríku löndunum veldur því að orð hans fá engan hljómgrunn. Hafi hann rétt fyrir sér, sem ég held að hann hafi, verður afleiðingin enn verra ástand, einnig í þeim löndum sem nú virðast haga sér eins og þau séu einangruð eylönd í veröldinni.

Allt þetta ástand hefur verið drifið áfram af siðlausri sérhyggju og algeru skeytingarleysi um fórnarlömb hinna gagnslausu "sóttvarnaraðgerða". Og loks þegar bóluefni koma á markað er sama sérhyggjan áfram ráðandi.

Á síðustu 15 mánuðum eða svo höfum við verið að upplifa siðferðilegt hrun um heim allan. Hvað framtíðin ber í skauti sér veit ég ekki, en ég óttast að það sé ekki sérlega kræsilegt.

[Ásgrímur Hartmannsson, 15.5.2021 kl. 13:18]

Ekkert grunsalegt á seyði hér.  Neibb.  Alls ekki.

[Vagn (IP-tala skráð) 15.5.2021 kl. 18:03]

Umræðan er sú sama og þegar einstaka hálfvitar vildu ekki bólusetja börnin sín fyrir nokkrum árum af hræðslu eftir falsfréttir um einhverfu og samsæri. En eitt óbólusett barn getur verið hættulegt öðrum börnum. Og meðal almennings var rætt um að banna óbólusettum leikskólavist, taka forræði af foreldrum og jafnvel fangelsisdóma. 99,99% þótti almenningi vera of lágt hlutfall. Þetta ætti því ekki að koma neinum á óvart sem man eitthvað lengra en árið aftur í tímann. Né heldur það að fólkið sem rætt var um að fangelsa er enn á samfélagsmiðlunum með rangfærslur sínar og álhatta.

Hjarðónæmi er ekki, og var aldrei, endanlegt markmið heldur fyrsti áfangi á mögulega löngu ferðalagi. Hjarðónæmi kemur hvorki í veg fyrir smit né dauða. En hjarðónæmi kemur í veg fyrir að smit verði að faraldri.

Svo má alveg segja ykkur gáfnaljósunum að það er alger þvæla, þó þið trúið því og hafið sannað hver fyrir öðrum, að ef margir eru bólusettir í hóp þá nái 5G ekki alltaf sambandi við stjórnstöðina í Kína og þá slokknar á fólki og líður yfir það.

[Þorsteinn Siglaugsson, 15.5.2021 kl. 18:08]

Það er alger grundvallarmunur á því að bólusetja börn við hættulegum barnasjúkdómum og að bólusetja fólk sem ekki er í hættu við flensupest. Það er eiginlega hálf furðulegt að sjá hversu margir skilja ekki þenan mun. En það er margt furðulegt sem dúkkar upp þegar fólk glatar ráði og rænu af ótta við fremur hættulitla pest (0,15% dánarhlutfall á heimsvísu skv. WHO).

[Vagn (IP-tala skráð) 15.5.2021 kl. 18:38]

(0,15% dánarhlutfall á heimsvísu skv. WHO). Sem væru 547 dauðir Íslendingar ef ekki hefði verið gripið til aðgerða. Auk þess sem þúsundir hefðu orðið nær örkumla í marga mánuði eftir veikindin. Hér er því um hættulegan sjúkdóm að ræða en ekki hættulitla flensupest. Og þeir sem ekki eru í hættu geta verið öðrum hættulegir. Rétt eins og þeir sem eru í sterkum bíl með veltigrind, hjálm og öryggisbelti fá ekki að aka á 100km hraða í íbúðarkverfum þá bólusetjum við einnig þá sem eru öðrum hættulegir.

[Vagn (IP-tala skráð) 15.5.2021 kl. 18:53]

Og sjúkdómar sem börn eru bólusett gegn eru ekki barnasjúkdómar. Börn eru bólusett vegna þess að það að bólusetja snemma gegn sjúkdómum sem geta drepið á öllum aldursskeiðum er best. Hvert óbólusett barn getur verið hættulegt.

[Ómar Geirsson, 15.5.2021 kl. 19:18]

Blessaðir félagar.

Hvað er eiginlega að ykkur??, þið látið Vagn, sem er lítt annað en rafeind í víðáttum alnetsins, éta ykkur.

Vissulega er færsla þín frekar heimsk Geir, hún teflir fram skoðunum gegn staðreyndum (svona endalok þess að falla með 4,9 eins og frægt er eftir söng Tívolís), en samt ættu að vera varnir.

Og Þorsteinn minn, ég hélt að þú hefðir verið hættur að tala um flensupest eftir Barrington yfirlýsinguna, allavega afneitaðir þú þeim orðum þínum á síðu minni oftar en Pétur náði að gera áður en haninn gól í þriðja sinn.

Það liggur við að maður vorkenni ykkur.

Kveðja að austan.

[Geir Ágústsson, 15.5.2021 kl. 19:38]

Nú þegar ég er með bólusetningarprestana "á línunni", ef svo má segja, má spyrja:

Hverja á að bólusetja, og af hverju?

Hvenær varð sú áætlun til?

[Vagn (IP-tala skráð) 15.5.2021 kl. 20:01]

Helst á að bólusetja alla, því allir geta skapað öðrum hættu. Og það er í samræmi við stefnu sem mótuð var við fyrstu almennu bólusetningar. Stefnan og tilgangurinn með covid bólusetningum hefur ekki verið og er í engu frábrugðin öðrum bólusetningum.

[Þorsteinn Siglaugsson, 15.5.2021 kl. 21:25]

Eini réttmæti tilgangur bólusetninga er að verja fólk sem er í hættu. Það að bólusetja fólk sem ekki er í hættu er siðlaust. Bæði vegna þess að hinir bólusettu geta orðið fyrir tjóni og vegna þess að með slíku athæfi er þeim sem þörf hafa fyrir bóluefni neitað um það séu aðstæður þannig að framboðið er takmarkað.

[Þorsteinn Sch Thorsteinsson (IP-tala skráð) 15.5.2021 kl. 22:14]

Vagn, 

Þú gleymdir að minnast á játningu vísindamannsins dr. William W. Thompson er starfaði hjá Sóttvarnastofnun Bandaríkjanna (CDC). En á hljóðupptökunni með honum kemur fram að hann hafi mikla sektarkennd þegar hann sér börn með einhverfu, og viðurkennir að hafa verið hluti af vandamálinu með því að hafa tekið þátt í því að ljúga og fjarlægja niðurstöður er sannan að bóluefni valda einhverfu, þú? Þó að hljóðupptökurnar milli vísindamanna Brian Hooker og Thompson séu hugsanlega ólöglegar, þá eru þær mikilvæg sönnunargögn, og hvar hefur þú verið? 

KV.

[Þorsteinn Sch Thorsteinsson (IP-tala skráð) 15.5.2021 kl. 22:19]

[Þorsteinn Sch Thorsteinsson (IP-tala skráð) 15.5.2021 kl. 22:23]

[Vagn (IP-tala skráð) 15.5.2021 kl. 22:53]

Þorsteinn Siglaugsson, hvað þú telur réttmætt og hvað siðlaust gæti flestum ekki verið meira sama um. Dómgreind þín er ekki hátt metin. Og þó einhverjir hópar séu í meiri hættu en aðrir þá eru allir í hættu. Minni hætta þýðir ekki engin hætta þó dómgreind þín meti það svo.

Þorsteinn Sch Thorsteinsson, gamalt sorp sem fyrir löngu hefur verið sýnt hafa sama gildi og kenningar ykkar um flata jörð og eðlufólk sem stjórnar heiminum.

[Þorsteinn Sch Thorsteinsson (IP-tala skráð) 15.5.2021 kl. 23:30]

Vagn, 
Ég setti inn þessar þrjá myndir hérna, þar sem ég reikna með svona líka lélegum svörum frá þér, reyndar getur þú ekki komið með neitt annað lygar og bull, er þú reynir svona að drulla yfir fólk. Þetta eru reyndar þínar aðferðir, svo og þar sem þú veist, að ég trúi ekki á flata jörð eða hvað þá eðlufólk. En aðalatrið hjá þér er og hefur verið að fara í manninn og ekki boltann, svo og með að troða lygum uppá fólk og/eða svona slam dunk-a skít yfir fólk.
       

[Vagn (IP-tala skráð) 16.5.2021 kl. 01:14]

Skjáskot af samsærissíðum álhattaliðsins er ekki til þess fallið að bæta ímynd þína. Ef þú viðrar það opinberlega að þú tilheyrir þessum flokkum undirmálsfólks þá mátt þú búast við, og ættir að vera fyrir löngu vanur, háði og spotti. Enda enginn skortur á kvikindum eins og mér sem njóta þess að hæðast að fólki sem telur sig hafa fundið eitthvað sem afsannar viðurkennda vísindaþekkingu en getur ekki tuggið og gengið samtímis án þess að detta.

[Geir Ágústsson, 16.5.2021 kl. 01:39]

Vagn,

Hvaða bóluefni finnst þér heppilegast fyrir 12 ára krakka?

[Þorsteinn Sch Thorsteinsson (IP-tala skráð) 16.5.2021 kl. 02:17]

Vagn,

Þú getur ekki einu sinni óvart slysast til þess að vera mánefnanlegur hérna, þetta hefur nákvæmlega ekkert að gera með samsæriskenningar síður, heldur uppljóstrarann dr. William W. Thompson fyrrum yfirmann og vísindamann hjá Sóttvarnarstofnun Bandaríkjanna (CDC). Takk fyrir benda á þetta hérna:"Enda enginn skortur á kvikindum eins og mér sem njóta þess að hæðast að fólki..", en í þessu sambandi hér fyrir ofan, þá er verið að tala um að falsaðar niðurstöður um öryggi bóluefnisins, þú ???
En eins og ég sagði þá ert þú ekki málnefnanlegur, svo og veist nákvæmlega ekkert um þetta mál varðandi játningu hans dr. William W. Thompsonm og þessar fölsuðu niðurstöður þeirra, heldur ferð í manninn og ekki boltann (eða EKKI í málefnið hér fyrir ofan), svo og þar sem að aðalatrið hjá þér er ævinlega, að troða lygum uppá fólk og/eða svona slam dunk-a skít yfir fólk.

[Vagn (IP-tala skráð) 16.5.2021 kl. 02:26]

Er leit, upplýsingaöflun og úrvinnsla ekki kennd í verkfræðinni? Ég veit að þú mættir ekki í úrvinnslutímana, eða svafst í þeim, og ég veit að þú hefur ekki í hyggju að notfæra þér þær upplýsingar til að auka öryggi fjölskyldu þinnar og ættingja. Hvers vegna ætti ég því að segja þér það?

Ef vill svo til að þú ráðir ekki og einhver á heimilinu með meira vit hafi lokaorðið í þessu, konan, krakki eða kötturinn, þá mæli ég með því fyrsta sem leyft verður fyrir þann aldur í þínu landi.

[Vagn (IP-tala skráð) 16.5.2021 kl. 02:33]

Hættu að væla eins og aumingi Þorsteinn Sch Thorsteinsson. Bullið þitt er bull og allir vita það. Jörðin er ekki flöt, sama hversu mörgum skjáskotum þú póstar, og það rökræðir það enginn heilvita við hina trúuðu.

[Geir Ágústsson, 16.5.2021 kl. 08:24]

"Helst á að bólusetja alla, því allir geta skapað öðrum hættu" er hér fullyrt og rökstutt með hræðsluáróðri.

CDC í Bandaríkjunum dregur línuna við 12 ár og þar á bæ eru menn yfirleitt æstir í að sprauta sem flesta með glænýjum og lítið prófuðum efnum. Er það einhver vitleysa? Eru 10 ára smitberar þá ekki að fara stráfella alla þessa bólusettu eldri borgara?

Í Danmörku komast yngri en 16 ára ekki einu sinni á blað á bólusetningardagatalinu sem þó nær til lok ágústmánaðar. Munu 15 ára smitberar þá ekki stofna lífum allra þessa bólusettu áhættuhópa í stórhættu? 

Bretar draga línuna, að mér sýnist, við 38 árin (nema viðkomandi sé í áhættuhópi). Þó hafa Bretar verið óhræddir við að sprauta glænýjum bóluefnum á tilraunastigi og neyðarleyfum inn í fólk. Tvítugir og þrítugir einstaklingar eru þá væntanlega tifandi tímasprengja fyrir alla hina bólusettu á fertugsaldri og upp úr, eða hvað? Þarf ekki að skella í lás við landamærin?

Enginn sem vill sprauta lítil börn fyrir veiru sem er þeim skaðlaus talar um áhættuna af veiru vegna upp á móti áhættuna af bóluefninu. Auðvitað ekki. Bóluefnin, sem er nýbúið að finna upp, eru jú svo örugg, en veiran sem er búið að rannsaka stanslaust í 14 mánuði er algjör jóker og við vitum ekkert.

[Þorsteinn Sch Thorsteinsson (IP-tala skráð) 16.5.2021 kl. 12:20]

Vagn, 
Þú ert í því að klína lygum uppá mig, ég hef aldrei sagt, að jörðin sé flöt, en   það er aðalatrið hjá þér að troða svona lygum uppá fólk og/eða svona slam dunk-a skít yfir fólk. Bullið er þitt Vagn og það geta allir séð það í athugasemd hér fyrir ofan, "að ég trúi ekki á flata jörð" ("15.5.2021 kl. 23:30"). Sama hversu mörgum skjáskotum þú póstar, það nennir enginn til lengdar að rökræða við svona menn eins og þig sem að ljúga svona upp á fólk. 

[Geir Ágústsson, 16.5.2021 kl. 13:27]

Þorsteinn Sch,

Ekki láta Vagn æsa þig upp. Hann endurskrifar hlutina. Segir t.d.: "Hjarðónæmi er ekki, og var aldrei, endanlegt markmið heldur fyrsti áfangi á mögulega löngu ferðalagi."

Af covid.is: "Markmið bólusetningar við COVID-19 er að vernda fólk fyrir sjúkdómnum og ná upp hjarðónæmi sem hindrar útbreiðslu faraldursins."

Svo þótt Vagn segi eitthvað þá er það ekki endilega rétt, nema hann viti meira en almenningi er sagt. 

[Ómar Geirsson, 16.5.2021 kl. 13:38]

Góðir félagar, góðir.

Svo ég svari þér Geir þá er ég það sjálfhverfur að ég verð ánægður þegar það er búið að bólusetja 2004 og eldri, markmið sem næst vonandi í júlí.

Og þar sem ég á kött, þá get ég fullvissað þig um að hefði hann Gúgla þýðanda þá myndi hann ráðleggja þér að bólusetja börnin, og líka þig ef hann telur þig skaffarann á heimilinu.  En þetta með börnin veit ég því kettir líta til með þeim, eru svona passarar þó þeir fari leynt með.

Og þeir vita sínu viti.

Kveðja að austan.

[Þorsteinn Siglaugsson, 16.5.2021 kl. 18:09]

Vagn greyið er holdgervingur brenglunarinnar sem riðið hefur húsum undanfarna 15 mánuði. Að halda því fram að fólk með dánarlíkur upp á einn á móti þrjátíu þúsund vegna pestarinnar sé "í hættu" sýnir þetta best.

[Húsari. (IP-tala skráð) 16.5.2021 kl. 19:15]

Sæll Geir.

Nú er það deginum ljósara að við glímum við
sömu sjúkdóma og landnámsmenn við upphaf Íslandsbyggðar.

Ekki einasta fylgdu landsmönnum vírusar heldur hafa þeir
fylgt manninum frá upphafi vega.

Alveg er ljóst að á umliðnum öldum herjuðu vírusar þessir
á landsmenn þó misjafnlega gengi að gera grein fyrir þeim
eða vita heiti þeirra yfirleitt.

Hvað hefur þú hugsað þér að komi í staðinn fyrir bólusetningu
hjá þeim sem virast hvattir til að taka henni ekki?

Ég höfða til samfélagslegrar ábyrgðar þinnar, ágæti Geir,
og bið þig um ærlegt svar til þeirra sem að öðrum kosti,-
óbólusettir, - mega búast við 100% fullvissu um að taka
sjúkdóminn að öðrum kosti.

[Þorsteinn Siglaugsson, 16.5.2021 kl. 20:33]

Fólk yfir sjötugu og fólk með undirliggjandi sjúkdóma er í hættu vegna þessarar pestar. Aðrir ekki (nema maður ímyndi sér að 1/15.000 sé "hætta".

[Húsari. (IP-tala skráð) 17.5.2021 kl. 08:47]

Sæll Geir.

Enginn vafi er á því að lífsgæði óbólusettra
munu rýrna að miklum mun og gengur jafnt yfir
fjölskyldu þar sem um hana er að ræða og öll
samskipti önnur.

Lífsháskinn er við hvert fótmál og mig grunar að menn
hafi ekki hugsað þetta til enda sérílagi gagnvart
samfélagi sem kann að forðast, útiloka og jafnvel 
útskúfa á síðari stigum þá sem óbólusettir eru.

Ég hvet óbólusetta lögeggjan að íhuga málið,
og ganga bólusettir til móts við vor og sumar!

[Geir Ágústsson, 17.5.2021 kl. 12:05]

Húsari,

Mín áætlun er að sjá til hvort í haust verði almenningur ekki bara búinn að fá upp í kok af þessu veirutali og yfirvöld komist ekki upp með frekari "aðgerðir". Þá er líka liðið 1,5 ár af veirutali, búið að bólusetja alla heimsendaspámennina og við hin gleymumst smátt og smátt þótt við séum "óbólusett".

[Húsari. (IP-tala skráð) 18.5.2021 kl. 11:14]

Sæll Geir.

Og jafnlíklegt er innan þeirra tímamarka að
bólusettir sem óbólusettir sem ganga þyrnum stráðan
veg syndarinnar í baráttunni gegn löstunum hafi séð ljósið
því allir eru þeir skráðir í lífsins bók sbr. Matt. 10:29:

"Kaupast eigi tveir tittlingar fyrir pening? Þó fellur eigi einn af þeim á jörð án yðvars föðurs vild. Svo eru og einnin öll yðar höfuðhár talin. Fyrir því óttist eigi, þér eruð mörgum tittlingum betri."