Þegar ræstitæknir breytist í ryksuguróbot

Hvað gerist þegar starfsmaður leggur niður störf og lögin banna atvinnurekanda að finna annan starfsmann?

Tvennt gerist, að minnsta kosti:

• Leiða verður leitað til að skipta þeim starfsmanni út fyrir eitthvað tæki sem sinnir svipuðum verkefnum á ásættanlegum afköstum
• Leiða verður leitað til að fækka í fjölda þess konar starfsmanna á einn eða annan hátt, t.d. með því að leita á náðir verktaka með öllum sínum kostum og göllum

Það er einkennilegur siður að leggja niður störf og ætlast í staðinn til þess að njóta betri kjara að verkfalli yfirstöðnu. Hvers konar foreldrar eru formenn verkalýðsfélaga?

Ástand sem getur ekki varað lengur

Athugasemdir

[Þorsteinn Siglaugsson, 22.3.2019 kl. 21:52]

Verkföllin munu örugglega leiða eitt gott af sér: Mikinn vöxt hjá þeim fyrirtækjum sem einbeita sér að því að selja lausnir sem auðvelda sjálfvirknivæðingu: Betri er ryksuguróbot á gólfi en Eflingarfélagi í verkfalli.

[Geir Ágústsson, 22.3.2019 kl. 21:55]

Það er svo sannarlega reynslan víða, td í þeim ríkjum/borgum Bandaríkjanna sem hafa hækkað lögbundin lágmarkslaun úr hófi.

[Þorsteinn Siglaugsson, 23.3.2019 kl. 10:24]

Þess vegna ættum við kannski að fagna verkföllum Geir. Þau hraða þróun í átt að meiri framleiðni og þar með hagvexti. Neyðin kennir naktri konu að spinna og hóteleiganda í verkfallsvandræðum að taka tæknina í þjónustu sína.

[Ásgrímur Hartmannsson, 23.3.2019 kl. 12:17]

Þetta verður bara gert svart, held ég.

[Geir Ágústsson, 23.3.2019 kl. 12:46]

Það er sorglegt að ófaglærðum og ungu fólki sé hrint með hörku á atvinnuleysisbætur, þvert â vilja atvinnurekenda og áður en ný tækni nær að þroskast.

[Þorsteinn Siglaugsson, 23.3.2019 kl. 20:55]

Ætli unga fólkið fái ekki bara vinnu við að þróa tæknina?