Þegar ný menning leysir þá gömlu af

Ég bý í Kaupmannahöfn (þannig séð) og hef gert í næstum því 20 ár. Ég hef séð hvernig sum svæði eru miklu frekar hliðarsamfélög en hluti af samfélaginu í heild sinni. Það eru ekki sérstaklega góð svæði. Þar hafa yfirvöld þjappað í stór fjölbýlishús fólki sem talar ekki dönsku, er ómenntað og atvinnulaust og auðvitað á bótum, og er þó jafnvel af annarri eða þriðju kynslóð innflytjenda. Glæpatíðnin er há og Danir vita að þangað sendir maður ekki börn sín eftir sólsetur og jafnvel ekki í dagsbirtu nema þá í hópum.

Núna sýnist mér slík hliðarsamfélög vera að myndast á Íslandi og valda miklum vandræðum. Hælisleitendur herja á krakka og fullorðna og gera sum svæði hættuleg. Þar á meðal skóla.

En gott og vel, menn misstu sig aðeins í gleðinni við að moka fólki frá fjarlægum mennningarheimum inn í landið og núna verður tekið á því, ekki satt? Mögulega með því að senda þessa hælisleitendur úr landi en að minnsta kosti að hrúga þeim ekki inn í íslenska framhaldsskóla þar sem þeir standa í hótunum við nemendur og jafnvel barsmíðum á þeim.

Væri ekki bara eðlilegt að spóla aðeins til baka og hugsa hlutina upp á nýtt? Jú, auðvitað.

En hvað gera menn þess í stað? Ekkert! Og jafnvel nokkuð enn verra: Reyna að þagga niður í íbúum, foreldrum og nemendum framhaldsskóla eða kalla þá lygara og taugaveiklaða!

Dæmin eru svo mörg að ég næ ekki að fara út í það en á hlaðvarpinu Norræn karlmennska hefur þetta verið tekið fyrir af nokkurri nákvæmni og forsprakki þess heldur áfram að reyna vinda ofan af áróðrinum á fjésbókarsíðu sinni. Þar skrifar hann meðal annars:

Ég hef fengið töluvert af skilaboðum eftir að þátturinn birtist, frá foreldrum af svæðinu sem segja að þetta sé búinn að vera hálfgerður vígvöllur síðan skólaár hófst vegna þessara sömu aðila og hér á að vera um að ræða. Til að sjá slíkt þarf bara að grafa upp nokkrar gamlar fréttir af svæðinu og sjá að það er ekki allt með felldu.
Til að setja hlutina í smá samhengi þá byrjaði ég að fá skilaboð frá fólki vegna ljósmyndar sem birt var af hælisleitanda sem elti 14 ára stelpu heim að dyrum og náðist á dyrabjöllu-myndavél sem sett hafði verið þarna vegna þess hversu slíkt væri orðið algengt, en þetta gerðist á Ásbrú. Ég fékk skilaboð frá fólk sem segist ekki lengur fara út í búð þar, frá fólki sem vinnur við þjónustu sem segir ástandið þar skelfilegt, fólki sem vinnur við opinberar stofnanir þar sem hefur svipaða sögu að segja og að ástandið þar sé vægast sagt skelfilegt líka.
Ég minnist á þetta vegna þess að þetta fólk á það flest sameiginlegt að segjast hafa reynt að hafa samband við fjölmiðla til að benda á ástandið en að þau tali fyrir daufum eyrum og að þó lögregla skipti sér stundum eða jafnvel oft af þeim að þá sé þeim alltaf sleppt án afleiðinga. Áreitni við ungar stelpur þar er samkvæmt þessu fólki, orðin of mikil til að þær þori í strætó, svo dæmi séu nefnd. En þessi mál fá sömu meðferð hjá fjölmiðlum og að því er virðist, lögreglu. Sem er: algjör þöggun.
Ég hef fengið mjög truflandi myndb0nd af þessum hópi að ráðast mjög harkalega á nemendur fyrir utan skólann. Mjög harkalega. Mér eru að berast frekar sláandi myndbönd frá Ásbrú meðfram sögunum.

Það er eitthvað mikið myglað og rotið hér á ferðinni. Á örfáum mánuðum er verið að búa til hliðarsamfélag á Íslandi þar sem gilda hreinlega önnur lögmál en Íslendingar eiga að venjast - önnur og verri lögmál. Fjölmiðlar þagga niður í frásögnum fólks af þessu (að sjálfsögðu samt ekki Fréttin.is sem stendur sig hérna eins og oft áður). Lögreglan gerir ekkert nema róa leikinn og lætur sig svo hverfa á ný. Það er undir einum manni úti í bæ að afhjúpa ástandið. 

Og allt til þess að verja gjaldþrota stefnu í málefnum hælisleitenda. Gjaldþrota, en á kostnað venjulegs fólks.

Þetta er alveg magnað. 

Ég vona að þessari hræðilegu þróun verði snúið við sem fyrst. 

Athugasemdir

[Kristinn Bjarnason, 27.1.2024 kl. 11:36]

Það er eiginlega ekki hægt að komast að annarri niðurstöðu en að íslenskum yfirvöldum sé hreinlega illa við Íslendinga. Mögulega bjargar samfylkingin þessu.

[Sigurður Kristján Hjaltested, 27.1.2024 kl. 11:56]

Allt þetta lið sem hefur stutt þessa inn flytjenda þvælu og

samtök eins og No borders og Solaris eru ekkert annað en

hópur þjóðníðinga sem vilja Íslandi allt illt.

Sorglegt er að á þingi situr fólk sem sór þingmannaeið

en um leið og sest var á stólinn var hann svikinn.

Þeir finnast á ansi mörgum stöðum sem vilja Íslandi allt illt.

[Ásgrímur Hartmannsson, 27.1.2024 kl. 16:38]

Það er augljóst að Ríkið hatar íslendinga, og vill þeim allt illt.

Og fólk þarf augljóslega bara að leysa þetta vandamál sjálft, án aðkomu yfirvalda.

Ríkið býður engar lausnir, bara vandamál.

[Geir Ágústsson, 27.1.2024 kl. 21:26]

Þegar íslensk stjórnvöld segja, "gera það sama og þær þjóðir sem við berum okkur helst saman við" þá meina þau:

Að fara 20-30 ár aftur í tímann og finna þar mistök til að endurtaka, og þurfa svo að læra sömu reynslu og smátt og smátt innleiða sömu lausnir.

En já, Ríkið hatar Íslendinga. Þeir kjósa rangt, eru með rangar skoðanir, kúga og misnota alla og bæla niður minnihlutahópa. Rasistar og jafnvel fasistar. Glæpamenn sem styðja að konur séu grýttar til dauða fyrir að eiga karlkyns vini eru englar.