Dauðasprauturnar

Í fréttatilkynningu sóttvarnalæknis frá 13. september s.l. er því ranglega haldið fram að tæplega helmings líkur séu á andláti fullbólusetts af völdum Covid-19 miðað við að vera óbólusettur. Greining Þorsteins Siglaugssonar á gögnum sem útreikningurinn byggir á hrekur niðurstöðu sóttvarnalæknis. Til þess að reikna sig til þessarar niðurstöðu endurskilgreindi sóttvarnalæknir hugtakið „óbólusettur“ þannig að sá hópur innihéldi auk óbólusettra alla þá sem létu bólusetja sig með fyrstu tveimur sprautunum en afþökkuðu örvunarsprauturnar. Auk þess að upplýsa um breytta skilgreiningu sóttvarnalæknis á hugtakinu óbólusettur sýna útreikningar Þorsteins að líkur fullbólusettra á að deyja af völdum Covid-19 eru þrisvar sinnum meiri en óbólusettra.

 

Útreikningar Þorsteins, sem byggja á gögnum sóttvarnalæknis, staðfesta að mRNA bóluefnið stendur ekki undir væntingum. Greining Þorsteins bætist við fjölda rannsókna sem sýna fram á gagnsleysi og skaðsemi efnisins. Vonandi verða þessir nýju útreikningar til þess að íslensk heilbrigðisyfirvöld endurskoði áframhaldandi notkun bóluefnisins. Sóttvarnalæknir þarf að skýra ástæður þess að skilgreiningu á hugtakinu óbólusettur var breytt þannig að það næði einnig til þeirra sem þáðu frumbólusetningarnar. Meðan trúverðug skýring á endurskilgreiningu hugtaksins óbólusettur er ekki gefin er erfitt er að verjast þeirri hugsun að sóttvarnalæknir hafi beitt blekkingum til að fegra áhrif bóluefnisins.

 

Að landlæknir haldi áfram að hvetja eldri borgara til að þiggja örvunarbólusetningu þegar ljóst er að ávinningurinn af bólusetningunni er neikvæður er mikið áhyggjuefni. Tölur embættis landlæknis sýna svart á hvítu að bólusettur einstaklingur er í meiri hættu en sá sem ekki þiggur sprautu.

 

(Þessi færsla er algjörlega byggð á vinnu annarra. Ég setti bara saman, bætti við tenglum og íslenskaði gæsalappir. Textann skrifaði Þorgeir Eyjólfsson. Myndin var útbúin af grafískum hönnuði.)

Athugasemdir

[Jónatan Karlsson, 18.11.2023 kl. 10:30]

Já Geir, þetta eru skuggalegar niðurstöður og alveg í takti við þau svör sem ég fæ nú frá jafnvel fyrrum hörðustu stuðningsmönnum bólusetninganna sem allir hafna því nú alfarið að láta pressa sig aftur af vinnuveitanda í sprautu, líkt og t.a.m. átti við á mínum vinnustað.

Ég las nýlega frétt um tæplega tíræða þýska konu, sem dregin var fyrir dómstóla og dæmd fyrir að hafa starfað sem ritari í fangabúðum þjóðverja í síðari heimstyrjöldinni, þegar hún var unglingsstúlka.

Hver skyldu verða eftirmæli og örlög áróðursmeistara og ritara Covid 19 bólusetningana?

[Hörður Þormar (IP-tala skráð) 18.11.2023 kl. 10:46]

Ég er nú orðinn níræður og skrapp niður á heilsuvernd og þáði tvær sprautur, aðra við flensu og hina við covid. Streymdi vökvinn "ljúflega" í handlegginn eins og í fimm fyrri skiptin. Fann fyrir smá þreytuverk í hálftíma eða svo, þá var það búið. Flestir mínir kunningjar hafa fengið covid sprautur en veit ekki af neinum sem hefur orðið meint af þeim.

[Geir Ágústsson, 18.11.2023 kl. 10:54]

Jónatan,

Sennilega verða engar afleiðingar. Kannski einhverjar sektargreiðslur í besta falli:

Office of Public Affairs | Justice Department Announces Largest Health Care Fraud Settlement in Its History | United States Department of Justice

Hörður,

Umframdauðsföllin eru að leggjast frekar harkalega á yngri kynslóðir - fólk sem ætti bara alls ekki að vera deyja. Vinahópur þinn nær kannski síður til þrítugs fólks. Annars eru tölurnar staðreyndir þótt yfirvöld reyni að humma þær af sér.

[Hörður Þormar (IP-tala skráð) 18.11.2023 kl. 12:07]

Mínir vinir og kunningjar eru á öllum aldri, ég er nú að fara í átta ára afmæli vinkonu minnar, en hún mun þó ekki hafa fengið cóvid sprautu enn.

Því hefur víst verið haldið fram að frjósemi karla minnki við þessar sprautur, ég verð nú að viðurkenna að enn hefur ekki reynt á það hjá mér.   

[Geir Ágústsson, 18.11.2023 kl. 16:20]

Hörður,

Því sem "ég" hef haldið fram er nú bara að ein rannsókn sýndi minnkandi sæðistölu í karlmönnum sem náði yfir allt rannsóknartímabil þeirrar rannsóknar og var á þeim tíma óvíst hvort það gengi að fullu til baka, eða ekki. Á rannsóknartímabilum bóluefna, sem vara yfirleitt í 10-15 ár, eru menn einmitt að skoða allar svona vísbendingar, rannsaka betur og ákveða svo hvort efni sé tilbúið í almenna dreifingu.

[Þórdís Björk Sigurþórsdóttir, 18.11.2023 kl. 19:35]

myndin dauðasprauturnar

https://wethepatriotsusa.org/shot-dead-movie/

[Geir Ágústsson, 18.11.2023 kl. 20:22]

Hörður,

Þú komst mér til hugar þegar ég var að horfa á heimildamyndina sem Þórdís er hérna að benda á, og sérstaklega þar sem talað er um að umframdauðsföll "flipped" árið 2021 þegar sprauturnar fóru af stað, frá gömlum til ungra. Skil eftir tengil á 1 mín 39 sek myndbandsbút, ef þú ert áhugasamur:

Edward Dowd testimony 12-7-2022 (rumble.com)