Vísindamaðurinn

Stundum er erfitt að verjast þeirri tilhugsun að hinir ýmsu aðilar sem eru áberandi í veiruumræðu á Íslandi eyði kvöldum sínum í að finna upp svokölluð vísindi. Þegar næsti blaðamaður rekur hljóðnema framan í þetta fólk þá ber það á borð heimatilbúin svokölluð vísindi sín og fær engin andsvör. Engin.

Nýlegt dæmi eru ummæli hjúkrunarfræðings um að smit séu ígildi sprautu. Menn þurfa svo bara að telja upp að þrír: Smit-sprauta-sprauta, sprauta-sprauta-sprauta, sprauta-smit-sprauta og jafnvel sprauta-sprauta-smit. Bull, auðvitað.

Enn nýrra dæmi eru ummæli sóttvarnalæknis um að ógnarlangir og óþægilegir pinnar séu eina góða leiðin til að taka veirusýni. Miklar rannsóknir hafa verið gerðar á þessu og þar borin saman þessi nefkokssýni (langur pinni í nefið og nánast niður í háls), nefsýni (styttri pinni í nefið), koksýni og munnvatnssýni. Niðurstaðan er gjarnan sú að það er vel hægt að taka sýni án þess að troða pinna djúpt inn í hausinn með tilheyrandi óþægindum og hættu á blóðnösum og þaðan af verra. 

Sem dæmi um rannsókn:

In conclusion, our results suggest that saliva can potentially serve as an alternative to nasopharyngeal swabs as a specimen for SARS-CoV-2 rRT-PCR. As saliva can be collected by patients themselves, it may be an effective way to overcome the shortage of personal protective equipment and specimen sampling tools.

Annað dæmi:

Saliva might be an alternative specimen for the diagnosis of COVID-19. The collection is non-invasive, and non-aerosol generating. This method could facilitate the diagnosis of the disease, given the simplicity of specimen collection and good diagnostic performance.

Auðvitað er hægt að finna rannsóknir sem segja að ógnarlangir og óþægilegir pinnar séu bestir. En sóttvarnalæknir gæti þá jafnvel notað bloggið sitt til að benda á slíkar rannsóknir, rökstyðja mál sitt og opna á mótrök. Það gerir hann ekki. Kannski er ástæðan sú að hann veit ekki af neinum rannsóknum og er einfaldlega búinn að ákveða niðurstöðuna. Fyrir vikið þurfa Íslendingar, ólíkt t.d. Dönum, að búa sig undir alveg óþarflega mikil óþægindi þegar þeir af mikilli samviskusemi raða sér hóstandi og kaldir í röð utandyra (þægileg innivera er bara í boði fyrir sprautuþegana) til að láta pota í sig.

Athugasemdir

[Þorsteinn Sch Thorsteinsson (IP-tala skráð) 29.11.2021 kl. 22:40]

Sæll Geir,
Í öllum þessum líka Medical Fasisma hér á landi, þar sem að þessari svokallaðri farsótt er allri haldið uppi með PCR prófum/skimunum (svo og með fölskum jákvæðum niðurstöðum), þá vill hann Þórólfur karlinn notast áfram og endalaust við þessar ógnarlöngu- og óþægilegu pinna. Aðallega þar sem að þessir pinnar valda hematoencephalic barrier skemmdum, svo og til að styrkja Amgen/Íslenska erfðagreiningu. 
KV.

[Kristín Inga Þormar, 29.11.2021 kl. 23:05]

Sóttvarnalæknir er ALDREI spurður "óþægilegra" spurninga, heldur fær að vaða uppi með fullyrðingar um niðurstöður einhverra "vísindamanna eða rannsókna" sem hann er aldrei beðinn um að sýna framá.

Það sama á við um Kára og alla hina "vísindamennina" sem segja okkur að við verðum að láta sprauta okkur.

[Jón Steinar Ragnarsson, 30.11.2021 kl. 00:59]

Daginn sem að fréttist omricon (sem mátti ekki heita xi) kom frétt á mbl sem fullyrti að afbrigðið væri 500 sinnum smitnæmara en delta. (að sögn vísindamanna án þess að nefna neinn)

Á þeim tímapunkti vissu menn ekkert um afbrigðið annað en að fólk varð einkennalítið eða einkennalaust.

Þetta er gengið út yfir allan þjófabálk.

[Guðjón E. Hreinberg, 30.11.2021 kl. 06:04]

Jedúdamía! Hann trúir ekki á vísindin.

Kannski stórhættulegur raunvísindamaður.