Mögulega skilvirkustu aðgerðir í manna minnum

Danir skelltu í dag grímum á andlit sitt (a.m.k. í verslunum og almenningssamgöngum) og eru byrjaðir að framvísa heilbrigðistengdum upplýsingum til að fá aðgang að samfélaginu. Þeir sem hafa látið sprauta sig þurfa ekki að fara í nein próf til að sanna að þeir eigi skilið að taka þátt í samfélaginu en þeim mun meira potað í nef hinna. Bólusettir geta því haldið áfram að dreifa veirunni óáreittir, sem er gott, því það sem vantar er sænskt hjarðónæmi.

Þetta gildir meðal annars um vinnustaðinn minn. Í dyrunum eru verðir sem athuga persónuupplýsingar fólks og vega og meta hverjir mega koma inn. Engar samkomutakmarkanir samt, sem betur fer.

Já, skrípaleikurinn er byrjaður aftur en kannski þetta verði skilvirkustu aðgerðir í manna minnum! Hvers vegna? Jú, því mögulega hefur toppi bylgjunnar nú þegar verið náð og það án skrípaleiksins. Það virðist a.m.k. ekki takast að greina mikið umfram 4000-4500 smit á dag þótt gríðarleg aukning hafi orðið í prófunum.

Danir eru líka byrjaðir að boða unga krakka í sprautur, meðal annars með þeim rökum að smituð börn geti smitað þá óbólusettu! Ekki veit ég samt til þess að þeir sem hafi sleppt sprautunum séu að ætlast til að foreldrar spili rússneska rúllettu með börnin sín til að verja þá! Þvert á móti þykir mér líklegra að þeir sem hafi sleppt sprautunum vilji alls ekki að þær fari í börn. 

Að lokum: Ertu búin(n) að skoða þetta yfirlit yfir 30 rannsóknir sem setja spurningamerki við sprauturnar sem smitstopparar og veirutemjara?

„Nýr veruleiki“ í Danmörku

Athugasemdir

[Vagn (IP-tala skráð) 29.11.2021 kl. 15:23]

Sennilega rétt að þeir sem hafi sleppt sprautunum eru ekki að ætlast til að foreldrar spili rússneska rúllettu með börnin sín til að verja þá. En þeir óbólusettu ættu þá einnig að afsala sér rétti til innlagna á spítala. Enda álagið þar mest þeirra vegna og aðrir líða fyrir. Börnin eru svo sprautuð svo óbólusettir setji ekki heilbrigðiskerfið á hliðina. Stundum þarf að grípa til örþrifaráða til að verjast tjóni og hættu sem tillitslausir frjálsir fávitar skapa með hegðun sinni. https://nyheder.tv2.dk/samfund/2021-11-28-tv-2-besoeger-corona-frontlinjen-hvor-situationen-allerede-er-rigtig-slem

Og það er enn jafn langt í eitthvað hjarðónæmi í Svíþjóð og Danmörk. Öll smitin skiluðu Svíum aðallega þúsundum dauðsfalla.

[Geir Ágústsson, 29.11.2021 kl. 16:42]

Talandi um Svíþjóð: Þeir eru núna komnir í 56. sæti yfir flest dauðsföll per 1 milljón íbúa og hafi verið á öruggri siglingu niður þann lista undanfarnar vikur. Gott hjá þeim!

Fjöldi þeirra sem leggjast inn á dag virðist vera á niðurleið í Danmörku. Það eru góðar fréttir.

Sprautur í börn munu ekki hjálpa heilbrigðiskerfinu neitt og jafnvel auka álagið með aukaverkanafaraldri. Að fá hjúkrunarfræðinga aftur til starfa gæti hins vegar breytt stöðunni.

[Bragi Sigurðsson (IP-tala skráð) 29.11.2021 kl. 17:45]

Bara að minna vagninn á það að ef hann er búinn að fara í sprautu nr 3 þá sleppur hann inn í hóp "bólusettra", þangað til sprauta nr 4 kemur, og svo framvegis. 

Fasíska samfélagið sem hann vill búa í svo sennilega ekki langt undan.

[Þorsteinn Sch Thorsteinsson (IP-tala skráð) 29.11.2021 kl. 18:35]