Í skugga drekans

Stundum er talað um Rússland sem björn og Kína sem dreka. Í Austur-Evrópu búa menn því í skugga bjarnarins en í Austur-Asíu búa menn í skugga drekans. Ekki öfunda ég þá sem búa í slíkum skuggum!

(En búa Íslendingar ekki í skugga Bandaríkjanna? Jú, sennilega, en ef ég mætti að velja á milli skugga þá tæki ég hiklaust þann bandaríska fram yfir þá rússnesku og kínversku!)

Hong Kong er staðsett í skugga drekans. Það voru sennilega mistök að afhenta Hong Kong til Kína frekar en að heimila svæðinu að gerast sjálfstætt ríki eins og Singapore. Það er bara spurning um tíma (og marga lítra af blóði saklausra borgara ef þeir ákveða að streitast á móti) þar til Kínverjar láta til skara skríða og sölsa svæðið undir sig. Vesturlönd þora ekki að styggja Kína og hafa lítið gert til að verja Hong Kong fyrir ásælni Kínverja. 

Á tímabili var mjög í tísku að tala um frelsun Tíbet. Tíbet er fátækt fjallasvæði og rækilega undir hæl Kínverja. En hvað með Taiwan? Hong Kong? Hér þegja Vesturlandabúar yfir ásælni Kínverja. Er það af því þar hefur duglegum íbúum Austur-Asíu tekist að skapa auð og velmegun? Þarf að vera fátækur fjallabóndi til að verðskulda samúð Vesturlandabúans? Maður spyr sig.

Kjósendur flykkjast á kjörstaði í Hong Kong

Athugasemdir

[Þorsteinn Siglaugsson, 24.11.2019 kl. 21:43]

Veit nú ekki til þess að Vesturlandabúar þegi yfir stöðunni í Hong Kong. Mun síður en yfir stöðunni í Tíbet, vilji maður hafa það sem sannara reynist.

Hafa ekki báðar deildir bandaríska þingsins nýverið samþykkt frumvörp til stuðnings íbúum Hong Kong, og eru ekki kínversk stjórnvöld einmitt kolbrjáluð yfir þessum frumvörpum?

[Geir Ágústsson, 25.11.2019 kl. 08:58]

Mikið er ég ánægður að Kína sæti gagnrýni. En hvar eru riddarar réttlætisins sem hamast í Donald Trump og Bolsonaro? Mér finnst allskyns stormar í vatnsglösum hafa fengið miklu meiri athygli en framferði Kínverja gagnvart Hong Kong (og fleiri ríkjum).

En það er gott að gagnrýni sé sett fram (og vonandi af fleirum en Bandaríkjunum).