Þetta með verðbólgu

Af einhverjum ástæðum hafa menn ákveðið að það sé góð hugmynd að helminga kaupmátt gjaldmiðla á um einnar kynslóðar fresti (verðbólgumarkmiðið svokallaða er 2,5% á ári sem þýðir að hundraðkallinn er orðinn minna en 50 króna virði á innan við 30 árum, gefið að ekkert fari úrskeiðis, sem það gerir alltaf).

Menn halda líka - ranglega - að þetta megi gera á þann hátt að allir finni á sama hátt fyrir rýrnun kaupmáttarins. Það er eins og aukið peningamagn geti dreifst jafnt ofan í veski allra, sem er að sjálfsögðu ekki raunin. Verðbólga er tæki sem sumir hagnast á og aðrir tapa á. Verðbólga er flutningur á verðmætum frá sparifjáreigendum og launafólki og ofan í vasa bankamanna og eftirlætisskjólstæðinga þeirra. 

Nýr seðlabankastjóri ætlar ekki að hrófla við þessu fyrirkomulagi. Hann talar í mesta lagi fyrir svolítilli fínstillingu á því mikla stjórntæki sem miðstýrð ríkiseinokun á peningaútgáfu er. 

Framundan er því meira af því sama. Það eru öll tíðindin. 

„Tek við mjög góðu búi“

Athugasemdir

[Guðmundur Ásgeirsson, 26.7.2019 kl. 16:43]

Það er stórkostleg þversögn að á sama tíma og viðurkennt er að verðbólga sé slæm skuli beinlínis vera opinbert markmið að viðhalda henni.

Svo eru þeir til sem gagnrýna krónuna fyrir að vera gjörn á að rýrna og hafa lagt frama ýmsisskonar tillögur til að bregðast við því sem flestar fela í sér að framselja íslenskt vald til útlanda, en engir þeirra hafa stungið upp á því að einfaldlega verði hætt að rýra krónuna.

Afnemum verðbólgu og gerum krónuna stöðugasta gjaldmiðil heims.

[Geir Ágústsson, 26.7.2019 kl. 18:11]

100% gullfótur, einhver?

[Guðmundur Ásgeirsson, 26.7.2019 kl. 18:28]

Gullverð er sveiflukennt og því ekki heppilegt viðmið. Auk þess á Seðlabanki Íslands ekki nema um tvö tonn af gulli sem jafngildir um 11 milljörðum króna á núverandi verði. Krónur í umferð eru aftur á móti 1.933 milljarðar og til þess að gulltryggja þær allar þyrfti seðlabankinn að kaupa næstum 350 tonn af gulli í viðbót og borga fyrir í erlendum gjaldeyri, en svo mikill erlendur gjaldeyrir er hreinlega ekki til í landinu.

Við íslenskar aðstæður væri langauðveldasta leiðin til að afnema verðbólgu að taka einfaldlega verðtryggðu krónuna upp sem lögeyri.

100% verðlagsfótur, einhver?

[Jónas Gunnlaugsson, 27.7.2019 kl. 09:52]

Svona get ég notað 2,5% verðbólgu, til hagsbóta fyrir mig.

Ef við höfum 2,5% verðbólgu, þá er hægt að hækka launin um 2,5% á ári og það þykir gáfulegt, þá hækka þau ekkert, og allir ánægðir. 

Við vitum og skiljum, að oft mis lukkast framkvæmdir, þá getum við bankaeigendur losnað við þau vandræði, 2,5% afskrift á ári.

Við skiljum líka að til að finna það sem við lifum á, þá þarf hugsanlega  að gera 90 % sem engu skilar.

Þegar við bankaeigendur lánum okkur sjálfum, getur það horfið, ef vextir eru lágir eða engir.

Við getum hugsað þetta betur.

Egilsstaðir, 27.07.2019  Jónas Gunnlaugsson

[Jónas Gunnlaugsson, 27.7.2019 kl. 10:15]

Einhversstaðar sá ég að Trump ætlaði að láta Djúpríkið kaupa gull, og gera það verðlaust, í peningakerfinu.

Þegar við kaupum gull í banka, þá er það aðeins tala. Ef við eigum það í holu í garðinum, þá eigum við gull.

Verðið á gullinu virðist vera trú, sem er byggð upp af bakvaldinu, og er oft notað til að spila á okkur. Ég bý til allskonar flækjur til að spila á fólkið.

Mér er nákvæmlega sama, hvað ég sel þér, ef ég fæ þig til að færa eigur þínar til mín.

slóð

Starfsmenn J.P. Morgan fóru í íhugun, hugarflug, um hvernig þeir gætu aukið tekjur fyrirtækisins.

Jónas Gunnlaugsson | 20. janúar 2016

slóð

Chris Powell, ráðherra Gold Anti-Trust Action Comittee, segir að 80% af gulleignum, í veröldinni sé ekki til. Ef það er rétt, þá eru það einhver mestu fjársvik í veröldinni. Það virðist sem hver únsa af gulli sé seld fjórum sinnum, sé eign fjögurra aðila.

Jónas Gunnlaugsson | 13. september 2018

Egilsstaðir, 27.07.2019  Jónas Gunnlaugsson