Hvað með mengun?

Mannkyninu yrði gerður stór greiði ef við hættum að einblína á losun á ósýnilegum og nánast áhrifalausum snefilefnum og færum aftur að tala um mengun.

Þessi árátta að tala stöðugt um losun á koltvísýringi er að eyðileggja hið annars svo lausnamiðaða hugarfar okkar. Við erum að eltast við flugvélar og bíla á meðan það eru eldfjöllin og náttúran sem ráða ferðinni. Lífskjör fólks eru skert án góðrar ástæðu. Hagkerfin eru neydd út í hið óhagstæða frekar en að framleiða aukin verðmæti fyrir fólk.

Þetta er gamla mannhatrið í nýjum búning.

Nú hef ég að sjálfsögðu ekkert á móti því að fólk sem hatar mannkynið hætti líka að eignast börn, hætti að fljúga og hætti að nota umbúðir. En látið okkur hin í friði!

Losun frá flugi og iðnaði eykst áfram

Athugasemdir

[Þorsteinn Briem, 20.5.2019 kl. 12:10]

Vísindavefurinn - Menga eldfjöll meira en menn?

[Þorsteinn Briem, 20.5.2019 kl. 12:11]

11.11.2014:

"Nú er áætlað að heildarútblástur allra eldfjalla á jörðu sé um 300 milljón tonn af CO2 á ári (0,3 gígatonn). Gosið í Holuhrauni er því búið að losa meir en eitt prósent af árlegum skammti eldfjallanna.

Þá má velta fyrir sér hvort þetta sé mikið magn í samhengi við losun mannkyns af koltvíildi vegna bruna á olíu, kolum og jarðgasi.

Mannkynið losar um 35 gígatonn af CO2 á hverju ári. Til samanburðar losa eldfjöllin aðeins um eitt prósent af losun mannsins á ári hverju.

Þetta er vel þekkt staðreynd, en samt sem áður koma stjórnmálamenn og sumir fjölmiðlar oft fram með alvitlausar staðhæfingar um að eldgos dæli út miklu meira magni af koldíildi en mannkynið."

Haraldur Sigurðsson eldfjallafræðingur - Vísindavefurinn

[Þorsteinn Briem, 20.5.2019 kl. 12:12]

Vísindavefurinn:

"Vitað var að CO2 er mikilvirk gróðurhúsalofttegund og því þótti ástæða til að fylgjast með styrk þess í lofthjúpnum."

"Frá upphafi iðnbyltingar (um 1750) hefur hlýnað á jörðinni og á síðustu 100 árum er hlýnun við yfirborð rúmlega 0,7°C."

"Á norðurhveli færðist vorbráðnun fram um nærri tvær vikur á tímabilinu 1972 til 2000 og snjór nær nú mestri útbreiðslu í janúar í stað febrúar áður."

"Hörfun jökla frá 19. öld er víðtæk og nær jafnt til fjalljökla á norður- og suðurhveli, sem og í hitabeltinu."

"Hafís á norðurhveli hefur minnkað, sérstaklega sumarísinn í Norður-Íshafi, sem hefur minnkað um 7,4% á áratug."

"Mælingar sýna merkjanlega hlýnun sjávar á tímabilinu 1961 til 2003 og að varmainnihald efstu 700 metra heimshafanna hefur aukist frá miðjum 6. áratug síðustu aldar."

"Aukning á styrk CO2 í lofthjúpnum leiðir til aukinnar upptöku hafsins, sem sýrir hafið og það hefur súrnað um 0,1 pH stig að meðaltali frá upphafi iðnbyltingar."

[Þorsteinn Briem, 20.5.2019 kl. 12:13]

27.9.2013:

"Hlýnun jarðar er óumdeilanleg og benda margar athuganir til breytinga frá því um miðbik síðustu aldar sem eru fordæmalausar þegar litið er til síðustu áratuga eða árþúsunda.

Lofthjúpurinn og heimshöfin hafa hlýnað, dregið hefur úr magni og útbreiðslu snævar og íss, auk þess sem sjávarborð hefur hækkað og styrkur gróðurhúsalofttegunda aukist."

Loftslagsbreytingar og áhrif þeirra, staðan 2013 - Veðurstofa Íslands

Skýrsla Milliríkjanefndar Sameinuðu þjóðanna um loftslagsbreytingar (IPCC) - Áhrif mannkyns á loftslag eru skýr

[Þorsteinn Briem, 20.5.2019 kl. 12:15]

Vísindavefurinn:

"Síðan 1958 hefur styrkur koltvíoxíðs í andrúmsloftinu verið mældur á eyjunni Mauna Loa í Kyrrahafi og er mynd af niðurstöðunum aðgengileg á vefnum.

Myndin sýnir vel hina stöðugu aukningu koltvíoxíðsstyrksins."

"Regnskógareyðing er í öðru sæti, á eftir notkun jarðefnaeldsneytis, yfir það sem veldur mestri koltvíildismengun á jörðinni.

Skógareyðing á einum degi losar meira koltvíildi út í andrúmsloftið en tugþúsundir flugvéla sem fljúga milli Bandaríkjanna og Evrópu."

[Þorsteinn Briem, 20.5.2019 kl. 12:16]

24.3.2015:

Golfstraumurinn ekki eins stríður og áður

[Þorsteinn Briem, 20.5.2019 kl. 12:20]

Útstreymi árið 2007 (CO2-ígildi):

Samgöngur:

"Útstreymi frá samgöngum árið 2007 skiptist í útstreymi vegna innanlandsflugs (2%), strandsiglinga (6%) og vegasamgangna (92%).

Nettóútstreymi gróðurhúsalofttegunda hér á Íslandi, sjá bls. 30-36

[Þorsteinn Briem, 20.5.2019 kl. 12:22]

Yfirleitt er ekki hægt að banna útlendingum að dvelja hér á Íslandi eða Íslendingum að veita þeim hér þjónustu samkvæmt samningnum um Evrópska efnahagssvæðið, meðal annars um frjálsa för fólks og frjáls þjónustuviðskipti á svæðinu.

Og Kínverjar sem komnir eru inn á Evrópska efnahagssvæðið, til dæmis til Noregs, geta að sjálfsögðu flogið þaðan hingað til Íslands.

[Þorsteinn Briem, 20.5.2019 kl. 12:24]

Þeir sem ekki eru á ferðalögum utan síns heimabæjar ferðast þar flestir nær daglega til og frá skóla og vinnu. Og fólk er yfirleitt ekki á ferðalögum utan síns heimabæjar nema nokkrar vikur á ári.

Langflestir menga því mun meira í sinni heimabyggð en utan hennar, hvort sem þeir búa hér á Íslandi eða erlendis.

Í hverri rútu og flugvél eru yfirleitt fjölmargir farþegar en í hverjum einkabíl á höfuðborgarsvæðinu hér á Íslandi er eingöngu bílstjórinn í fjölmörgum tilfellum.

Ef erlendir ferðamenn kæmu ekki hingað til Íslands myndu þeir ferðast til annarra landa og menga álíka mikið í þeim ferðum.

Og innan við 1% af flugvélaflota Evrópu flýgur með farþega sem hér dvelja.

[Þorsteinn Briem, 20.5.2019 kl. 12:36]

8.9.2015:

Grænn vöxt­ur sparar bilj­ón­ir Bandaríkjadala

[Þorsteinn Briem, 20.5.2019 kl. 12:39]

"Hagvöxtur til frambúðar veltur á því að landnæði er nýtt betur, tæki og tól eru endurnýjuð til hins betra og vinnuafl nýtist betur, annaðhvort með því að láta fólki í té betri tæki eða með því að auka menntun og þar með virði vinnuframlags hvers einstaklings."

Er meiri hagvöxtur alltaf betri? - Katrín Ólafsdóttir lektor árið 2007

Menntun Íslendinga 11% undir meðaltali OECD

[Geir Ágústsson, 20.5.2019 kl. 13:20]

Sólin, einhver?

[Kolbrún Hilmars, 20.5.2019 kl. 16:48]

Sólin hitar eflaust mismikið, eftir sólgosunum - en látum geimfræðinga um að fylgjast með því?  Mengun er hins vegar heimatilbúin; 90% af plastdraslinu í höfunum mun koma frá örfáum stikkfrí offjölgunarlöndum í suðri.  Sama hvað við hér við frostmarkið göngum snyrtilega um mun það engu breyta.
PS:  Steini í essinu sínu núna   :)

[Geir Ágústsson, 20.5.2019 kl. 18:08]

Það er athyglisvert að sjá að allt sem gerist í náttúrunni er á einn eða annan dularfullan hátt tengt við að styrkleiki CO2 í andrúmsloftinu hefur stigið frá 0,02% til 0,04% á svolitlum tíma.

Er Golfstraumurinn að breyta um hegðun? CO2! Eða er sólvirkni að minnka og þar með draga úr hitastigsmun miðbaugs og skautanna?

Er kóralrif að deyja? CO2! 

Eru Maldívi-eyjar að sökkva? CO2! Bíddu nú við, eru þær ekki enn sokknar? Hækkandi sjávarborð vegna CO2! En af hverju sökkva þær ekki? Jarðvegsflutningar vegna hækkandi sjávarstigs vegna CO2! 

En af hverju sekkur Manhattan-eyja New York ekki, þar sem hún er úr grjóti? CO2!

Eru sum svæði jarðar að kólna? CO2! Eða er sólvirkni að minnka? Kannski, en vegna CO2 er niðurstaðan verri en ella!

Jöklar að hverfa - CO2! Jöklar að stækka - CO2!

Krókaleiðirnar á milli mælinga og CO2-kenninga verður sífellt lengri og flóknari enda hægt að kaupa næga sköpunargleði fyrir 1,5 billjón Bandaríkjadollara á ári. 

[Geir Ágústsson, 20.5.2019 kl. 18:11]

Við CO2-kirkjuna hef ég eftirfarandi ráð:

Takið allar mælingar á hita, regni, snjó, jöklum, kjörnum, sjávarhæð og hvaðeina seinustu 100 ár og notið fyrstu 70 árin til að þróa líkön og næstu 30 ár á eftir til að prófa þau. Þetta kallast "machine learning" og er hægt að Googla til dauða. Prófið svo að spá fyrir um næstu 5 ár. Eftir 5 ár, leggið þær niðurstöður til sýnis. Hafi spádómsgildi þeirra verið eitthvað er um risastökk að ræða, því líkönin í dag hafa engu spáð rétt nema því hvað blaðamenn slá upp í fyrirsögnum sínum.