Leggið niður siðanefnd Alþingis

Siðanefnd Alþingis er óþarfi. Kjósendur einir eiga að taka afstöðu til þess sem telst siðlegt og hvað ekki (á meðan ákæruvaldið tekur afstöðu til lögbrota). Þeirra á að vera valið en ekki einhverrar nefndar.

Það er þingmanna að bera ábyrgð á orðum sínum. Þeir eiga jú að heita fullorðið fólk.

Um leið og siðanefndin er lögð niður mætti leggja niður ýmislegt annað sem sýgur til sín fé skattgreiðenda en nýtist engum nema örfáum innvígðum djúpt inni í ríkisvaldinu. 

Helga Vala vill breyta siðareglum

Athugasemdir

[Þorsteinn Siglaugsson, 19.5.2019 kl. 11:30]

Var ekki siðanefndin sett á laggirnar að kröfu Pírata? Það er svolítið kaldhæðnislegt.

[Þorsteinn Briem, 19.5.2019 kl. 11:46]

Ásmundur Friðriksson, þingmaður Sjálfstæðisflokksins, sparar ríkinu að sjálfsögðu stórfé með öllum þessum akstri sínum á kostnað skattgreiðenda.

Og Sjálfstæðisflokkurinn fær stórfé frá ríkinu ár hvert til að halda úti starfsemi sinni.

Allt í samræmi við stefnu flokksins um sparnað í ríkisrekstrinum.

[Þorsteinn Briem, 19.5.2019 kl. 12:05]

"Ásmundur Friðriksson, þingmaður Sjálfstæðisflokksins, ók fyrir tæpar 3,2 milljónir króna árið 2013.

Mest keyrði hann árið 2014 og þá fékk hann um 5,4 milljónir króna frá Alþingi vegna nota á eigin bifreið.

Árið 2015 fékk hann örlítið minna, eða um fimm milljónir króna.

Árið 2016 fékk hann tæpar 4,9 milljónir króna.

Árið 2017 fékk hann 4,2 milljónir króna fyrir aksturinn og alls 4,6 milljónir króna vegna ferðalaga innanlands.

Árið 2018 notaði Ásmundur bílaleigubíl og fékk 1.166.050 krónur. Þá fékk hann 684.090 krónur fyrir að nota eigin bíl og 633.073 krónur fóru í eldsneyti, sem hann fékk einnig endurgreitt.

Á árinu 2018 fékk Ásmundur einnig 536.160 krónur í húsnæðis- og dvalarkostnað en Ásmundur er búsettur í Njarðvík. Þá fékk Ásmundur 360 þúsund krónur í fastan ferðakostnað í kjördæminu, líkt og aðrir landsbyggðarþingmenn.

Og alls var kostnaður við ferðalög Ásmundar innanlands tæplega 2,5 milljónir króna árið 2018."

[Þorsteinn Briem, 19.5.2019 kl. 12:16]

Í fyrradag:

Ásmundur Friðriksson ók fyrir 25 milljónir króna á 6 árum - Rukkaði fyrir að skutla tökufólki ÍNN

[Þorsteinn Briem, 19.5.2019 kl. 13:03]

Mörlenskir hægrimenn eru duglegastir við að eyða fé skattborgaranna.

Þannig þóttist Sigmundur Davíð Gunnlaugsson, formaður Miðfótarflokksins, eiga heima í Norðausturkjördæmi og fékk fyrir það stórfé frá ríkinu en býr í Garðabænum og hefur aldrei búið á landsbyggðinni.

[Þorsteinn Briem, 19.5.2019 kl. 13:07]

Mörlenskir hægrimenn vilja helst starfa hjá ríkinu, til að mynda Páll Magnússon, fyrrverandi útvarpsstjóri, og þeir kunna að mjólka ríkiskúna.

23.8.2007:

"Páll Magnússon útvarpsstjóri [nú þingmaður Sjálfstæðisflokksins] ekur um á rúmlega níu milljóna króna Audi Q7 drossíu.

Bílinn tók hann á rekstrarleigu í apríl á síðasta ári. Eftir að Ríkisútvarpinu var breytt í hlutafélag yfirtók fyrirtækið skuldbindingar vegna bílsins og greiðir 202 þúsund krónur á mánuði, miðað við tveggja ára rekstrarleigu."

[Geir Ágústsson, 19.5.2019 kl. 14:56]

Það er allt í fína að allir fjölmiðlar veiti Sjálfstæpusmönnum mikið aðhald, og Sigmundi Davíð inn á milli, en einhverjir þurfa að benda á allt hitt.

[Jón Steinar Ragnarsson, 19.5.2019 kl. 16:16]

Þetta minnir svolítið á öldungaráðin hjá vottum jehóva. Kirjan í þessu tilfelli er bara hin pólitíska rétttrúnaðarkirkja.

[Grímur (IP-tala skráð) 19.5.2019 kl. 19:01]

En það þorir enginn að ávíta Pírata og þá sérstakleg hrokagkkinn hana Þórhildi Sunnu nema í genum einhverja nefnd. Það hefi nú átt að ávíta þau fyrir fíflaganginn með Fuck Off húfusýninguna í sölum Alþingis enda litu þau bæði út fyrir að vera nýsloppin af Kópavogshælinu í þessum gjörningi

[Geir Ágústsson, 20.5.2019 kl. 06:32]

Það sem virðist vera að gerast er:

- Fleiri og fleiri nefndir, siðareglur og annað sem á að hafa hemil á dónaskapnum

- Meiri og meiri athygli á einhvern fíflagang (t.d. FO húfurnar)

- Minna og minna um efnislega umræðu í fjölmiðlum um fjáraustur á Alþingi (aksturspeningarnir, aðstoðarmennirnir, sporslurnar), og þegar sú umræða á sér stað þá drukknar hún í fíflaganginum og siðanefndunum