Klappstýran sem varð varnarjaxl

Ólafur Ragnar Grímsson var á tímabili klappstýra bankamannanna sem fóru of geyst. Síðan breytti hann um hlutverk. Hann fór út á völlinn og gerðist varnarjaxl. Hann varði hagsmuni Íslands erlendis þegar Íslendingar sjálfir skulfu á hnjánum og kiknuðu í þeim þegar þeir heyrðu erlent tungumál.

Kannski þorði Ólafur að standa í lappirnar af því hann vissi að hann væri ekki á leið í einhverja kosningabaráttu. Hann þorði að líta í hjarta sitt og finna þar réttlætið og hann þorði að mæta umheiminum og berjast fyrir því réttlæti.

Svipaða sögu má segja af öðrum ráðherra sem var að hætta í pólitík og ætlaði sér ekki í aðra kosningabaráttu: Friðrik Sophusson, fjármálaráðherra árin 1991-1998. Undir hans stjórn lækkuðu ekki bara skattar heldur einnig það hlutfall af landsframleiðslunni sem ríkisvaldið gleypti. Gleymum því ekki að þegar ríkið hættir að mergsjúga hagkerfið þá stækkar það og dafnar og það veldur því að lægri skattprósentur byrja að skila meira fé í ríkiskassann, fleiri fara að þéna meira og allskyns afslættir og undanþágur fara að vega minna svo skattheimtan vex sem hlutfall af landsframleiðslu. En ekki undir stjórn Friðriks, sem hefur sennilega fengið vænan skammt af gagnrýni fyrir að standa á sínu.

Við ættum e.t.v. að læra af þessu og setja bara hvíta karlmenn komna yfir miðjan aldur í öll helstu embætti. Nei ég segi svona.

Dagbækur Ólafs varpa ljósi á Icesave

Athugasemdir

[Þorsteinn Briem, 21.9.2018 kl. 11:39]

Fjölmargir hægrimenn, sem lengi hafa djöflast gegn Ríkisútvarpinu, hafa mestan áhuga á að starfa hjá íslenska ríkinu, Reykjavíkurborg, þeirra stofnunum og fyrirtækjum.

Þannig var til að mynda Davíð Oddsson á launaskrá Reykjavíkurborgar og ríkisins þar til hann hrökklaðist út i móa og Friðrik Sophusson var forstjóri Landsvirkjunar, ríkisfyrirtækis sem íslenskir hægrimenn mæra í bak og fyrir.

Fjölmargir þeirra hafa hins vegar fundið íslenskri ferðaþjónustu allt til foráttu en langflest fyrirtæki í ferðaþjónustu hér á Íslandi eru einkafyrirtæki.

[Þorsteinn Briem, 21.9.2018 kl. 11:41]

Icesave er arfleifð Sjálfstæðisflokksins.

"Icesave var vörumerki innlánsreikninga á Netinu í eigu Landsbankans í Bretlandi og Hollandi."

"Lykilstjórnendur í Landsbankanum á því tímabili sem Icesave varð að veruleika voru Sigurjón Þ. Árnason og Halldór J. Kristjánsson.

Í bankaráði sátu Björgólfur Guðmundsson, Kjartan Gunnarsson, Þór Kristjánsson, Þorgeir Baldursson, forstjóri Odda og einn af eigendum Þórsmerkur ehf. (sem er eigandi Árvakurs sem gefur út Morgunblaðið) og Guðbjörg Matthíasdóttir, afhafnakona í Vestmannaeyjum."

[Þorsteinn Briem, 21.9.2018 kl. 11:46]

"Bjargvætturin":

Ólafur Ragnar Grímsson í London 3. maí 2005 - "How to succeed in modern business":

"No one is afraid to work with us; people even see us as fascinating eccentrics who can do no harm and therefore all doors are thrown wide open when we arrive."

"I have mentioned this morning only some of the lessons which the Icelandic voyage offers, but I hope that my analysis has helped to clarify what has been a big mystery to many."

Stórglæpamaðurinn Sigurður Einarsson einn af helstu samstarfsmönnum Ólafs Ragnars Grímssonar

[Þorsteinn Briem, 21.9.2018 kl. 11:54]

Gengi íslensku krónunnar hrundi þegar íslensku bankarnir og Seðlabanki Íslands urðu gjaldþrota haustið 2008 og Íslendingar í námi erlendis lentu þá í gríðarlegum erfiðleikum.

Evrópusambandsríki, til að mynda Danmörk, Svíþjóð, Finnland og Pólland, lánuðu þá íslenska ríkinu stórfé og björguðu því frá gjaldþroti.

19. 11.2008:

"Stjórn Alþjóðagjaldeyrissjóðsins samþykkti fyrir stundu á fundi sínum beiðni Íslendinga um 2,1 milljarða Bandaríkjadollara lán.

Íslenskt efnahagslíf þarf á fimm milljörðum dollara að halda að mati ríkisstjórnarinnar.

Sú upphæð jafngildir um 700 milljörðum króna miðað við Seðlabankagengi."

"Fra norsk side har en lagt stor vekt på et tett nordisk samarbeid om støtte til Island. I forbindelse med IMF-styrets behandling av Islands stabiliseringsprogram 19. november 2008, gikk Norge derfor sammen med Danmark, Finland og Sverige om å love at de fire landene samlet ville gi et mellomlangsiktig lån på 2,5 mrd. USD."

Norska fjármálaráðuneytið 13. mars 2009

[Örn Einar Hansen, 21.9.2018 kl. 16:10]

Steini Briem, með sill gamalkunna SPAM.

Sammála þér Geir, í minni tíð var Ólafur Ragnar harður kommúnisti og ekki upp á marga fiska. En sem forsætisráðherra, sýndi hann í sér dug ... sem margir menn mættu herma eftir honum.

[Anna Sigríður Guðmundsdóttir (IP-tala skráð) 21.9.2018 kl. 18:59]

Sæll Geir. Fjölmiðlaleikrit fjölmiðlaeigenda, (hverjir sem voru/eru nú eigendur á sérhverri bylgjulengd?), sjá um handrit, sviðsleikstjórn, hönnun og búninga, fyrir hinn "fullkomna" kerfisglæp.

Arnaldur getur tekið sér frí frá glæpasögunum.

Steini Briem og fleiri upplýsandi geta tekið við af honum.

 

 

 

Best að segja frá öllu sem fólk veit strax (ef fólk þorir vegna ótta við glæpalöggutoppa-"Landsbjargbrúnanna"). Sannleikur frá almenningi myndi stöðva mestu lyga og falsfréttaflóðin mannskæðu. Ekki bara á Íslandi, heldur allstaðar á jarðarkringlunni netbanka og netmiðlasamtengdu.

Hvað er tjáningarfrelsi?

Er tjáningarfrelsi á Íslandi?

Fyrir hvað ætla þessir lögmanna/dómsstóla/lögregluyfirvalda/Landsbjargartoppa-vörðu og "einkareknu" falsfréttanna ælandi og skítadreifandi glæpafjölmiðlar, að fá skattpeninga þrælanna kaupmáttarsviknu?

Hvert fer heiðarlega starfandi og skattgreiðandi fólk á Íslandi, til að kæra lögbrot og kerfisglæpi hvítflibbanna "kusklausu"?

Á norsku sjónvarpsstöðinni nrk.no var í gærkvöldi þáttur sem heitir Debatten, þar sem umfjöllunarefnið var í hvað skattpeningarnir færu. Það var fróðlegt. Þessi landsmálaumræðuþáttur er á hverju fimmtudagskvöldi á nrk.no

Spilling toppanna er landamæralaus.

M.b.kv.

[Grímur (IP-tala skráð) 21.9.2018 kl. 21:06]

Ólafur má alveg eiga það að hann talaði fyrir málstað íslendinga erlendis meðan Jóhanna og Steingrímur möntruðu "Hér varð hrun" og héldu því fram að allt yrði dásamlegt ef við gengjum í ESB

[Helga Kristjánsdóttir, 23.9.2018 kl. 05:06]

Sæll Geir! Pistill þinn úr pólitískri ævi Olafs Ragnars Grímssonar er svo þíður og sannur,ég gef mér að þið séuð ekki fyrrverandi samherjar í pólitíkinni.

Ekki var ég farin að hugsa alvarlega um pólitík á forsætistímabili Friðriks,en er með fjölmarga í sigtinu hér og í fjölmiðlageiranum,-Jú víst; ég segi bara svona....