Launþegar munu þurfa að standa undir skattahækkunum

Samtök skattgreiðenda benda réttilega á hið augljósa: Ef ríkið vill sópa fleiri milljörðum í hirslur sínar þá verður það ekki gert öðruvísi en með því að hækka skatta á venjulegt launafólk, og þá aðallega millistéttina (venjulegt fólk í venjulegum vinnum).

Þessir örfáu og moldríku geta ekki staðið undir nema nokkur hundruð milljónum. Það er upphæð sem skiptir ríkisreksturinn engu máli.

Nei, ef ætlunin er að sækja tugi milljarða í ríkissjóð þarf að ganga á venjulegt launafólk. Það er vissara að halda því til haga. 

„Hátekjuskattur“ á meðaltekjur

Athugasemdir

[Þórhallur Pálsson, 25.10.2017 kl. 23:20]

Það virðist vera mikil eftirspurn eftir óðaverðbólgu:  Gerð er krafa um tugmilljarða opinberar framkvæmdir sem fyrst og viðraðar eru launakröfur upp á allt að 30% hækkun.
Vitnað er í úrskurð Kjaradóms um þingfararkaup því til stuðnings.
Samt get ég ekki fundið að mín kjör hafi versnað við það að einhverjir aðrir hafi fengið kjarabót.

[Geir Ágústsson, 26.10.2017 kl. 06:35]

Þín kjör versna svo sannarlega þegar opinberir starfsmenn hækka í launum.

En það er rétt, það er öllum árum róið að því að gera Ísland sem verst í stakk búið til að taka á við næsta hiksta í bankakerfinu eða gjaldþrot einhvers erlends hagkerfisins (t.d. Ítalíu).