Menntamálaráðherra vill Hraðbraut feiga

Menntaskólinn Hraðbraut er þyrnir í augum menntamálaráðherra. Katrín Jakobsdóttir er pólitískur andstæðingur skóla sem eru ekki undir beinum yfirráðum ríkisvaldsins. Þegar menn eru í ríkisstjórn þá framfylgja þeir pólitískri sannfæringu sinni. Í tilviki núverandi menntamálaráðherra, þá snýst sú pólitíska sannfæring um að aflífa einkaskóla og koma allri menntun á ný undir miðlæga stjórn ríkisins. Hvorki flókið né óskiljanlegt.

Vonandi stendur Menntaskólinn Hraðbraut af sér pólitískar ofsóknir yfirvalda. Skólinn eykur flóruna í íslensku menntakerfi og býður upp á val fyrir þá sem vilja feta aðra leið en þá sem menntamálaráðherra vill að allir fari - þá leið sem hún fór sjálf á sínum tíma. 

Hagnaður af rekstri Hraðbrautar

Athugasemdir

[Benedikt (IP-tala skráð) 29.12.2010 kl. 21:34]

Bráðnauðsynlegur skóli. Synd að það nýti sér ekki fleiri þá þjónustu sem þar býðst... Mun fleiri sem eiga erindi í kerfi eins og tíðkast í Hraðbraut en í hefðbundnum skólum - segi ég sem útskrifaður nemandi úr Hraðbraut.

[Geir Ágústsson, 29.12.2010 kl. 21:54]

Menn vilja eiga fjögur afslöppuð djammár með námi, á framfærslu foreldra sinna. Þess vegna er eftirspurn eftir 2ja ára þéttpökkuðu námi minni en ella. En gott að þetta val sé í boði fyrir þá sem vilja.

[Ragnheiður J. Sverrisdóttir (IP-tala skráð) 29.12.2010 kl. 21:55]

Tek undir þessi orð. Tel að þessi skóli sé brauðnauðsynlegur og tala nú ekki um þegar stór hópur ungmenna kemst ekki inn í framhaldsskóla.  Ætla ég að vona að skólinn lifi af þessar ofsóknir.

[Geirmundur (IP-tala skráð) 29.12.2010 kl. 22:17]

Af hverju getur ráðuneytið, þ.e. fjármálaskrifstofan, ekki lagt fram útreikninga? Er allt með felldu í ráðuneytinu?

[Geir Ágústsson, 29.12.2010 kl. 22:37]

Orðið "gegnsæi" verður þeim mun marklausara eftir því sem stjórnmálamaðurinn sem notar það segir það oftar. Og hvaða þingmenn hafa notað orðið "gegnsæi" mest allra?

[Gjaldfellings náms á Íslandi (IP-tala skráð) 30.12.2010 kl. 04:48]

Merkilegt að skoða árangur nemenda skólans á Háskólastigi sem er vægast sagt afburðarslakur miðað við flesta aðra menntaskóla á landinum. Það skýrir kannski hagnaðinn.

Svo við höfum það á hreinu þá er ég hægri maður.

[Geir Ágústsson, 30.12.2010 kl. 11:36]

Það er margt sem fjölmiðlar (sérstaklega þeir hollir undir ríkisstjórnina) skrifa og jafnvel afbaka. Mér fannst fróðlegt að lesa þennan pistil.

Annars er ágætt að Hraðbraut sé undir nálarauga. Það skerpir bara yfirmennina þar. Ef nú bara fleiri skólar hefðu slíkt aðhald. 

[runar (IP-tala skráð) 30.12.2010 kl. 13:41]

Í umræðum um Hraðbrautina hefur hins vegar ekki heyrst mikið af slíku, nema þá helst að nauðsynlegt sé að fólk komist fyrr út á vinnumarkaðinn eða í annað nám. Þau rök duga hins vegar í sjálfu sér skammt. Ef ávinningurinn af því að fá fólk snemma út á vinnumarkaðinn er svo mikill, að af þeim sökum sé æskilegt að skera niður árafjölda til framhaldsnáms, væri líklega best að leggja niður allt framhaldsnám og senda fólk út á vinnumarkaðinn 16 ára.
Hraðsuða leiðir ekki alltaf til betri afurðar. Stundum þarf að gefa sér tíma til að gera hlutina vel. Ekki má heldur gleyma því að formlegar kennslustundir eru ekki eini vettvangur náms í framhaldsskóla. Námið fer ekki síður fram á göngunum, á skólaböllum og í félagsstarfi.
Gallinn við þessa draumsýn er bara einn; að hún er í hugum flestra unglinga á framhaldsskólaaldri martröð. Draumsýnin verður líklega ekki minni martröð fyrir þá sem þurfa að ganga í gegnum slíkt menntakerfi, þar sem áherslan er lögð á kerfið ? ekki menntunina.
Katrín Jakobsdóttir 11.6 2003 http://www.vinstri.is/pistlar/2003/06/11

Því er ekki að neita að það er vel hægt að finna pólitískan fnyk af málinu. Katrín verður seint talin til aðdáenda skólans.

Mér þætti þó gaman að sjá þessa rannsókn sem gaf það til kynna að nemendur úr Hraðbraut standi sig verr í háskólanámi.

Hvernig var þessi rannsókn framkvæmd og er gerður munur á því hvaða fag  nemendur völdu? Það er töluverður munur að erfiðleikastigi sögu, bókasafnsfræði eða verkfræði, læknisfræði.

Ég var í Hraðbraut og hver einasti nemandi sem ég talaði við ætlaði í erfitt háskólanám. Auðveldasta fagið sem ég heyrði um var viðskiptafræði.

Ólafur klúðraði málinu. Hann má vel fara en Hraðbraut verður að vera.

Það er þó einungis mín skoðun og ég er orðinn svo þreyttur á því að æsa mig yfir þessu máli, ég nenni því ekki lengur.

Mér þykir mjög vænt um Hraðbraut og mun alltaf þykja mög vænt um Hraðbraut !!

[Geir Ágústsson, 31.12.2010 kl. 00:33]

runar,

Þakka áhugavert innlegg þitt - sérstaklega áhugavert að heyra skoðanir Hraðbrautarnemenda á umræðunni allri um skólann.

Ég var í MR. Þar lærði ég hitt og þetta sem mér fannst áhugavert og spennandi en að engu leyti nothæft. Ég lærði líka helling sem mér fannst bæði leiðinlegt og hef síðar séð að var algjörlega gagnslaust (t.d. að þekkja formgerð japanskra ljóða). En ég skemmti mér konunglega í 4 ár og fór í háskóla. Ætla ekki að blása reyk og eld yfir því að aðrir velji að minnka skemmtunina og gagnslausa hluta menntaskólanámsins og koma sér að efninu eða nýta tímann í annað, t.d. að ferðast. 

[Guðni Matthíasson (IP-tala skráð) 31.12.2010 kl. 04:17]

Sælt veri fólkið.

Ég er nemandi við Hraðbraut á öðru ári. Ég er fæddur '93 og hef aldrei þurft að hafa fyrir náminu. Ég fékk eintómar níur og tíur í grunnskóla á prófum sem ég lærði ekki fyrir.

Nú ert þú líklega farinn að hugsa eitthvað í líkingu við "aaah, þessi týpíski hraðbrautar-nörd", og er það kannski ekkert vitlaust þar sem ég er með 7,97 í meðaleinkunn úr þeim 30 áföngum sem ég hef klárað hingað til. En ég vil benda á það að ég eignaðist marga góða vini vini á fyrstu dögum skólagöngu minnar, og ég þekki sirka helminginn af nemendum skólans með nafni, afganginn myndi ég þekkja ef ég sæi þau úti á götu. Ég vil líka benda á að ég djamma meira en margir vinir mínir í MS og Borgó, sem eru nú ekki beint þeir rólegustu um helgar.
Ég er ekki að setja neitt út á þín skrif Geir, enda sýnist mér á þeim að þú sért maður með viti. Ég vildi bara segja fyrir mig að ég hefði líklega ekki skemmt mér neitt betur hefði ég farið í MS, eins og planið var fyrst.

Svo ég stökkvi aðeins yfir í aðal umræðuefnið vil ég segja nokkra hluti:

Engin lög voru brotin,

skólinn skilar stöðugum hagnaði (undantekning: 2009, skólinn endaði í 12 milljóna króna tapi eftir að ríkið skar framlög til hans niður um 30+ milljónir króna, og skólinn greiddi einnig eitthvað aukalega til að flýta fyrir endurgreiðslu á umframpening sem greiddur var til hans á tímabili),

Þetta er einkafyrirtæki svo af hverju er fólki útí bæ ekki sk*tsama þótt kallinn taki út arð, svo lengi sem það bitnar ekki á skólastarfinu?(sem það hefur ekki gert að mér vitandi),

og þetta með einkunnir á háskólastigi.... Come on... Munaði ekki innan við hálfum á meðaltali hraðbrautarnema og meðaltali yfir höfuð? Jú, og var könnunin ekki bara gerð innan veggja HÍ? Jú, tekið fram hvort munurinn hafi numið heilu staðalfráviki?því miður, nei, án tillits til dreifingar á námsbrautir og meðaltal innan þeirra? Því miður, já. Ég hef lokið einum áfanga í tölfræði og ég sver að ég hefði verið felltur á staðnum fyrir svona vinnubrögð.

Önnur, mikið aðgengilegri og skýrari könnun sýndi hins vegar ótvírætt fram á það að 80+% hraðbrautarnema á háskólastigi gáfu hraðbraut fullt hús stiga fyrir undirbúning fyrir háskólanám. Það sama er hægt að segja um 4 aðra menntaskóla á landinu.

Takk fyrir mig.

[Geir Ágústsson, 1.1.2011 kl. 17:42]

Guðni,

Takk fyrir áhugaverða frásögn. Hún sýnir umfram allt að Hraðbraut er valkostur sem væri synd að sjá á eftir.

Tölfræðivinkill þinn er líka góður og áhugaverður. Hann sýnir að umfjöllun um Hraðbraut er vægast sagt sérkennileg.