Óþekka nefnd

Þegar stjórnmálamenn vilja ekki virðast of ákveðnir í opinberu ljósi þá bregða þeir oft á það ráð að skipa nefnd til að komast að ákveðinni niðurstöðu, hjúpaða þykkri skýrslu sem er helst af öllu með mörgum töflum og línuritum.

Jón Bjarnason skipaði slíka nefnd sem átti að komast að þeirri niðurstöðu að það væri hægt að svipta útgerðina öllum nýtingarréttindum sínum og setja öll atvinnutæki hennar í mikla rekstrarlega óvissu án þess að gera hana gjaldþrota. 

Nefndin komst því miður ekki að þessari niðurstöðu. Skýrslu hennar verður því stungið ofan í skúffu.

Skoðar alla kosti

Athugasemdir

[Ólafur Ingi Hrólfsson, 8.9.2010 kl. 07:44]

Sú leið sem stjórninni hugnaðist best var að smá murka lífiið úr greininni.

Það hlýtur því að valda henni vonbrigðum að leið skynsemi og samninga skuli vera sú leið sem haldið er fram í dag.

Það er ekki stefna stjórnarinnar að hafa samráð - þannig að þetta yrði algjört stílbrot. Enda er hugmyndin ekki frá þeim komin.

[Geir Ágústsson, 8.9.2010 kl. 08:06]

Enda engin ástæða til að hafa of mikið samráð. Hefði samt virkað betur að geta hallað sér að þykkri skýrslu og segja "já sko sjáðu, sérfræðingarnir eru sammála pólitískri réttlætiskennd minni og þá hljóta allir að sjá ljósið".

En það gekk ekki. Þá taka hrá stjórnmál við "í samræmi við stefnu beggja flokka" eins og Jón Bjarnason reynir ekki lengur að fela. 

[Sigurður Gunnarsson (IP-tala skráð) 8.9.2010 kl. 12:14]

Skynsemi kemur þessari ríkisstjórn ekkert við. Það virðist vera aðalsmerki hennar að berja niður alla sem ekki vilja færa allt til ríkisins (og svo til Brussel).

[Ólafur Ingi Hrólfsson, 9.9.2010 kl. 08:25]

Tek undir með ykkur - OG jú Sigurður - það er fáránlegt þegar maður nota orðið skynsemi í tengslum við þessa stjórn -(jafnvel með öfugum formerkjum) það er engin tenging þar á milli -