Bresk rannsókn segir bóluefnin lítið hjálpa sýktum

Samkvæmt nýlegri breskri skýrslu hjálpa bóluefnin ekki sýktum að sigrast á veiru þótt þau geti hjálpað við að forðast sýkingu til að byrja með. Smávegis samantekt og umræða um þetta er á Zerohedge. Þó virðast niðurstöður ýmissa rannsókna stangast á. Eitt er víst: Virkni bóluefna er umdeild.

Zerohedge vísar einnig í frétt frá Ísrael um tilraunalyf sem verið er að gefa þeim sem sýkjast af COVID-19 og virðist virka mjög hratt og vel. En við skulum ekki tala um það né aðrar meðferðir svo neyðarleyfi bóluefnanna komist ekki í uppnám. Tölum frekar um þriðju sprautuna og delta-afbrigði. Á meðan eru milljarðar af fátækasta fólki heims að láta veiruna ganga sín á milli sem mun óumflýjanlega leiða til nýrra afbrigða sem setja síðan allt í spennitreyju í ríku löndunum sem ríghalda í bóluefnin sín sem þó virka ekki endilega á ný afbrigði. Þá þarf að þróa ný bóluefni og byrja upp á nýtt.

Í Sviss hafa einhverjir lögreglumenn gefið út að þeir muni ekki framfylgja íþyngjandi sóttvarnaraðgerðum þvert á vilja almennings. Enska samantekt má lesa hér. 

"If the measures were to oppose the general opinion of the population, restricting their fundamental rights disproportionately, many police officers will no longer be willing to apply them."

Ætli íslenska lögreglan muni einhvern tímann taka sér frí frá gluggagæjum og mynda sér sjálfstæða skoðun á vinnubrögðum sínum?

En aftur að meðferðum: Í Oxford-háskóla hreykja menn sér nú af því að hafa fundið skilvirkar meðferðir [1|2] gegn COVID-19 og segja að þær hafi strax verið teknar í notkun á spítölum þar í landi. Og fleiri lyf í skoðun, þar á meðan ivermectin sem samfélagsmiðlarnir flýta sér að merkja sem snákaolíu. Kannski það, frekar en bóluefnin, hafi stuðlað að því að aftengja spítalainnlagnir og smit í Bretlandi? Og kannski íslenskir læknar hafi fylgst með og beiti nýjustu meðferðum þótt þeir tjái sig lítið sem ekkert um það í fjölmiðlum sem þeir virðast nú samt hafa svo gaman af að tala við?

Nei ég segi svona. Höldum kvíðanum við og hvetjum fólk (og börn!) í sprauturnar ella verður öllu lokað aftur.

Hvetja fólk til að fara í bólusetningu

Á vappi með veiruna

Í svolítilli frétt á visir.is segir af ungu íslensku pari sem er nýflutt til Kaupmannahafnar. Fréttin er góð samantekt á öllu því sem er að í sóttvarnarmálum almennt og sérstaklega á Íslandi.

Hið unga par greindist nýlega með COVID-19 og fékk einhver ruglingsleg símtöl frá yfirvöldum en að lokum réttar upplýsingar og situr nú í sóttkví samkvæmt leiðbeiningum yfirvalda. Sem betur fer, því „ef við hefðum ekki fengið þetta seinna sím­tal sem kom fyrir slysni þá værum við bara á vappi um göturnar held ég,“ með veirueinkenni, að sögn hins unga manns.

Það þurfti sem sagt símtal frá yfirvöldum til að halda hinu unga pari innandyra á meðan það er lasið.

Mér var kennt sem krakka að maður eigi ekki að labba um með hósta og hor og mæta í skóla eða vinnu og smita út frá sér. Gildir það um kvef og flensu og er auðveldlega heimfært upp á aðrar bakteríur og veirur. Það á ekki að þurfa símtal frá ríkisvaldinu til að segja fólki að halda sér heima ef það veit af veikindum í andadrætti sínum. En svona er búið að heilaþvo okkur. Flensa? Ekkert mál, ég skelli mér í búðina því yfirvöld eru ekki búin að hringja í mig. En ef ríkisvaldið hringir í mig og biður mig um að jafna mig á veikindum þá fer ég auðvitað ekkert. Þá hef ég vit á því að halda mér heima. Eða réttara sagt: Þá er búið að hafa vit fyrir mér.

Síðan segir í fréttinni:

Hér á Ís­landi er líka mun betra eftir­lit með fólki í ein­angrun; það er reglu­lega hringt í þá sem eru smitaðir af læknum Co­vid-göngu­deildarinnar og til að losna úr ein­angrun þarf við­komandi að hafa verið út­skrifaður úr henni með sím­tali frá lækni.

Er skrýtið að spítalinn sé hreinlega að drukkna úr álagi þegar honum er gert að hringja í fullorðið fólk frá morgni til kvölds og athuga hvort það sé nú nokkuð á vappi utandyra? Nú fyrir utan að vel er fylgst með viðkomandi af nágrönnunum sem siga lögregluna á þessa bansettu sóttkvíardólga, ekki satt? Nema lögreglan ákveði auðvitað upp á sitt einsdæmi að kíkja inn um gluggann hjá þér.

Loks vil ég nú meina að Íslendingar ættu ekki að hafa of miklar áhyggjur af ástandinu í Danmörku. Það er bara nokkuð gott. Í kringum 1000 smit á dag síðan í vor (sem svarar til um 65 smita á dag miðað við íslenska höfðatölu) og ekkert að gera á sjúkrahúsunum. 

Þegar almenningur læsir sjálfan sig inni

Samkvæmt gildandi reglugerð (og þrátt fyrir 74. gr. stjórnarskrár) mega að hámarki koma saman 200 einstaklingar. Andlitsgrímur skal nota þar sem húsnæði er illa loftræst eða ekki unnt að tryggja 1 metra fjarlægð á milli manna.

Með öðrum orðum: Ekkert mál að henda í 70 manna brúðkaup í rúmgóðu húsnæði, eða hvað?

En nei, Íslendingar hlusta ekki á yfirvöld. Í staðinn setja þeir sínar eigin reglugerðir sem gera út af við 70 manna brúðkaupsveislur. Þeir setja á sig grímu við öll tækifæri, líka í vel loftræstum rýmum þar sem eru margir metrar á milli manna. Þeir blása af útiskemmtanir þótt þeir haldi vissulega áfram að hittast úti og djamma og djúsa. Bara án skemmtiatriðanna. Það er jú heimsfaraldur. Ef Skoppa og Skrítla mæta á svæðið myndast smithætta, ekki satt? En haldi þær sig fjarri þá er allt í lagi að hittast. 

Til að bæta gráu ofan á svart eru skilaboð fréttatímanna komin í heilan hring. Hvað er markmiðið? Að fletja út kúrvu? Leyfa smit meðan ungra og hraustra? Útrýma veirunni? Sprauta og sprauta? Verja heilbrigðiskerfið? Á að hleypa krökkum í skóla án sprautunnar eða taka af þeim annan vetur því sprauturnar virka ekki eins og vonir stóðu til? Styrkja heilbrigðiskerfið svo það ráði við verkefnin sín þegar byrjar að hausta og allskyns pestir fara á stjá? Eða má kannski bara fara að pakka saman og gefa almenningi smávegis frí frá hræðsluáróðrinum? Segja fólki bara að lesa danska fjölmiðla sem eru orðnir nokkuð veirufréttalausir. 

Kannski þarf engar reglugerðir nú þegar almenningur finnur sjálfur upp á eigin takmörkunum og hættir við allt sem gerir lífið þess virði að lifa og setur á sig grímur þegar enginn var að leggja slíkt til. Sóttvarnarlæknir er jú í sumarleyfi og hætt við að veiran sjái það sem tækifæri, ekki satt?

Covid-hraðpróf björguðu brúðkaupinu

18 mánuðum seinna

Erum við stödd í tímavél?

Fyrir meira en ári síðan var samfélag heimsins að læra á nýja veiru og tókst þokkalega vel upp. Áhættuhópar voru kortlagðir - aldraðir, offeitir. Þeir með undirliggjandi sjúkdóma. Orðrómar um bóluefni voru að rætast. Hraðpróf í vinnslu. Tilgangsleysi grímunotkunar að koma fram. Snertismit að detta af kortinu sem áhættuatriði. Langvarandi innivera með smituðum einstaklingi að útnefnast sem nánast eina smitleiðin. Ýmis lyf í þróun eða prófun sem meðferð, jafnvel fyrirbyggjandi.

En þá fraus tíminn og ári seinna er enn verið að aflýsa öllum mannamótum, setja grímur á fólk og meina öldruðum að hitta barnabörn sín. 

Nánast allir sprautaðir með glænýjum blöndum af óþekktum samsætum.

Fullfrískt fólk ennþá sent heim til sín svo dögum skiptir. Nágrannarnir sjá um að klaga þá sem voga sér of langt.

Heilbrigðiskerfið komið í kosningaham og hrópar og gólar yfir vandræðum þótt enginn sé á ferli. Handleggsbrotin vinkona mín sagði mér frá tómum rúmum en fullt af starfsfólki að væflast eitthvað.

Fraus tíminn? Erum við komin aftur í haustið 2020?

Það mætti kannski hugleiða að reka einhvern eða lækka í tign. Sóttvarnarlæknir yrði eflaust prýðilegur móttökuritari, enda geðþekkur með eindæmum.

Hugmyndin hvarflað að fleirum en Þórólfi

Delta-afbrigðið og hræðsluáróður

Ég er á póstlista þar sem ég fékk á silfurfati línurit sem sýna eftirfarandi:

1. Í grímulausu og frekar lítið bólusettu og aðgerðalausu ríki er delta-afbrigðið að leiða til færri innlagna á spítala og færri dauðsfalla
2. Eftir því sem hið bráðsmitandi delta-afbrigði breiðist meira út, því betra verður ástandið
3. Mörg smit af delta-afbrigðum leiða ekki til margra vandamála

Í dag fór ég með börn mín, 3 ára og 10 ára, til Hrafnistu og vildi þar heimsækja afa minn. Ég bý erlendis og fæ ekki mörg slík tækifæri. Okkur var vísað frá því "börn eru svo lítið bólusett" að sögn áhyggjufulls starfsmanns með grímu í anddyri fullu af grímulausum vistmönnum. Var með grímuna og allt, bauðst til að setja hana á börnin, langaði að kynna afa minn fyrir 3 ára dóttur minni. En nei, vísað frá. Hann skal varinn fyrir veiru og fjölskyldu.

Hræðsluáróðurinn er gengdarlaus og orðinn þreytandi. Engin furða að sóttvarnarlæknir er byrjaður að taka fyrstu skrefin í átt að því að skríða inn í skelina sína. 

Hringið í Oxford!

Oxford-háskóli ákvað nýlega að hefja stóra rannsókn á virkni ivermectin sem meðferð við COVID-19.

For COVID-19, ivermectin has shown promising results as a potential treatment in small studies in humans.

Samkvæmt blaðamanni Moggans er háskólinn að sóa tíma sínum. Ætlar einhver að hringja í Oxford og segja mönnum þar á bæ að hætta við?

Stoðlaust tal um mátt Ivermectin