Hvar er lögregluákæran?

Ég sakna þess mikið að meðlimir "Saving Iceland" fái á sig ákæru vegna eignaspjalla, árásir á vinnustaði og önnur hrein og klár lögbrot. Ég er ekki af þeirri gerð manna að álíta öll lög góð en að vera löghlýðinn er yfirleitt eitthvað sem ég geng út frá að sé skynsamleg hegðun, og geri einnig ráð fyrir að ef lögreglan stendur mig að lögbrotum þá grípi hún til aðgerða.

Hér er að sjálfsögðu um lögreglumál að ræða - lögbrot fara fram og eru tekin upp af lögbrjótunum sjálfum og fjölmiðlum og því lítið mál að afla nægra sannanna. Skaðabótakröfur mættu einnig byrja að trítla inn í réttarkerfið - skaðabætur upp á hundruð þúsunda og jafnvel milljóna sem lögbrjótarnir eiga að reiða fram.

Mismunandi mótmæli láta greinilega lögregluna bregðast mismunandi við.

Saving Iceland tekur niður búðir sínar

Athugasemdir

[Eva Hauksdóttir (IP-tala skráð) 11.8.2008 kl. 15:18]

Skaðabótakröfur hafa verið lagðar fram í langflestum málum á hendur SI. Þeim hefur verið vísað frá dómi, enda er stjórnarskrárvarinn réttur fólks til að vekja athygli á skoðunum sínum mikilvægari en réttur stórfyrirtækja til að fremja skemmdarverk á náttúrunni án truflunar.

[Geir Ágústsson, 12.8.2008 kl. 20:46]

Ef þú, fröken, ætlar að réttlæta eina eyðileggingu með annarri (svo ég haldi mig við uppnefni þín á löglegum framkvæmdum og leggi að jöfnu við ólöglegar) þá er ég ansi hræddur um að stjórnarskráin sé þér síst ofarlega í huga.

Leitt að heyra að lögreglan geti ekki haldið uppi landslögum, eða a.m.k. leitt að heyra að lögreglan á í engum vandræðum með að handtaka fólk fyrir skaðlaus frjáls viðskipti með áfengi (þó ólögleg), en í mestu erfiðleikum með að tryggja vinnandi fólki vinnufrið fyrir atvinnu-skemmdarvörgum.  

[Viðar Freyr Guðmundsson, 22.8.2008 kl. 04:27]

Rörlaga heimssýn þessa ágæta fólks. Þau halda að þau séu að gera gott með þessu, en hugsa ekki út í heildarmyndina.

Þau halda að vopnaframleiðsla eigi eftir að skaðast ef að álframleiðsla sé stöðvuð á íslandi.

Furðuleg hugsjón. Furðuleg mótmæli. Furðulegt fólk.