Dauðasprauturnar

Ég hef á þessari síðu stundum kallað sprauturnar gegn COVID-19 dauðasprauturnar. Það er af því að allskyns gögn frá fjölda ríkja hafa í langan tíma gefið til kynna nokkur tengsl á milli umframdauðsfalla og sprautu fyrir utan allar alvarlegu aukaverkanirnar sem drepa ekki strax heldur seinna í kjölfar veikinda sem koma jafnvel ekki í ljós fyrr en við krufningu (þ.e. þegar menn sætta sig ekki einfaldlega við skyndilegt dauðsfall ungrar og hraustrar manneskju).

Núna þarf ég ekki að nota orðið dauðasprauturnar sem uppnefni heldur sem mjög góða lýsingu á staðreyndum sprautnanna, þökk sé nýútgefinni rannsókn þýskra vísindamanna sem enginn fjölmiðlamaður mun þora að snerta með priki. (Hengi rannsóknina við sem skjal til öryggis, ef hreinsieldur ritskoðunar þurrkar hana út.)

Rannsóknin heitir Estimation of Excess Mortality in Germany During 2020-2022 (DOI: 10.7759/cureus.39371) og hún leynir á sér því höfundar fara sparlega með stóru orðin í þeim köflum sem blaðamenn lesa (útdráttur og niðurstöður). Það þarf að kafa aðeins til að finna sláandi niðurstöður. 

Tvö lítil dæmi:

Aldursháð greining sýndi mikla umframdánartíðni sem kom fram á árunum 2021 og 2022 stafaði aðallega af aukningu dauðsfalla yfir meðallagi í aldurshópum á milli 15 og 79 ára. Greining á mánaðarlegri umframdánartíðni í aldurshópum á milli 15 og 79 ára sýndi að há umframdánartíðni byrjaði að safnast upp frá og með apríl 2021. Svipað mynstur varð fyrir fjölda andvana fæddra, sem var svipaður og undanfarin ár fram í mars 2021, eftir það varð einnig skyndileg og viðvarandi fjölgun. ...

Tímasambandið milli bólusetninga og umframdauða er sérstaklega áberandi fyrir þriðju bólusetninguna. Í september og október 2021 fylgdi lítilli fjölgun þriðju bólusetninga í upphafi tiltölulega lítil aukning umframdauða. Í nóvember og desember 2021 fjölgaði þriðju bólusetningunum mikið ásamt tiltölulega mikilli aukningu umframdauða. Í janúar 2022 fækkaði þriðju bólusetningum verulega, samfara því að umfram dauðsföllum fækkaði tiltölulega mikið.

**********

An age-dependent analysis showed that the strong excess mortality observed in 2021 and 2022 was mainly due to an above-average increase in deaths in the age groups between 15 and 79 years. The analysis of the monthly excess mortality in the age groups between 15 and 79 years showed that the high excess mortality started to accumulate from April 2021 onward. A similar pattern was observed for the number of stillbirths, which was similar to the previous years until March 2021, after which also a sudden and sustained increase was observed. ...

The temporal relationship between the courses of vaccinations and excess deaths is especially pronounced for the third vaccination. In September and October 2021, the initial small increase in the number of third vaccinations was accompanied by a comparably small increase in excess deaths. In November and December 2021, the number of third vaccinations increased sharply, accompanied by a comparably sharp increase in excess deaths. In January 2022, the number of third vaccinations decreased sharply, accompanied by a comparably sharp decrease in the number of excess deaths.

Þetta eru ekki fréttir fyrir mér en engu að síður er sláandi að sjá línuritin, túlkun vísindamannanna og það hversu hratt dauðasprauturnar tóku líf, og þá sérstaklega sú þriðja (sem var á þeim tíma gegn löngu útdauðu afbrigði veirunnar).

Höfundar rannsóknarinnar stíga mjög varlega til jarðar í túlkunum sínum á gögnunum og virðast svolítið efins um sláandi niðurstöður sínar. En það er auðvitað vísindamanna að ræða aðferðafræði, gæði gagna, skiptingar í tímabil og aldurshópa og túlkanir í opinni vísindalegri umræðu án ritskoðunar, og vonandi gera þeir það.

En ég held mig við heitið dauðasprauturnar og finnst það jafnvel eiga meiri rétt á sér en nokkru sinni. 

Skrár tengdar þessari bloggfærslu:

• Estimation of Excess Mortality in Germany During 2020-2022 (May 23, 2023)

Athugasemdir

[Vagn (IP-tala skráð) 29.5.2023 kl. 14:56]

Þrátt fyrir að vel sé skráð og skjalfest hverjir fá sprautur og hverjir deyja þá hefur ekki tekist að sýna fram á að umframdauðsföllin séu frekar hjá sprautuðum. Varla væru mikil umframdauðsföll hjá ósprautuðum ef sprautunum væri um að kenna. Því grípa óvandaðir til þess að ætla að fjölgun dauðsfalla og fjölgun sprautuþega sé tengd. Setja jafnvel með lítið línurit fyrir þá sem telja allt sem sett er saman í línurit hljóti að tengjast. Svipað og hið fræga dæmi að bera saman fjölgun nauðgana í almenningsgörðum og aukningu í rjómaíssölu og segja það sanna að rjómaíssala stuðla að nauðgunum í almenningsgörðum.

Það er auðvelt að blekkja þá sem vilja trúa þó engar sannanir séu raunverulega til og engin rökrétt ástæða fyrir trúnni. Þá sem vilja og þrá ekkert heitar en að blekkjast og telja það jafnvel merki um gagnrýna hugsun. Og hneykslast á fjölmiðlamönnum sem ekki sjá neina frétt í einhverju yfirborðskenndu mati tveggja manna þó trúaðir sæki þangað staðfestingu.

[Geir Ágústsson, 29.5.2023 kl. 15:12]

Vagn,

Þarna þekki ég þig!

[Þórhallur Pálsson, 29.5.2023 kl. 15:14]

Hættu nú þessu helvítis rugli og snúðu þér að  einhverju öðru en endalausum samsæriskenningum.  Það tekur hvort eð er enginn mark á þér !

[Ingólfur Sigurðsson, 29.5.2023 kl. 15:37]

Covid-19 veiran var fundin upp af demókrötum í Bandaríkjunum að öllum líkindum, Bill Gates og fleirum með einkaleyfin fyrir þessu áður en faraldurinn hófst 2020. 

Þar af leiðandi skiptir það litlu máli hvort fólk er sprautað eða ekki með bóluefnunum. Veiran er svo smitandi að hún berst í alla og hefur drepið fleiri en báðar heimsstyrjaldirnar til samans frá 1914 til 1945. Nema hvað að sprauturnar virðast gera dauðsföllin enn fleiri, ekki að undra.

Aðalglæpurinn var að finna upp Covid-19 í tilraunastofnum af WEF og dreifa henni. Nú þekkjum við hegðun veirunnar og vitum að hún er oft skást fyrst en breytist síðan í fleiri og verri afbrigði.

Fólkið sem kom veirunni í dreifingu fyrst kann að hafa gert það í "góðri trú", aðeins átti að prófa hvað gerðist, fækka örfáum og slíkt, en útkoman varð verri.

Það er til einskis að berjast fyrir mannréttindum ef ekki verður dæmt fyrir þennan glæp gegn mannkyninu.

[Guðmundur Ásgeirsson, 29.5.2023 kl. 17:03]

Ef ráðandi öfl vildu hrekja í eitt skipti fyrir öll kenningar um að umframdauðsföllin tengist sprautunum, gætu þau hæglega gert það því þau búa yfir öllum gögnum sem þyrfti að samkeyra til að greina á milli þess hvort umframdauðsföllin eru hlutfallslega meiri, minni eða þau sömu hjá báðum hópum þ.e. sprautuðum og ósprautuðum.

Svo lengi sem yfirvöld birta ekki þessi gögn eru þau í raun að viðhalda upplýsingaóreiðu og óþarfa tortryggni. Það hlýtur að vekja upp spurningar sem eru fullkomlega réttmætar á meðan svo er.

Hvers vegna ætli yfirvöld vilji ekki eyða þessari óvissu?

[Vagn (IP-tala skráð) 29.5.2023 kl. 18:22]

Hvers vegna ættu yfirvöld að taka þátt í tilgangslausri umræðu þar sem gögnum og upplýsingum er ekki trúað, athygli beinist enn frekar að falsfréttum og óreiðuöflin styrkja stöðu sína? Það hefur ekki dugað hingað til að setja óhrekjanlegar sannanir á borðið. Það sannar enginn neitt í eitt skipti fyrir öll fyrir óreiðuöflunum. Slæm auglýsing er betri en engin auglýsing er ástæða kröfunnar fyrir aukinni umræðu, aukinni athygli á boðskap óreiðuaflanna.

[Kristinn Bjarnason, 29.5.2023 kl. 18:28]

Ég skil að fólk vilji ekki fá slæmar fréttir sem er búið að láta margsprauta sig. Það þarf samt að komast að sannleikanum þó ekki væri nema til að koma í veg fyrir að þetta endurtaki sig.

Það lítur ekki vel út að halda upplýsingum frá almenningi. Hér eru einhverjir ekki með hreina samvisku.

[Guðmundur Ásgeirsson, 29.5.2023 kl. 18:29]

Vagn.

Það er ekki hægt að trúa gögnum ef þau eru ekki birt.

Þú segir að það hafi ekki dugað hingað til að setja óhrekjanlegar sannanir á borðið. Þá spyr ég á móti: sannanir fyrir hverju og hvar eru þær?

Geturðu bent á gagnasafn eða vefsíðu þar sem kemur fram hlutfallslegur fjöldi umframdauðsfalla eftir "bólusetningarstöðu" hinna látnu?

[Geir Ágústsson, 29.5.2023 kl. 18:46]

Ég sé ekki betur en að það þurfi að senda harðort bréf á þýska vísindamenn og biðja þá um gögn sem er ekki hægt að veita þeim.

Þetta er vandasamt mál. Eða þar til þeir eru látnir draga grein sína til baka. Þá hverfur vandamálið.

[Vagn (IP-tala skráð) 29.5.2023 kl. 20:27]

Þýsku vísindamennirnir þurfa sennilega ekki að draga grein sína til baka. Þeir segja, held ég, ekkert sem ekki stenst og láta lesendur draga ályktanir. Þýsku vísindamennirnir eru ekki að ljúga neinu, bara ekki að segja allan sannleikan. Þeir segja ekki að tenging, orsakasamhengi, sé til staðar. Og þeir geta ekki fundið það en vilja samt að þú haldir að það sé til og láta þig um að ímynda þér að svo sé. Það sem þú lest út úr matinu er annað en sagt er í matinu og ekki stutt neinum gögnum. #Íssala jókst og nauðgunum fjölgaði# er fullyrðing sem getur verið sönn þó engin tengsl séu á milli og þú lesir sem orsakasamhengi og viljir banna allt ísát.

[Geir Ágústsson, 29.5.2023 kl. 20:34]

Vagn,

Þeir könnuðu þrjár tilgátur og tóku enga afstöðu í köflunum sem blaðamenn lesa. Það er rétt.

En að það sé grátt ský á himni og rigning á sama tíma fær fæsta til að hugsa að nágranninn hafi bara miðað vökvunartækinu of hátt svo það sprautaðist yfir á næstu lóð. Nema kannski suma.

[Guðmundur Ásgeirsson, 29.5.2023 kl. 20:48]

En hvar eru hinar meintu "óhrekjanlegu sannanir" fyrir því að umframdauðsföllin sé ekki hægt að rekja til sprautuefnanna? Ég bið enn eftir þeim Vagn.

[Wilhelm Emilsson, 29.5.2023 kl. 20:49]

Fylgni og orsakasamhengi er ekki það sama, eins og allir vita hér, geri ég ráð fyrir.

[Geir Ágústsson, 29.5.2023 kl. 21:17]

Wilhelm,

Það vita allir. Mjög vel. Á tímabili var okkur sagt að óbólusettir væru minnihluti á spítölum og því þakkað að margir hafi látið sprauta sig. Tölfræðin á Íslandi sýndi það, þar til eitthvað breyttist, og tölfræðin fjarlægð. Hvers vegna? Við vitum það ekki, því gögnin fóru í felur. Það er kominn tími til að hætta að fela gögnin og klára þetta umræðuefni. Ég held að það væri gott fyrir alla.

[Wilhelm Emilsson, 29.5.2023 kl. 21:40]

Ef allir vita það þá skil ég ekki hvers vegna þú notar grein sem sýnir fylgni til að rökstyðja þá staðhæfingu að COVID sprautur séu "dauðasprautur".

[Geir Ágústsson, 30.5.2023 kl. 08:24]

Wilhelm,

Vísa hér í ágæta grein félags míns til útskýringar:

Þegar augljós fylgni blasir við benda þeir sem hafa stöðu sakbornings gjarnan á að fylgni sannar ekki orsök, jafnvel þó ekkert annað geti skýrt samhengið. Svo vill til að í læknisfræðinni er til viðmið sem notað eru hvað þetta varðar, sem kennt hefur verið við höfundinn Sir Austin Bradford Hill, faralds- og tölfræðing sem gat sér frægð fyrir að hafa lagt grunninn að nútíma klínískum rannsóknum og að hafa sannað orsakatengsl reykinga og lungnakrabbameina. Í stuttu máli, skv. Bradford Hill viðmiðinu, þá eru líkurnar á orsakasamhengi mjög miklar ef eftirfarandi skilyrði eru uppfyllt:  

Samræmi/endurtekningarleiki: Sömu niðurstöður, sem mismunandi einstaklingar komust að á mismunandi stöðum, með mismunandi gögnum, styrkir líkurnar á orsökin sé sú sem fylgnin tengist.

Tímaþáttur: Áhrifin verða að koma fram eftir orsökina (oftast með töf). 

Trúverðugleiki: Líklegar skýringar á milli orsaka og afleiðinga er gagnlegt.

[Vagn (IP-tala skráð) 30.5.2023 kl. 09:13]

Sir Austin Bradford Hill gat sannað orsakatengsl reykinga og lungnakrabbameina því hann hafði bæði fylgni og samanburð tveggja hópa, þeirra sem reyktu og þeirra sem ekki reyktu. Þú kemst að niðurstöðu án þess að hafa samanburð, án þess að vita hvort einhver munur sé á sprautuðum og ósprautuðum.

[Wilhelm Emilsson, 30.5.2023 kl. 09:41]

Munurinn á fylgni og orsakasamhengi er grunnatriði í rökfræði og vísindum, Geir. Ef Þjóðverjarnir hefðu fundið orsakasamband hefðu þeir sagt það.

Talandi um líkur, ertu að segja að það sé líklegt að vísindin eins og þau leggja sig og öll heilbrigðiskerfi heimsins hafi verið að reyna að drepa okkur með COVID sprautunum í stað þess að reyna að verja líf okkar?

[Geir Ágústsson, 30.5.2023 kl. 09:56]

Wilhelm,

Nei, ekki frekar en framleiðendur svínaflensusprautunnar á sínum tíma hafi verið að reyna að framkalla drómasýki í ungmennum.

Vagn,

Sprautusölumenn eru ennþá að ríghalda í seinasta hálmstráið, "eintómar tilviljanir", en smátt og smátt molar úr því líka, með tíð og tíma. Í millitíðinni eru sem betur fer allir hættir að sláta sprauta sig með þessu nýstárlega glundri sem stöðvaði ekkert, bjargaði engum og dró úr engu.

[Wilhelm Emilsson, 30.5.2023 kl. 21:23]

Nú er ég hættur að skilja afstöðu þína, Geir. Ef COVID sprauturnar voru dauðasprautur þá var verið að reyna að drepa fólk með því að sprauta það.