Minnisblaðabrennur

Í dag birtist svolítil grein eftir mig á vefritinu Krossgötur, og endar á eftirfarandi orðum:

Margir þeirra sem urðu fyrir aðkasti fyrir að svo mikið sem staldra við minnisblöðin hafa tengst þéttum böndum í ýmsu samstarfi og jafnvel með vináttu. Mörg samtök hafa orðið til sem vinna hörðum höndum að því að koma áreiðanlegum og vönduðum rannsóknum til skila á mannamáli til þeirra sem hafa áhuga á slíku á meðan blaða- og embættismenn endurflytja fréttatilkynningar lyfjafyrirtækja. Einstaklingar með mjög ólíkar pólitískar áherslur en sameiginlega ástríðu fyrir málfrelsi og borgaralegum réttindum hafa fundið sameiginlegan vettvang fyrir samstarf og mannréttindabaráttu. 

Þetta er mögulega örlítill grenjandi minnihluti en hann mun ekki láta SARS-CoV-3 slá sig út af laginu. Ég vona að sem flestir vilji slást í hópinn, eða hópana. Kannski verður hægt að halda útihátíð slíks fólks og brenna minnisblöð til upphitunar. 

Ég meina þetta kannski ekki bókstaflega. Minnisblöð eru afskaplega þunnur og ómerkilegur pappír sem þarf að brenna í miklu magni til að eitthvað gagn sé af. En sem táknrænn gjörningur kannski góð leið til að fá útrás.

Núna þurfum við bara að bíða róleg eftir næstu veiru sem á að hræða okkur og amala innandyra og um leið takmarka hið hræðilega kolefnafótspor sem venjulegt og innihaldsríkt líf felur í sér. Verður það fuglaflensa? Kynlífsvörtur? Ný kórónuveira? Spennan magnast. En ég tel víst að álhattarnir, brjáluðu samsæriskenningasmiðirnir, anti-vísindafólkið, ömmumorðingjarnir, smitberarnir, kynþáttahatararnir og aðrir sem hafa ekki þróað með sér hjartavandamál, sjálfsónæmi og annað gott finni gott stuðningsnet í hverjum öðrum, og bjóði vitaskuld með opnum örmum þá sem sjá á eftir því að hafa látið smala sér í sprautuhallir.

Því þetta er mögulega bara rétt að byrja.

Athugasemdir

[Þórdís (IP-tala skráð) 1.3.2023 kl. 11:13]

Næsta "veira" gæti verið hið lamaða ónæmiskerfi landsmanna efti 800 þús. sprautur af sk. bóluefni. Eins og við sáum í fréttum í gær, er Þórólfur að kvarta undan dauðsföllum af streptókokkum (skarlatsótt). Við ættum að fara fram á rannsókn á sprautuðum og ekki sprautuðum. Eru ósprautaðir að fá strepptókokka og liggja á gjörgæslu?

[Geir Ágústsson, 1.3.2023 kl. 11:35]

Þórdís,

Rannsóknir eru að velta í stórum stíl upp á yfirborðið víða um heim og ástandið er drungalegt í tilviki margra kvilla, sérstaklega hjartakvilla.

[Jón Steinar Ragnarsson, 2.3.2023 kl. 00:21]

Menn hafa lítið sem ekkert nefn að mannslíkaminn inniheldur milljarði vírusa sem margir hverjir eru nauðsynlegir afkomu hans. Jafnvel ónæmiskerfinu sjálfu. (Virome)Líkami okkar er að stórum hluta samfélag veira, baktería og gerla. Þetta er viðkvæmt vistkerfi. Menn finna t.d.fljótt á meltingunni ef þeir éta sýklalyf og þurfa að byggja gerlaflóruna upp að nýju.

Aldrei hefur verið rannsakað hvað það geri að senda ígildi gereyðngarvopns þar inn til að ganga frá vírusum. Er þetta RNA bara að ráðast á einn vírus eða hefur hann aðgang í þá alla? Ef svo er þá er ekkert skrýtið að einhver dómínóeffekt fari af stað.