Nýjustu vísindi: Vítamínpillur virka ekki

Frá örófi alda hafa menn notað svokölluð fæðubótarefni. Þau eru svo skilgreind í íslenskri orðabót:

efni sem bæta úr skorti líkamans á næringarefnum (oft neytt við líkamsrækt og megrun)

Sem dæmi um fæðubótarefni má nefna vítamínpillur og duft af ýmsu tagi, lýsi og jafnvel vökva úr ákveðnum tegundum sveppa.

En vítamín og fæðubótarefni virka ekki segja nýjustu vísindi. Þau styrkja ekki ónæmiskerfið. Þau koma ekki í veg fyrir að tiltekin veira sé gerð skaðminni. Þau hjálpa líkamanum ekki að sigrast á veirum og þeir sem halda slíku fram fá áminningu frá yfirvöldum. Yfirvöld réttlæta afskipti sín með því að búa til strámann og fella hann: Að einhver haldi því fram að fæðubótarefni komi í veg fyrir sýkingu, sem er ekki rétt. Allir vita að ónæmiskerfið kemur ekki í veg fyrir sýkingar. Hins vegar getur það verið misvel í stakk búið að takast á við þær.

Þess vegna var í sjálfum heimsfaraldri lagt mikið kapp á að minnast ekki á bætandi áhrif fæðubótarefna og lá nánast við að þau yrðu nefnd lyfleysa og skottulækningar. 

Það eina sem virkar er fæða úr fæðupíramída yfirvalda og auðvitað sprautur lyfjafyrirtækjanna.

Sem betur fer trúðu fáir þessari upplýsingaóreiðu yfirvalda og héldu áfram að taka sín fæðubótarefni. Aðrir gerðu enn meira og fundu upp nýjar aðferðir til að búa til vítamín. Sala á lýsi fór sennilega ekki niður um einn dropa, nema síður sé. Hin nýju vísindi voru vissulega við stjórnvölinn: Fólk lét sprauta sig aftur og aftur jafnvel þótt að það hafi síðan árið 2021 verið ljóst að það hafði engin áhrif. En vítamínin héldu menn líka áfram að taka. 

Ný vítamín framleidd með byltingarkenndri tækni

Athugasemdir

[Kristinn Bjarnason, 7.2.2023 kl. 19:08]

Þær verða skrítnari og skrítnari þessar herferðir gegn almenningi. Það er eins og við séum í stríði við yfirvöld án þess að vita af því. Athyglisverð grein í fréttin.is.

Dr. Manuel Jesús Rodriguez, sem er vel þekktur réttarlæknir á Spáni, hefur upplýst að æðstu embættismenn ríkisins, stjórnmálamenn og dómarar hafi ekki verið sprautaðir með Covid „bóluefnum“, eða hafi fengið saltvatn í staðinn. Þetta er samkvæmt opinberum skjölum sagði læknirinn og ítrekaði: „Ég endurtek, það eru til gögn frá landlæknisembættinu (Colegio de Médicos) sem staðfesta það. Þetta kom fram í viðtali við Rodriquez á spænsku stöðinni Canal 5 í síðasta mánuði.

Dr. Rodriguez sagði í fyrrnefndu viðtali: „Eftir 16.000 krufningar sem gerðar voru í Asturias á Spáni á einstaklingnum sem létust af völdum Covid eða með Covid, fannst ekkert óeðlilegt og ekkert grunsamlegt í krufningum áður en sprautuherferðin hófst. En í krufningum sem aftur á móti voru gerðar eftir að herferðin hófst er að finna blóðtappa, allt að einn metra að lengd, auk hrörnunar í öllum líffærum þeirra látnu.“  Það ætti e.t.v. að skoða blóðið í ráðamönnum hér og athuga hvort þeir hafi fengið eitrið.

[Vagn (IP-tala skráð) 7.2.2023 kl. 20:05]

Ef þú þjáist ekki af vítamínskorti þá er vítamínát gagnslaust og í besta falli skaðlaut. Að ætla að efla ónæmiskerfið með áti á vítamínum og fæðubótarefnum er eins og að ætla að styrkja vöðvana með bókalestri eða auka hárvöxt með því að hlusta á tónlist. 

[Geir Ágústsson, 7.2.2023 kl. 21:46]

Vagn,

Þetta var góður fyrirvari: 

Ef þú þjáist ekki af vítamínskorti

Við á norðurhjara fáum voðalega lítið af D-vítamíni frá sólinni, svo dæmi sé tekið. Eiga leiðbeiningar til almennings þá ekki að vera þær að bæta úr því? Taka lýsi? Taka D-vítamín? D-vítamín er jú mikilvægt, ekki satt? Styrkir ónæmiskerfið, ekki satt?

Slíkar leiðbeiningar voru í svokölluðu smáu letri. En sprautuhallirnar buðu upp á pizzu og tónlist. Og auðvitað sprautur, gegn svimandi gjaldi til sprautusala.

Heilbrigðisyfirvöld voru, og jafnvel eru, sölumenn, umfram allt.

[Vagn (IP-tala skráð) 7.2.2023 kl. 22:42]

Jafnvel á norðurhveli jarðar er d vítamínskortur ekki mikið vandamál. Sólin og lýsi eru ekki einu d vítamíngjafarnir. Og d vítamín spilar ekki stórt hlutverk í viðhaldi ónæmiskerfisins. D vítamínskortur og þú gætir misst tennurnar áður en ónæmiskerfið sýnir veikleika. En sölumenn fæðubótarefna og vítamína lofa vörn við öllu og lækningu, með sögum til sannana því gögn og rannsóknir styðja ekki fullyrðingarnar. Og þó þetta séu sennilega þau efni sem mest eru rannsökuð þá hefur enn ekkert fundist sem styður ofurtrú margra sem ekki búa við neinn skort á þeim. Sennilega eru 99,999% af innbyrtum vítamíntöflum komin í klósettið innan dags án þess að hafa gert nokkuð fyrir heilsu neitandans.

[Geir Ágústsson, 8.2.2023 kl. 07:22]

Vagn,

Ég er ánægður að heyra að þú passir þig á að fá nóg D-vítamín, t.d. í gegnum neyslu á fiski. Því miður er D-vítamínskortur mjög útbreiddur og það hefur margar slæmar afleiðingar í för með sér. 

Passaðu þig svo á þessum sölumönnum vítamína sem lofa "vörn við öllu". Ég hef ekki rekist á þá en gott að vita af þeim.

[Vagn (IP-tala skráð) 8.2.2023 kl. 08:59]

" Ég hef ekki rekist á þá en gott að vita af þeim..." Ekki rekist á en ert allavega duglegur að endurtaka órökstuddar fullyrðingar þeirra. Megnið af því sem þú heldur fram kemur úr auglýsingaheimum en ekki líffræði, næringarfræði eða læknisfræði.

[Geir Ágústsson, 8.2.2023 kl. 10:32]

Vagn,

Ég læt visku ömmu minnar heitinnar duga. Læknirinn hennar sagði, þegar hann fann enga beinþynningu í henni á sínum tíma, hún þá komin á tíræðisaldur: "Þú hlýtur að hafa tekið lýsi alla ævi".

Já, heldur betur.