Mokað undir rassgatið á milljónamæringum

Þeir eru margir lágtekjuskattarnir á Íslandi, þ.e. skattar sem fyrst og fremst leggjast á launafólk og eru nýttir til að borga innviði fyrir og þjónustu við þá efnameiri.

Skattatilfærslur frá lágtekjufólki til hátekjufólks.

Allskyns lækkanir á gjöldum á rafbíla eru hrópandi gott dæmi. Rafbílar eru þungir og slíta vegum en kostnaðinn greiða þeir á öllu léttari, hagkvæmari, ódýrari og langdrægari bílum.

Tóbaks- og áfengisskattar eru líka lágtekjuskattar. Ekki reykir ríka fólkið jafnmikið og þeir með lægri tekjur og þeir efnuðu fylla vínskápa sína með fríhafnaráfengi eftir utanlandsferð sína á meðan þeir sem geta síður ferðast þurfa að fara í vínbúðir ríkisins til að sækja sopann gegn fullri skattheimtu og með aukaálagningu ríkisverslananna.

Skattar á leigutekjur eru lágtekjuskattar, greiddir af efnalitlu fólki sem hefur ekki efni á að kaupa sér húsnæði. Við fyrstu sýn mætti halda að slíkir skattar leggist á efnameiri útleigjendur en þeir verðleggja auðvitað skattinn í húsaleiguna, rétt eins og þeir verðleggja húsaleigubæturnar í hana en fá þann pening beint í vasann. Leigjendur borga því tvöfaldan skatt: Einn í formi skatta á leigutekjur, og annan í formi millifærslu í vasa útleigjanda sem nemur húsaleigubótunum.

Ekki skil ég af hverju jafnaðarmenn svokallaðir sætta sig við þetta. Eru þeir kannski bara hrifnir af öllum sköttum, líka lágtekjusköttum?

Boðar nýjar ívilnanir vegna rafbíla

Athugasemdir

[Guðjón E. Hreinberg, 16.9.2022 kl. 11:45]

Gulli Talleyrand styður dráp á Liþíum námaverkamönnum og honum er greinilega sléttsama um hvernig rafhlöðuframleiðsla gengur á auðlindir jarðar sem duga ekki fyrir alla rafbílavæðinguna sem hann og Davos mafían styður.

[Símon Pétur frá Hákoti (IP-tala skráð) 16.9.2022 kl. 12:09]

Þetta er raunsönn lýsing á nómenklatúru Sjálfatæðisflokksins, ESB búrakommanna.

Valhöll er nú sem Kreml var sovéska kommúnistaflokknum, forðum tíð.

[Geir Ágústsson, 16.9.2022 kl. 12:29]

Símon,

Já, nema hvað vinstrið klappar með og ljáir atkvæði sín þessu rugli: Áfengis- og tóbaksgjöld, ívilnanir fyrir rafmagnsbíla, virðisaukaskattur á föt og matvæli og listinn yfir lágtekjuskatta heldur endalaust áfram. 

[Símon Pétur frá Hákoti (IP-tala skráð) 16.9.2022 kl. 12:31]

Meðaumkun mín með sjálfstæðismönnum vex nú með hverjum deginum sem líður. 

Slepjan og dyggðaflöggun ESB kommisara Valhallar birtist nú í Græningjasköttum.  Þeir keyptu köttinn í sekknum sem kusu Skattaflokk dauðans. 

Með þessu áframhaldi endar Valhallarflokkur Bjarna, Gulla og bimbóanna í 15% fylgi (10% efstu tíundar+5% vonnabía, hinna trúgjörnustu og blindu).

[Vagn (IP-tala skráð) 16.9.2022 kl. 12:32]

Á móti kemur að þeir efnameiri kaupa frekar dýrari mat, hluti og þjónustu og borga því meiri virðisaukaskatt. Eru heilsuhraustari og þurfa því síður á heilbrigðisþjónustu að halda. Og kaupa frekar aðgerðir á einkastofum en að bíða eftir ókeypis þjónustu ríkisins. Auk þess sem ýmsar bætur falla niður þegar tekjur eru yfir einhverjum mörkum. Og aðrar, sérstaklega þær sem eiga að vera við tekjumissi, takmarkast við vissa krónutölu þó inngreiðslan, skatturinn, hafi tekið mið af launum. Hinir ríkari kosta því ríkið töluvert minna en hinir tekjulágu og borga hærra hlutfall launa sinna í tekjuskatt.

[Símon Pétur frá Hákoti (IP-tala skráð) 16.9.2022 kl. 12:35]

Geir,

vitaskuld klappar vinstrið og grænslepjan þegar forysta Sjálfstæðisflokksins er orðin yfirfull af vinstri grænslepju. 

[Geir Ágústsson, 16.9.2022 kl. 13:14]

Vagn,

Allt góðir punktar, en núna á að hækka neysluskatta á tekjulága og halda sköttum á þá ríku í ró. Hinir tekjulágu eru því í raun að brúa að hluta gatið í fjárlögunum. 

Í stað þess bara að minnka báknið, sem Sjálfstæðismenn þykjast kalla slagorð hjá sér.

[Ásgrímur Hartmannsson, 16.9.2022 kl. 16:18]

Magnaðast finnst mér að þessar skattahækkanir allar hjá þeim eiga víst að draga úr verðbólgu.

Hvernig, það veit ég ekki.  Með göldrum, kannski?

[Geir Ágústsson, 16.9.2022 kl. 17:31]

Ásgrímur,

Þú ert einfaldlega ekki að fylgjast með, það er vandamálið! Sko, auknar skatttekjur verða nýttar til að niðurgreiða sumt af því sem hækkaði í verði vegna verðbólgu en ekki annað. Til dæmis rafbíla. Fyrir ríka fólkið. Á kostnað þess fátæka.

Hagfræði 101, kæri minn.