Aðskilnaður yfirvalda og almennings

Þú getur náð þeim stað í samfélagi þínu þar sem fólkið í forsvari, og kjölturakkar þeirra í fjölmiðlum, verður svo fullkomlega aftengt áhyggjum raunverulegs fólks, orðið svo algjörlega áhugalaust um líf borgaranna, að samfélagið verður mjög óstöðugt, og við erum fljótt að nálgast þann tíma.

----

You can reach a place in your society where the people in charge, and their lapdogs in the media, become so completely disconnected from the concerns of actual people, become so totally uninterested in the lives of citizens, that society becomes very volatile, and we are fast approaching that point.

Svona kemst bandaríski fjölmiðlamaðurinn Tucker Carlson að orði. Hann er að fjalla um evrópsku orkukreppuna og Úkraínu en gæti alveg eins verið að tala um veirutíma, skuldastöðu Reykjavíkur, aðförina að fjölskyldubílnum, eftirlitsbáknið, Evrópusambandið í breiðu samhengi, innnflytjendur og pólitískan rétttrúnað eins og hann leggur sig. Hvert sem litið er má sjá fólkið í forsvari að tala um vandamál sem koma hinum venjulega manni ekkert við og eru í raun ekki til staðar, og búa til vandamál sem skaða mjög illa líf hins venjulega manns. Þetta er rof og það er raunverulegt og fer stækkandi.

Mér finnst þetta vera mjög viðeigandi viðvörun og henni er hér með deilt til ykkar.

Athugasemdir

[Ásgrímur Hartmannsson, 3.9.2022 kl. 22:00]

Þessi tími er löngu kominn.

Hefur staðið yfir ansi lengi.

Þetta er minna vandamál á landsbyggðinni og smærri bæjum, þar sem bæjarstórar umgangast fólkið.

Mikil völd kalla á mikla fyrringu.

[Helga Kristjánsdóttir, 4.9.2022 kl. 01:07]

Það tók sinn tíma hér að komast að því.Er ekkert skap í okkur? Jú en viðvörun og sírenan í tölvunni er óðara komin á vettvang og vonlaust að stinga af. Ég hef stundum talað góðlega við hana og hún leyfir mér að klára,á móti veit hún að viðvörunin dugði. Skrítið þegar aðrir láta gamminn geysa,ég mett það þannig að þeir hafa fleiri ráð undir rifi hverju,heldur en örvasa gamalmenni.   

[Guðmundur Ásgeirsson, 4.9.2022 kl. 15:36]

Stöðugleiki er margnotuð tugga. En stöðugleiki hverra?

Sá sem er á strípuðum örorkubótum lifir við umtalsverðan fjárhagslegan stöðugleika sem felst í því að sama hvað gert er aukast tekjurnar ekki. Ég efast um að neinum sem býr við það sé annt um slíkan stöðugleika.

[Jónatan Karlsson, 4.9.2022 kl. 16:30]

Líkt og endranær þá ert þú með fingurinn á púlsinum Geir, en ég óttast að þú og í þessu tilfelli Tucker Carlson sem þú vitnar í séuð allt of hlédrægir í skoðunum ykkar, eins og dæmið um kjölturakkana hjá fjölmiðlunum sannar, því það eru sjálfir stærstu fjölmiðlarnir á borð við okkar eigið RÚV og auðvitað Reuters mafíuna alla, sem eru auðsveip handbendi Davos klíkunar sjálfrar og aumingja blaðamennirnir og ritstjórarnir verða auðvitað að hlýða.

Er það ekki t.a.m. augljóst að pínulitla útvarpsstöðin með miklu hlustunina hér skíta skerinu fær ekki krónu úr þessum svokallaða fjölmiðlastyrk, því þessi eina frjálsa rödd fólksins skal sett á hausinn með öllum ráðum - hvað sem það kostar.

[Geir Ágústsson, 4.9.2022 kl. 19:37]

Ásgrímur,

Sammála því, en það er oft erfitt að sitja í miðri hringiðunni og vita hvenær "breaking point" kemur. Ætli Rómverjar á sínum tíma hafi vitað það, jafnvel þótt margir væru að flýja borgirnar og elítan að drekka sig fulla í kynlífssvalli?

Helga,

Það er mögulegt að taka ákveðin skref til að verja sig ef og þegar hrunið skellur á. Mismunandi eftir aðstæðum auðvitað.

Guðmundur,

Orðið "óstöðugt" var kannski slæm eða óviðeigandi þýðing á orðinu "volatile", sem getur þýtt ýmislegt. Stöðugleiki í því slæma er auðvitað slæmur stöðugleiki.

Jónatan,

Já, við erum hlédrægir. Hér er annar aðeins beittari: "The culture war is real and it is important. But our high-dudgeon focus on woke leftists and extreme elements on the right is also a top-down strategy aimed at drawing attention away from Washington’s ineptitude. Our leaders are fiddling while the country burns: When will we stop dancing to their outrageous tune?"