Ekki treysta vísindunum

Allt fram til ársins 2020 hafa Íslendingar talið lýsi vera allra meina bót, hollt og gott, styrkir ónæmiskerfið og varðveitir bein og sjón.

Lýsi gæti jafnvel hjálpað líkamanum að takast á við veirur!

En svona tal er víst ekki vísindalegt. Í athyglisverðri frétt um vandræðagang íslensks lýsisframleiðanda kemur meðal annars fram að vísindarannsóknir á lýsi hafi fengið opinberan styrk sem var svo dreginn til baka og framleiðandinn fékk að auki skammir frá opinberri eftirlitsstofnun fyrir að fjalla um lýsi sem heilseflandi varning. Hið opinbera reyndi þannig að þagga niður í öllu þessu lýsistali og vísar í lista Evrópusambandsins yfir heimilar fullyrðingar.

Sem betur fer tók ég ekkert mark á þessum ríkisvísindum og jók um haustið 2020 daglega lýsisneyslu mína í 2 matskeiðar, auk fjölvítamíns, og hef haldið þeim takti síðan.

Þegar ég fékk COVID-19 í janúar upplifði ég það sem svolitla syfju í nokkra daga. Þegar börn mín fengu COVID-19 á færibandi nokkrum vikum seinna og hóstuðu í 2-3 daga framan í mig þar sem þau lágu í sama rúmi og ég þá tók ég ekki eftir neinum einkennum þótt ég væri að þiggja mikinn örvunarskammt af veirum. 

Ég ætla því að gera það sem lýsisframleiðandi má ekki og fullyrða, eins og amma mín heitin og mamma alla tíð, að lýsi er heilsueflandi og styrkir ónæmiskerfið og bæta við að lýsi getur hjálpað fólki að sigrast á heimsfaraldri án þess að veikjast alvarlega. 

Og þessi listi Evrópusambandsins er nothæfastur sem klósettpappír.

Ríkisvísindin eru hér eins og í mörgum öðrum málum úti á þekju og þau má rólega hunsa afleiðingalaust.

Athugasemdir

[Vagn (IP-tala skráð) 8.6.2022 kl. 14:08]

Svipað hér. Nema hvað ég fékk mér Prins Polo eða MM með morgunkaffinu frekar en lýsi, vissi að það mundi gera sama gagn eða meira. Enda dauðsföllin mest í þeim aldurshópi sem lengst hefur tekið lýsi og er duglegastur við lýsistökuna og fæst hjá þeim sem heimsækja nammibarina reglulega. Eiginkonan fór svo þá leið að fæla veiruna frá og draga úr áhrifum hennar með því að reykja Winston, og það virkaði einnig vel.

[Geir Ágústsson, 8.6.2022 kl. 16:13]

Þessi algjöra meðvitaða vanræksla á ónæmiskerfinu útskýrir mögulega þessa hræðslu þína við veiru og stuðning við valdníðslu ríkisins.

[Ásgrímur Hartmannsson, 8.6.2022 kl. 17:01]

Fékk mér einu sini lýsi með Jagermeister.  Lýsið entist í svona viku.  Orsakaði talsverðan svima, sem mér skilst að orsakist af blóðþynnand virkni þess.

Góðir tímar.

[Vagn (IP-tala skráð) 8.6.2022 kl. 18:49]

Ef þessi algjöra meðvitaða vanræksla á ónæmiskerfinu skilar sama árangri og át á fiskifitu og hinum torkennilegustu fæðubótarefnum markaðsaflanna þá sé ég ekki að það sé eitthvað sem beri að forðast. Og, stattu á þínu og þinni sannfæringu, að forðast veirur sem drepa ætti fólk alls ekki að gera nema hafa til þess vit, eða svo segir Darvin.

[Geir Ágústsson, 8.6.2022 kl. 20:55]

Vagn,

Ánægður að sjá þig beita gagnrýnni hugsun á fullyrðingar sem, að sögn, eru studdar vísindum. Ekki jafnánægður með óbeina ósk þína um að gera börn mín föðurlausan, en þannig er það.

Bendi um leið á allskyns ævintýralegar fullyrðingar kapítalísks fyrirtækis að reyna troða í okkur afurð sinni, og óska þér góðra bréfasamskipta við þennan aðila sem vantar kannski aðra ámminningu frá varðmönnum lista Evrópusambandsins um hvað má og má ekki segja (nema embætti sóttvarnalæknis fullyrði, því þá má fullyrða út í eitt, afleiðingalaust):

"Áhrif sjávarfangs á líkamann eru vel þekkt og hafa verið studd vísindalegum rökum. Áhrifin eru að mestu rakin til Omega-3 fjölómettuðu fitusýranna EPA og DHA. Líkaminn getur ekki framleitt Omega-3 fitusýrur sjálfur og þarf því að fá þær úr fæðunni. Neysla lýsis og fiskmetis er ein besta leiðin til að sjá líkamanum fyrir Omega-3.

Snemma á síðustu öld voru heilsusamleg áhrif D-vítamíns uppgötvuð. Þar sem þorskalýsi er ein mesta náttúrulega uppspretta D-vítamíns varð það fljótt vinsælt hráefni til framleiðslu vítamínsins.

Í lok 7. áratugarins var svo sýnt fram á áhrif Omega-3 fitusýra úr sjávarfangi, einkum EPA og DHA, á hjarta og æðakerfi. Síðan þá hafa þúsundir rannsókna staðfest mikilvægi Omega-3 fitusýra.

Hin síðari ár hafa rannsóknir einnig beinst að DHA og tengslum fitusýrunnar við þroska fósturs, sér í lagi við þroska heila og taugakerfis."

https://www.lysi.is/heilsa

[Vagn (IP-tala skráð) 8.6.2022 kl. 22:12]

Slæmt að heyra að þú teljir þig ekki hafa vit til að forðast veirur sem drepa. En sjálfsagt þekkir þú þig best sjálfur.

"Áhrif sjávarfangs á líkamann er..."  og síðan ekki orð um ónæmiskerfið, varnir gegn veirum, lækningu á ilsigi, skalla eða stami. En þér er frjálst að halda það og halda því fram að þú teljir það...svo lengi sem þú ert ekki hagsmunaaðili, hefur ekki fjárhagslegan ávinning af því að einhver taki þig trúanlegan.

En sért þú hagsmunaaðili þá verður þú að nota reynslusögur þar sem einhver segist hafa tekið lýsi með góðum árangri gegn flösu eða vírusum, bætt meltinguna, holdris og sjónskekkju. Mátt jafnvel nota orðalag eins og -- Í aldir hafa Íslendingar notað lýsi gegn...o.s.frv.-- Þá þarf ekki að koma fram að sennilega hafi það samt verið gagnslaust og Íslendingar drepist engu síður en aðrir úr öllum þeim pestum sem yfir landið gengu. Annað sem einnig má segja er að rannsóknir beinist að áhrifum á fóstur, lesblindu, taugakerfi eða sjónvarpsdagskrá. Það segir ekkert um vöruna að einhver sé að rannsaka hvort eitthvað sé möguleiki.

[Geir Ágústsson, 9.6.2022 kl. 08:04]

Vagn,

Takk. Ég held þá áfram að halda því fram sem ég finn á eigin skrokki, og er meira að segja að troða lýsinu í ung börn án þess að spyrja um álit þeirra á því. 

Eldræða þín gegn lýsi móttekin.

[Vagn (IP-tala skráð) 9.6.2022 kl. 09:22]

Ég hef ekki sagt neitt sérstakt gegn lýsi. Bara bent á að það sé þín ímyndun að það styrki ónæmiskerfið og að jafnvel framleiðandinn gangi ekki svo langt að segja það. Og bent á aðferðir og orðalag sem seljendur fæðubótaefna nota til að komast hjá því að upplýsa væntanlega kaupendur um raunverulega virkni fæðubótarefnanna.

Það heita placebo áhrif þegar fólk tekur efni með enga virkni og finnur mun á eigin skrokki.

[Geir Ágústsson, 9.6.2022 kl. 09:58]

Það er rétt að nýju veiruvísindin samþykkja ekki að omega-3 fitusýrir og D-vítamín og annað styrki ónæmiskerfið og þess vegna þarf að sprauta alla með nýja glundrinu. En það gera gömlu vísindin (til ársins 2019).