Ódýrir skór á verðbólgutímum

Danska skófyrirtækið Ecco hefur ekki lýst því yfir að það ætli að hætta allri starfsemi í Rússlandi.

Og hvað með það? Er ekki í lagi að senda skó til Rússlands og fá svolítið af rússneska gjaldeyrisforðanum fyrir greiðann?

Nei, aldeilis ekki. Fjöldi söluaðila hefur tilkynnt að þeir ætli ekki að selja Ecco-skó í ljósi afstöðu fyrirtækisins. 

Mögulega dettur einhverjum einstaklingum líka í hug að sniðganga fyrirtækið og kaupa sér Adidas eða Sketchers í staðinn.

Allt þýðir þetta minnkandi eftirspurn og ef framboðið er óbreytt þýðir það lækkandi verð.

Það má sem sagt búast við verðlækkun á Ecco-skóm.

Þessu fagna ég því ég kann mjög vel við Ecco-skó en þykir þeir vera aðeins of hátt verðlagðir miðað við endingartíma. Engir skór endast lengur en 6-9 mánuði á mínum fótum og fjárfestingin því valin í slíku ljósi.

Á meðan Evrópubúar neita sér um rússneskt gull og gera sig gjaldþrota með háum orkukostnaði eru Kínverjar og Indverjar að gera hið gagnstæða: Þiggja rússneska olíu á töluverðum afslætti. Þeir skora væntanlega ekki hátt á mælikvarða vestræns rétttrúnaðar.

En nú er að bíða eftir að Ecco blási í heimsins stærstu útsölu og birgja sig upp af skóm.

Athugasemdir

[Bjarni (IP-tala skráð) 28.4.2022 kl. 13:12]

Hafa kínverjar eða indverjar einhvern tíman skorað hátt á einhverjum mælikvarða?  Kínverjar skora reyndar hátt á mælikvarða kúgunar almennings, ritskoðunar og ofbeldis gegn eigin þegnum.  Indverjar skora hátt í barnaþrælkun og fátækt almennings á meðan nokkrir einstaklingar hafa auðgast um svimandi upphæðir.

Eru þetta þínar fyrirmyndir?

[Geir Ágústsson, 28.4.2022 kl. 13:17]

Bjarni,

Nei, þetta eru ekki mínar fyrirmyndir. Kannski miklu frekar fyrirmyndir fyrri eigenda Twitter. Þess vegna hef ég lagt til að þeir sem eru brjálaðir út í yfirtöku Elon Musk á Twitter færi sig yfir á kínverska samfélagsmiðla. Þar er gott skjól frá allir þessari óþolandi tjáningu.

[Bjarni (IP-tala skráð) 28.4.2022 kl. 13:54]

Við getum þó allavega verið sammála með twitter.  Kannski verða jafn margar skoðanir heimilaðar þar og fjöldi kynjana er orðin. Og rétttrúnaðarruslið láti sér jafn vel líka.

[Helga Kristjánsdóttir, 29.4.2022 kl. 00:55]

Ég fagna yfirtöku Musk á Twitter,kannske hjálpar Photo mér ef þeir verða í Kína;gaman að spjalla við Heng hún er íslensku mælandi.

[Geir Ágústsson, 29.4.2022 kl. 08:09]

Helga,

Kannski tekst Musk að verja Twitter gegn lögsóknum og árásum stjórnmálamanna, kannski ekki. Kannski heldur hann fast í hugsjónir sínar, kannski ekki. En þessi geðshræring vinstrimanna er aðhlátursefni. Þegar samfélagsmiðlar hafa verið að loka á fólk þá hefur vinstrið hampað einkaeignaréttinum. Núna er hann gagnrýndur. 

[Hrólfur Þ Hraundal, 29.4.2022 kl. 22:23]

Nú er ekkert hlægilegt hr. Geir nema litli karlin við mílu borðið. Það er gott að hafa sterk borð þegar sprengurnar taka að falla og það gerist nái karlinn ekki andlegri heilsu yfir Steingrím fláráða, sálufélaga sinn og Jóku vitlausu, með sín hundaðára mál, en Kata stírir og keirir en, en hvert?.