Vitstola þjóð fórnar börnum sínum

Kvalræðið sem nú er lagt á íslensk börn er hræðilegt.

Þau eru hrædd. Gerð logandi hrædd. Þróa með sér kvíða og streitu.

Þau eru einangruð. Jafnvel lokuð inni í herbergjum sínum. Ítrekað send í stofufangelsi og plantað fyrir framan skjá í einverunni.

Þeim er smalað í endalaus próf þar sem kvalarfyllstu mögulegu sýnatökuaðferðinni er beitt á þau. 

Þau eru sprautuð með efnum sem geta valdið þeim miklum óþægindum og jafnvel veikindum til að verja þau gegn veiru sem þau langflest hrista af sér, jafnvel án þess að taka eftir því.

Þeim er skipt upp í hópa: Þau sprautuðu og ósprautuðu. Foreldrar og kennarar segja að ósprautaðir séu bara hræddir vesalings einstaklingar sem óttast nálar og sprautaðir krakkar ganga á lagið og beita einelti.

Þeim er gert erfitt fyrir að eiga sér félagslíf og stunda íþróttir. Ef þau mega eitthvað þá er það í hólfum og umlukin varúðarorðum.

Skólagangan hangir sífellt á bláþræði því margir spekingar eru sífellt að stinga upp á lokun skólanna og gagnrýna yfirvöld fyrir að halda þeim opnum.

Mig grunar að nú séu að vaxa úr grasi einstaklingar sem er búið að eyðileggja til lífstíðar. Ef sálfræðiþjónustur seldu hlutabréf þá er viðbúið að ávöxtun þeirra verði gríðarleg.

Og þessu þegir þú yfir. 

Athugasemdir

[Vagn (IP-tala skráð) 20.1.2022 kl. 16:59]

Útsýnið er annað héðan úr návíginu en af pöbbnum í Kaupmannahöfn.

[Jón Steinar Ragnarsson, 20.1.2022 kl. 17:03]

Þetta er orðinn alger viðbjóður. Nú eru 32 á spítala með kovid en rétt rúmur þriðjungur þeirra vegna kovid. Flestir þeir sem liggja semsagt á spítala voru þar af öðrum ástæðum en smituðust inni á spítalanum. Meint og það sem var væntanlegt neyðarástand sem liggur til grunns þessum dragonísku höftum hefur ekki gengið efti. Það má heyra vonbrigðatón í heilbrigðisráðherra yfir því. Þvílíkt erkifífl.

[Geir Ágústsson, 20.1.2022 kl. 17:30]

Vagn,

Hver einasta málsgrein í færslu minni er byggð á vitnisburðum, fréttum, samtölum og frásögnum nærstaddra. En vonandi er ég bara að tala um örlítinn hluta barna örlítils hluta foreldra. Vonandi. Annars veit ég ekki hvaða börn þú umgengst. Ertu ekki skríthræddur við þau?

[Vagn (IP-tala skráð) 20.1.2022 kl. 18:07]

Hver einasta málsgrein í færslu þinni er byggð á vitnisburðum, fréttum, samtölum og frásögnum nærstaddra....og hefði eins vel geta hafa verið skrifuð fyrir 10-20 eða 50 árum síðan. Vitnisburðir, fréttir, samtöl og frásagnir nærstaddra er notað til að selja fæðubótarefni og kraftaverkameðöl. Vitnisburðir, fréttir, samtöl og frásagnir nærstaddra er notað þegar hveitipillan á að lækna getuleysi, krabbamein, lofthræðslu, ilsig og skalla.

[Þorsteinn Siglaugsson, 20.1.2022 kl. 18:22]

Hryllilegt að sjá hvernig geðsýkin hefur komið öllu siðferði fyrir kattarnef í þessu samfélagi.

[Kristín Inga Þormar, 20.1.2022 kl. 18:49]

Ég held að við séum alveg sér á parti hér á Íslandi í geðveikinni, veiruhrædd þjóðin virðist enn sturluð úr hræðslu þrátt fyrir tvær eða þrjár sprautur.

Ég held að þetta toppi alveg geðveikina að fara svona með börnin - og að láta sprauta þau.

[Geir Ágústsson, 20.1.2022 kl. 20:15]

Vagn,

Þú talar eins og vitavörður sem kemur hvergi nærri samfélagi manna. En ég skal svara þér.

Ég á vin sem á dóttur sem sofnar ekki á kvöldin. Hún skelfur af kvíða og ótta og hræðslu við veiru. Samt er hún búin að jafna sig á henni (vissi ekki af veirunni fyrr en hún var "greind"), og mamma hennar og pabbi. Allir hressir. En óttinn dvelur í henni. 

Ég sá myndband frá íslenskri móður sem fór með barn sitt í prófunarbrjálæðið á Suðurlandsbraut. Þar heyrðust öskur frá mörgum börnum. Öskur og óp. 

Ég sá manneskju tjá sig um einelti sem barn hennar er að verða fyrir af því það er hræðslupúki, hrætt við nálar. Þetta er að gerast, núna, í dag.

Nefkoksýni eru óþarflega ágeng leið til að sækja sýni í PCR-próf, og sérstaklega ætti að hlífa börnunum við svona harðneskjulegri sýnatöku. Koksýni eru tekin í Danmörku og enginn að kalla sérfræðinga hér skottulækna. Munnvatnssýni eru líka nægjanlega nákvæm til að nokkurn veginn kortleggja veiruútbreiðslu, sérstaklega meðal mikið sýktra. Stuttu pinnar hraðsýnanna líka. 

Og vonandi dregur vinstrimaður eins og þú ekki frétt RÚV í efa. Það væri skrýtið.

En ef ég þekki þig rétt Vagn, og þú leiðréttir mig gjarnan, þá er þér skítsama um líðan barna á meðan þessi eitt eða tvö stykki sem þú neyðist til að umgangast við sjaldgæf tækifæri eru ekki að valda þér andvöku.

[Ómar Geirsson, 20.1.2022 kl. 21:51]

Blessaður Geir.

Það er nokkuð fyndið ef félagi Vagn er orðinn vinstri maður, þá hefur mikið breyst í pólitíkinni frá því að mér fór fyrst að vaxa skegg seinni hluta síðustu aldar.

Hins vegar, þó þú færir í stílinn, þá eru orð þín vel umhugsunarverð, og þeir sem með völdin hafa mættu vel íhuga þessi sjónarmið.  Sem og foreldrar ef rétt er, ég hélt að sóttkví eða einangrun væri eins og hver önnur veikindi barna, og mé finnst skrýtið ef foreldri taki ekki vaktina með barni/börnum sínum.  Eiginlega trúi ég því ekki að slíkt sé ekki reglan.

En hvað sem öðru líður, þarf að ræða þessi mál, annað er eiginlega ósvinna.

En þetta með stílinn, ég kannast alveg við svona stíl.

Þú hefur fín tök á honum.

Kveðja að austan.

[Geir Ágústsson, 20.1.2022 kl. 22:05]

Ómar,

Takk fyrir innleggið.

Mér er eiginlega orðið skítsama um fullorðið fólk sem sprautar sig. Það gerir það bara. Í staðinn fyrir að gera eitthvað annað, til að fá vímu, til að sýna lit, til að vera memm, til að þóknast. Gott og vel.

En þegar börn eru vanrækt, beitt andlegu og líkamlegu ofbeldi, einangruð, gerð að kvíðasjúklingum, leidd inn í sláturhús. Þetta er hroðbjóður og viðbjóður. Ég á tvö börn sem ég geri tvímælalaust allt til að vernda gegn þessu. Sleppi því að skima þau oftar en mér finnst nauðsynlegt, fylgi þeim í skimun sem er vel á minnst rólegt koksýni sem lítil stelpa er hreykin af að standast, umgengst og knúsa þótt þau hafi verið merkt sem "mögulega smituð" og segi við eldra barnið að hvað sem hver segir þá sé ekkert að óttast. Sleppi grímunni í grímuskyldu umhverfi til að sýna andlit - bókstaflega. 

Ef ég þyrfti að leggjast inn í kvölum og börnin mín fengju eðlilegt líf, þá "so be it". Ef önnur börn fengju að fara í skóla og ég fengi vænan kinnhest daglega, gott og vel.

Fólk sem vill loka börn inni og svipta þau eðlilegu lífi hefur einfaldlega enga samúð hjá mér. Kannski vorið 2020 þegar enginn vissi neitt, en ekki síðan þá.

[Vagn (IP-tala skráð) 20.1.2022 kl. 22:12]

Það er ekkert nýtt að börn, og sumir fullorðnir, hræðist nálar.

Öskur og óp barna má einnig heyra í hvaða stórverslun sem er. Væntanlega kennir þú ekki tómötum og gúrkum um að vera að rústa geðheilsu og framtíð þeirra barna.

Einelti, þó þér finnist það ótrúlegt, var til fyrir daga covid og ástæðan var ekki útstæð eyru, rautt hár eða hræðsla við nálar. Ætli börn að leggja annað barn í einelti þá hafa þau mikið hugmyndaflug og eru ekki í neinum vandræðum með að finna eitthvað.

Svefnlausar nætur og hræðsla hafa sennilega mótað þínar pólitísku skoðanir og takmarkalausa aðdáun á kapítalistunum sem pössuðu að kommarnir létu ekki undan freistingunni að sprengja okkur öll í loft upp með kjarnorkusprengjum. Sé það rétt þá verð ég að taka undir það að sennilegast er það skaðlegt geðheilsu krakka og eltir þá langt fram á fullorðinsár. En þessu svefnleysi var reddað í gamla daga með því að ef þau færu ekki að sofa kæmi Grýla og æti þau, ef foreldrarnir köstuðu þeim ekki áður fyrir björg fyrir að vera umskiptingar úr álfheimum.

Koksýni eru tekin í Danmörku og á Íslandi, fylgstu með.

Og ég þarf ekki að draga frétt í efa þó ég efist um þær fullyrðingar sem viðfangsefnið setur fram eða túlkun einhvers verkfræðings á fréttinni. Þegar RUV sagði frétt um geimverulendinguna á Snæfellsjökli var það ekki frétt um að geimverur mundu lenda á Snæfellsjökli. Það er frétt ef maður bítur hund. En það getur einnig verið frétt að einhver segi menn bíta hunda. Hætta er á að einhver verkfræðingur telji það þá vera frétt um að menn stundi það að bíta hunda og að það hljóti því að vera satt.

[Hörður Þormar (IP-tala skráð) 21.1.2022 kl. 00:18]

Þessa dagana eru áttatíu ár síðan ráðstefna var haldin við Wannsee, í útjaðri Berlínarborgar. Fundarefni var að hanna hentuga aðferð til þess að útrýma öllum gyðingum.

Afleiðingar þessarar ráðstefnu eru flestum kunnar, þeim sem vilja. En þrátt fyrir frábært skipulag og dugnað í stóriðjurekstri reyndist ekki unnt að ljúka þessari framkvæmd að fullu.

Meira að segja fór það svo að Gyðingar stofnuðu ríki við botn Miðjarðarhafs, reyndar í mikilli óþökk þeirra sem þar bjuggu fyrir, en það er önnur saga.

Nú ber svo við að yfirvöld þessa gyðingaríkis hafa "ákveðið að leggja lokahönd á" ætlunarverk Wannsee ráðsefnunnar með því að sprauta "ólyfjan" í alla íbúa af gyðinglegum uppruna. Það mun valda ófrjósemi og heiladauða allra þeirra sem á annað borð lifa spautuna af.

Þetta mætti ætla að sé skoðun ýmissa þeirra sem lagt hafa orð í belg varðandi þessar Covid bólusetningar. 

Kannski eru ráðstefnummenn frá Wannsee að kætast þessa dagana, "í neðra"? 

[Ómar Geirsson, 21.1.2022 kl. 07:43]

Það þýðir ekki það sama að maður geri ekki eitthvað í því félagi Vagn.

Ég held að þú hafir gott að því að fara í foreldraskóla hjá félagi Geir, gætir kennt honum í leiðinni eitthvað um meinta vinstri mennsku þína.

En það er grunnhyggni að hundsa þessi sjónarmið Geirs, þó sterkir litir séu notaðir til að lýsa í heimi sem annars getur verið svo grámyglulegur.

Kveðja að austan.

[Vagn (IP-tala skráð) 21.1.2022 kl. 11:08]

Ómar, við kommarnir verðum að standa saman gegn þessum gráðugu kapitalistum sem vilja ekkert frekar en óttalaust fólk, sem alið er frá barnsaldri til að kunna ekki að forðast hættur, í verksmiðjurnar og stríðsreksturinn. Fólk sem fórnar sér haldandi að ekkert geti grandað þeim og að hræðsla við hættur sé geðtruflun. 

Og Geir setur tóninn með litum og penslastærð.

[Ómar Geirsson, 21.1.2022 kl. 11:57]

Já þú segir það, en ég man ekki betur en að Sparta sé fallin, og það er sagt að Gamla Grýla sé dauð.

Og jafnvel þó við finnum upp tímavél, þá er aðeins hægt að ferðast aftur í tímann, en ekki að flytja sjálfan timann aftur í tímann.  Þess vegna sleppum við aldrei við nútímann og þurfum að höndla hann þó vissulega ylji minningar okkur sem hrista hausinn yfir deginum í dag.

Ekki að ég skilji ekki pointið þitt félagi Vagn, en ég skil líka það sem Geir er að ympra á.

Mætti halda að maður væri kominn með Steingríms Hermanns vírusinn blessuð sé minning hans.

En ég kann vel við litsterka tóna, engin vöntun á þeim hjá ykkur félögunum.

Kveðja að austan.

PS.  Annars gat ég ekki annað en hlegið þegar þú minntist á samstöðu okkar kommanna, vissulega var hún til á meðan Húsbóndinn í Kreml hélt henni í greip sinni, en þegar ég fæ hvolpavitið og síðan annað vit uppúr 1970, þá var eina sem var öruggt um samstöðu ungra komma að ef 3 komu saman, þá stofnuðu þeir 4 félög, í það minnsta.

En það er önnur saga.