Veiran sem ætlar að lifa af

Er ekki vissara fyrir íbúa ríku ríkja heims að sprauta sig endurtekið og ítrekað á meðan íbúar annarra ríkja ýmist vilja ekki eða geta gert eitthvað slíkt? Með því að margsprauta þá ríku er jú hægt að stöðva heimsfaraldur, ekki satt?

Nei, auðvitað ekki. Ef sprauturnar virka þá eiga þær að rata í handleggi viðkvæmra um allan heim en ekki í handleggi hraustra krakka hræddra foreldra Vesturlanda.

Óháð sprautum þá virðist veiran sem er svo mikið í sviðljósinu hafi ætlað sér að lifa af. Og hverju gera veirur það? Jú, með því að smitast ört en drepa síður.

Kannski veira sé búin að átta sig á því núna.

Er smitfjöldinn ekki byrjaður að aftengjast dánartíðninni svolítið á heimsvísu? Það mætti halda.

Er það vegna sprautuherferða í litla krakka í ríkustu ríkjunum? Varla.

Látum það samt ekki stoppa okkur. Eða með frásögn af orðum sóttvarnalæknis Bandaríkjanna:

Top U.S. infectious disease expert Anthony Fauci said attending large gatherings of more than 40 people is considered not safe for vaccinated people, even those who got a booster dose.

Sprautan með öðrum orðum gagnslaus ef tilgangurinn með þátttöku í þeirri rússnesku rúllettu er að geta lifað eðlilegu lífi.

Þú færð kannski einhverja vörn gegn alvarlegum veikindum (gefið að sprautan valdi þér ekki alvarlegum aukaverkunum), eins og þeir sem taka lýsi á hverjum degi, en líf þitt er engu meira lifandi fyrir vikið.

Ótti er í mörgum tilvikum val. Í tilviki veiru er óttinn tvímælalaust val. Veldu óttann eða hafnaðu honum.

Skylda alla eldri en fimm ára í bólusetningu

Athugasemdir

[Trausti (IP-tala skráð) 24.12.2021 kl. 01:53]

Þetta er stjórnlaus heimska sem er í gangi. Hin almenna skynsemi er glötuð og týnd á vit forfeðra sinna.

Fólk stendur í röðum til að fá PCR próf sem er álíka vitrænt að hoppa ofan í eldgos til þess eins að fá þau skilaboð að þau þurfa að vera í sóttkví yfir jólin sem þau taka svo selfie af sér og birta á fb til að láta hina strumpana vorkenna sér. Æj sosorry!

Við hin sem höfum einhverja skynsemi þurfum lítið annað en follow the money slóðina til að sjá hverskonar illgresi hefur sprottið í stjórnsýslu ríkja um allan heim.

Stjórnmálamenn eru spilltir andskotar og við vitum það öll, og þá sérstaklega við sem tökum ekki þátt í svikamyllunni á 4 ára fresti.

EN hitt sem ég mun aldrei fyrirgefa og treysti á karma til að refsa þeim duglega í þessu lífi eða næsta er fjölmiðlafólkið sem þegir og tekur skipunum frá spilltum ritsjóra sem og heilbrigðisfólkinu sem tekur þátt í þessu glæpum. Innsæi ykkar hefur óteljandi mörgum sinnum látið ykkur vita að þið eruð að gera rangt en samt haldið þið áfram að gjöra fólki illt. Samviskan ykkar keypt á túkall. Ykkur verður minnst með kertafleytingu á Reykjavíkurtjörn að lokum enda mun sannleikurinn alltaf leita upp.

[Kristinn Bjarnason (IP-tala skráð) 24.12.2021 kl. 10:54]

Ég er svo þakklátur fyrir að lyfjafyrirtækin sem hafa verið dæmd í hæstu sektir fyrir allskonar glæpsamlega hegðun þar á meðal að múta læknum skuli hafa tekið höndum saman við fjölda milljarðamæringa sem halda að heimurinn sé ofhlaðinn af fólki og ætla að bjarga okkur öllum.

[Brynjar (IP-tala skráð) 24.12.2021 kl. 13:54]

Nú er ég orðinn logandi hræddur

[Jón Steinar Ragnarsson, 24.12.2021 kl. 14:51]

Sá að í Equador er búið að skylda alla yfir 5 ára í bólusetningu, sem hefur ekkert að segja. Í 18 milljóna þjóð haf 570 þúsund veikst og 37 þ dáið á 2 árum.

Þetta stemmir við það hlutfall sem veikist af flensu á ársbasis, þ.e. 3-11%. Þar eru 3% af þjóðinni sem hefur fengið flensuna. Raunar 1.5% ef deilt er á tvö ár.

89-97% veikjast bara alls ekki á hverju ári. Samt er bóluefnið teppalagt yfir alla. 
Ef hámarksprósenta veikist hér til að klára þetta hlutfall, þá þurfa um 37 þúsund að fá þetta. Við eigum 15 þúsund eftir til að klára kvótann, sem verður um miðjan febrúar ef maður treystir því að þeir missi algerlega stjórn á útbreiðslunni, sem maður vonar.

Í framhaldinu vil ég skora á Kára kóvíd að koma upp gagnabanka með greiningu á þeim sem ekki eiga genetíska hættu á að fá þetta, sem er, eins og ég segi, ríflega 90% þjóðarinnar. Þannig er hægt að læsa þessa pestargemla inni í næstu flensu og leyfa hinum að halda áfram með lífði otruflað. Það yrði góð fjárfesting.

Það er aldrei minnst á þessa statistík. Hugsanlega vegna þess að það er búið að kaupa bóluefni fyrir milljarða og að menn tíma ekki að láta það fara til spillis.

[Geir Ágústsson, 24.12.2021 kl. 22:37]

Jón Steinar,

Ekki veit ég hvort genin séu beinn áhrifavaldur en þónokkrar rannsóknir hafa að minnsta kosti bent til að ýmis konar frumuónæmi væri mun útbreiddara í samfélaginu en áður hefur verið talið. Og það eru góðar fréttir.

Tenglar fyrir áhugasama:

https://insight.jci.org/articles/view/146316

https://www.visir.is/g/20212069100d

https://www.nature.com/articles/s41598-021-92521-4

https://www.science.org/doi/10.1126/science.abd3871

https://news.ki.se/immunity-to-covid-19-is-probably-higher-than-tests-have-shown

[Jón Steinar Ragnarsson, 25.12.2021 kl. 13:15]

Ef aðeins 3-11% smitast á venjulegu flensuári, þá þarf enga vísindamenn til að segja okkur hversu útbreitt frumónæmið er. Það er ekki á óvarlegt að álykta að það tengist upplagi fólks og samsetningu.