Brestir

Eru að myndast brestir í samstöðunni um að endalausar sprautur í sífellt yngri í bland við handahófskenndar lokanir og óendanlegar skimanir sé leiðin út úr veirutímum?

Kannski. Ég veit um marga með tvær sprautur í handleggnum sem ætla ekki í þá þriðju jafnvel þótt það blasi við að tvísprautaðir verði bráðum flokkaðir í sama hóp og þverhausar meðal fullorðinna og lítil börn sem hafa ekki látið sprauta sig: Sem ósprautaðir.

Í Québec í Kanada virðist eiga (Google Translate) að hlífa eldra fólki sem er tvísprautað og hefur fengið Covid við því að fá þriðju sprautuna. Þriðja sprautan fyrir þennan hóp er einfaldlega talin vera of áhættusöm og of líkleg til að leiða til alvarlegra aukaverkana. Ætli þeir fái þá nokkuð að ferðast í framtíðinni?

Í Slóvakíu ætla menn að slaka á takmörkunum í miðri bylgju svo fólki geti skipulagt jólin sín. 

Hérna í Danmörku er búið að innleiða á ný grímuskyldu í verslunum en mun fleiri ganga engu að síður um grímulausir en í fyrri tímabilum grímuskyldu og allt starfsfólk er með allsbert andlit.

Í Bandaríkjunum eru þingmenn að setja flokkshollustuna til hliðar og stuðla þannig að viðspyrnu löggjafans gegn áætlunum framkvæmdavaldsins um að skylda fólk í sprautur (ella missa stöðu sína í samfélaginu).

Í mörgum ríkjum hafa staðið yfir kröftug mótmæli og viðbrögð yfirvalda við þeim víða slík að sumir telja réttinn til að mótmæla í raun vera afnuminn. 

Er almenningur byrjaður að sjá í gegnum þokuna? Erfitt að segja. Þótt smitum á heimsvísu fari fjölgandi nú eins og oft áður þá fylgja dauðsföllin ekki með og það þótt bara lítið hlutfall íbúa heimsins hafi látið troða sprautunum í sig. Það er helst að veiran sé enn vandamál þar sem er búið að sprauta marga. Hvernig stendur á því?

Þessir brestir í hlýðni almennings fara auðvitað í taugarnar á málpípum meginstefsins. Blaðamaður CNN er vægast sagt pirraður á þeim sem láta ekki sprauta sig jafnvel þótt það sé vitað að sprauturnar hindri ekki útbreiðslu, komi ekki í veg fyrir smit, geti valdið alvarlegum aukaverkunum og renna út á örfáum vikum. Og jafnvel þótt óbeinar afleiðingar aðgerða séu líka stórskaðlegar í sjálfu sér. Allt er hinum ósprautuðu að kenna.

Ekki veit ég hvernig framhaldið þróast. Kannski hafa sprauturnar og afstaða til þeirra leyst af hólmi kynþáttahatur, trúarstríð og fordóma aðalborinna fyrir sauðsvörtum almúganum. Ef svo er þá erum við á leið í aðskilnaðarsamfélag. Takist hins vegar að stækka brestina þar til tálmyndin brotnar þá er von að við getum snúið aftur til eðlilegs samfélags, það sem sumir kalla gamla normið en er í raun eina normið.

Athugasemdir

[Vagn (IP-tala skráð) 10.12.2021 kl. 11:01]

Það voru einnig nokkrir sem biðu eftir að brestirnir stækkuðu, almúginn risi upp og horfið væri til gamla normsins, eina normsins, þegar reykingar voru bannaðar á flestum stöðum. Svipað mátti sjá þegar bílbelti voru lögleidd.

Mörg ríki hafa notað þessi tæplega tvö ár til að lagfæra úrelt lög um sóttvarnir. Það kom nefnilega í ljós þegar fyrir alvöru þurfti að grípa til ráðstafanna að víða höfðu stjórnvöld mjög lítið svigrúm til aðgerða. Þegar þetta covid fer að slappast og hverfa verður gert upp og skoðaður árangur hinna ýmsu ráðstafana sem gripið var til. Viðbrögðin verða því sneggri og meiri þegar næsta drepsótt bankar á dyrnar.

Gömlu normin þegar reykja mátti í biðröðinni í bankann, ekki þurfti að nota bílbelti, giftingaraldur var 14 ára, kyssa mátti ókunnar ósamvinnuþýðar konur og klípa í rassinn, saur var safnað í fötur og losað út um gluggann, og skæðir smitandi sjúkdómar voru þitt einkamál koma varla aftur og biðin eftir að almenningur krefjist þess verður sennilaga löng.

[Kristinn Bjarnason (IP-tala skráð) 10.12.2021 kl. 11:25]

Það er grunsamlegt að óbólusettum fjölgi í smitum og innlögnum þegar þeir hafa 13 sinnum betri vörn gegn vírus eftir smit en bólusettir. Þeim er að takast best í baráttunni sem nota Ivermectin og samt gera yfirvöld á Íslandi allt til að koma í veg fyrir notkun þess hér þrátt fyrir að áhættan sé nánast engin. Það hljóta einhverjir að verða sóttir til saka fyrir þessa hegðun, þetta er ekki léttvægt. Bólusettir viðhalda vírusnum. Það þarf engann sérfræðing til að sjá að vandamálin eru stærst þar sem mest er sprautað. 

[Vagn (IP-tala skráð) 10.12.2021 kl. 12:57]

Kristinn, bólusettir smitast og hanga heima meðan óbólusettir smitast og fylla sjúkrahúsin. Og það hefur hvergi verið staðfest að Ivermectin geri neitt. 

Núna, eftir sprauturnar, eru smit ekki endilega vandamálið. Að óbólusettir smitast er vandamálið. Þessi 20% sem eru óbólusett eiga um og yfir helming álagsins á sjúkrahúsin. Hér mættu smit margfaldast, og létta mætti á takmörkunum, ef allir væru bólusettir.

Vandamálið þar sem mest hefur verið sprautað er að þar hefur samhliða fjölgun bólusettra verið slakað á sóttvarnaraðgerðum. Og þá skapast það vandamál að óbólusettir hafa enga vörn og fylla sjúkrahúsin. Og þá þarf að skella öllu í lás aftur og setja upp grímuna.

[Geir Ágústsson, 10.12.2021 kl. 13:25]

Fyrir áhugasama um gögn þá get ég mælt með þessari síðu sem tekur til danskra gagna:

https://covid19danmark.dk

Þar er meðal annars að finna línuritin "absolut antal inlæggelser" skipt á bólusetningarstöðu. 

Fyrir fólk undir 50 ára aldri eru flestir sem leggjast inn óbólusettir og undanfarið í stærðargráðunni 50 manns inniliggjandi fyrir þá yfir tvítugu (nánast engir yngri að leggjast inn).

Fyrir fólk yfir 50 ára aldrei eru flestir sem leggjast inn tví/þríbólusettir og undanfarið í stærðargráðunni 50 inniliggjandi 50-69 ára og 150 á dag fyrir 70 ára og eldri.

Stundum segja stærri gagnamengi aðeins skýrari sögu en suðið í angarsmáu talnamengi Íslendinga (sem er þó notað sem grundvöllur allra ákvarðana).

[Vagn (IP-tala skráð) 10.12.2021 kl. 15:31]

Ég tel ekki óvitlaust að taka mið af ástandi heilbrigðiskerfisins, fyrri hegðun landsmanna og útkomu fyrri aðgerða þegar spáð er í framhaldið. Agnarsmátt talnamengi Íslendinga gefur e.t.v. Íslendingum þær upplýsingar sem gagnast þeim best. Þó það sé ruglandi fyrir suma þá færu þeir yfirum ef við færum að miða við Frakka, Dani eða Kínverja í hegðun þegnana og ástandi heilbrigðiskerfa.

[Helga Kristjánsdóttir, 10.12.2021 kl. 15:44]

Kristinn bendir einmitt á þá ótrúlegu staðreynd að lyfjastofnun neitaði leyfis á innflutngi Ivermectin sem er vel þekkt og réð niðurlögum veirunnar á stuttum tíma,auk þess sögn læknis sem þekkir það vel eru minni aukaverkanir en af Paratabs. Nú fæst það loks en hefur hækkað upp í mörg þúsund krónur. Það þarf enga sérstaka skarpskyggni til að átta sig á að slíkt ráðslag er meira en óviðeigandi.

[Sindri Karl Sigurðsson, 10.12.2021 kl. 16:47]

Einfallt reikningsdæmi frá því í gær eða fyrradag sagði að 148 væru smitaðir og þar af væru 55 bólusettir.

Það er s.s c.a. 4 sinnum líklegra að smitast óbólusettur. Það segir mér að bólusetningin virki og þar með eigi að koma lífsstandardinum í samt lag.

[Geir Ágústsson, 10.12.2021 kl. 17:53]

Kannski ein brjáluð tillaga sé sú að koma fjölda sjúkrarúma upp í sama fjölda og árið 2009 þegar forstjóri Landspítalans þurfti að eiga við fleiri innlagnir vegna skæðrar flensu án þess að telja nauðsynlegt að lýsa yfir neyðarástandi. Talaði um að fjölga kannski gjörgæslurýmum "yfir helgina". 

Kannski möppudýrin séu endanlega tekin við af fagmönnum. Ekki einu sinni 25 hræður á Landspítalanum "vegna" COVID og veturinn í hámarki. Þetta verður aldrei búið á meðan blórabögglaleitin er endalaus ("Pólverjinn", "ferðamaðurinn", "útlendingarnir", "óbólusettir" og næst: krakkarnir ósprautuðu sem þarf að fylla af framandi efnum til að verja þá bólusettu miðaldra).

[Þorsteinn Sch Thorsteinsson (IP-tala skráð) 10.12.2021 kl. 20:46]

"...brestir í samstöðunni um að endalausar sprautur..."

[Þröstur (IP-tala skráð) 10.12.2021 kl. 20:48]

Hvenær ætlar fólk að fara að hætta að taka undir þessi smit sem er verið að hræða fólk með í fjölmiðlum á hverjum degi. Smit segir akkurat ekkert með þessi gagnlausu PCR próf. Gæti alveg eins sagt 140 manns eru smituð af flensu í dag og skólar og aðrar stofnanir loka útaf vegna þess.. Er bara ekki að skilja fólk .. ef ég gat lesið einfaldar upplýsingar um að þessi PCR próf eru gagnlaus til að segja til um hvort fólk sé "smitað" í apríl í fyrra hvernig stendur á því að fólk hefur ekki enn séð í gegnum þetta í lok 2021? Meðtekur fólk ekki upplýsingar eða nennir það ekki að leita? 

Fíllinn í herberginu sem er note bene BLEIKUR og á stendur PCR Próf en svo virðist vera að engin sér hann sama hversu oft hann þrammar fram og tilbaka.

PCR prófið getur ekki gert greinarmun á flensu eða covid. Ekki að ástæðulausu að þessi faraldur hefur verið kallaður PCR faraldurinn.

[Vagn (IP-tala skráð) 10.12.2021 kl. 20:51]

Draumaárið 2009 þegar kreppan var á fullu, atvinnuleysi í hæstu hæðum og enginn skortur á sérhæfðum hjúkrunarstarfsmönnum. Laun höfðu lækkað, lánin hækkað og ríkið gat valið úr háskólamenntuðum af atvinnuleysisskrá. Meðalaldur hjúkrunarfræðinga lægri, einkageirinn örstarfsemi, starfhæf sjúkrahús fleiri, enginn sagt upp vegna álags og áhlaupið á heilbrigðiskerfið búið eftir nokkrar stuttar vikur. Og samt hefur ábyggilega verið kvartað yfir að biðlistar lengdust, auka þyrfti fjárframlög og bæta þjónustuna.

[Geir Ágústsson, 10.12.2021 kl. 21:50]

Vagn,

Kannski er það vinnan þín, uppeldið, þeir sem þú umgengst, val þitt á lesefni eða eitthvað annað en þú ert greinilega ekki vanur að gera það sem einhverjir kalla "hugsa í lausnum". Sem málpípa meginstefsins á þessum þræði og öðrum þá sýnist mér það kannski vera þitt stóra framlag til umræðunnar. Og auðvitað að tala um X þegar umræðan er um Y, látum það kyrrt liggja.

Það var ekkert mál að gera samninga við verktaka þegar þurfti að loka hundruð manna inni með grun um smit eða hvað það var kallað. Og heldur ekki þegar þurfti að fara út í svokölluð hraðpróf. Enginn vandi að ræsa út aukamannskap í grænum hvelli með samningum sem voru skrifaðir á einu síðdegi, nánast. Enginn vandi að svelta heilsugæsluna um hjúkkur sem þurftu að sprauta lítil börn gegn veiru sem snerti þau varla en þurfa svo að heimsækja lækni til að eiga við aukaverkanir vegna sömu sprautu.

En að spítalinn sé fullur af hrumu fólki sem ætti miklu frekar heima á sérhæfðum stofnunum og stytta biðlista eftir aðgerðum sem aðilar úti í bæ kunna vel að framkvæma, svo dæmi séu nefnd: Nei, það heitir "einkavæðing heilbrigðiskerfisins" og má ekki snerta með priki.

"Einkavæðing sóttvarnaraðgerða" er hins vegar talin sjálfsögð. Og frábært að kennarar fái alla þessa heimadaga til að senda Youtube-tengla á 10 ára krakka sem eru lokaðir heima hjá sér og kalla það heimakennslu.

Innlegg þín hérna fræða lesendur meira um vanhæfni yfirvalda og ástæður hennar en nokkurt framlag hins fjölmenna herskara fjölmiðlafulltrúa hjá ráðuneytunum. Fyrir það þakka ég.

Annars þekki ég persónulega til menntaðs hjúkrunarfræðings sem starfar við afgreiðslu í dag. Ástæðan er ekki hatur á faginu, ótti við veiru eða sókn í hærri laun. Menn mega alveg giska í eyðurnar hér.

[Þorsteinn Siglaugsson, 10.12.2021 kl. 22:14]

Þessi grímuvitleysa er komin í algleyming. Þurfti að fara í Kringluna í dag. Þar var hver einasti kjaftur með grímu, en hvergi grímuskylduskilti. Fann loks eitt í Eymundsson og fór auðvitað þangað inn, grímulaus. Starfsstúlka kom og spurði hvort ég væri ekki með grímu. Ég sagði nei. Hún spurði hvort hún ætti að láta mig hafa grímu. Nei takk sagði ég. Þá fór hún að rausa um grímuskyldu og ég sagði henni að það væri ekki lagastoð fyrir slíku og hún skyldi þá bara hringja á lögregluna ef hún væri þeirrar skoðunar. Þá fór hún. Ég skoðaði einhverjar bækur bara svona til að þykjast eiga erindi. Þetta var ágætt. En alveg furðulegt að fólk sé vaðandi um með þetta á trantinum alla daga, bara af eigin hvötum.

[Þorsteinn Sch Thorsteinsson (IP-tala skráð) 10.12.2021 kl. 22:32]

Sæll Vagn, 

Já,já ekki gleyma að minnast á "áhlaupið á heilbrigðiskerfið", svo og víða um heim : 
KV.

The EudraVigilance database reports that through November 20, 2021 there are 31,014 deaths and 2,890,600 injuries reported following injections of four experimental COVID-19 shots:

COVID-19 MRNA VACCINE MODERNA (CX-024414)

COVID-19 MRNA VACCINE PFIZER-BIONTECH

COVID-19 VACCINE ASTRAZENECA (CHADOX1 NCOV-19)

COVID-19 VACCINE JANSSEN (AD26.COV2.S)

https://healthimpactnews.com/2021/31014-deaths-2890600-injuries-following-covid-shots-in-european-database-of-adverse-reactions-as-young-previously-healthy-people-continue-to-die/



"Do You Have Blood on Your Hands? Tens of Thousands of Children Age 5 to 11 Injected with Gene Therapy Shots"

"Whistleblower Reveals Fraud in Pfizer COVID Vaccine Trials as 5 to 11-Year-Olds Begin to be Injected Vaccine Deaths and Injuries to Follow"


"As Deaths and Injuries to Teens Increase After COVID-19 Shots Pfizer Asks FDA for Emergency Authorization to Inject 5 to 11-Year-Olds"

"CDC: Teens Injected with COVID Shots have 7.5 X More Deaths, 15 X More Disabilities, 44 X More Hospitalizations than All FDA Approved Vaccines in 2021"

"COVID Shots Are Killing and Crippling Teens in Record Numbers; Young Children Are Next"

[Guðjón E. Hreinberg, 11.12.2021 kl. 05:09]

Þorsteinn Sigl., við þurfum að fá þetta með lagastoðina skýrara. Ég hef mína skýringu en hún er langsótt. Mig vantar eitthvað hnitmiðaðra.

[Kristinn Bjarnason (IP-tala skráð) 11.12.2021 kl. 13:03]

Það er einkennilegt að sumum finnist í lagi að banna notkun lyfs sem í raunveruleikanum virkar mjög vel en allt í lagi að halda áfram að sprauta fólk með mjög svo vafasömum efnum sem að minnsta kosti virka ekki á vírusinn. Það liggur fyrir að stefnan er óbreytt ástand engar lausnir. Þá er bara eftir að komast að því hvers vegna.

[Vagn (IP-tala skráð) 11.12.2021 kl. 15:39]

Kristinn, það eina sem er einkennilegt er að sumum finnist að nota ætti lyf sem í raunveruleikanum hefur víða verið reynt en hvergi virkað og vilja hætta að sprauta fólk með efnum sem hafa sýnt verulega virkni þó hún sé minni en vonir stóðu til. Það liggur fyrir að stefnan er, og hefur verið, að nota þær bestu lausnir sem standa til boða.

[Ómar Geirsson, 11.12.2021 kl. 17:14]

Blessaður Geir.

Í pistli þínum tókst þér orða ágætlega ógn gegn samfélögum fólks og siðmenningu, ógn sem er afleiðing kóvid, og kemur í kjölfarið á annarri ógn, sem var lokun samfélaga, en engin siðmenning þolir slíkt til lengdar.

Þegar engar varnir eru til gegn drepsótt er fátt í boði en að skella í lás eða láta hana veikla og drepa þar til jafnvægi næst.  Varnarleysið réttlætir samfélagslegar lokanir, en í aðeins í þann tíma þar til varnir eru þróaðar, og þá þurfa menn að slaka á, aðlaga samfélagið að drepsóttinni út frá þeim vörnum sem er í boði.

En drepsóttin réttlætir ekki það sem þú lýsir með þessum orðum þínum; "Kannski hafa sprauturnar og afstaða til þeirra leyst af hólmi kynþáttahatur, trúarstríð og fordóma aðalborinna fyrir sauðsvörtum almúganum. Ef svo er þá erum við á leið í aðskilnaðarsamfélag".

Nothæf bóluefni sanna sig sjálf, þau sem veita ekki næga vörn þarf að þróa þar til þau gera það.  Á meðan þarf samfélagið að þrauka án þess að efna til ófriðarfagnaðar, slíkt er alltaf vinargreiði drepsóttarinnar.

Síðan get ég ekki að því gert að spyrja eins og Sindri hérna að ofan; "Það er s.s c.a. 4 sinnum líklegra að smitast óbólusettur. Það segir mér að bólusetningin virki og þar með eigi að koma lífsstandardinum í samt lag.", nema það má bæta við að samkvæmt nýjustu fréttum frá Feiser að þá er vörnin gegn alvarlegum veikindum næstum algjör eftir þriðju sprautuna.

Ef það er ekki lag núna, hvenær þá??

Kveðja að austan.

[Ómar Geirsson, 11.12.2021 kl. 17:54]

Blessaður aftur Geir.

Þetta átti víst að vera óvinafagnaður, en ágætis nýyrði samt að tala um ófriðarfagnað, því ófriður er afleiðing óvinafagnaðar.

En fyrst ég er á annað borð kominn inn, og búinn að vera svo ofsalega sammála, þá mætti kannski skerpa á að þegar aðeins vondir kostir eru í boði, þá þarf að fara rétt með báða svo hægt sé að taka vitiborna ákvörðun, eða skilja þær ákvarðanir sem eru teknar.

Félagi rafeind benti á hér að ofan réttmæt andmæli við þessi orð þín; "Það er helst að veiran sé enn vandamál þar sem er búið að sprauta marga.", þú veist það náttúrulega mæta vel að það var bein afleiðing af afnámi sóttvarna í viðkomandi löndum, og þar sem bóluefnin virkuðu aðeins í skamma stund gagnvart smiti, þá var augljóst að veiran myndi ná sér á flug.  Og það nóta bene getur aldrei verið að kenna þeim litla minnihluta sem lét ekki sprauta sig.

Um þróunina í þeim löndum þar sem Delta afbrigðið fór að herja, og stór hluti viðkomandi landa var ekki bólusettur, er ágætt að kynna sér reynsluna í ríkinu Tennessee í alríkinu USA.  Ég forvitnaðist um það ríki um daginn þegar ég var að skoða þróunina hjá vinum þínum í Flórída, vissi að Tennessee var í hjarta Suðurríkjanna og þar væri mikil andstaða við bólusetningar.

Þessa skjámynd tók af opinberi síðu Tennessee ríkis;

Það er yngra, hraustara fólkið sem lætur oftast ekki bólusetja sig, samt stráfellur það, en ekki eldra fólk, óbólusett.  Síðasta vetur var dánarhlutfallið 1 á móti 8 í aldurshópnum 21-60 ára, en 1 á móti 3 í síðustu bylgju sem hófst síðsumar.

Þetta er svona svart á hvítu um það sem heilbrigðisyfirvöld eru að segja okkur, kvikyndið er líka bráðdrepandi fyrir yngra fólk, fái það að malla og sýkja í friði.

En svarið er bólusetning, og þeir sem vilja hana ekki, taka sína áhættu, en sú áhætta getur aldrei verið rök fyrir ofsóknir eða fangelsun okkar hinna.

Og fylgifiskur kóvid bóluefna er margskonar, sumar jafnvel hættulegar, aðrar mjög hvimleiðar.  En kóvid kvikyndið drepur ekki bara, langtímakóvid er  þekkt og útbreitt, líka hjá yngra fólki. 

Þess vegna langar mig að vitna í grein sem var vitnað í á vefsíðu Lifandi Vísinda þar sem fjallað var um óbólusetta versus bólusetta.  Hún fjallaði um rannsóknir á langtímakóvid í Bretlandi og þar má lesa þessi orð;

"A study of people who were hospitalised for COVID-19 during the first wave in the UK found these patients were four times more likely to be readmitted to hospital and eight times more likely to die than a matched control group over an average follow-up period of four to five months.

The researchers found these people were particularly likely to develop diabetes, heart disease and kidney disease.  People can also experience complications after having the flu, but we’re seeing this more frequently with COVID-19, and the complications are more serious.

The UK’s Office for National Statistics has calculated about one in seven people who contract COVID-19 will experience persistent symptoms lasting at least 12 weeks.

They estimate nearly one million people are currently living with long COVID in the UK, and 40% of them have been living with the condition for over one year. Two-thirds report being adversely affected in their day-to-day activities as a result of long COVID, and 18% report they are limited a lot.

While children are very unlikely to die from COVID-19, the Office for National Statistics estimate 7-8% of children and adolescents who get infected will develop long COVID.

They estimate 10,000 children and 16,000 adolescents in the UK have been living with long COVID for at least 12 weeks.".

Þetta er hinn vondi valkosturinn og margfalt verri en afleiðingarnar af sprautunum.

Allavega ennþá.

Kveðja að austan.

[Þorsteinn Sch Thorsteinsson (IP-tala skráð) 11.12.2021 kl. 20:40]

"Omicron wants more vaccinated people!

The Danish Defense Agency issued a report yesterday on the spread of the omicron variety in the country. It draws attention that omicron is going to be more difficult on vaccinated than non-infected, out of 1280 cases, 1103 are vaccinated, 10.34% of those triple vaccinated.

In Denmark, the percentage of uninfected people is just over 17% but 13.83% of omicron infections, so it can be said that vaccines are more likely to infect and infect others. In fact, the numbers are a lot, because the omicron infection in this first wave is first and foremost among young people, but in that group most non-infected are also found and therefore it can be assumed that this looks even worse for vaccines. 18 have been hospitalized for omicron in Denmark (1.41%) but their vaccination status is not identified in the report.

The report can be found here: https://bit.ly/omicron-dk1

What made me download and read the report was this report about the issue on RÚV :

https://www.ruv.is/.../omikron-breidist-hratt-ut-i-danmorku

There, RÚV reveals itself yet again as a propaganda department of some hidden power, rather than a responsible newsroom that is supposed to serve the public interests.

PS: Statens Serum Institute's web system does not tolerate the add that Facebook puts on the link. To access the report you have to go to the URL area in the browser and delete from and with the question mark (? ).

PPS: Here is a Dropbox link to the report: https://bit.ly/omicron-dk3

[Sindri Karl Sigurðsson, 13.12.2021 kl. 22:59]

 Afhverju er ekki gefið út svona plagg á Íslandi? Ég skil ekki hverskonar endemis vanmætti vofir yfir heilbrigðiskerfinu. Hvar er fólkið sem á að sjá um upplýsingagjöf til pöpulsins?

Rétta upplýsingagjöf, ekki þessar tröllasögur til að skapa ótta, heldur haldgóðar einfaldar upplýsingar.