Flugfarþegi ósáttur við að komast í flug

Í frétt á Visir.is er sagt frá flugfarþega sem var ósáttur við að komast í flug. Já, ekki er öll vitleysan eins. Um leið er fréttaflutningur um hinn ósátta flugfarþega bara til þess fallinn að fæla enn fleiri frá flugferðum, minnka þar með eftirspurn og í kjölfarið framboð og minnka þannig líkurnar á að einhver sem vill komast í flug komist í flug.

En að öðru.

Tom Woods gaf nýlega út bók um veirutíma, COVID Charts CNN Forgot, og má sækja endurgjaldslaust á www.chartstheyforgot.com. Hún er ekki löng og vel þess virði að renna í gegnum því þar eru gögn, línurit og árekstrar fullyrðinga og raunveruleika sem fjölmiðlar snerta ekki með priki.

Dæmi:

Þessi sami Tom Woods tók nýlega viðtal við annan veirumótmælanda, Ivor Cummins, sem má hlusta á hérna. Þar kom mjög margt athyglisvert fram. Meðal annars taldi Cummins að ástæðan fyrir því að enginn talar um meðferðir gegn veiru sé sú að þá falla neyðarleyfi bólulyfjanna úr gildi. Neyðarleyfi megi bara gefa þegar engar aðrar leiðir eru í boði. Ef ódýr og vel þekkt lyf bíta á veiru þá er sú röksemd komin út í buskann og milljarðar ofan á milljarða af bóluefnapeningum farnir í súginn, og áhrifamikið fólk í vandræðum.

En á meðan flestir einblína á smit (sem leiða til lokana) og bóluefni (sem leiða ekki til opnana) og fréttir fjalla um flugfarþega sem eru ósáttir við að hafa komist í flug þá þarf raunveruleikinn aðeins að bíða. Kannski bara fram á vor.

Athugasemdir

[Vagn (IP-tala skráð) 28.3.2021 kl. 19:09]

Og ég sem hélt að covid væri víðar en í Bandaríkjunum og að ríki Bandaríkjanna væru 50 en ekki 5 og ekki öll suðurríki. En suðurríkin voru nokkur áberandi í því að fara helst ekki eftir einhverjum grímuskyldum, fjarlægðartakmörkunum og almennum sóttvörnum hvað sem þeirra stjórnvöld sögðu þeim að gera. En þarna í þessar forvitnilegu bók, þó fræðslugildið sé ekkert ef áhuginn er ekki á hvernig handvelja má dæmi til að sanna algert bull og búa til falsfréttir, er ekki að finna neitt línurit sem sýnir hvort fólk fór eftir því sem þeim var sagt og ráðlagt og helst ekki bornir saman sambærilegir hlutir. Típísk jörðin er flöt bók.

Samsæriskenningar mælskusnillinga fást á túkall bílhlassið, en eru ekki krónu virði. Og veruleikafirrtir geta vonað en þurfa líklega að bíða lengur en fram á vorið eftir raunveruleikanum þó flestir aðrir njóti samvista við hann daglega.

[Geir Ágústsson, 28.3.2021 kl. 20:17]

Vagn,

Er það þín tilgáta að grímunotkun, t.d. yfir 95% fylgni við grímuskyldu, hafi einhver áhrif á útbreiðslu smita og takmörkun dauðsfalla vegna veiru? 

Og ef svo er: Hvað er það við grímurnar sem þú telur að takmarki smit? Sé það eitthvað annað en bergmál fjölmiðlafulltrúa.