Fátækt börn eru alveg jafnklár og hvít börn

Joe Biden, verðandi forseti Bandaríkjanna, mun ekki sitja lengi í embætti. Hann er ekki heill í höfðinu og á bak við hann stendur fullt af fólki sem ætlar sér ekki að styðja við hann heldur ýta honum til hliðar við fyrsta tækifæri.

Það er heldur ekki þorandi að hafa forseta sem gleymir ítrekað á örfáum sekúndum hvað hann ætlaði að segja, veit ekki í hvaða bæ hann er staddur eða hvaða dagur vikunnar er, hreytir í þeldökkan mann að ef hann sé svo mikið sem að hugleiða að kjósa eitthvað annað en Demókrata-flokkinn þá sé viðkomandi ekki raunverulega þeldökkur, segir að fátæk börn séu alveg jafnklár og jafnhæfileikarík og hvít börn, kann ekki þekktustu línur stjórnarskrár Bandaríkjanna, kallar unga stelpu ljóta og þrekvaxinn karlmann feitan fyrir framan fullt af fólki, og svona mætti lengi telja.

Á þessi maður að setjast niður með Putín og ræða utanríkismál? 

Á þessi maður að hitta Merkel og tala um Nord Stream 2 gasleiðsluna?

Á þessi maður að sætta bandarískan almenning?

Trump sparar ekki stóryrðin en hann velur sín stóryrði. Biden missir þau út úr sér og snýst svo í hringi.

Ég spái því, og er jafnvel tilbúinn að leggja táknræna upphæð undir, að hann verði settur í helgan stein áður en árið 2021 er úti. Í hans stað stígur Kamala Harris, og hún er kona sem kann að sundra fólki og stuðla að deilum og jafnvel misnota völd sín.

"We choose truth over facts!" /Joe Biden

Vonandi nota nú bæði Demókratar og Repúblikanar tækifærið til að finna hæfileikafólk innan sinna raða. Af nægu er að taka hjá báðum.

Hverjir verða í ríkisstjórn Bidens?

Athugasemdir

[Halldór (IP-tala skráð) 24.11.2020 kl. 12:04]

Það kæmi ekki á óvart þó að kallinn endist út tímabilið, það er miklu auðveldara fyrir valdið bakvið tjöldin að stjórna honum heldur en Harris.

[Vagn (IP-tala skráð) 24.11.2020 kl. 13:08]

Það eru margir sem halda að fólk sem stamar sé eitthvað vitlaust, gleymið eða ekki heilt í höfðinu vegna þess að oft getur það ekki sagt orðið sem það ætlaði og þarf á augnabliki að finna orð sem það getur sagt. Og þá er hætta á mismæli eða að orðið passi ekki alveg. 

[Geir Ágústsson, 24.11.2020 kl. 14:29]

Halldór,

Það er áhugaverður punktur. Strengjabrúðuleikurinn? 

Vagn,

Finnst þér eitthvað skrýtið að menn komnir yfir sjötugt eigi erfitt með að halda þræði í hröðu umhverfi? Trump ver sig með því að grípa til staðlara setninga og grípa fram í. Biden einhvern veginn flækist á tungunni og sem sagt, segir hluti sem ráðgjafar hans þurfa svo að sópa yfir í framhaldinu (eins og að kalla unga stúlku "dog face" og vita ekki í hvaða bæ hann er staddur).

[Ásgrímur Hartmannsson, 24.11.2020 kl. 15:43]

Biden er með Alzheimer.  Það er augljóst.  Öll einkennin blasa við.  Svo hann verður bara við völd 2-3 tíma á dag fyrstu 18 mánuðina eða svo.

Hvað sem mönnum kann að finnast um manninn, þá er eitthvað drungalegt við að þurfa að horfa uppá mann vezlast upp af Alzheimer.

Sem betur fer eiga Repúblikanar þingið n+una, og geta þvælst fyrir öllu sem Kamölu dettur í hug.

Samt get ég ekki útilokað stríð við einhverja araba.

Í besta falli verður ástandið kyrrtsða.  Í verta falli orsakar maðurinn kreppu áður en hann zónar alveg út, sem breiðist út um heiminn.

[Geir Ágústsson, 24.11.2020 kl. 15:58]

Ásgrímur,

Það er eitthvað deilt um það hvers konar utanríkisstefnu hann muni reka. Sumir telja að hann eigi eftir að vilja mæta Rússum í Sýrlandi í meiri mæli, og að Kína fái líka að finna fyrir aukinni pressu.

Um leið skortir hann ekki útgjaldahugmyndirnar. Ég veit að verktakar "grænu" orkunnar bíða með dollaramerki í augunum eftir að hann taki við. Hann hefur svo lofað takmörkunum á vinnslu olíu og kola. Í Bandaríkjunum er stærsta kolanáma heims (https://en.wikipedia.org/wiki/North_Antelope_Rochelle_Mine). Kannski óttinn við að Biden muni loka henni hafi hvatt íbúa ríkisins, Wyoming, til að kjósa Trump með 70% atkvæða.

Skattahækkanir, eða tilraunir til slíkra, eru óumflýjanlegar. 

Ég veit svo ekki hvað hann ætlar að gera við peningaprentvélarnar. Þær snúast núna á methraða til að fjármagna skuldasöfnun Trumps. 

[Loncexter, 24.11.2020 kl. 16:54]

Nú er ég að spá í að bjóða mig fram til forseta eftir nokkur ár. Menn segja að ég sé alveg ga ga, en ég þekki mann sem kann að endurforrita kosningavélar, ha ha !

[Geir Ágústsson, 24.11.2020 kl. 18:49]

Loncexter,

Ég held að það sé mikilvægara að þekkja þá sem fylla út atkvæðaseðla í póstkosningu og krossa þar fyrir hönd látinna ættingja, meðal annars.