Toppurinn á ísjakanum

Kórónuveirufaraldurinn hefur orðið til þess að ofbeldi gegn konum hefur aukist úti um allan heim. Auðvitað olli faraldurinn engu slíku svo því sé haldið til haga. Yfirvöld innleiddu aðgerðir og það eru afleiðingar þeirra sem þjaka nú mannkynið.

Ofbeldi gegn konum er samt bara toppurinn á ísjakanum.

Á Íslandi þjáist ungt fólk af aukinni vanlíðan. Þetta kom fram strax í vor og ástandið hefur ekki batnað síðan. Biðlistar í heilbrigðiskerfinu eru að lengjast með tilheyrandi þjáningum. Atvinnuleysi í mörgum landshlutum er í tveggja stafa tölunni. Sjálfsvígum fjölgar og margir óttast að þar sé bara að fara bætast í. Löggan er farin að kíkja inn um gluggana á heimilum fólks í leit að unglingasamkvæmum. 

Úti í hinum stóra heimi blasa við enn hræðilegri afleiðingar aðgerða gegn veiru. Hungurdauði barna er kannski það dapurlegasta en listinn er miklu, miklu lengri. 

Í stað þess að einbeita sér að sóttvörnum þeirra sem eru viðkvæmir fyrir veiru er verið að eltast við hraust fólk á landamærum og í heimahúsum.

Út úr kófinu, takk!

Stóraukið ofbeldi gegn konum í faraldrinum

Athugasemdir

[Þorsteinn Siglaugsson, 23.11.2020 kl. 20:42]

Myndin er góð!

[Vagn (IP-tala skráð) 23.11.2020 kl. 21:41]

Fer þessum flaumi rangfærslna, bulls og vitleysu ekki að linna? Það er vandfundin ein setning hjá þér sem ekki inniheldur hreina þvælu eða miklar ýkjur. Þú ættir, í fullri alvöru, að leita þér aðstoðar. Þetta er langt frá því að geta talist eðlilegt.

Það ætti að létta þér brún værir þú eðlilegur, þó það lagi ekki einmannaleika þinn og stöðvi ekki heilahrörnunina, að hugsa til þess að sóttvarnaraðgerðir hafa fækkað dauðsföllum vegna annarra orsaka en covid svo mikið að 137 andlát vantar upp á að ná meðalári. Minnkað umferð og það er langt síðan færri hafa látist vegna umferðarslysa eða slasast í umferðinni. Dópsenan er hrunin, dauðsföll vegna ofneyslu horfin og nýliðun engin. Nóróveira, streptókokkar, gubbupestir og niðurgangur hefur nær horfið og jafnvel svifryk er minna og öndunarfærasjúklingar anda léttar. Unglingar eru að læra að vera sjálfstæðari og að taka ákvarðanir frekar en að láta mata sig hugsunarlaust sem áhugalitlir sauðir í hjörð sauða. Og fólk er farið að hugsa meira um heilsu sína og hvað skiptir það raunverulega máli. Foreldrar eru að kynnast börnum sínum sem þeir hafa varla mátt vera að því að yrða á frá fæðingarorlofi. Hjón og sambúðarfólk talar meira saman, eldar mat, æfir saman, skokkar úti saman, rómantíkin blómstrar og hjálpartæki ástarlífsins seljast eins og allir dagar séu Valentínusardagur. Það er því alger óþarfi og óvelkomið að leggja til að dauðsföllum verði fjölgað bara svo þér líði betur.

[Geir Ágústsson, 23.11.2020 kl. 22:15]

Vagn,

Ég hvet þig til að hafa samband við þá aðila sem ég tengi á í þessari færslu og úthúða þeim í stað þess að skjóta sendiboðann.

Vissulega þrífst hvíta millistéttin í ríkum samfélögum, að því marki sem hún finnur leiðir til að þrauka boð og bönn. Þú ert sennilega í þeim lukkulega minnihlutahópi. Blandaðu því samt ekki saman við raunveruleika flestra annarra.

[Vagn (IP-tala skráð) 23.11.2020 kl. 23:44]

Þegar sendiboðinn tekur skilaboðin og umorðar, breytir merkingu, bætir við frá eigin sjúka huga og almennt bullar eintóma heimsku með tengingar á fólk sem er að tala um allt aðra hluti þá má vel skjóta hann. Næst setur þú trúlega tengingu á veðurkort og kennir sóttvörnum um rok og rigningu. Flúðir þú í alvöru Ísland vegna þess að þú ert vitlausari en lambasparð og fékkst stöðugt að heyra það?

[Geir Ágústsson, 24.11.2020 kl. 05:58]

Vagn,

Ert þú með eitthvað erindi hérna? À vegum einhvers? Hvernig dettur þér í hug að halda að ítrekaðar personuárásir séu góð umræðutækni sem bara sí svona láta innlegg í opna opinbera umræðu hverfa?