Næsta veira

Óneitanlega finnst mér kaldhæðnislegt að menn séu að ræða byggingu 15000 manna áhorfendastúku þegar yfirvöld banna fleirum en 10 að hittast í einu og allar íþróttir sem fela í sér félagsskap bannaðar.

Því hvað gerist á næsta ári, eða því þarnæsta, eða því þarþarnæsta, þegar næsta nýja veira fer á stjá og fólk fær ekki að smitast af henni? Lokanir, samkomubönn, grímur, þvingaðar lokanir fyrirtækja (oft bótalaust) og ýmislegt fleira er nú orðið nokkuð sem yfirvöld leyfa sér að grípa til (að fyrirmynd kínversku kommúnistanna). Það eru nýmæli og um leið fordæmi. Fordæmi eru oft endurnýtt og jafnvel sett í lög.

Um leið er hughreystandi að það eigi að setja stórfé í nýjar áhorfendastúkur því þegar næsta veira fer á stjá þá standa þær tómar sem áminning um að stundum gerir hægri hönd hins opinbera eitthvað sem sú vinstri veit ekki af.

Viðræður um nýjan þjóðarleikvang

Athugasemdir

[Þorsteinn Siglaugsson, 10.11.2020 kl. 20:33]

Mér fannst athyglivert að heyra frá heilbrigðisráðherra í kvöldfréttum að "líklega" yrði fólk ekki skyldað í bólusetningu.

[Ragnhildur Kolka, 10.11.2020 kl. 21:29]

Kína hefur nú fengið blod pä tanden. Hver veit hvað þeir senda okkur næst? 

[Geir Ágústsson, 11.11.2020 kl. 08:30]

Þorsteinn,

Ætli þú fáir ekki val: Að verða bólusettur eða njóta skertra mannréttinda, svo sem ferðafrelsis. Mér skilst að í Danmörku sé verið að sjóða saman lög þar sem mun verða mögulegt að þvinga í fólk bólusetningu ef ekkert annað dugir. 

Og þegar hliðarafleiðingarnar lenda á þeim óheppnu þarf ríkið að greiða bætur fyrir að eyðileggja líf fólks:

https://www.ruv.is/frett/fengu-baetur-fra-rikinu-eftir-bolusetningu

Ragnhildur,

Kína já, en yfirvöld almennt, í öllum heiminum. Það hefði engum dottið í hug að á Íslandi gæti ríkisvaldið gert eftirfarandi:

- Lokað fyrirtækjum með reglugerðum (oft bótalaust)

- Skert ferðafrelsið

- Dæmt fólk í einangrun, einveru og atvinnuleysi

- Sett heilbrigt fólk, allt niður í lítil börn (t.d. 4 ára frænda minn sem vissulega "greindist" en hafði aldrei snefil af einkennum), í stofufangelsi

Út af veiru!

Og nú þegar svo fáir hafa fengið að smitast og mynda ónæmi meðal þeirra hrautari þá er miklu líklegra en ella að veiran muni komast til þeirra eldri og dánartíðnin vegna veiru verður því hærri en ella.

Glapræði.

Mikið er ég feginn að Brynjar Níelsen er nú að fara æða í þetta mál.

[Þorsteinn Siglaugsson, 11.11.2020 kl. 10:40]

Kannski endi með því að ekki verði annað að gera en flýja land. Hvert hægt verður að fara þarf svo að koma í ljós.

[Guðjón Bragi Benediktsson, 11.11.2020 kl. 11:12]

Áætlað er að Endurræsingin mikla fari fram á næsta ári og er ekkert leyndarmál. Guð forði því.  Bók Klaus Schwab, The Great Reset er í sölu á Amazon. Glóbalistarnir grípa gæsina þegar hún gefst. Plágan er og verður notuð til hins ítrasta í pólítískum tilgangi. "It is coming" segir Michael J Matt hjá TheRemnantVideo þar sem hann rekur aðkomu alþjóðastofnana og leiðtoga að endurræsingunni miklu. 

[Guðjón Bragi Benediktsson, 11.11.2020 kl. 11:20]

Já Alræðið er að herða tökin. Ég tók sérstaklega eftir tveimur fréttum í vikunni. Heilbrigðisráðherra mun leggja fram frumvarp um þvingaða lyfjagjöf og nauðungarvistun. Geðhjálp mjálmar eitthvað en enginn annar rumskar. - Minnir á eitthvað bak við Járntjaldið. Einnig fer lögreglan fram á að gögn um rafræn og símasamskipti verði geymd svo hún geti fengið aðgang að gögnunum því mikilvægt geti verið að vita hver hringdi í hvern á ákveðnu tímabili o.s.frv. Er ekki Austantjaldslykt af þessu? 

[Þorsteinn Siglaugsson, 11.11.2020 kl. 12:42]

Ertu búinn að kíkja á þessa bók? Ég var að kíkja aðeins á hana, og mér sýnist þetta vera svona dæmigert blabla, ósköp laust í reipunum.

[Guðjón Bragi Benediktsson, 11.11.2020 kl. 13:18]

Nei, ég hef ekki skoðað hana. Leiðtogarnir virðast vera með það á hreinu að nota þurfi tækifærið til að grænvæða allt í kjölfar covid. Myndbandið hans M J Matt hjá RemnantVideo "It is coming" sýnir klippur allra helstu leiðtoga hnattvæðingannar tala um endurræsinguna mikilvægu. Engin þjóð má skorast undan, annars er viðkomandi þjóð að stefna hnettinum í hættu mað annarri pest og gróðurhúsahamförum og alls konar heimsendalegum djöfulgangi sem bíður heimsins ef við notum ekki tækifærið sem felst í pestinni til að stilla saman strengi okkar og umbylta öllu t.d. iðnaði allt frá olíu til tæknigeirans.  Umfjöllun á forsíðu Moggans nýlega sýnir að Katrín er með á nótunum þar sem hún talar um grænar skattaívilnanir og mig minnir  milljarða grænar fjárfestingarnar  í kjölfar covid.  

[Benedikt Halldórsson, 11.11.2020 kl. 15:48]

Andinn í samfélaginu minnir mig á Austur Þýskaland. Var á fraktskipi. Mér fannst strax Pólverjar (1975) fínir. Þeir voru alls ekki hræddir við yfirvöld. Á leiðinni inn í höfnina (Gdynia) voru bátar með allskonar varning sem fylgdu okkur en þó var lóðs um borð sem lét sem hann sæi ekki siglandi kolaportin. Góðir vinnuvettlingar af bestu gerð kostaðu einn sígarettupakka. 

Í Þýskalandi (austur) sama ár, var "grímuskylda" af verstu sort. Við litla fraktskipið voru tveir hermenn með vélbyssu. Ég þurfti í eitt skipti að fara nokkra metra upp á bryggju til ná í járnstykki. Passport, passport, sagði hermaðurinn með vélbyssuna.  Ég benti á járnið sem var innan seilingar. Passport, passport endurtók hermaðurinn mjög ákveðið. Ég þurfti semsagt að fara niður í káetu og ná í vegabréfið. 

Fór inn á bensínstöð áðan og móttökurnar minntu mig á "grímuskylduna" í ófrjálsasta ríki Evrópu. Var rekinn út. Ég fékk mjög sterka ónotatilfinningu. Veiran er á niðurleið og ég er engin ógn, í það minnsta kosti þrjá metra frá næsta manni og líkurnar einn á móti trilljón að eitthvað heilsuspillandi gerist. 

Fólk er að breytast í hugsunarlaus vélmenni. Það er reginmunur þegar yfirvöld biðja fólk um eitthvað eða þegar starfsfólk verslana eru lögverðir fyrir ríkið. 

[Benedikt Halldórsson, 11.11.2020 kl. 17:37]

Þessi grímuskylda í boði ríkisins er æfing í hugsunarlausri hlýðni. 

Í myndinni Bananas eftir Woody Allen kenndi nýi einræðisherra "banana republic" þegna sína að hlýða með því að skylda þá til að skipta um nærföt á hverjum degi fyrir framan höllina. 

[Þorsteinn Siglaugsson, 11.11.2020 kl. 17:48]

Þetta er hárrétt Benedikt. Og þegar fólk er komið í þennan gír, að hlýðnin er æðsta dyggðin, þá er auðvelt fyrir óprúttna aðila að nýta sér það.

[Geir Ágústsson, 11.11.2020 kl. 20:13]

Ég verð nú bara að segja það, með svolitlu stolti, að athugasemdir við margar færslur á þessari síðu eru þær lærðustu sem ég sé nokkurs staðar. Takk!

Annars vil ég taka undir með þeim sem sjá hið slæma "fordæmi" vera að myndast á "fordæmalausum" tímum. Næstu veiru verður mætt með allri vitleysunni sem nú viðgengst, auk nýrra "fordæmalausra" aðgerða.

Hvenær springur almenningur?